重申多一次，唔明點解前線要留既請入，前線只會係以下三種情況下徹退。

如果呢個時候啲市民仲覺得自己係無辜既，咁佢絕對唔係無辜既。
因為沉默只係企係當權者個邊。

大家都係為香港
大家都係擔心前線

香港經濟已經受到打擊。政府都要驚！！！

推

push

琴晚就係死守令差佬難清場所以衰咗...

每次任務要有適當目的，呢個係唔係一個適當目標？
如果仲係，就要做到情況不利時爽快轉場，控制減少受傷同被捕嘅風險，同時又一直清唔完。否則要搵到有意義嘅目的先衝。

其實“三種情況下徹退”都係爲咗控制受傷同被捕嘅風險，但有時可能留守冇意義或影響太大 都要撤或轉場。

關於目標：
[前線心態調整] 我係勇武，我覺得衝，都要目標導向，Mission/Goal/Objective-Oriented
https://lih.kg/1378355
[置頂 穩軍心]作為前線 我有個好大既疑問
https://lih.kg/1380653

最好撤退時機，一定係你未想撤既時候。
就好似你食飯，食到7成飽就應該停，唔係食到胃出血先被動停。

支持前線決定
前線最好有哨兵提早睇水，已犧牲好多同伴

不如你睇下一個夢遊病人講乜？

［前線心聲+賽後檢討］我係其中一名728發夢既手足，麻煩大家入一入黎
https://lih.kg/1379783

咩叫情況不利？
如果夠人多
對家係唔會亦都唔敢瘋狂使用武力鎮壓你地
就係因為係咁叫走
搞到無論中後線都愈來愈少人
冇人backup到前線
先搞到對家有機可乘係咁追捕你

明白有好多人都會驚
呢個恐懼係要慢慢克服
克服唔到都冇問題
做返你自己認為岩既崗位就可以

保重呀師兄，長路漫漫

hit and run，更有效！唔代表走，係不停轉場再轉場地，佢哋係一個地方佈嗮防，轉場佢哋跟唔切，可以去打擊鄉黑建制，更少傷亡更有效

我地要做嘅係喚醒仲沉睡嘅港豬，爭取更多支持者，特別係一直幫政府做野嘅人!同時令國際關注香港，咁樣先可以團結一致，進行大規模嘅不合作運動同罷工!去影響經濟，俾壓力政府。無論你衝定係留，你係勇武定係和理非，唔好俾人拉，拉左就咩都做唔到，唔好話有晒心理準備，真係拉左嗰刻，你同愛你嘅人都承受唔到。完全唔認為發夢嗰陣前線可以掌握以下三種情況而撤：
1. 前線只會係以下三種情況下徹退
第一點：：所有逃走路線已被包圍並無任何示威者設防線，前有追兵，後無退路
你都識講所有逃生路線已包圍啦，到包圍晒時仲點走到呀！仲話前有追兵，後冇退路，去過發夢嘅都知設防線有時都係為左拖時間保護後面嘅人，唔止係為左向前攻囉! 721喺上環進進退退就知啦！喺現場根本冇辦法令全場嘅人都掌握到準確嘅訊息，到前線要走時，你地又塞晒喺後面，仲慢吞吞咁行，最後咪又係前線班手足走唔切俾狗咬囉！
2)警方使用對人體造成永遠傷害武器 e.g. 實體/水炮車 etc
如果係咁，由612開始，應該冇一次係可以撤啦！你唔代表俾人打嗰個人呀，警棍照頭打落黎，你冇永遠傷害呀？爆晒缸你去頂呀！最慘係唔敢去睇醫生呀！到出左真槍，你仲走到咩？你走得快過子彈？
3)尾班車已經/即將開出 留守人數少於警方人數 被圍捕機會極大
依家港鐵隨時話停就停，仲講咩尾班車，留守人數只係一個參考，唔係唯一標準囉，人地一個頂你十個啦，黑警人少時次次都退等支援同遠攻架，一個黑警一個催淚彈一個布袋彈，你就算有十個人又頂到幾耐呀？

除非有以上三種情況出現？真係唔好白痴啦，現場仲有好多情況，你依家講嘅係例子而唔係原則，係咩原則下大家要撤，唔係你講晒，係大家一齊討論。

最燃憎自以為講埋D野又唔使負責任，咩人都屌，係唔屌班黑警同個政府，後面冇上過前線嘅，真係以為你講嘅係事實，成日話今次走左就冇一次，只要仲有人，仲未死，仲未俾人拉，就仲有下一次!真正沒有下一次嗰日！！就係你俾人拉左嗰日!!

雖然你係P牌
但我好同意
特別係今日睇完天琦封信 仲有頭先劉細良篇文
都令我有少少反思
講番3個散水原則
1) 同 3) 其實有少少難界定 前線可能會覺得未係人少 唔走 結果前線因為咁而有機會錯估形勢 大家係為左陪伴"前線"而留低 而唔係好實在為左一個原因去留

"我地要做既，係令差佬清場一次難過一次，唔係一次易過一次"
事實上 如果話一次難過一次 其實只係會令班狗一次又一次咁升級武力 元朗 上環就係好例子 上環清場係難呀 但係佢地開左好多槍 我地食左好多煙 前線比人拉左好多 "一次難過一次" 好似變左我地一次難過一次全身而退咁

我諗 其實所謂"難" 目標又係咩呢? 狗一定唔會棄攻 唔會由你佔全晚 一定會係你人少既時候一舉拉/打 結果就係我地永遠都achieve唔到"難清場"依個位 心理上就好似尻留咁

多謝你，我係P牌，忍左好耐先敢講，因為尼度有風氣係覺得P牌係鬼，但係我唔講真係過唔到自己，唔好成日用一個標準去睇件事，發夢都一樣。

我完全同意你嘅講法。

早兩日出呢個post, 尋日即刻一堆人拉咗.

簡單講，70%危險可以走，點解要留到90%危險性先走？俾人捉咗，以後都唔使玩，當年旺角就係咁樣，捉一批，就清靜咗幾年.

令警察一次難過一次係好難嘅，黑警玩咗咁多次都有增加經驗，唔好當佢哋留，次次靜落嚟嘅時候就係佢哋部署嘅好時機，佢哋唔係驚，只係等緊order點行動點包圍，其實示威只會一次比一次難，所以應該要更加小心，千祈咪紅上了眼，示威者拎嘅係鑊蓋，係浮水板，仲有係射過去都唔痛嘅鐵珠，係冇力嘅箭，冇見過一樣嘢有殺傷力，點玩？尋晚天橋掉嘢落去我先覺得大家成長了！

總結：唔係好夠人都唔好玩落去，見到白白送頭真係好氣憤，寫定遺書都唔好咁浪費，抗爭仲有好多嘢可以做！

掉番轉思考，班狗諗緊乜嘢？你就會諗到啲嘢，佢哋一定係覺得最好你哋全部都唔好走，可以拉哂你哋，如果次次都拉唔到，個個星期或隔個星期來玩，肯定激鳩死，戴住個防毒面具拎咁多裝備玩咁耐，個個都覺得係非常折磨嘅一件事，亦都係佢哋暴燥嘅原因，令佢哋暴燥、出錯，係其中一個目的。

做每樣嘢都要有目的，諗下企係度個目的係乜嘢，死企係度做唔到咩目的，黑警過暴已經全世界都知，係時候要變下玩法。

我係冷氣，我一家大細有老有嫩我一個養，但我都做咗好多嘢，個人愈來愈唔開心，政府聯同黑社會係最黑暗，共狗真係好仆街！

每個人都有自己限制，各自在自己位置上抗爭!

Push

推 不分化

前線決定👍🏻

唔係想分化，但我認為樓主有d觀念係錯左

例如你話要令差佬清場一次難過一次，
唔係一次易過一次 呢點，
但係對差佬黎講，佢要清場，
對住一班人留守同一個地方，相比be water集體突然轉場，
佢清得更容易

另一個觀念係好多認為走 = 返屋企
其實唔係
只係提倡叫你地唔好留喺同一個地方，要識得轉場
轉場 = /= 走 同 返屋企，亦都唔等於叫你地留力等下次┌

係同一次，但轉場，而且轉場前一樣會玩兩野先走
咁樣更加先消耗到佢地

而好多前線因為喺現場情緒太高漲或者燥底

任何人叫走，或者只係叫be water 轉場，
佢地當一刻都聽唔入耳，
一律視為係叫人返屋企 等下次，誤會左，
有d人其實只係想叫你地唔需要死守喺同一點