保險問題 理性討論 佛系你問我答(6) 又到聖誕

佢仲有個最好玩嘅地方

可以將舊有其他公司保單直接轉換，佢會幫你食咗佢，按照返同一個內容去出返個Offer俾你，呢個係對佢自家agent超優惠

佢個交保費，不過可以上門碌卡都算係咁，老派有老派好

其實佢呢間嘢初心真係好唔錯的

起碼佢嘅出現打破咗以前Agent同埋Booker嘅局面，令到市場上面真真正正出現virtual insurance ，我覺得呢個係需要appreciate佢哋努力嘅，同埋有比較先至有進步嘅

就等同的士都係因為有Uber出現，先至令到好多唔同方面嘅習慣改變咗，亦都改變咗部份司機嘅態度，呢啲良性嘢就真係冇得否定佢

同埋佢上網買到2千萬真係好唔錯，正常上網買嘅話得幾百左右㗎咋，佢可以上到兩千算係咁，不過最慘係佢冇得鎖定年期保費，變咗真係買咗幾年第幾年用就變咗係最抵，反而唔符合正常中國人社會嗰種攞嚟傍身嗰種念頭，後期保費高嘅時候就變咗好難keep

我cap左段條款send email 過去問+同時打比hotline個agent，佢隔住電話再問左次「內部」同事，答返我話確認居住地澳紐以外唔影響保額
但就點都唔肯written覆我話既然我睇左條款係就ok
咁樣會唔會有伏

因為條款上面就剩係得澳紐地區會影響，其實都係Double confirm就變咗問題不大嘅，因為自願醫保條款唔可以突然刪減，變咗例如而家呢一刻保障到亞洲地區佢唔可以突然之間cut咗你落去得返香港咁樣，但相對地佢係可以由保障亞洲地區變到去保障亞洲地區同埋其他地區咁樣

咪同我之前同你講嘅一樣，同樣都係屬於A嘅情況，最重要都係知道有呢樣嘢啫

最緊要係自己清晰，你可以過多幾日再打多次如果係唔同嘅同事嘅話你再問多次如果都係一樣呢咁起碼都OK嘅，因為有咩事佢自己CS記錄係會留七年嘅，七年內賴嘢都可以叫佢攞返錄音

有擔心因為主要間間公司都另外有句：
「當受保人改變居住地;續保本條款及保障時，本公司有權因受保人的居住地改變重新核保本條款及保障」
雖然下面寫明左澳紐，但就好似留左條大包圍disclaimer咁
交幾十萬保費都係想買個安心者正常人都寧願身體健康唔洗claim，透明啲都唔得

agger 今時唔同往日
唔洗綁死之餘仲冇agent瘋狂sell sell sell
自己睇啱邊隻就買邊隻

所以話，有冷靜期係偉大發明嚟，比人有機會選擇

買定期危疾
買10年繼一次好定買1年繼一次好
一到50歲就貴金到痴線

富衛？

Yes10年續 一到50打後唔平

定期嘅話，你買到65左右嘅歲數就要停

如果你買超過呢個歲數嘅話，就係同買一份終身差唔多，所以你要影清楚你買定期最重要保障嘅年期係幾多就可以

咁至於係10年續保就會平好多嘅，如果長買咁計，你逐年加價呢就會更加快出現你覺得好鬼貴嘅情況出現，10年打平均呢長遠係會平兩三成以上嘅，如果你直接揀佢20年續保應該會好好多嘅

上網好似唔見20年續

其實危疾保額就唔會減落去嘅，人壽保額就可以減

因為正常就係隨着年紀越大，人工同埋家庭支出係越重，人壽係攞嚟應付家庭支柱缺失時候嘅財務負擔，咁危疾就係攞嚟應付呢個家庭支柱仲係在生嘅時候，都仲係需要應付嘅家庭開支，所以理論上係唔減得的

因為人壽保額呢正常就係隨着債務即係按揭啦，同埋子女出身就可以減少，但若果係就咁睇50歲呢，應該就係仔女都仲未完全出身，按揭都仲未解決嘅年紀，係唔應該減落去

呢個要搵人買先買到的

網上就最長得10年選擇

最近都睇緊，見佢有雙11 優惠。

20年係咪叫好易揀呢個plan ？