保險問題 理性討論 佛系你問我答(6) 又到聖誕

想問Sunlife同C記自願醫保
大家會幫襯邊間
我諗緊大家包嘅嘢同價錢都差不多
Sun life我就現有客戶第二年保單半價
C記就見大家推薦多啲

我估唔到嘅係，有agent貴多起碼40%

其實我計出嚟就基本上差唔多
係唯一一間真係全虛擬嗰一間特別平啫，咁佢同獨家冇分別嘅

其他嗰啲要去到性價比高，已經係去到李澤楷，佢呢個又係比四大平一段距離，佢而家仲要講到唔係趕住上市咁樣

其他嗰啲一般保險公司(GI公司)做嘅自願醫保，個保費你揀有人跟(broker)同埋直接上網買(direct單)係冇分別，咁點解唔係揀有個人跟

我諗我份medical個結論都係揾返人跟

個價錢都冇分別，咁梗係有條友跟吓好啲啦

如果最後佢將成個錢個距離拉開得好似上面講得咁緊要，咁就真係抵好多了，咁就真係真正可以做到去中介化，可以將個保費慳咗落去

買得醫保就唔係為咗no claim係為咗claim爆佢

問返你同佢買嗰個人話想review下保單，比份單睇下先再約時間

發覺好多間 意外保 claim 物理治療都有每次上限，建議 大家睇個陣小心d 揀，同埋鍾意做運動嘅係幾抵買

其實保險公司賣意外保係咪最唔賺錢？

你上個Apps度睇咪睇到

你login之後你將嗰啲計劃名同埋保額嘅內容整上嚟咁我哋呢度可以幫你睇到嘅

其實係越來越多都會有上限，多謝嗰班揼骨妹，整爆咗個Pool，同埋就算係冇cap嘅意外下年都可以唔同你續保又或者係取消咗呢個意外醫療嘅額外保障嘅，因為意外保險個基本保障都淨係斷手斷腳同埋身故賠償呢啲

我有個客玩咗一雞嘢又係俾人踢單，佢睇咗10幾次物理治療，我自己都係前年入院上年冇俾人踢，今年咩事都冇用過反而俾人踢，而家紅A起咗其他保險公司全部都玩踢意外，基本上用得就用啦，之後嗰啲一定全部都係有cap嘅

班友玩爆cap意外去揼骨同做gym，保險公司唔出手整個plan真係講唔過去

咁仆街嘅

其實係可以叫佢幫你更正返佢嗰份clinical notes
因為你實際上真係冇咁大鑊呀嘛，同埋若果你個情況好返之後呢，其實你可以自己做體檢去拎返一個健康嘅record喺手，因為入面個體格報告係可以證明返你真係冇咁大鑊呀嘛

我認得巴打你個名呀，你嘅級數嘅銀行福利都唔錯的，如果有送身體檢查嘅話可以去做咗佢啊，我記得我有個客係做野村都有送，你可以等你身體好返之後用個quota去做都得

即係唔係一個唔買會死或者係生存唔到嘅產品嚟嘅，保險係屬於一個奢侈品嘅概念會比較好

因為就算衰極窮極都好走去政府醫院點都會有人醫你，正正係因為有多餘錢能力負擔得到先開始考慮會唔會可以有更加好嘅醫療環境又或者係財務上面嘅保障比屋企人，咁先會開始考慮用保險作為一個工具

因為作為必需品嘅保險，全部都係法定要求嘅唔買會好大鑊嘅，例如揸車一定要有份三保，因為如果唔係撞死人俾人撞死嗰個你一句話冇錢賠佢就成個家庭玩完，但係醫療嗰啲你唔夠錢返私家都係可以去返公立

但其他類型嘅保險唔係咁呀嘛，就係因為擔心出現你下面講嘅情況，本身做到你下面嘅要求嘅其實都係屬於有啲錢嘅部份嚟，因為驚先會用呢個作為其中一個工具去幫自己彌補呢方面嘅風險，保險係應對你上面講嘅風險嚟講最平亦都係最多人識嘅工具

正如做高風險嘅投資一樣，背後一定係要做對沖去將萬一發生嘅爆煲情況出現，唔會至於損手爛腳都仲keep到個本，係可以唔做的但係就會驚真係出現爆煲會點算咁樣

我係絕對明你講緊咩嘅，不過我想帶出嘅係保險絕對唔係其他agent講到咁重要，因為係只有好似你知道自己驚嘅地方係咩，亦都知道應該要做啲咩嘅時候咁先至會令到保險個重要性出到嚟

所以bu仔出嗰份醫生名單，間間保險公司內部都有呢份嘢，係得佢公開講出嚟俾人屌啫

你應該係有600,000危疾，300,000係佢個主計劃，另外300,000係個附加契約，至於嗰個咩免付保費附加契約應該係講緊若果發生指定情況，例如殘疾嘅情況可以豁免上述主計劃個保費

至於你份意外呢，就係有300,000嘅意外，另外附加左500,000嘅意外身故/斷手斷腳賠償，呢度總共800,000

至於普通人最關注嘅意外醫療部份呢，你就有30,000的，基本上你都夠晒用去睇任何意外整親嘅嘢㗎啦，唯一你欠缺嘅部份就爭一份醫療又或者人工多咗，你咪再另外加多份危疾咪可以

冇錯，係呀

所以正確做法就會係，頭25,000嘅部份就要住普通房先，過咗之後你就可以去返半私家房了，但係因為正常嚟講呢呢幾日都夠你出院㗎啦，就唔會話可以去到兩日普通房剩低半私家嘅情況，多數都係同一年第二次入院嘅時候就可以享受返

至於平時普通房想升級上去半私家呢，一係就係因為傳染性原因又或者因為冇房短缺嘅原因夾硬隊你上去，而個情況係緊急需要用房做手術的

你換另外一間咪得，你揀啲無調整因子咪可以，而家好多都係冇調整因子喺分行賠償個靈活計劃上面，如果唔係都係要先普通房，然後住夠條數上半私家咁樣

如果客人唔知頭唔知路去了睇個伏醫
咁咪GG

咁基本上你家族對你冇影響的，因為淨係考慮直親即係父母兄弟姊妹子女呢啲

反而係你提及嘅中學驗到嘅病，呢個就需要睇返個嚴重程度係幾多，如果係屬於輕微嘅話就問題不大，但若果係去到比較嚴重嘅話呢就有機會會有不保事項又或者係需要加保費先可以受保

我自己就會建議你試咗李澤楷先，衰咗你咪先再試c記，呢間都衰咗咪再其他

呢兩間個特點都幾特別嘅，一間就係性價比高但核保嚴格，另外一間就係價錢貴啲但核保相對寬鬆，保障範圍上面就前者多啲附加項目喺上面，後者基本上就係醫療保障項目上面係最好但冇其他附加項目喺上面，即係例如唔會有有住院現金同埋無索償折扣呢啲，但係唯一最好嘅地方就係佢冇限制癌症治療方案同埋提供每年3000萬保障額

我自己就會係選擇加拿大太陽為主

因為佢最重要係有個大病豁免保費呢個條款，不過缺點就係佢索償上面就冇c記來得簡單，不過你本身係現有客戶嘅話呢咁應該就影響唔大嘅，你係咪應該都係有人跟開

有啲醫生真係有保險同冇保險係兩個價錢

有啲神醫，普通人睇例如幾舊水，有保險就要千落樓

玩得多自然喺名單入面啦