［冇圖］睇左好多年聖經 你問我答（3）

邪教徒睇唔到㗎，超越邏輯呢句嘢好似好勁好型，而佢哋信嘅神係最勁最型，未拎嚟用囉
本身佢哋對神嘅解法已經好多bug，加埋超越邏輯就變成個心理變態嘅邪神

其實歐洲教會已經無sell 全能全知好耐，亦無執着於文字，係華人教會仲沉醉於咬文嚼字

自然神第一次聽 有冇可能講多少少？
我成日覺得宗教提出嘅人格化神 喺當時環境咁做 係有利佢傳播又或者易於團結一個族群嘅思想

信仰係自己嘅 宗教係人造嘅 我有時係咁諗

當然可以，𥄫自己果個。
神教人要忠誠，咁就由心而發對神對伴侶忠誠。

箴言5:18-19
//要使你的泉源蒙福；要喜悅你幼年所娶的妻。
她如可愛的麀鹿，可喜的母鹿；願她的胸懷使你時時知足，她的愛情使你常常戀慕。//

「上帝不一定是男性」 英格蘭教會考慮用中性詞替代「他」及「父」
- 分享自 LIHKG 討論區
https://lih.kg/jzBfcS

識Greek同Hebrew嗰位主內弟兄點睇, 主是天父定天母?

聖經冇題過外星生命，聖經講既野係貼地既，係比當時讀者睇得明既，透過神既說話同作為，教人唔再偏行己路，回轉歸向神，愛神愛人。
你想推翻聖經，咁就要否定耶穌降世，釘死係十字架，三日後復活，再之後同門徒顯現，升天。
不過我勸你都係慳返啖氣。
如果個政府要因為你想去推翻聖經就捉你去比野獸咬死或都比火燒或者釘十字架，你仲去唔去？
初代基督徒堅持宣認耶穌從死裏復活，好多就係咁殉道。

愛因斯坦曾經係訪問入面講相信係“自然”，非人性化嘅神，可以理解為創造神只係創造世界，並沒有人類嘅喜惡，亦可以理解為自然法則，如以宗教角度黎講係更接近佛教所謂因緣，因果之說

我冇睇過。筆者有自由向人講佢對耶穌既印象同認識，正如我係度講咁。
但係呢幅圖令我覺得佢同聖經講既野唔同。
聖經係神係歷史中間透過人既手寫出黎既啟示，教人回轉蒙恩得拯救，脫離罪惡。

提摩太後書3:16-17
//聖經都是神所默示的，於教訓、督責、使人歸正、教導人學義都是有益的，
叫屬神的人得以完全，預備行各樣的善事。//

我唔會去, 因為我唔信
但我見到好多回教弟兄到今時今日都肯為真主打美帝(現代羅馬帝國)殉道, 可蘭經是否比聖經可信?

「平時」？係你講，定係成本聖經都係咁講？
你又話唔熟書既？

係無你咁熟書, 仲唔識greek同hebrew. 上次問你邊本OT係摩西死前寫你都未答, 認真問
之前有位弟兄話NT有兩公婆呃神錢都要drop dead
我咁撚多嗲應該都死期不遠

聖經講個神講得好清楚，係你可以去認識佢，問題只係你肯唔肯。
宇宙規矩又或者自然規律，唔係聖經所關心既，間唔中你會搵到幾句相關，但聖經緊張既係人。
神緊張你點對人，點對你身邊既人，點對你唔中意既人。
神緊張你偏行己路自取滅亡，所以派耶穌救你離開罪惡。
連羅馬軍長士兵都知道承認耶穌係神。

馬太福音27:54
//百夫長和一同看守耶穌的人看見地震並所經歷的事，就極其害怕，說：「這真是神的兒子了！」//

做咩係咁講啊mo 唔講自己？
問題係你睇唔到永恆。70、90 年對你黎講係長？ 係永恆入面， 眨下眼就過喇。
你以為啊mo 最好係做dancer ，神冇咁講喎。

利未記21:21-22
//祭司亞倫的後裔，凡有殘疾的，都不可近前來，將火祭獻給耶和華。他有殘疾，不可近前來獻神的食物。
神的食物，無論是聖的，至聖的，他都可以吃。//

神為屬佢既人係地上既意思係，有咩殘疾就唔洗做照出糧full pay 。

咁係咪即是啊mo瞓喺度70年比做dancer好? 你咁撚離地有無人性!
我呢啲嘴賤口臭罪人唔配上帝的恩典, 落地獄是活該, 但啊mo是主內弟兄理應該配上帝幫助!

好痴線 又一心理變態實證
因為永恆中70，90年眨下眼就過咗，所以喺當事人唔同意唔想嘅情況下畀佢殘廢下都無問題
另外Mo應該要感恩，邪神畀你殘疾下就唔使做都有糧出

事實係呢單Mo叫教徒都仲有得兜個少少，其他人唔只要受70～90年苦，仲要受永火之苦
殘廢一世行乞，死後再受永火

感恩啦凡人 你睇邪神為你準備幾多痛苦令你學識永恆忍耐？

原來係咁 咁同聖經所講嘅原罪好似有沖突

多謝你長篇剖白。

聖經係歷史入面寫出黎，首先比當時既人睇，想正確理解係應該走返入當時既文化入面，睇下當時既人點樣理解，要走入去無可避免要學埋原文。咁先貼返寫果時既地，明白神既心意，就自然可以係今日既世界，用神既視角貼地。

有咩意外，好多人係會諗，好返咪好囉。
神睇人睇個心，除左好返之外，仲有好多野。
你接唔接受神睇到你睇唔到既野？

以賽亞書55:9
//天怎樣高過地，照樣，我的道路高過你們的道路；我的意念高過你們的意念。//

可唔可以係時侯未到呢？我咩都唔知，但神可唔可以等到有某個人去探佢果時先醫，為左叫果個人回轉呢？
你覺得神應該咁做，佢就要咁做既話，究竟邊個先係神？
你切身代落神度諗係個好既訓練，但同時有好大限制，就係我地知道既野實在太少，我地可以一次過處理既問題太少。

又有bug位 全知全能神無能力令人知道更多、處理更多問題
之後你哋就會兜神唔會使橫手干預，但全能神唔可以喺唔干預嘅情況下干預咩？你另一個主內弟兄先話佢超越邏輯喎 即係佢係異端定你係異端？

耶穌係男人，係大仔。
其他都係比喻黎。
耶穌跟舊約叫天父，繼續叫天父就可以了。
當然你中意點叫都得，你同佢既關係黎。

以賽亞書66:12-13
//耶和華如此說：我要使平安延及她［耶路撒冷］，好像江河，使列國的榮耀延及她，如同漲溢的河。你們要從中享受（原文是吮吸）；你們必蒙抱在肋旁，搖弄在膝上。
母親怎樣安慰兒子，我就照樣安慰你們；你們也必因（或作：在）耶路撒冷得安慰。//

你好似BB，神好似母親：「黎飲奶奶喇。」

其實基督教”原罪”同佛教”無明”類似，本身目的都係想人控制減少慾望，少慾望先少犯錯，不過大部分人執着文字，唔了解當中真正含義，攪到古靈精怪

我有個問題，點解地上嘅宗教們總係要我地從聖經去尋找嗰個造物者，由聖經去尋找佢俾大家信徒嘅話語。又要根據聖經強調大家必須翻教會，又需要做崇拜，食聖餐等等嘅儀式？唔通我哋唔行入教會，做所謂嘅靈修，神就唔愛我地？



假若我做人良善，愛已及人，心中有神，無論人性或自然與否，作為個人信仰相信一個造物者，而非根據人編寫訂嘅書藉，宗教去信唔係更加好咩？

初代基督徒係見完復活既耶穌，見證「耶穌復活左」，比人捉左，殉道都肯見證到底。

識少少伊斯蘭教扮代表果堆，唔係見證緊自己見到咩，又冇人逼佢地，佢地自己去自爆，佢地所謂殉果個道係咪可蘭經教既我都有少少保留。

要搞清楚殉道既意思呀。

唔好意思，太多問題好亂，miss 左。
出埃及記15:1-18 有摩西既歌。
詩篇90篇開宗明義係「神人摩西的祈禱」。

果兩公婆係作為教會一分子，係神同眾人面前呃神。
你又冇做呢樣。每一個人都應該悔改回轉呀。

「咁係咪即是啊mo瞓喺度70年比做dancer好? 」你講個喎。
我係話我唔知。冇人配得上帝幫助。但神對其他人仲有咩計劃，唔係我地而家睇到既。
你有冇興趣一齊參加神個計劃，親身睇下係點？

聖經講個神，你用聖經出面既思想睇，當然有衝突。
你睇唔睇到自己既對罪既傾向，比起睇其他人有冇原罪，重要得多。