跑馬地紙盒藏屍案, 好想知真相（2）

技工嗰邊，我覺得相當可疑

如果你話係技工做 佢可以係係6點半左右捉走卞 7點至9點殺左佢

殺左卞技工唔再掂條屍 等歐陽收工時間後 半夜將條屍搬去工場處理 目的係嫁禍比歐陽


我都係偏向相信歐陽係兇手

棄屍喺寵物店門口等人以為係動物屍體真係合理?

寵物店平時點處理屍體?
如果用開膠袋,今次咁特別用紙盒,我係清潔工都會望下入面係咩
當真係用開紙盒,用電視機紙盒唔會好怪?

一個成年人當佢100磅,除非間寵物店係賣大型動物,唔係好難說服人入面係動物屍體

不如話係冇辦法之中既辦法
先按法庭講法假設死者係工場死, 無論係邊個殺, 兇手都必須要棄屍, 否則將條屍放過夜, 第二日有人返工都係死路一條
咁棄去邊?
兇手冇車, 附近冇海
咁行得遠d?
除左被目擊風險大大提高, 仲有紙箱底磨爛既風險, 如果爛左, 成條屍會就咁跌係街度
兇手既選擇可以話只有最近既一個常被棄置垃圾既地方

其實都追晒post
應該岩既野係
1. 死者死亡時間係18:30 - 21:30
2. 死者曾經出現過係工場

如果歐陽唔係真兇, 應該係以下可能性
Case a. 死者上去閣樓打電話比朋友, 打完即比某人殺死 or 收藏住 - 時間應該係18:30

Case b.死者係附近餐廳or其他地方打電話比朋友, 打完即比某人殺死, 收藏住 or 去左第2地方 (包括有可能係工場), 最後條屍曾經到過工場

Case a: 會係技工殺, 之前都有ching講過details
Case b: 要咁樣拎返條屍去返工場, 相信都有一定難度, 如果冇難度, 兇手就唔會將紙箱放係門口對出少少

所以應該得返Case a係比較合理, 死者朋友話電話聽到嘈既聲音, 可能工場 or 雪糕店開左電台聽, 感覺可能比較似街 or 背景比較嘈

不過結論邊個做都好, 唔會有人知答案

個人偏向覺得死者到咗跑馬地電車站附近雪糕店6:30先借電話打出，
約同學喺跑馬地電車站交收係唔合常理
如果咁講歐陽生喺嗰段時間係喺雪糕店由5:45起返緊工
而6:30後離開雪糕店（因據稱只有佢一人當值），
或者死者6:30打電話後再依個人意願去雪糕店（應該去電車站搵同學）都顯得不合理
唯一可以拗係死者遲大到，而同學等得耐已經走咗
死者再去雪糕店借電話搵同學
（但既然明知會遲大到點解唔直接約喺夜校？
根本無明確目的要喺打電話約同學前去跑馬地）

點解盒帶唔係夜校時交收, 而一定要早少少交收?

唔多明

That's the point
死者明明可以喺夜校先同同學交收
如果自己遲大到的話(參考#557關於6:30電話嗰段)
根本直接7點約銅鑼灣夜校交收就可以
頂多打個電話叫佢記得帶
完全無必要去跑馬地嘅理由

陳彬彬唔係讀死者的夜校
佢地只係以前學校的同學

巴打有冇辦法搵到重審嘅法庭紀錄
或者最後樞密院嘅回覆？
我哋唔係司法界，又唔係讀law
呢類咁敏感嘅資料比較難搵
巴打係律師，應該可以access到
當係做case study
我相信High Court Library會有齊晒
因為上面兩份judgment都係靠
律政署嘅資料輸入員搬入去資料庫
好多其他case嘅源文件都冇
應該係人手唔夠未搬得晒

High Court Library嘅應該係源文件嘅
photocopy，可能係圖片或PDF檔
但呢個Library唔係公開俾公眾
https://www.judiciary.hk/jud/library/en/access_to_library.htm

明白。
但仍然會有到咗跑馬地先打出電話約陳彬彬出嚟嘅疑問

路經跑馬地
知道陳彬彬住附近
所以叫佢出黎還？

但好難解釋點解死者冇掙扎的痕跡
唔係指被“辣”死時反抗的痕跡
而係指被捉走時反抗的㾗跡
或者被禁固的痕跡

會唔會係下午一兩點同細佬食飯
到五點去完落廣告，再係跑馬地食tea
我仍然好相信打俾陳彬彬個電話
有好大機會係食肆打出
而且，間食肆距離電車站好近
而跟據死者係電話裡面講
話有人要借錄音帶，而要求陳彬彬
即時交還，好明顯一直唔追還
係因為冇人問佢借
而突然追還，係因為問佢借條友
可能係隔離，或其同佢食緊tea

以前約人，好多時之前已經講定幾時搵，到左附近再搵電話講人講到左

再加上死者有遲到習慣，陳叫佢到左打俾佢，佢先落樓唔出奇

未必
可能係準備聽日借比其他人姐

因為佢同陳彬彬已經唔同學校
死者係新法轉校去讀達成夜校

但根據返上面堆舊資料參考
6:30個電話係約陳彬彬提出交收錄音帶
所以個6:30個電話係喺電車站附近嘅雪糕店打出係不合理
而陳彬彬6:40左右係已到電車站等但唔見人
有理由相信陳當時並無要求死者到咗先打俾佢
否則唔會6:40就落咗去電車站先，
因為落咗去根本唔會搵到佢

我推測
第一個電話，可能係食肆
死者食完嘢出返嚟，行到電車站
再打算去安美借電話打
但未打已經出事

咁又係，約五分鐘後
其實都唔洗再搵電話打
除非等過十或十五分鐘都唔見人
先會再打電話

其實呈交比法庭的鑑證報告係點做？
例如警方曾經喺工場用吸塵機調查工場(有冇吸埋雪糕店？)
報告需唔需要指出工場搵到d咩？
例如話搵到銅碎 銀碎 金碎 紙碎 膠碎 油漆碎 西裝纖維 工人服纖維 棉纖維 羊毛纖維 頭髮
而當中同死者身上的銅碎 膠碎 死者頭髮吻合
所以工場係案發地點

定係只需要話死者身上發現的碎屑 頭髮
工場入面都搵到就得？

講開又講，1979套劇話歐陽中意聽收音機，跟蹤咗佢咁耐就開足咁耐部機，返工都會聽住，會唔會嘈雜聲就係收音機？

同埋有冇文件講呢樣嘢？

佢7點要返學，6半仲約緊人交收
時間趕急要快都合理
或者佢真係覺得有危險

陳彬彬住喺山光道