［冇圖］睇左好多年聖經 你問我答（3）

冇錯，咁我應該修改下：
我理解係講緊聖餐既象徵意義。

不鼓勵就是不同意佢地去做呢d野；例如堅持不參與有關LGBT的事，但佢要做你阻佢唔到。同埋教導兒女神係點講，而家d學校，特別係國際學校已經成日洗班小朋友腦

你咁講我同意，美國加拿大已經好大鑊，歐洲暫時仲好少少，下一代難教

係現代父母經常outsource 左教育俾學校
成日諗住入到間好學校就可以推俾學校
聖經話教導兒女係父母既責任（經文唔quote喇，箴言大把）
其實係父母做唔好啫

好都有留意佢
好想佢入嚟討論 佢唔入嚟嘅

濛巴有冇小朋友？

我*

老婆唔想生
不過教會既小朋友都係我屬靈的兒女

聰明智慧並重嘅女人娶得賢妻

感恩你呢份無私！
屬靈兒女 無分血脈

所以受西方教育父母要調整期望
可惜好多父母都係心存僥倖
唔會嘅，點會係我嗰個呢～ ？
外國係你送嘅，自然多接觸LGBT
仔女去完外國揀咗自己性取向！
返到嚟就喊 ，識以前一個教會auntie 係咁
其實仔女係咩都唔緊要，最緊要調整自己期望。

冇咁多後悔藥食，條路自己揀 仆街唔好喊

今次我就有D保留喇，LGBT唔代表西方，東西仲有好多其他分別，例如佢地唔填鴨，我咁蠢都係因為我比人由細填到大
至於出完去揀性取向，我覺得個問題唔關家長送出去事，而係仔女根基唔穩陣

利未記10：8-11
//耶和華吩咐亞倫說：「你和你兒子進會幕的時候，清酒烈酒都不可喝，免得你們死亡，這要作你們世世代代永遠的定例。你們必須分辨聖的俗的，潔淨的和不潔淨的，也要將耶和華藉摩西吩咐以色列人的一切律例教導他們。」//
神既律法係分別為聖既利未人教，今日就係教會，家長當然都要教。
唔當神係神既學校，靠佢真係死得。

「以色列啊，你要聽，要謹守遵行，使你可以在那流奶與蜜之地得福，人數極其增多，正如耶和華－你列祖的上帝所應許你的。 「以色列啊，你要聽！耶和華－我們的上帝是獨一的主。 你要盡心、盡性、盡力愛耶和華－你的上帝。 我今日吩咐你的這些話都要記在心上， 也要殷勤教導你的兒女。無論你坐在家裏，走在路上，躺下，起來，都要吟誦。 要繫在手上作記號，戴在額上作經匣； 又要寫在你房屋的門框上和你的城門上。」
‭‭申命記‬ ‭6‬:‭3‬-‭9‬ ‭RCUV‬‬
https://bible.com/bible/139/deu.6.3-9.RCUV

冇錯

但係我幾理解呢兩者講真

生勾勾地痛苦同一d我理性唔太梳理到只能夠按信心領受既現實，係幾tough

人非有信大家都明，不過信你話最易又得最難又得

如果唔係主耶穌既一生充滿張力到咁，
即上帝就算用人既標準都係絕對有資格用現代講法主耶穌唔係冷氣軍師佢一早受哂、而聖經又寫明個杯係門徒就要喝
如果唔係有呢兩個基礎或者我有好多關都唔唔到，因為起初根本唔明而且明左唔等如唔痛苦難過

個種張力係好考驗人（eg 放下所愛兼去愛最Q唔妥個個仇敵）

個種係自由意志自願下既絕對既順服同絕望中既信心要信呢一切都唔會係枉然白受

係幾唔容易

唔係唔完全唔代表的
西方一定有代表性 ！
例如all gender Toilet 唔係西方自由思想嘅產物？
藉住呢種自由gender identity完全可以重新顛覆，重新選擇！

而我冇話西方「完全」代表曬
你知我知 喺美國先幾年
幾多牧師好頭痕未來要幫同性戀證婚？
所以有一堆牧師勁鼓勵投trump。

而你嘅故事係一個個人分享。
Auntie 故事都係一個個人經驗分享。
兩個個人分享都冇「完全」代表性
只能作為一個參考性嘅論述。

根基唔穩陣仲送去外國，咁父母就唔好心存僥倖～
另外 ，我重點唔係LGBT 係父母調整期望嗰度
冇mon 住 ，變成點，唔到你話事 唔係淨係性取向。
e.g 喺香港事奉晒 大把過到去吸毒
好多歐洲地方大麻都合法化
e.g 呢頭敬拜完嗰頭喺教會後面間房搞嘢有冇聽過？

我講緊嘅係 一個國家追求「自由」極緻產生嘅產物
每個地方都有好，有唔好
唔會整個大filter 比西方
總之，烏托邦只係得天堂。

其實我成日都覺得「自由」係一個好難定義既concept。法律上既自由？道德上既自由？資本市場下既自由？
被政府用法律控制是不自由，被資本家用市場營銷廣告控制不是不自由？
聖經講既自由，唔係乜都做得果種自由，而是不被世俗隔開與神的關係既自由啊

我都係覺得唔代表，因為你講既呢堆野係魔鬼既產物，而佢地西方世界出現左。

果度法律上有自由講野：講廢話，鬧政府，褻瀆神。但講左出黎，唔代表D人講出黎既野係啱，而有堆人聽左仲跟住做，都唔代表D人講出黎既野係啱。事實上，我地都知聽真話又跟住做既人係少數。邊度都係一樣。

你所講而家西方既「自由」：啟示錄18：3
//因為列國都喝了她淫亂大怒的酒；
地上的君王和她行淫；
地上的商人因她極度奢華而發了財。」//

呢D「自由」國家既結局：啟示錄18：2
//他以強而有力的聲音喊着說：
「傾覆了！大巴比倫傾覆了！
她成了鬼魔的住處，
各樣污穢之靈的巢穴，
各樣污穢之鳥的窩，
各樣污穢可憎之獸的出沒處。//

住係入面既人/被送去既仔女應該要點：啟示錄18：4
//我又聽見另一個聲音從天上說：
「我的民哪，從那城出來吧！
免得和她在罪上有份，
受她所受的災殃；//

你下下quote bible呢
呢啲事只係用常理去理解，客觀去睇呢個世界所發生嘅事！小心變有神性，冇「人性」（貼地）

魔鬼產物係人都知 、邊個唔知？
但係喺西方地方更加放大及放肆～
你冇答我，邊度create all gender toilet先?
你硬要話關聖經事嘅！
咁12支派拜偶像都總有一個先啦！食禁果嘅都有祖宗啦？
同性戀合法化係由西方開始跟住台灣黃種人先跟
全個世界有乜嘢唔係西方帶領住跟住黃種人先跟（包括好嘢同埋衰嘢）
Rock & roll heavy metal 首首歌大叫Satan Satan
呢啲始祖都係西方！

咁你又諗吓點解會係西方出現先？
推祟所謂極致嘅「自由」一定係由西方黎

我知你住緊呢個地方～ 可能你好鍾意！好enjoy
我都住緊香港好撚憎香港 但係事實就係事實！

有啲客觀事實，你死要quote bible 就好討厭㗎喇！
咁你鍾意客觀嘅事實要切入聖經嘅話
要講聖經，我都可以同你講
撒但引誘人，人有自由意志去選擇！
猶大被魔鬼進入內心，佢賣耶穌都係佢選擇㗎！
乜嘢都懶撒但嘅，人唔使負責啦，ok ?

聖經講嘅自由，就唔係真正嘅自由
真！我好認同

一啲糖衣包裝嘅「自由」
最後都係另一種捆綁。

都補充 ，等同極權國家禁制人嘅，都一樣可以係撒但嘅產物，都一樣有始祖做先～

洗唔洗咁激動

你冇答我，邊度create all gender toilet先?

呢排梗係美國啦，大家都知啦

我係有好多野唔中意我住果度架，住得果幾年，寄居住先架咋，你唔係覺得我中意到盲撐嘛？

聖經真係講緊呢D勢力不斷重覆出現同收檔喎，我見應景先quote 咋
佢地有幾惡都好，之後咪又係一下就收晒檔

即係咁，我再講清楚D，我覺得要負責既人係一開始大大聲引人犯罪果堆人，同埋最尾跟住做果堆。而唔係比佢地有機會/自由亂講既地方/文化。
好似D人問點解神整個世界出黎搞到人犯罪咁？

準備找數

黎巴等你

比正皮你歡迎你搬完上水