跑馬地紙盒藏屍案, 好想知真相（2）

心理質素好高，啫係好冷靜，咁已經證明佢係capable可以喺短時間做咁多嘢/講大話/死口唔認

心理質素高嘅殺人犯…好恐怖

係，當時都幾人心惶惶，父母正常唔會比D仔女出夜街，特別係女

女死者本身乖乖女，要幫屋企所以轉讀夜校。其實都幾慘，如果繼續喺新法度讀就好lu

有樣野想知但見冇咩人提過
如果兇手係現場燒恥毛 工場有冇燒桿器發現過？ 現場傳聞話搵到頭髮 但冇聽過係現場搵到燒焦的恥毛 一黎我相信如果警方要造佢 現場搵到燒招恥毛比任何一招都有力
二黎兇手燒恥毛仲易留證據 呢一下真係好刻意去做出黎

點解要刻意話比人知係變態佬做？
除左真係變態 仲有咩原因？如果真兇真係唔係歐陽
成日會諗兇手係個女性想轉移視線 一個好恐佈的女人

有辣雞
燒閪毛未必會甩出嚟

咁父母擔心仔女 會驚都好正常
但男人老狗驚咩？
同埋貝亞講呢d野的時候已經認定左佢係兇手 而唔係查證佢係咪兇手
然後話佢唔驚 冇理就斷定佢係高智力罪犯係咪合理？
佢有冇考慮過被告冇做過所以唔驚呢個可能性？

岩岩睇返d報導
上個post有巴打好似話當年去閣樓的警員編號係5127定唔知5xxx？
但呢篇又話1725
“直至綽號「二五仔」的同組探員（因其編號1725）”
https://hk.news.appledaily.com/local/daily/article/20020915/2832183
而且仲有“二五仔”呢個獨特的綽號support
反映當年的報導好可能出錯？

咁我都同意冇咁易甩
只係警方要造佢 一條燒過恥毛已經ko佢
即係警方未必係造佢 有用心去查
二黎兇手咁做係另有目的 唔係銷毀證據

單案有一點都好想知
電話雜音係點黎？
雜音又冇講係咩聲 電話收唔好的聲 人聲 車聲？ 警方又話去到閣樓好靜

諗諗下你會唔會係循環論證緊？

你：特別係貝亞起佢底時已經發現佢係高智力人物，要做呢D真係唔難
只能講，假設真係佢做，以佢頭腦咁精密，完全有可能消滅晒D危險嘅證據，佢亦都成功咁做到

我：有咩證據顯示佢係高智力人物？

你：貝亞自己講，wiki都有寫，有篇新聞話點樣用刑佢都好忍得，同埋做過好多嘢嚇鳩佢，佢都完全唔驚

似乎成個論證的前提係佢真係兇手？

想知點解唔接納看更既口供
如果真係12點先返到去，佢10點收工，執野埋數落閘，加上果時交通唔方便，減埋車程佢仲有幾多時間？
紙盒既出現時間係幾時？如果12點前都冇人見過個紙盒，咁佢係咪有不在場証據？

冇錯 紙盒出現時間係關鍵位 可惜只有清潔工發現已經係最早發現紙盒的時間 我諗發現一樣野比冇發現一樣野更易考證同察覺

我覺得係因為法官唔信看更的證供(廢話 )
單案12月17日先發生
因為警方拘捕起訴佢的時候係3月
即係看更的口供係過左3個月之後先落
看更會唔會記得3個月前案發前嗰日被告的回家時間？

我冇上嚟呢幾粒鐘
就係睇晒呢套嘢
呢套嘢係搞笑同講人性陰暗面
唔係講呢單case，純粹提下個名
三點巴打feel唔feel到討論得好吃力
要搵真相就係咁
面對同你睇法唔同嘅人
連環拳咁攻擊
有時講下講下就算假都會變真
btw, 上面真係傾得好快

我純粹企喺辯方的角度提出疑點
冇諗過搵真相
亦都冇諗過會搵到真相
因為當年不確定的因素太多
例如警隊的質素極低
鑑證技術水平有限 又冇咁多閉路電視
兇手想逍遙法外係好容易的事
警隊要偽造證據都係好容易的事
所以我只係得閒冇野做先黎吹下水

巴打，講咗咁多頁
你而家先發覺？
我尋晚已經講咗
有某啲人係已有固定立場
不過，討論就係咁
無論有冇立場，都要接受
只能講句辛苦晒你

你清楚自己定位就OK
你哋慢慢討論
我再搵下有冇當年嘅判決書

係
可能唔係我親身同佢講所以發覺唔到
同埋我發覺討論方向由“被告係唔係兇手”變成“兇手點解會咁做”

最緊要清楚自己定位
一場討論入面，有個creative嘅對手
係好難得，你哋互相可以brainstorm到對方

可能看更返通宵成日訓覺，被人投訴到個底花晒。法庭咪判不可信囉。

最有心搵真相果個 我知你好沉醉係呢單案 比個讚你
但件事過左咁耐 好多所謂真同假  呢刻你點去界定同證實呢？
就算係一篇報導 你都界定唔到有邊啲內容係真 邊啲內容係假 不要太高估自己能力
呢個壇冇人有能力搵到個真相
好多人係到已經好主觀咁認定左自己個論點同睇法係一定岩 但又要扮到好客觀去睇一件事   心裏面已經有答案 又點解要去同人傾真相 ？目的係為左說服人自己果一套係岩，自己果一套最接近真相    定係真係有心去搵個所謂真相呢？我之前都講過 當你 要合理化一件事一定會諗到原因去解釋 要刻意係兩個人之間搵共通處係唔難 果d共通點就係我地所講的巧合 因為你會係一萬個事實入面只搵出對你有意思既著眼點 無視其餘事實

討論都係相似 當你要搵地方支持自己個論點 就無視其他著眼點 無視其餘事實  即係有人話唔覺歐陽係兇手就係無腦 呢種人一定會講類似說話  當存有呢種諗法去睇一件事 係永遠搵唔到所謂真相

巴打都有clear mind
我只係純粹擅長上網搵下料
能夠接近到真相固然係好
但唔係件件案都一定可以有真相
某程度其實都同意上個post尾一啲睇淡嘅人
因為有時越接近真相
越發覺現實嘅黑暗面
搵奇案case資料其實都唔係第一次
藍可兒嗰次都以為自己差啲搵到真相

https://www.google.com/amp/s/hk.thenewslens.com/amparticle/88473
可能唔係太關事 但都想分享下
但都有小小共通點
第一次接觸係睇零距離科學
https://m.youtube.com/watch?v=3Yue3XzEki4
5：00開始

我諗你可能會知道 或者有興趣睇下

睇左少少 有時間再睇埋落去

個實驗嘅影像，其實係完整咁傳遞咗
但係若果事前接收到指示
咁就會將影像嘅某部份集中分析
但其實其他部份都同樣存在係腦
只係暫時放埋一邊
話完全見唔到其他部份嘅人
只係佢哋未能將呢啲隱藏咗嘅訊息
拎返出嚟
影片入面個計劃，應該係嘗試通過訓練
提高集中力，令被隱藏嘅訊息變得更唔明顯

美國曾經試過係每秒25格嘅影片
當中插入一格廣告
測試睇影片嘅人
會唔會潛移默化咁去買廣告嘅產品
算係一種半精神科半心理學嘅實驗
心理學有理論係關於
潛意識會留意呢啲隱藏訊息

你啱，我傾傾下都冇咗重點