成單嘢我叫做知內情,但係最慘係冇保險公司嗰面去聽,變咗個渠道好單一
我最多係分析返保險公司,同埋大家作為投保人嘅角度咁就容易理解d
保險公司就係覺得買咗幾個月就check到腦癌四期係有帶病投保嘅嫌疑,同埋喺佢角度就真係除咗背痛呢樣嘢之外仲有幾樣嘢漏報,但係基於之前pre approval批咗30萬,呢30就唔收返剩低70就唔賠
投保人嘅角度就係佢盡自己最大可能俾咗醫健通記錄,跟住老人家keep住原來係有疾病係要複診冇寫到落去,輕微白內障同埋飲酒頭暈呢啲,投保人就會覺得係屬於比較小事所以冇報,但其實喺保險公司角度去睇其實一個病keep住要複診嘅就已經要報,例如你因為咳去睇醫生一次半次就唔使報,但係原來keep住每一兩個月就要去複診,咁咪即係本身個肺嗰邊可能有問題,呢個咪就係屬於重大事實需要報
其實最慘嘅就係保險公司佢其實有嘅係錢,佢係唔會俾人劏佢,佢係寧願將呢筆錢拎去訴諸法律之後先賠佢唔會開壞個頭
事情經過大概就係咁,其實間間保險公司都一樣會出現呢個情況,唯一需要做嘅就係盡可能申報清楚自己病歷,自己唔清楚嘅攞醫健通由頭到尾隊晒落去,同埋唔好信老人家講自己冇咩事嗰啲,做得耐就知,通常呢啲冇咩事就好Q多記錄喺手要報清楚係個複雜嘅工序
我自己都係會仲留守,但係新客就唔會再點推,主要唔係因為佢呢個賠償問題,而係佢個核保標準高咗好多,冇以前咁寬鬆而家成日會出exclusion