［冇圖］睇左好多年聖經 你問我答（3）

都係嘅，其實呢方面基督徒就一直好兩睇。
我個人認為，都係睇返出發點，例如 婆婆未信嘅 唔食佢啲嘢佢會好唔開心，當然都以佢為做福音對象，唔想同佢老人家爭執對基督教更加反感，咁樣嘅出發點相信上帝係會悅納。

相反，公司拜神嘅嘢我就唔會食了，我以前就會直接話我係基督徒唔食。

我唔知咁樣會唔會有雙重標準？

既然上帝咩都知，咁佢喺咪知道好 enjoy 日日玩SM同比人俾人屌嘅感覺

唔會呀，聖靈會幫你判斷
基督信仰一向係原則性教導多於行為
所以要因時制宜，睇環境
最重要係邊個選擇更榮耀神
不過如果因為唔食祭物就會影響你同老人家關係
更應該問既係，你同老人家的關係建立係咩上面？
我個人選擇是，堅持唔食，但堅持愛佢關心佢，為佢禱告，佢分得出你信主後係更好更有愛的孫，而又堅守分別為聖的教導，咁會更有果效。

係架，肯肯定會
不過我唔食雞唔食鵝
好耐以前睇利未記註釋睇到咁。唔知當時其他民族有冇特登食，令到神咁講呢？

敗走左既蒙頭黨

唔食雞 ，估你一定冇做gym 了？
咁你食咩肉？

冇呀，食牛同豬

情境題：
同佢同枱食飯啦咁
佢拜完神之後將啲雞鵝鴨炒埋一碟，另外再加一碟菜
先唔講信仰，其實好難食
之後就話一齊食啦！（好錫你咁樣樣）
如果我話唔食仲落去買碟叉燒返嚟 咪會激親佢
佢幾廿歲仲唔開心/嬲，我怕影響佢身體。
我舉呢個例子都想大家討論，因為基督徒其實就係面對好多呢啲要靈巧像蛇寫馴良如鴿子處理的人際關係

但我明你意思嘅 ，其實係可以慢慢教育佢，我唔食㗎我陪埋你今次啦，下次我就去買叉燒+餸 陪你食好冇？咁樣囉
Btw 老人家仲有拜神 ！但其實決左志
因為冇一齊住 已經冇食拜神嘢好耐lu

補充，雖然係難食但喺佢心目中已經係一份上好嘅心意
而且我唔落去買叉燒，其實我剩係得一碟菜食，好似冇得揀咁

巴打傾向係前千禧，後千禧，定係冇千禧？

同意呀，冇標準答案架，真係要靠聖靈俾智慧（我知有人會話我靈恩，不過在我看來聖靈的智慧指的是靠著與神的關係，透徹理解聖經正確的教導，一直累積下來一點一滴的智慧）

決左志唔代表信架，記得我們傳的是悔改得救的道，嘴上相信，沒有悔改回轉，我們要因著愛心教導佢地呀。

我都試過拒絕我爸食拜過神的食物，即時引起左衝突，但之後關係仍然好好，一家人麻，佢也冇再迫我食。

其實耶穌早預言門徒會被家人拒絕，會在家中引起紛爭，總之憑愛心說誠實話吧（憑愛心是說誠實話的前題）

冇睇法，因為睇唔到對自己生命有咩影響。都係果句，知道耶穌會再來，之前會有苦難，要靠信心捱過，就會蒙神悅納就夠

講多個個人睇法，聖經冇責任滿足我地對創世或末日或靈界既好奇心或者幻想。反而係問，神藉著聖經想同我講乜，聽比問重要。當然都要問合宜的問題，例如：點解要咁寫？點解要強調這個細節或那個細節？不過都要接受有時問左都冇答案，果個時候就謙卑地同自己講「暫時未夠智慧，主若願意，求主加力」

你唔會啦 你形容嘅聖靈係好福音派angle
點會係靈恩～
我應該會俾人話我係靈恩多d 之前都有人話我白卡架～ 因po 1 分享過 細個跟過教會短宣時 幫手趕鬼

不過以前嘅教導，係from 五旬宗，而唔係靈恩派

全知的神知道萬事
佢咩都知，應該話，唔會有d咩佢係唔知。

講到神enjoy 咩，可以睇下神比人enjoy 咩野。

男女既性愛，你可以係雅歌搵到，神賜比人enjoy 既野黎，好純潔，post 2 #29 都題過下。

但係除左性之外，神仲為愛佢既人預備左更加正既野。
希伯來書11：40
//因為神給我們預備了更美的事，叫他們若不與我們同得，就不能完全。//
馬可福音12：25
//人從死裡復活，也不娶也不嫁，乃像天上的使者一樣。//

睇你玩法點守到咩level
如果食牛咁你會食幾多成熟
生生地都有血個喎，又點睇？

牛扒出既血水，其實唔係血，係肌紅蛋白，可以科普下

鴨血糕，豬紅，black pudding果d就梗係唔食啦。不過食左都唔會唔平安

玩膠問題都可以認真答，黎既好野

唔洗客氣啦
啟示錄懶人包一：背景資料

作者：使徒約翰(1:1,4,9； 22：8，有早期教父認證）
文體：頭尾係書信，主體係啟示文學
收信人：小亞細亞既7個教會（1：4-6，可指實在或所有教會）
書名/第一個字： apocalypsis = 揭開塊布比你睇下後面有咩

寫作時間： ~AD 95，羅馬皇帝豆米仙執政年間（AD 81-96）
寫作地點：拔摩島（基本上係監獄）

歷史背景：
（1）AD 70 猶太人叛變，搞到羅馬政府唔再比猶太人有宗教自由。
（2）羅馬人由紀念該撒搞到拜皇帝做神，豆米仙係極冇安全感既獨裁者，逼人拜佢並講出「該撒係我主」，唔拜=叛國，殺

寫作目的：對神要至死忠心，因為神掌管，神會黎

我唔守架，唔食只係唔中意
唔係「我唔食血因為尊重生命」，而係我理解「神叫人唔食血可以係因為要人學尊重生命」。

我通常都well done，感覺良好D亦都唔介意肉質。但有少少血我放得落口。

笑死呢個po 1開波討論飲飲食食～
但講到尊重生命呢個係好麻煩嘅事
咁魚又有生命，你食佢係咪唔尊重佢呢？
牛呢 佢明明喺草地食草好得意
你又食佢，有冇尊重過佢
咁蛋呢，未受精又有冇生命？

所以⋯⋯一堆Vegan 又會出黎轟

利申：有養動物

食係ok既，唔係殘忍對待就ok，大水後已經話食得。咁素食主義又唔係我信仰，人地要點講咪由佢講。個世界觀都唔同。

食佢唔一定等於唔尊重佢，可以懷感恩的心食

「凡活的動物都可作你們的食物。這一切我都賜給你們，如同綠色的菜蔬一樣。 只是帶著生命的肉，就是帶著血的，你們不可吃。」
‭‭創世記‬ ‭9‬:‭3‬-‭4‬ ‭RCUV‬‬
https://bible.com/bible/139/gen.9.3-4.RCUV

補充上文：
（1）有人話約翰福音文筆差啟示錄文筆差，但係咁可以因為個島冇代筆，約翰要自己寫。
（2）啟示文學=放盼望係來世神審判掌權之後既新世界，唔係今生（暴政），會寫好多暗語。唔同於先知文學直接鬧社會不公義同叫人順服神。

啟示錄懶人包二：特色同解釋

特色：多數字，多顏色，多圖像，多「影片」，多引用聖經，多重覆字句

解釋方法：返返去睇當時信徒所能理解既象徵意義，絕對唔好照字面解！

例子：你睇戲見到個，想寫低，你咪寫：見到連登個logo。
2000年之後既人睇：連登？食得架？

例子：7：4-8
//我聽見以色列人各支派中受印的數目有十四萬四千；
猶大支派中受印的有一萬二千；
呂便支派中有一萬二千；
迦得支派中有一萬二千；
亞設支派中有一萬二千；
拿弗他利支派中有一萬二千；
瑪拿西支派中有一萬二千；
西緬支派中有一萬二千；
利未支派中有一萬二千；
以薩迦支派中有一萬二千；
西布倫支派中有一萬二千；
約瑟支派中有一萬二千；
便雅憫支派中受印的有一萬二千。//
約翰係求其湊夠數，利未分出黎通常唔計，瑪拿西係約瑟出黎佢又數埋約瑟，又冇數以法蓮。
所以，係邊12個根本唔重要，佢係想講舊約所有子民。

Typo 約翰福音文筆好（有人代筆）
啟示錄文筆差（冇人代筆）