保險問題 理性討論 佛系你問我答(6) 又到聖誕

有，直接去搵保監局話佢唔肯畀written reply口講口賠，唔係公平待客。

EasyCover 應該係

佢有20年去揀

但係50歲正常應該係屬於最夾心喎

好運嘅老竇老母仲未走，小朋友應該正常都仲未出到身，又或者好運嘅都仲係啱啱好讀緊大學，所以你話60減我都覺得合理

50嘅話都仲係個最需要錢嘅年紀，特別係而家呢個歲數買落去嘅頂多咪都係100左右 200封頂嘅，正常人買法，如果本身係高收入嘅冇3 400都唔夠用嘅，如果唔係佔個收入部份都唔會太多嘅。

你呢個係用個需求法去計出嚟，通常最簡單直接就係用個收入去計就會預多好過預少，不過真係好少話危疾減落去，人壽每年遞減嗰隻反而市場比較大，因為本身買個額比較大減落去減落去嘅保費就比較顯著啲，但如果你本身係買100你減落去60同埋減落去50，當真係用唔着咁多都好，到手嘅時候都係唔太夠用

唔明點解有life CI仲要買人壽，本身無病痛嘅話死咗都有得賠返個額

因為個槓桿效率爭得太遠

人壽，如果講緊Term嘅話，係可以做到1:10-20嘅效果，但係如果危疾嘅話最多都係1:3-4

爭太遠了，我買4,000,000人壽，20年一樣保費，都係講緊兩千零蚊，20年之後再續保我用我而家呢一刻去睇都係貴一倍啫

就係最擔心50-60打後中招 果時應該最要錢
但50時保費都成18000
63打後成5皮一年
10年續保話
有冇咩好見意打算買150至200萬

60打後就算喇。仲醫咁好做咩。排公立咪算囉

人在英國 公司冇醫療保
成日擔心生cancer或者係外國旅行撞車咁
想問應該揀英國定香港既保險好
如果包全球同間唔中可以俾你做身體檢查就更好
係咪最好揀冇墊底費個D

同埋想問正常老豆老母年過60係咪都唔洗買保險?
見D人話年紀大就有事先去睇

調轉曬

你係UK就買當地醫保啦，要claim錢都係去返你嗰邊個account

墊底費豐儉由人

兩老身體點先，年紀越大越多機會要睇醫生喎，跟得密d 先容易生存耐d

60歲up 公立排得嚟都應該病到就收皮
依家有能力咪買多個保障囉

我都係咁諗。啲錢谷晒去醫保度好過

有咩保險一定要買 買個陣有咩要注意

喺英國當地就梗係買返當地保險

如果你工作係需要成日出trip ，又或者係唔同地方都會停留一下咁樣去旅行，都係短期嘅話，咁你需要嘅時候買返個旅遊保險咪OK，如果長期都用得着你咪買個Annual咪得

醫療保險最主要都係你經常居住嘅地方提供到個保障就OK ，至於父母年紀嘅話若果負擔得到嘅話都會係建議買的，始終父母病咗要用錢咪都係你出錢，純粹係每年比年費將大餅嘅時候要用嘅錢轉介走，但若果本身你嘅儲蓄上面嘅錢係多過佢提供俾你嘅槓桿上嘅保障，咁咪唔需要囉

至於年紀越大就自然越容易會有問題，呢個係人嘅身體自然老化，自然規律黎

保險從來都係一個奢侈品，唔係一個必需品，哪怕係最實用嘅醫療都係咁

係解決咗基本需要之後，想有個更加好嘅醫療環境又或者係藥物先會去買，因為你唔買嘅話衰極政府都會提供醫療俾你，只不過環境同埋質素好唔好就見仁見智，但保險從來都唔係因為一個咁樣嘅原因下嘅必需品，最重要都係量力而為，覺得能力上面負擔到同埋有需要先買

同埋父母歲數嘅話，危疾就唔需要買㗎啦，以前買落嘅話就而家開始可能會發揮到用途，但若果而家先開始買嘅話醫療反而會係一個比較好嘅入門，又或者鍾意走動周街去嘅咪幫佢買多個意外

冇保險係一定要買嘅，除非係揸車又或者係開舖頭法例規定要求嘅，否則係冇話有啲咩係一定要買

至於當真係好想買保險，咁當然保險會有個優先次序你可以考慮，第一個就會係醫療，第二個係危疾，第三個就睇需要選擇人壽或者意外，原因你可以睇返我嘅Q and A，有詳細咁去講嘅