保險問題 理性討論 佛系你問我答(6) 又到聖誕

迷茫中 。
如果唔介意可以TG sekihirofumi
想專為五万或更少自付
再一份冚到佢自付嘅 🙂

我都有諗呢個combination，要返屋企plot graph

我唔係agent試下揾下啦，幾間網上保險公司都幾唔錯

broker sell我買k11 守護168+mirror 尊衞你有冇伏

睇你想要咩，我覺得危疾都算ok，至少25年保證攞返保費，真係要surrender 都唔會輸

醫保佢話幾多自付，想睇下大家點樣聯手擊破嗰間agent嘅25萬自付費話術

留名

唔明

不過我衷心希望d呃人嘅保險狗份糧係少一個零

睇嚟大家個concept有少少錯

等我幫大家釐清少少先

如果標準計劃嘅話呢實際上淨係食到15000最盡25,000左右，再向上嘅話呢，你自己要比出去嘅自付就好高，就變得唔值得咁倒不如加個smm好過

同埋標準計劃通常最大問題，就係按照每一個項目去賠錢，好多時係集中一兩個項目爆咗個費用，例如雜費檢查費用等等

咁點解有時候標準計劃可以完美食到個費用呢，其實就係因為咁啱得咁蹺個手術嘅複雜程度同埋費用係fit得落嗰個格仔入面，冇話其中幾個格仔爆咗另外有幾個直程係冇用過咁滯嘅情況出現

但大部份情況其實係前者嘅可能性係比較大，特別係屬於中型手術之類，一冇smm雜費一用得多，你本身揀咗五萬蚊自付費，中間呢份標準計劃幫你食到嘅錢，可能都係一萬多d嘅位，咁距離50,000中間嘅呢三萬幾就需要你自己比，咁就好肉痛㗎啦

呢個我睇唔明喎

呢個配搭OK嘅，我自己多數都係咁配，若果係個agent或者broker嘅問題，你咪出面再搵過

你意思係講緊又不誠實行為定係點，定係成張單打錯嘢

如果你有恆心嘅話，你可以搵埋我添

只不過我係不定時上水，同埋你搵我嘅話唔好用Messenger TG會好用d

啱啱PM咗你

叮噹嗰個係我嚟，識答嘅我可以答到你

要公開答我都係冇問題的

五萬蚊你再配搭一份加拿大太陽應該價錢上係最可行嘅，呢間靈活計劃應該係目前有人跟嘅入面最平嘅同埋冇限制房種

呢個唔使咁秘密喎

你本身有冇公司醫療？ 如果有嘅話個保障內容係包成點有冇個表可以睇睇？

正解
都已經寫咗inactive 即係冇事lor

咁就梗係報咗佢對自己有着數，除非件事係幾年前就斷尾唔會影響到而家嘅一次性事件今日真係可報可不報的(過咗五年)， 例如整親手手腳腳嗰啲，過咗五年行得走得唔需要坐輪椅用拐杖嘅，就冇問題㗎啦，最重要係最後講唔需要複診嗰啲

公司醫療全部都係唔使住院啲一般門診/中醫

意外點攞去做gym?
同埋如果買都係推薦意大利？
MSIG我見好似差唔多，推唔推薦？
我見依加間間都有cap咁濟

如果係咁嘅話，揀25,000又係合理喎，因為算係一個叫做中間落馬嘅水平
叫做小病小痛就唔需要動用佢自己負擔到，大病嘅話都係淨係比呢25,000剩低就可以包哂，都可以幫手對沖咗個大病風險，又未去到揀50,000嘅話平時驚個病唔用得特別多唔敢用嘅情況

至於168 我就會建議你睇埋個無限保先做決定，個保障範圍最好係佢添，缺點就係佢冇保證現金價值，將來若果有機會退保嘅話最差情況可以係零，呢個就係佢最大缺點其他都係冇乜大缺點

有保證現金價值，可以打和

保險經紀同健身室合作同埋物理治療合作，將物理治療醫病用嘅錢轉化做健身室會費，咁至於點解會轉化到呢咁呢個就自己消化下

同埋有啲擺到明唔係物理治療搵個靚妹揼骨嗰啲，又係搞到個pool爆咗，而家好多IG廣告都係咁

可以買住先既，但係我有個客玩到爆咗，下年冇咗個意外醫療得返嗰啲斷手斷腳嗰啲

而家基本上間間都有cap㗎啦，得返幾間係冇，但係呢幾間都應該就快都變有cap

168係20年供款20年保證回本，25年供款25年保證回本

但缺點就會係佢唔會喺患危疾之後死亡有個額外身故賠償，同埋無限次三大疾病賠償，同埋早期疾病若果係同一年內再惡化成為危疾，就失去咗個還原機制只會賠償剩下來嘅百分比，呢個就係佢個缺點

但若果撇除咗上面嘅缺點之外呢，168嘅優點係足夠佢凌駕成個危疾市場嘅，佢個保費同無限保一樣係市場上面接近最低，同一個保額比起四大公司係平一到兩成左右，同埋有危疾每月現金保障，起碼係每個月有錢到手

所以點解呢兩間公司係叮噹馬頭冇乜話邊一間特別贏到對方咁解，通常呢兩間公司真係母親的抉擇咁樣，到底買邊間好成為最大苦惱，最後真係決定唔到咪兩間都買一半咪得

兩個母親係冇問題的

我嘅夢想係有好多個老豆

咁就發達唔使做啦

老豆一個得啦，daddy就多多都得

巴打有心
但想問合併有agent同合併無agent即係邊間
啲色睇到好亂