［冇圖］睇左好多年聖經 你問我答（3）

我個人覺得天主教有啲神父講寬恕講得好過新教
有深度好多，落地好多。
從人嘅心出發，有輔導嘅意味重啲，亦都人性啲～
講真，經文邊個唔識quote
反而神父講有為信徒生命嘅喜樂出發鼓勵饒恕
唔似新教有啲成日講饒恕係一種誡命
神父有講不寬恕係一種報復，其實對自己，對別人都係。

寬恕對方 ≠對方冇對你造成左傷害 （呢一點一定要確認）
寬恕對方≠對方都需要寬恕你 （所以調節自己期望關係未必等於可以修復）
寬恕對方係一個個人嘅決定
寬恕對方應該係係一個好嘅時間道歉，而唔係即刻

20幾年喺新教亦屢見有d
為左餵養自我美好的形象，為左團隊士氣等等
其實冇處理好寬恕 繼續一齊事奉，上一秒又話對唔住又攬頭攬頸又禱告又哀哭切齒，下1秒其實又嬲喇，其實冇對自己坦白根本末寬恕到，我個人認為執行上，寬恕首先最緊要對自己坦白。

耶穌有冇同咩妖怪/魔物 隻過揪

補充：
認同感覺係釋懷嘅
但放棄追討對方 我有保留係咪等如寬恕左
e.g 你呃咗我10萬蚊，我決定唔追喇
≠我唔嬲

真正寬恕咗嘅感覺係
可以為對方開始返禱告，可以憐憫佢所作嘅佢唔曉得
可以從佢嘅角度出發睇到佢嘅慘 ，明白佢難處

絲打講得好好
寬恕係冇得迫既，係個人的決定
但免人的債，亦是神所喜悅的
神好重視人與人的關係，不管是寬恕與求寬恕

「所以，你在祭壇上獻祭物的時候，若想起有弟兄對你懷恨， 就要把祭物留在壇前，先去跟弟兄和好，然後來獻祭物。 你同告你的冤家還在路上，就要趕快與他講和，免得他把你送交給法官，法官交給警衛，你就下在監裏了。 我實在告訴你，就是有一個大文錢還沒有還清，你也絕不能從那裏出來。」」
‭‭馬太福音‬ ‭5‬:‭23‬-‭26‬ ‭RCUV‬‬
https://bible.com/bible/139/mat.5.23-26.RCUV

可能我講得唔清楚，放棄追討包括對佢既一切苦毒，包括物質上同精感上
同意你講既要為對方禱告

趕鬼算唔算隻揪

呀 咁全面cover
分享一個個人經驗
寬恕左個人 但一直冇機會和好
我會祈禱希望喺街撞到佢
點知 真係撞到
會上前打招呼 有時一見到面 有啲事就不藥而癒
男人會更加明！

靈性上，耶穌有單嘢同魔鬼隻揪

受魔鬼試探，耶穌禁食左四十晝夜
最後KO左佢

啟示錄12-14 章。耶穌隻揪魔鬼（龍，12章）、幫魔鬼既政治勢力（海上黎既獸，13章上半）、幫魔鬼既宗教勢力（地上黎既獸，13章下半），然後KO晒佢地（14章最尾），同佢一齊既人都贏晒（15章上半）

點睇亞當夏娃食禁果犯原罪呢件事

佢哋未食之前連分辨善惡嘅能力都冇 點解係有罪

唔記恨唔等如要攬住黎惜，寬恕唔等如是非不分

上帝唔會是非不分，有時最谷氣係覺得「有冇搞撚錯咁撚樣都得」，姐係荒謬。
荒謬就係弄虛作假屈枉正直個陷家鋤明明係岳不群仲扮撚哂野溝女個時話自己係令孤沖

有公義既盼望因爲等緊個位係公義既上帝，上帝會按公義（當然有情況係如果普京真心悔改咁點算，冇點算就係上帝稱佢為義佢就為義但罪同罰兩回事詳見雅各大衛）審判

另外，好重要一點，反問自己有幾得罪上帝

因為有盼望，所以荒謬對我黎講只係「佢立心送自己一程」而唔會「屌你老味有冇搞撚錯咁撚樣都得」

我想佢死，我就送自己一程；
佢係好樣衰但我因對上帝盡忠而為佢代禱而唔係因爲佢有寶，上帝一定會賜下出人意料既平安比你因爲你已經順服左上帝

耶穌點睇法利賽人、審判係點、上帝重手辦大衛雅各就係公義既盼望既根據（但上帝點做係上帝既事，真心為仇人祈禱係我既事）

個d日日想吹文革風鬥呢個搞個個既自己睇路

上帝做事係咁

耶穌死於十架復活於十架得勝於十架而唔係一出世就天崩地裂全世界跪拜反而係未出世就比人追殺

主耶穌既神蹟係醫治趕鬼而唔係不停用令人崇拜既方式、正邪立判咁既姿態去擊斃法利塞人好iron man咁，係人間既身份仲要係基層唔係上流人士

倪匡先生講見證個時話聖經係好活潑，此言不虛；南叔陳耀南講見證又係一絕，未聽過上網睇下

真心覺得饒恕呢個話題係香港唔好避開
真係好好討論嘅一個話題！
討論又唔代表要9秒9做到
但係唔討論連個認知都冇。
有時我會自私啲咁諗，饒恕都唔係講緊介意上帝點睇自己
係影響自己身體 長期啲苦毒喺裏面最後自己受返
純粹係唔想自己咁蠢咋

非常認同你話上帝會按公義
係一個真理，唔係一個自話自說
亦唔係一個自我安慰嘅阿Q精神

PS: 正皮我比你嘅

推

神按自己形象做人，本已經知善惡，引（創世記3:22）

//神就照著自己的形像造人，乃是照著他的形像造男造女。創世記1：27//

//上帝也說：「那人已經與我們相似，能知道善惡。」（創世記3:22）//

—

有罪因為叫咗佢咪鬼仲食
//耶和華神吩咐他說：園中各樣樹上的果子，你可以隨意吃，只是分別善惡樹上的果子，你不可吃，因為你吃的日子必死。

創世記3:2-4 //

有個有時差，有d未收工
放心 一定有人答㗎！

之前啲問題都答晒嘅 只係有時未必即刻答

創世記3:22 應該係講緊人祖食咗果實之後嘅事wo如果我冇睇錯

並冇講過按神形象造人所以本身已經知善惡 而反而係特別係佢食完果實之後話人類知道咗善惡

同埋有一點係佢哋食果實之前赤身露體並不羞恥 食完之後就識返衫 都可以見到粒果實係有實際影響

唔好意思，「人祖」係指？
其他，返到屋企查吓聖經再答
或者 其他巴都會衝出黎答

亞當夏娃

呢個問題要組織好黎答

第一個要解決既問題係咩係善，咩係惡？邊個介定？善惡應該係神所介定的。如是者，食知善惡樹的果就是惡，不順服就是惡。

佢食左呢個果時，就開始懂得define善/惡。其實define 善惡是神的權力，不是人的權力，夏娃做緊既係奪權，梗係出事。

人到現世都不斷用自己既標準define 善惡

其他細節，如蛇的角色，夏娃的角色等，再組織好d先答

我假如佢奪權（判斷善惡）呢件事為惡
但佢未食果實前未有呢個能力
咁可唔可以推斷佢當下冇能力去判斷呢個行為應唔應該做？

同埋假如善惡唯一嘅標準係神嘅心意
咁神係全善本身嘅意義係咪細咗？
（畢竟佢就係龍門）
咁人要追隨神嘅理由係咪變咗因為佢嘅權枘 而唔係因為佢嘅善同愛 唔係發自內心追隨？

本身善就是順服親近神，惡就係叛逆遠離神。夏娃知道神叫佢唔好食，但受蛇引誘，就食左咁咪得罪神囉。佢最大既罪係質疑神的信實啊

神冇搬過龍門啊，搬的是人的意志啊

神從來都係喜悅人愛佢信佢順服佢從亘古到現在都冇變過

首先 你咁樣冇回應到點解亞當夏娃佢哋喺冇能力分辨善惡下食咗果實係犯罪

等於BB理解唔到偷竊嘅concept然後食咗人啲野 然後你話佢有罪 扔佢出街自生自滅

仲有係 我唔係話神搬龍門
而係話神就係龍門本身
因為你嘅意思就係一樣野是否善
純粹係睇佢是否合乎神嘅心意
咁咪則係神先於善惡本身囉

咁人對神嘅愛就唔係因為神係善神 純粹係因為神係神

Q1 並非食完知善惡，人類被創造本身有

1. 神的形象本是存有善及惡，呢點應該冇人會懷疑，而我人會有憐憫有良知有公義e.g. 其實我哋係按佢形象造，有佢嘅屬性，一切都來自創造嘅主。

//神就照著自己的形像造人，乃是照著他的形像造男造女。創世記1：27//

上帝都驚死佢唔知所以先至叫佢唔好食，提佢這是錯的，佢收到呢個資訊開始會更清楚什麼是對錯，善惡。而且上帝講得好嚴重，係食完會死。

2. 分別「善惡」的「善」是以上帝看為好的善來理解，「惡」是以上帝以為不好或惡來理解；所以分別善惡是上帝的獨有本性，係指出上帝有自決權之屬性。因此，人要吃此樹的果子是想能像上帝有創造這樣的獨有的「分開／決斷」的主權—e.g 將光與暗分開，將空間以下和以上的水分開，將水與地分開，將物種的類別分開，將男女的性別分開等；

次序係先創造咗人，再有果子園，神看為美好，女人仲比男人食個果，可見到已經有智慧判斷，而並唔係bb。

果子裡面是否有一些屬靈特性是無關緊要的。 罪係在於違反上帝的命令。 通過吃果子 ( 一種不順服的行為 ) ，亞當和夏娃個獲得了惡嘅信息。 佢哋先前已經知道善，因為上帝已經同咗佢講食咗會死，冇同你講，你唔知，同咗你講你都做就係知而繼續行。佢哋經歷了不順服，與善相對的惡，以及隨之而來的內疚和羞愧。

至於如果你話喺聖經字句上神嘅形象並沒有指出善惡，你想討論喺下個問題，可再討論，免呢度太冗長。

Q2: 佢哋食果實之前赤身露體並不羞恥， 食完之後就識返衫 ，都可以見到粒果實係有實際影響

認同呀 ！本身神創造美好嘅世界， 其實上帝乜嘢都俾佢地食，淨係叫佢唔好揀嗰個，死佢都要去食，所以自此就有羞愧，唔可以再赤身露體了，創世記有講佢哋逃避神。着返衫就係開始有羞恥嘅表現。亦都係一個寓意人犯左罪係會遮遮掩掩。

係男人嗰度拎條骨出嚟做女人，亦稱佢為丈夫
然後呢對男女延伸左有無限嘅後代，咁佢哋做愛聖經都冇講，冇講唔代表佢哋唔係一個成年人，以可以話佢係一個冇智力嘅BB（題外話，但係折夭嘅BB我自己係覺得上天堂，呢個就係另一個話題po 2 已經講過了）

再推斷下去，女人又識聽魔鬼講嘢 ，唔認為係冇判斷力，而且神已經同咗佢講，識聽魔鬼講嘢就識，唔識聽神講嘢？咁咪就係選擇性聽野，而唔係冇判斷力，係判斷錯了。

重quote 上帝已經叫咗佢唔好做:

//耶 和 華 　 神 吩 咐 他 說 、 園 中 各 樣 樹 上 的 果 子 、 你 可 以 隨 意 喫 ．

只 是 分 別 善 惡 樹 上 的 果 子 、 你 不 可 喫 、 因 為 你 喫 的 日 子 必 定 死 。//