重申多一次，唔明點解前線要留既請入，前線只會係以下三種情況下徹退。

推

認同

前線一定會覺得我地依啲人唔敢衝冇資格指指點點
我都覺嘅
但都希望你地都肯聽下我地嘅睇法

*已經係上個禮拜打落嘅睇法 有啲位可能唔update 請見諒*

我地要做既，係令差佬清場一次難過一次，唔係一次易過一次
👉🏻唔覺得有一次比一次難，只係示威者冇衝擊，就大家喺度磨一輪先，其實如果警察要武力清場，佢地隨時可以，依幾次都見到 佢地唔需要justification 就殺出嚟 示威者亦確實唔夠佢地揪
亦唔覺得早啲撤/快啲撤就係一定令佢地易咗 可以係令佢地想清場但冇得清 攞番成件事嘅決定權
我地想幾時走就幾時走 唔係要睇佢地頭

前線只會係以下三種情況下徹退
1)所有逃走路線已被包圍並無任何示威者設防線，前有追兵，後無退路
2)警方使用對人體造成永遠傷害武器 e.g. 實體/水炮車 etc
3)尾班車已經/即將開出 留守人數少於警方人數 被圍捕機會極大
👉🏻e.g 元朗嗰晚大約九點嗰啲時間示威者已經少過警方人數 但都仲有一班人留喺度行嚟行去唔知走唔走好
同埋其實當你身在其中好難清楚人數係點 可能到示威者人數明顯少過警察先會realize 除非係佢地預咗俾人圍捕
咁如果佢地唔想被圍捕咁點解要等到被圍捕風險極大先嚟走
除非有以上三種情況出現，唔係我地係唔撚會走既，
👉🏻如果依三個情況真係佢地最主要考慮嘅嘢 咁咪即係喺度同警察磨
次次磨咁耐 警察又有藉口推前防線 又有時間包抄 同埋啲人愈嚟愈散
留守 同警方對峙住意義不明 亦唔見有咩好處
一邊推另一邊就退一退 根本嗰幾粒鐘重點變咗幾時撤好 重點已經唔係本身嘅訴求 明白大家(尤其前線)好痛恨警察 但我地最大嘅敵人唔係啲警察 唔係要打贏警察咁
如果佢地真係exhaust咗 收手喇 咁又點
佢地輸咗 但我地都冇贏
雖然撤查黑警係訴求之一 但我地最主要目標係要表達要爭取五/七大訴求 唔係同警察開戰嘛 如果現場冇警察 我估絕大部分人都會撤咗. 如果咁講 其實大家只係同警察喺度磨 而且係influenced by 警察 佢地唔走我地唔散咁
其實係俾警察食住 睇佢地攻勢做人 顯得我地冇主導權
同埋其實依幾次大家最後都係有留力地走 對警察或者政府機關冇做成好大威脅 只係本來可能留七成力變咗留四成力
唔係純粹唔想有受傷 係唔想有無謂嘅受傷 冷血嘅政府唔會因為傷多幾個人動慈心
如果冇明確plan/唔夠人去衝 寧願撤啦唔係咩？立法會嗰次係目標行動鮮明. 係有好多人鬧 但同一陣線嘅都冇乜人割𥱊 因為明你地做咩 但愈嚟愈多反送中嘅人唔明前線做嘅嘢 咁參與程度就會少咗(conclude from喺公司喺屋企聽到嘅嘢) 變咗食花生mode
雖然唔係話要client oriented咁做嘢 但just as梁天琦講 民意好重要而有啲行為的確會失民心又唔見得有咩意義 例如丟雜物 其實對警察威脅有限但佢地又可以攞嚟講 話示威者暴力 啲淺藍淺黃(本身對啲訴求感受唔強烈 聚焦示威行動嗰啲)睇見會覺得純粹喺度洩憤

唔想騎劫前線 所以先想了解你地係點諗 但如果樓主所講真係你地大部分嘅諗法 我就覺得要思考下依個方向依個策略係咪暫時最好

如果各位手足覺得有啲諗法可取 又有相熟前線 同佢地溝通下啦
都係想件事好

推

點解今晚咁多人叫散水

poly 撤退未？

曱甴都比你殺哂