跑馬地紙盒藏屍案, 好想知真相（2）

跑馬地紙盒藏屍案，是一宗於1974年12月17日早上揭發的謀殺案件，在香港曾轟動一時。死者卞玉英被發現祼屍在跑馬地一電視機紙盒。被告歐陽炳強二十多年一直自稱無辜，1975年11月被裁定謀殺罪名成立，按例判處死刑，但由於英國已廢除死刑，因此當時港督特赦為囚禁終身直到終老獄中。90年代初由於法例修改，終身監禁犯可有條件假釋，歐陽炳強終於在1997年承認並申請假釋，終於在入獄28年後的2002年獲假釋出獄。

當時控方論據如下:
1. 紙箱太重太大而且無損壞，因此應沒被運輸過，死者是就近被棄屍。
2. 死者指甲中的纖維與歐陽炳強查獲的西裝上衣上的纖維相同。
3. 死者身上及歐陽家中查獲的一件衣服上均發現相同但不知來源的綠色纖維各兩條。
4. 死者頭髮上發現的銅碎與工場內發現的相同，手臂上粘有的紙片與工場內所發現另一紙片同類。
5. 工場內發現死者毛髮。
6. 歐陽炳強是當晚唯一當值人並有鎖匙。
7. 有二個品格證人證明歐陽炳強有變態行為。 <<有無人知係咩行為？？

辯方理據

該案疑點太多，直到今日仍被很多人認作冤案：
1. 警方僅集中調查歐陽炳強一人，對被告不公。
2. 歐陽炳強夫妻恩愛、有一女，妻子懷孕；任職政府文員，職業穩定；與受害人不相識，找不到確切的殺人動機。
3. 受害人死亡時間一改再改，似為為遷就案發可能。
4. 紙盒上的指紋不是歐陽炳強的。
5. 當日卞玉英的夜校簽到簿碰巧不翼而飛，無法知道她有沒有上課。
6. 案發地點找不到卞玉英的指紋，也找不到卞玉英的隨身物品。
7. 沒有證據證明死者身上發現的269條纖維中與歐陽炳強衣服吻合的7條纖維，是由歐陽的衣服而來的。
8. 品格證人口供可疑，並且與親無關。
9. 證人陳彬彬收到的電話背景噪雜，但安美閣樓清靜。

想回返⋯巴打呀
歐唔知自己會俾科學鑑證調查所以照擺件衫喺屋企都好似講唔通，呢層要請教犯罪心理學嘅人
正常人有犯案應該都會驚查到自己，所以會消滅證據，但歐反而相反擺件對控方咁有利嘅證物喺屋企？

跑馬地紙盒藏屍案, 好想知真相
https://lih.kg/952474
- 分享自 LIHKG 討論區

（1）有圖文大量分析

換個講法
佢知唔知有科學鑑證？

好似米水比巴打咁講，極其量證明到佢地係見過面接觸過。
就當佢知有科學鑑證，如果只係普通接觸過，歐無需要消滅左件衫，照咁推測，佢好似平常咁擺件衫喺屋企就好正常。
就當佢唔知，可能就真係人地講到佢係個好冷靜嘅殺人犯，所以做左都覺得冇做
同埋事實上，佢第二日係照常返工，警方扮死者打俾佢佢都冇特別。
1. 歐真係咩都唔知做左替死鬼
2. 人格異常嘅變態殺人犯

新post留隻爪先

留名
但唔覺大家盲摸摸道聽途說會有乜野新嘅獨到分析或者突破走到出黎
上個post都係複述加無限ff

當年光頭神探話個箱拖行左而冇痕跡,係因為有繩綁住個箱,條片有講可以睇睇下
https://www.youtube.com/watch?v=GcaXAwVBwCQ

建議聽吓翁靜晶個channel
https://youtu.be/KPOKaKKu5C0

呢個岩岩手多search吓發現睇到片中飾演歐陽嘅江華同個女仔案發前接觸過同我推測嘅好類近
https://youtu.be/G10fAzfe7j4

嗰件係西裝，好貴
同埋佢應該估唔到會科學鑑證搵返出嚟
普通衫就一定會掉

死者咪全裸+身外物品冇晒嘅
貝亞就推測話歐陽一路返屋企一路沿途逐D掉咗去
---
off topic
至於有人話咩死都唔認
唉個女仔真係好冇陰公
咁樣死法
個兇手真係死3次都唔夠
太撚陰質
我係兇手都死都唔認
一D關鍵佐證都冇 點會認？
同埋認咗就衰硬
唔認都仲有得上訴同話自己係冤獄
我一定唔會認
佢認撚咗誤殺 坐幾年出返嚟
我諗死者屋企一定會隊撚死佢

但佢連誤殺都唔認，係之後想自由出返嚟先格硬認
同埋著上個post有問你知唔知個工場係咪有兩個出入口，翁靜晶個channel話要去橫巷先見到個工場，咁咪有兩個出入口

“貝亞就推測話歐陽一路返屋企一路沿途逐D掉咗去”
呢個推測有咩根據？
點解係逐d而唔係一次過？

一次過掉好容易搵到
逐d逐d嘅話唔會咁容易聯想到同案件有關

冇搜過附近的垃圾桶？
我反而覺得一次過掉風險會低d
因為搵到就搵到 搵唔到就搵唔到
唔會搵到一件又搵唔到另一件
分開掉加能會令警方追蹤到掉垃圾的路線
不過其實我都係9up冇根據

另外消失的乳頭究竟去左邊？
點用佢要割？
割完其實可以掉返落個盒到
但係佢冇咁做
如果佢係鍾意收集呢d
咁警察應該會搵到？

我諗當時應該有搜過附近嘅垃圾桶，
可能歐陽坐電車返屋企途中掉（我都係估估下）
警察冇將搜索範圍放大所以搵唔到
所以完全冇辦法追蹤到路線
等佢哋放大搜索範圍嘅時候已經送去堆填區
我反而覺得佢單純銷毀指模咬痕跡先切乳頭
可能同其他物品一齊掉左都唔定
我覺得兇手冇收集性器官的習慣

我個人偏向覺得兇手冇諗過可以科學鑑證

如果切乳頭係為左消滅口痕
咁燒陰毛係為左咩呢？

如果個兩個女工口供係可信嘅
而件事又真係歐陽做嘅話
燒陰毛應該係興趣

所以個紙箱上面有留低指模，但個指模唔係歐陽，如果當時用科學鑑證定罪，點解又會搵唔到留低指模嘅人

有冇調查過送貨的人或者買家？

真係好奇怪
就算抹指模照理應該會完全冇指模
但係其他環境證供對歐陽真係好不利

咁佢為咩殺人？
殺人只係為切乳頭 燒陰毛好似有d跨張唔合理
同埋如果佢的興趣係搵煙頭辣人 或者燒人
身體應該會出現更多損傷？

有冇資料提及過死者的陰毛燒成點？
係輕輕燒一下 定係燒好耐？

所以如果嗰陣應該因為太大單又冇確實證據去搵真兇，所以就搵左指向性最大嘅歐陽出嚟判罪，佢有冇做過，我睇晒啲資料都係覺得55波

一直都覺得佢好慘被屈，但睇完呢個post就改變諗法。
如果佢真係有做的話，咁多年口口聲聲喊哂話無做過真係好恐怖。。真係唔驚個女仔跟佢一世