執業會計師，公司個人會計報稅問題，你問我答

我覺得入咗big 4就算頂唔緊都起碼拎哂啲support (4 modules or/and final)先quit啦，加加埋埋做一年至年半左右 (視乎你可唔可以一take pass哂啲modules exams)，同埋期間起碼有兩三個月以上係放study leave

咁都頂唔緊就轉行啦，但預要畢業後兩年內做到，如果唔係出面啲grad prog(包括MT/GT)多數唔會再侵你玩，條路唔會易行同預要付出好多心力，因為爭呢啲位競爭會比入big 4大好多。

如果過哂時機都搵唔到，就唯有疊埋心水長做到M grade+考牌算啦

唔建議big 4轉local，除非你諗住好似樓主咁叻自己搞生意 ，不過應該唔關你個case事，因為起碼做到M grade以上先有能力自己去搞生意

仲有一種就係直接入commerical做會計，由低做起，workload會少但冇咩前途可言，呢樣見人見智。

巴打，其實如果現金出糧點解可以唔報稅？公司唔係會照報員工個名同人工上去俾稅局，之後當支出咁交少d稅咩？

好想入big4 後悔大學果時冇做到intern

小弟準備grad，不過都答到你啲，等樓主補充

公司賣物業使唔使比利得稅好睇你賣物業會唔會構成"Business" 嘅性質，如果跟足法例，IRD 會睇曬6樣野再決定你需唔需要交Profit tax：

1. 公司賣物業的動機。例如如果你公司講緊唔係賣緊少少物業，而係講緊你一次賣好多，咁中好易中左"Business" 嘅性質，要交Profit tax

2. 公司持有物業時間的長短。如果你公司買完個物業翻來唔夠幾個月就賣左，好難說服IRD 呢樣野唔係投機性嘅活動，咁就好易跌左入
去"Business" 性質嘅定義，變左Investment property 交 Profit tax

3. 公司賣物業的頻率，如果你公司講緊唔係賣一次，而係好多次，咁一般都係參與緊"Trade"，就變左交 Profit tax

4. 公司賣物業嘅原因。上面雖然話公司短時間內買賣物業，但可能原來你公司現金流唔夠，所以要資金周轉，而且你別無選擇下只可以賣物業，咁就可能構成左獲取利潤以外嘅因素，就唔係"Business" 嘅性質

5. 公司一開始購買物業的意圖。呢樣有啲難proof，你要證明比IRD 睇你買物業的意圖唔係用來做Trade，proof 到就有機會

6. 公司有無做啲額外嘢令到個物業易啲賣。例如公司有冇翻新或者重新裝修物業令到物業嘅吸引力高左，變相可以用高啲嘅價錢賣左個物業。如果有的話，咁就會間接證明你轉售物業的意圖係可能想用來做"Trade"，而唔係單純嘅資產棄置

補充：以上6樣野IRD都會睇，無一樣係決定性嘅因素

派股息收唔收withholding tax睇台灣稅法

銀行出糧都可以唔報稅
現金出糧你鍾意報凸都得
從來都係睇僱主有冇填56B，稅局掌握到你資料後就知你有冇隱瞞
睇行業文化，啲人堅持現金出糧，唔簽收據，否則就走，你都冇法，請唔到人

僱員現金收咗糧，但冇簽收據，僱主報咗有薪金開支，但僱員堅持唔報稅。咁稅局係咪吹僱員唔脹？因為冇收據。

除咗簽張爛鬼收據，重有好多嘢證明到你喺度返工嘅
可以查埋你家宅，睇下你綜援收入同資產相唔相稱
你話平時靠親友接濟，睇證據囉

Bookkeep audit一齊做衰independence

轉左工之後，好似無再收到稅局既信，點解既？




另外稅務師有無前景？

咁佢地收現金嘅用意係咩? 佢唔報稅，稅局要查都查到。

所以就係將平時自己私人啲食飯/CALL車/消遣啲開支射哂入間無限公司度，就算冇得作啲入貨單出嚟都叫有得回下血。

現實係唔會咁得閒乜都查
有啲行業，打工嗰個惡過老細，你話要供mpf要報稅佢就唔做
到公司交audit report時，除非賬目人工同報稅人工有非常離譜嘅差異，否則都唔會搞你

師兄之前成日同稅局交手? 咁呢啲算唔算tail risk， 個僱員畀稅局周到要坐? 定係純粹補番條數就算? 見稅局啲檢控case又好少呢類講現金出糧冇申報。

僱主報，僱員唔報，稅局會搵僱員收稅。哩啲情況正常唔會發生，但係有唔正常情況嘅

個客做外判，僱主宜家報返幾年前出糧畀個客，稅局出稅單畀客，寫明根據邊間公司嘅僱主報稅表。個客解釋返佢做中間人幫老細出糧，嗰啲唔係佢收入，報返一堆人頭畀稅局，成功退稅

畀稅局發現你蓄意逃稅，罰款更甘，要唔要坐監睇程度

咁其實佢地都係搏稅局懶得查現金出糧搞一大輪，過咗七年就安全。但查起上嚟其實都係一炮過補番之前啲稅。膽搏膽，並非技術操作。

啲人都係擔心社署同房署查，邊有人理稅局要唔要報稅
麻鷹都未捉得哂，邊會理雞仔

仲以為定期要。。

真心佩服樓主，回答得又專業又詳細

最重要有耐性覆，老老實實好多問題都係打份工想開間公司減稅，見到真係燥，會計師比嘅專業稅務意見係tax planning，個啲咩開間公司虛構收入支出做到虧損叫逃稅，完全兩回事，想呃稅局就自己諗掂佢啦

其實打份工，如果老闆唔配合，唔好哂時間諗啲旁門左道慳稅，正正經經交稅啦

不過就係樓主呢種唔怕蝕抵嘅精神，你先可以儲到客自己開firm

利申：同行，自己開firm幾年，8個員工

有機會可以交流下

台灣稅唔識wor
買錶少少地你當gift都得嘅，買隻地通拿就唔得啦

不得了，教材式回覆。
簡單啲就睇幾多年賣啦，以前一般3年內賣都會俾稅局問，依家少咗人短炒樓就好少見有稅局問

唔識wor，多數都係同啲assessor打交道，唔知樓下啲grade係做咩

咁聽落就似自僱，可以開返張BR去交Profit tax

白痴一問
前幾年（18年）同人開左間合夥無限公司，
主要係接一間大判既job 嚟做，
大判個邊有報稅個年出左幾錢比我地公司咁。
咁問題嚟啦，頭個年收到報稅單，
就簡左各自用個人入息嚟報稅（因為每人都有免稅額）
之後好似22年先收到第二份報稅單叫報番19/20年既數
其後再無收過綠信封
其實係咪要主動報稅？定等信嚟先報？
Sorry 問到1999， 間公司上年已摺

我睇咗上面啲回覆，我講一講自己見過嘅嘢啦

香港依家有個好嚴重嘅問題就係勞工短缺，好多勞動低收入職位都請唔到人，如地盤工人，餐廳侍應，一田啲promoter，工廠工人。好多低下階嘅人又攞綜援住公屋，佢哋係唔可以報自己有收入因為會少好多benefit。但因為冇勞動力，啲老闆又請唔到人，變咗啲老闆焗住要現金出糧去請人，因為你如果要幫個員工報mpf同報稅，冇人會同你做。但咁樣個僱主又唔可以扣稅同埋會有違法風險，所以成件事係一個死局，唔好問我我都唔知點解決