保險問題 理性討論 佛系你問我答(6) 又到聖誕

廿頭有公司醫保 日後好大機會移民
應該買邊間醫保

你要留意返嗰個最低供款期係幾時，如果早咗完嘅話，你變咗頭兩年嘅錢都係送咗俾人咁滯

其實買ilas最大問題係佢個額外費率問題好高，佢個所謂嘅獨家基金頂佢個肺咪即係allianz income and growth，我直接買同一隻基金，月供證券行仲會有額外獎賞同計算資產嘅時候都仲可以計算埋落去，同基金單最大問題就係頭期嘅時候個退保價值係好抵，想攞嚟幫手撐大個戶口價值都唔得，同埋當突然之間想攞多啲錢出嚟把握機會都唔得

儲錢真係要儲要人迫，呢個係呃鳩人嘅概念嚟，基本上你睇住你自己嘅目標(儲學費，首期)，跟住同一時間每個月亦都享受到儲緊嘅錢再幫你收返你嘅利息(被動收入部份)，然後再放返落去，你好自然就會儲咗落去

自己都把握唔到自己舊錢/消費習慣，亦都唔識得用股票行同銀行嘅，呢個先係最後嘅下下之策黎

啱啱覆咗你

Btw呢度公開講一講，佢嘅自願醫保係偏貴的，係佢平嗰隻普通自願醫保對老人家反而好啲，65定之70之後係水平式收費，長遠係平咗超級多

168嘅升級版198最近出咗，我都係覺得仍然係市場上面最好嗰兩隻，佢將市場上面嘅優點抄晒落去，缺點係冇咗滴滴仔

冇病冇痛的話，又要平靚正

李澤楷歡迎你又或者網上買煲呔都得，呢幾間短期內應該都冇乜加價，啱晒將來有機會直程唔喺香港嘅

李澤楷同埋加拿大太陽應該比較適合

李澤楷主要係有無索償折扣同埋兩個人一齊買嘅優惠，咁對於老人家係比較有優勢的，同埋都係會有針對指定大病嘅豁免自付費安排，癌症免三年保費，如果計佢個保費都係比出面平一大段距離，都係會建議選擇佢係一個首選，但就要睇你本身父母病歷方面會唔會有問題？ 因為佢都係核保比較嚴格的

若果本身父母係有三高方面問題的話，就會建議加拿大太陽比較好，佢對於三高係特別寬鬆的，咁通常老人家冇大病就通常會有啲三高，咁對於佢哋係特別優勢的，同埋都係有癌症免三年保費，價格就同出面差唔多，冇話特別貴特別平

佢得返千五個其實幾好，起碼IG唔會出現100個一模一樣嘅template account先

我就係咁，唔太識儲緊之餘再收息…
基金嗰個就供兩年就轉B account,咁呢個account 就唔使個個月供又得，每月唔同價錢放入都得咁

我見198無寫25年後100%保證退保價值
不過佢有抄人哋保父母同保bb

呢啲市場良性競爭
對家有咩優點就抄哂佢
最後廣大消費者受惠

通常靈活plan都係保全球，高端就亞洲

醫大病亞洲嘅話，新加坡日本台灣都得香港so far覺得偏向保守

想問VHIS個POOL係點樣的?
我睇以前D人講, 舊時醫保係健康一個POOL, 少加價. 高危一個POOL, 加得勁.

救得一個得一個
儲蓄保險係你人生最當打同最需要錢既時間必定係你既負累
到時你等錢洗, 你見到cut 單冇左一大舊錢, 到時你就知自己幾咁on9
所謂保障變負累, 仲要你以為老老實實供款就收足錢咁就太天真喇
買乜都好, 有儲蓄成分就自己睇路
儲蓄保險係過去二三十年都仲搵到人落疊既, 因為資訊唔流通唔發達
最典型就係呃鳩你頭兩年交足錢, 之後保單就可以用紅利去供
實情就係佢頭兩年袋撚左你份佣之後就理撚得你死, 你張單過幾年就動態清零玩撚完, 你一蚊都冇
之前幾十年都唔知呃左幾多人, 最仆街就係呃老人家退休金成份推落去, 過兩年一無所有


係另一個post一轉貼完實單出黎就好多保險狗出黎護航, 呢下呢個post又有冇先呢個blog貼左簽名張單同埋今日非保證變成幾多
好撚慘就算死撚咗都小左30幾個
兩個仔冇得讀大學


https://hksufm.blogspot.com/2020/06/blog-post.html

原來有update, 睇完真係笑撚左, 等我遲下加返落保險狗宣傳post
https://hksufm.blogspot.com/2021/07/2021.html
本身12年平手, 上年已經話要18年, 今年要20年
每供1年就要再多2年先平手
仲有交多一年萬五蚊保費, 身故賠償反而再少萬七
blog主: 所以同保誠買儲蓄人壽本身已經戇鳩鳩抵死，呢家仲要早死早著，要趁地腍！否則越遲死就越少錢！


整合:

儲蓄保險食屎狗
blog主被人叫買儲蓄保經過
https://hksufm.blogspot.com/2020/04/blog-post_27.html

儲蓄保險食屎狗：呃你十年八年，呃埋孤兒寡婦
2020年單
https://hksufm.blogspot.com/2020/06/blog-post.html

儲蓄保險食屎狗 2021：今年條數做得靚？早死早著，遲死瞓唔著咋！
2021年單, 以為張單好左, 點知魔鬼在細節
https://hksufm.blogspot.com/2021/07/2021.html

儲蓄保險食屎狗 2022：條數好過上年，不過都仲係同簽單個預期回爭好遠！
2021年單, 實現率82.12%, 但實質唔係只係小小差, 而係好撚差! 只係將非保證拆返出黎睇, 就知道非保證只係做到三成幾
https://hksufm.blogspot.com/2022/05/2022.html

2023年單:
保誠都幾仆街, 保證回報多萬三, 非保證回報扣返一萬

https://hksufm.blogspot.com/2023/08/2023.html

希望blog 主既人生大計冇受到呢份保單影響
有就好撚慘, 佢講到自己真係冇曬錢, 比個agent 迫到發窮惡先甩到身
一年多返萬幾蚊, 佢老婆仔女可能可以食得好d, 呢家就可能因為比份保險責住左而有妥協
保險狗真係害人不淺, 將自己短暫收入建築係人地一家人既悲痛上最多幫佢click 多兩下廣告

其中一個跌親住過幾日醫院 咁會建議買倍衞您定尊衛您同自付費應該揀16000/25000定可以再高？
另外都想幫佢哋買危疾 定期嗰款係咪都適合 我見有儲蓄成份嗰啲都好貴🙇🏻‍♀️🙇🏻‍♀️唔該哂你

168同198邊隻好？咩叫滴滴仔

忠意忠意跨越無限保同跨越同行邊隻好啲？

樓主你好，想請教下你，我公司團體保險係FWD，驗身報告發現肝酵素過高，透過網絡醫生去睇專科做consultation，醫生話係肝炎，但無開藥or轉介，都無需入院。

請問係呢個情況下，如果我再買FWD既自願醫保，佢地係咪會話呢個係已知病症？同一間公司係咪會check到呢d求診紀錄？

唔該哂樓主先

Hi樓主
呢排想買番個住院保 研究左好耐
想請教下D意見

背景：中產，政府工，公立醫院免費
唔煙酒冇病歴 後生

比較緊D全包嘅住院保
So far有以下結論：

AXA: 至尊守衛
20k exclusion/yr
每年限額: 5M
終身限額: 冇
2字中-85保費: 1.26M
ps. 好撚難claim

AIA: 尊顯
25k exclusion/yr
每年限額: 10M
終身限額: 50M
2字中-85保費: 1M

FWD: 全自主

10k exclusion/yr
每年限額: 4M
終身限額: 冇
2字中-85保費: 1.2M

30k exclusion/yr
每年限額: 4M
終身限額: 冇
2字中-85保費: 700k

暫時覺得似乎FWD 最好
1: 我淨係想要私院大房，咁嘅話，每年4-5M －定夠，每年限額仲好過終身限額
（Exclude AIA)

2. 保費相近下(1.26 vs 1M)，FWB墊底費低一半
(Exclude AXA)

3. FWB 墊底費10k vs 30k, 長遠嚟講保費差成500k, 即係10k嗰隻要claim足17年，年年住院先抵番，即係好有機會最後會貴左

Conclusion: 似乎全自主+30k自付會係cp值最高
唔肯定有冇分析錯／漏
麻煩樓主比D意見
Tg覆我丫～ @Abnormalsayline

我鍾意你嘅諗法 你個思路好線性
喺AB 落去 然後得出答案
不過你用錯咗例子 李澤楷你係應該要用佢嗰隻vbooster 唔係全百萬
因為前者係屬於自願醫保 後者係非自願醫保嘅普通醫保嚟嘅
若果你唔好彩買咗之後幾年先發現有先天性疾病的話，後者係會踢保唔包你的，前者就係只要你買嘅時候仲未發現的話就都係冇問題的
因為有個最近嘅客就係俾Bu仔同煲呔經歷緊同一樣嘢，bu仔非自願醫保成份冇咗，煲呔(所有都係自願醫保來)就冇事


結論就係你買25,000墊性價比應該係最高的，如果費事煩/唔想心理關口太大我就會係揀15,000嘅

梗係前者好好多

如果想要保證現金價值嘅話，我直接買198唔好咩

同一個價錢嘅話梗係買無限保正好多，起碼係可以玩無限次先，同埋我幾鍾意佢嘅賠償機制，早期賠償係即時額外比，唔係先扣除然後補返你，同埋患病之後先死咗，死咗都會有個額外賠償

成單嘢係正好多

198會好好多嘅，因為佢基本上係抄好晒幾間主流嘅賣點落去，然後保費都只係比168貴咗3%左右，都仲係市場上面極具性價比嘅，因為出面閑閑地係貴佢兩到三成

滴滴仔就即係講緊我一筆過賠償咗個危疾賠償之後，每個月都會有個癌症或者中風心臟病嘅現金補貼(1%)呢d玩一年，呢啲就好多公司都有的，喺個派發百分同埋個年期就每一間都唔同，呢個就對於客人嚟講就你攞咗舊大錢之後每個月仲有個好似出糧咁嘅物體，就會覺得安心好多嘅

老人家如果唔太介意住院質素的話，會建議買vbooster始終個保費會平咗落去，對於老人家本身保費貴嚟講個保費部份會慳咗好多

不過就需要考量一樣嘢就係大房有冇位呢個問題，不過若果係用價錢方面去考慮嘅話通常都等得嘅，唔等得嘅話你先考慮直接上半私家

如果本身跌親嘅病情已經係完全康復返冇手尾跟，即係唔需要話做啲咩物理治療復康治療呢啲，就問題不大的放心

同埋如果佢哋已經50幾嘅話，買危疾就未必太適合的，一來好貴二來個需要已經唔太大了，因為係攞嚟應付臨退休之前嘅生活開支，正常如果你上得嚟問得我，我都預計你應該都一係大學差唔多畢業又或者已經直程畢業做緊嘢幾年咁樣，正常經濟壓力都已經唔會太大

至於如果真係好想買呢，買定期就足夠㗎啦，如果只係爸爸工作媽媽係家庭主婦嘅話呢，其實淨係幫爸爸買就可以，雙職父母嘅話呢就兩個可以買少少，買到退休年紀就唔要就可以㗎啦，揀10年續保就會啱啱好做到你要嘅效果，因為若果揀20嘅話你一跨過咗六十幾呢個年紀就好貴了

當然唔係咁計啦

係綜合成個去計即係話知你係有病定係冇病都係入去一個Pool的，只不過以前就會係有分港紙單同埋美金單，咁呢兩個就會係就算同一隻產品都係分開咗兩邊嘅人咁咪好似係有個差距出現咗咁樣
跟住若果再細分的話呢，亦都係會有分主計劃一邊，用rider買既(附加契約既)一邊

所以以一般般嚟講呢若果你係想睇一間保險既pool主要就係睇佢買嘅人夠唔夠多同埋係咪後生仔多，因為買嘅人夠多就係多人去分攤，後生仔多就即係病痛冇咁多，兩者加埋嘅話咪會變咗加價壓力細

成個pool加的

而家比班仆街玩到成個pool爛咗，又意外放題又靚女揼骨咁樣，咁樣搞法唔加價都唔得啦

因為佢呢個主要係用成個職業去計算，嚴格嚟講都唔算係好睇病歷，變咗只要係成堆人濫用嘅話呢，係全部人一齊受罪

而家保險公司咪做返啲補救措施，例如會set咗個指引就係例如冇骨折 手術過咗某一個銀碼就會續唔到保，同埋將一啲係呃意外保險索償嗰班人同顧問告上法庭希望起個阻嚇作用，因為有啲係玩到成個產業鏈咁樣諗住當佢ATM咁樣，咁佢成個legal team咁都唔做野嘅話真係講唔過去