保險問題 理性討論 佛系你問我答(6) 又到聖誕

5050意思即係 50自己儲蓄 另外50就危疾咁買？

激光矯視不嬲都要報㗎

係近視就唔需要

主要係報外科程序同埋專科門診病歷

牙嘅話都係返大陸搞
同香港一樣主要貴在人工
我老母都係我嘅frd既frd係大陸投資開咗間牙科有呢啲咁嘅關係，先幫我老母安排上去搞，而家搞多一兩個月就差唔多埋尾了，feel到老母係明顯開心咗搞咗差唔多半年

係50儲蓄危疾 50定期危疾

自己儲錢部份係不嬲都要儲嘅，但係就絕對唔係儲蓄保險嗰隻，係要隨時拎到錢出嚟嗰啲，所以話知你做定期又好股票又好乜都好，最緊要係可以一兩日之內拎到錢出嚟嘅

不過我自己智慧齒嗰啲都係香港搞
我呢度有睇開嘅幾個客都係牙醫黎
又唔係多錢咪香港搞完之後返屋企瞓

咁大劑
我買時冇報矯視

傻豬嚟㗎做咩唔報

嗱嗱聲報返上去先啦

最近睇緊c記，見到佢健康申報除左某幾種大病之外都明確寫住只問5年內紀錄，咁我都諗住5年內盡力詳細報。想問超過5年前既身體檢查（高膽固醇、尿酸）仲需唔需要報？果次之後都冇檢查過 另外想問，其實呢種申報要詳細到去咩程度？我已經嘗試緊自己整個list出黎

想請教下
1x歲個陣老豆幫手買左份AIA健康之寶連smm
呢家25歲 有時驚生cancer用藥會洗好多錢
如果再加一份FWD 尊衛 大家點睇？
50k定100k墊底會比較好？

第一次買保險 公司冇住院嗰啲保障 淨係可以claim到一半津貼

想買癌症 / 醫保或者危疾 想問吓有冇咩plan介紹？
有咩地方值得考慮？ （父母有過癌症）

核保標準高咗，但買左三四年嗰啲其實仲穩唔穩陣
會唔會趁後生，呢幾年又冇咩病症，轉咗第二間先會好啲

最後一點唔同意 最多話化療標靶同做scan可以慳d錢，其他根本無着數

其實呢個係一個申報上面嘅logic flow黎
首先五年內嘅紀錄就一定要㗎啦，如果係大病類別嘅話就由出世到而家呢一刻確診過嘅都需要嘅
咁上面呢個部份都好簡單，大部份人都明白嘅
咁下面就係開始好多人唔明白嘅部份
咁如果一個超過五年之前確診過嘅病，佢係需要複診嘅，咁佢上一個複診時間理論上都係應該係屬於五年內嘅，咁呢一個都係需要申報上去嘅(因為複診嗰下撞五年)
咁如果係一個10年前發生嘅病(並非大病類別嗰啲)，六年前已經係完全斷尾，亦都完成咗最後一次複診，最近五年都冇複診，咁呢個就已經唔需要報了

因為保險公司嘅邏輯就係有大病嘅就一定要知道，例如一啲之前發生咗嘅斷到尾嘅過去五年都冇需要複診就即係冇大礙，如果keep住要複診就即係未斷到尾咪即係有風險存在，佢要知道成個點發生同埋現狀係點

跟住若果係你嗰個問題呢，高膽固醇同埋尿酸高呢個問題係需要申報嘅，哪怕你只係之前身體檢查嘅時候check過之後冇做任何治療或者跟進動作，因為理論上係應該會安排之後再檢查又或者有啲療程俾你嘅，如果冇嘅話，哪怕你而家健康都好，其實佢都唔知道剩係得你最新有呢兩個問題嘅報告。
同埋你呢個問題就係會係屬於c記健康問題第六條拎嚟申報用嘅，至於詳細程度其實就盡可能將你過往嘅手術紀錄入院記錄同埋大病需要持續複診嘅紀錄申報就可以

你買咗一份50K
過一兩年之後睇情況cut咗舊嗰份就OK
因為你個自付費部份，你可以照用返呢類型smm保險去負責又或者用公司醫保去幫手俾咗佢，再唔係就好似我同部份人嘅做法一樣，直接之後降到去15k 25K一份走天涯

呢個就睇係單邊定係兩邊有？同埋有病嘅年紀係幾時

如果係單邊有嘅話同埋係年紀大嘅時候發生，咁對你嘅影響就冇咁大嘅選擇仲比較多

如果係兩邊都有嘅話再加埋若果係年紀唔大嘅時候出現呢，咁對你嘅影響就好大了，你要揀一啲唔需要申報父母病歷嘅去買

如果例如你而家第一步嘅話呢，我就建議你搞咗份醫療先嘅，因為而家你嘅狀況再加埋你公司醫保嘅空缺係喺醫療部份缺得最緊要，有幾間公司都係唔需要申報父母病歷嘅你可以選擇呢幾間

跟住你搞掂咗之後你先開始諗危疾嗰啲，危疾部份都係同上面一樣，基本上係以容易批核同保費作為最大因素去做選擇，因為若果唔係容易批嘅話就算係市場上面最好嗰間俾你買到都保唔到全面(因為有不保事項)

主要係之前曾經有批係亂咁claim，所以令到會出現保險公司同醫生講價嘅情況出現

而家就相對好返啲嘅，因為例如佢最驚係帶病投保，當有cancer咁計，係冇可能捱到三四年唔睇醫生又唔死得。

同埋就程總下面嘅留言係好啱，亂咁轉保係會出事，因為你個保單年期又係要重新計過，例如當轉咗單之後一年出事，如果係原計劃嘅話份生效咗五年，新計劃就只係生效咗一年，喺賠償嘅角度上面個故事就會好唔同了

係講一個職業穩定性

政府應該係一個最容許員工有病都可以保住份工嘅機構對比私人公司嚟講，同埋有啲特別嘅藥物公務員先可以用到，我曾經有個客有好特別嘅遺傳病香港好似得10個人到，跟住佢呢個藥物係公務員先包到變咗佢唔會再做其他工就點都會keep住做呢一份

都係嘅
咁如果我剩係由尊尚轉去自願醫保，咁又有冇咩concern

而家一年保費差唔到去到成萬，用自願醫保有得退稅好似會抵啲

我就會建議轉咗落去好啲嘅，因為自願醫保始終係有自願醫保嘅好處，當突然之間唔知點解check到有啲先天性疾病，普通醫保係會唔包呢類型疾病(條款有講唔包先天性的)，自願醫保就會寫到明包先天性

因為呢個都係真人真事嘅case發生，我就係見證住呢個例子佢原本既普通醫保單因為大個之後先發現有先天性疾病幾張單俾人cut咗，反而係近幾年先上網買嘅自願醫保普通版乜事都冇，佢都好後悔當初保險公司邀請佢轉嘅時候冇轉過去自願醫保，都係一個血的教訓

其實專尚最抵玩嘅地方已經過咗，之前疫情係每日隔離兩千，總共28,000，個個拎完之後就cut單唔要
又好難佢計唔掂條數嘅

用得，要比錢姐

雙邊同年紀大

有咩醫療保推薦…. 人工得2皮鬆d 想搵個平平地

感恩

危疾也有推介嗎？

咁我遲啲打上去同佢講下年轉就得？
尊尚轉落自願醫保除左住院日數少咗之外，係冇咩特別唔同？

而家住院日數冇少到了 舊年改咗個plan

基本上住院項目係一模一樣，爭在係冇晒嗰啲額外現金津貼嗰啲咁嘅嘢，基本上咩額外現金乜乜嗰啲就冇晒囉

主要就係得幾間公司可以做到選擇，因為你要避開問及父母病歷嘅公司，就變咗冇得係用性價比去選擇，主要係因為份料嘅狀況決定咗冇得用價錢去行先

主要係做網上投保嘅幾間公司會有嘅，你見到冇家族病史呢個核保問題就係搵啱咗

至於危疾方面終身危疾嘅話，都係需要申報父母病歷嘅，你可以揀198 主要呢間容易批同埋個保障內容都係目前市場上性價比高，至於定期危疾上面就基本上抵玩嘅公司就核保標準比較高，李澤楷20年轉保費一次，蘇仔10年轉保費一次都係唔錯的(不過呢間個病歷都幾嚴格，我自己係用佢)

咁個尊尚真係冇咩用架啦喎
個額外現金本身都唔會多錢拎到
每年退稅實際啲