保險問題 理性討論 佛系你問我答(6) 又到聖誕

我想問幫小朋友買保險既話，有無咩建議

之前幫兩個小朋友(4歲及2歲）買左危疾，有儲蓄成份個d，供左兩年覺得都幾甘（一年好似要接近兩萬一個）

點解咁貴嘅

正常就算買100 萬一個小朋友 都係一萬蚊左右 你貴咗Double有多喎

係咪本身個plan已經包咗其他唔同嘅附加保障喺入邊？例如有醫療同埋儲蓄(真係儲蓄嗰啲儲蓄保)咁樣

同埋如果你係幫小朋友買醫療嘅話，其實都冇乜選擇

因為剩係得一間公司可以買得過，就係李澤楷嘅醫保，剩係得佢可以包到八歲前顯然嘅先天性疾病，暫時全香港獨家

係大人嘅選擇就多好多，因為過咗八歲基本上任揀都得，就可以睇保障項目上面嘅細分同埋細節位呢啲

都係嗰句啦 如果有食藥呢係呃唔到人嘅，日日都食緊點會唔知呢

係講緊一次半次嘅紀錄，仲要係責界而唔係好嚴重嗰隻，嚴重嗰啲一定醫生會有講嘅同埋自己好難會唔知情，責界嗰啲咪通常醫生真係冇講過，咁冇仔細睇過份report鬼知咩

如果欺詐都係唔得

要成個故仔合情合理合法，咁就真係唔記得都冇事嘅，但好多時好多人根本就係唔合理咁樣唔記得，有啲直程係搏大霧

如果真係唔記得嗰種呢，你按照返我上面講嘅邏輯，你就自自然然識得點樣答返保險公司，而佢係會接受到嘅

係有儲蓄成份；其實本身我及太太公司都有cover小朋友醫療及住院保險咁既情況應該幫佢地買咩保險好？意外？

自己衰懶惰⋯供左咁耐先發覺好似唔多抵 （如果儲蓄我拎舊錢去做定期仲好⋯）

有儲蓄成份嘅危疾唔係問題嚟㗎，你要搞番清楚你買緊啲咩項目先

儲蓄危疾即係終身危疾其實唔係一個壞嘅嘢嚟，佢個保障內容同埋項目而家都係比起定期嚟得好，特別你係比小朋友嘅話性價比係更加高嘅

但最大問題係冇可能兩萬蚊一個人個喎，呢個歲數通常只係一萬蚊左右，你買嘅保額比較大？

跟住至於醫療方面呢，其實都係盡早幫小朋友買會比較好，最驚係小朋友多走走碰碰同埋你哋兩公婆，若果會有轉下公司咁樣，趁早入場都係個好事同時間個保費唔係貴，如果你唔介意嘅話你可以影一影上嚟，我幫你參詳下或者你搵方法搵到我tg都得

捱到兩年就得

C記份非VHIS

除左改左名仲有咩改左

移除不得爭議條款

Btw有冇人知英雄vhis個牙科保障係咪包箍牙

已經有埋普通的車寶就係想知道如果交通意外導致自己冇咗隻腳或者冇咗隻手喪失工作能力有咩意外保險好

隻隻都包得

因為其實都唔構成double claim，你買幾多就可以賠幾多，例如你覺得自己隻腳係需要300嘅，咪買幾間唔同嘅意外湊夠300佢

Cigna愈做愈差

咁唔保障個客
咁仲點買保險

難claim

點難claim法？

你係講邊類型產品？

終身危疾

呢隻我咁耐聽返嚟都冇乜特別喎

都係正正常常好正路嘅，你話核保上面嚴格啲佢就係嘅，但係索償所需嘅文件咪都係嗰啲

因為危疾唔似醫療，基本上都係睇報告寫嘅病作準，原位癌就係原位癌，癌症就係癌症，係睇份報告寫有冇擴散同入侵性嗰啲咁嘅嘢

我見而家d意外醫療得返d銀行plan可以全數賠physio連意記都變咗個plan

遲吓連銀行都會cut 㗎啦

大勢所趨 怪就怪咩意外放題

儲蓄危殆一部分供款係會拎去投資？
我見份proposal有寫到樂觀同悲觀情況派返既紅利有幾多
但個agent完全無提過
係咪都預左供斷既時候會蝕梗