［冇圖］睇左好多年聖經 你問我答（3）

我諗未必係。
人點都會搵D野黎當神拜，只要離開左真既神，唔一定要亂倫，都應該會拜假神。
暗嫩精彩喇，你唔講我都唔係好記得佢

好似上面d Q都答晒
又開多串

「約在下午三點鐘，耶穌大聲高呼，說：「以利！以利！拉馬撒巴各大尼？」就是說：「我的上帝！我的上帝！為甚麼離棄我？」」
‭‭馬太福音‬ ‭27‬:‭46‬ ‭RCUV‬‬
https://bible.com/bible/139/mat.27.46.RCUV

耶穌係聖子，上帝點解要離棄耶穌？

我今日又再睇，我卻信最終救恩都會俾但支派，雖然但的名號不能使他們得到救恩

「這城有上帝的榮耀，它光輝如同極貴的寶石，好像碧玉，明如水晶。 它有高大的牆，有十二個門，門上有十二位天使，門上又寫著以色列人十二個支派的名字。 東邊有三個門，北邊有三個門，南邊有三個門，西邊有三個門。 城牆有十二個根基，根基上有羔羊十二使徒的名字。」
‭‭啟示錄‬ ‭21‬:‭11‬-‭14‬ ‭RCUV‬‬
https://bible.com/bible/139/rev.21.11-14.RCUV

有解經家話呢度唔係講緊史實的耶路撒冷，是引用了以西結書的典故

「城的各門要按以色列的支派命名。北面有三個門，一為呂便門，一為猶大門，一為利未門。 東面四千五百肘，有三個門，一為約瑟門，一為便雅憫門，一為但門。 南面四千五百肘，有三個門，一為西緬門，一為以薩迦門，一為西布倫門。 西面四千五百肘，有三個門，一為迦得門，一為亞設門，一為拿弗他利門。 城的周圍共一萬八千肘。從此以後，這城的名字必稱為「耶和華的所在」。」
‭‭以西結書‬ ‭48‬:‭31‬-‭35‬ ‭RCUV‬‬
https://bible.com/bible/139/ezk.48.31-35.RCUV

所以新天新地可能並沒有塗抹但支派的名號

未答晒呀仲有答驅風油講列王紀

因為要劏逾越節羔羊喇。
啟示錄14：19
//那天使就把鐮刀向地上揮去，收取了地上的葡萄，扔進上帝憤怒的大醡酒池裏。//
仲可以留意返耶穌講「我既神」，應該係唯一一次？

仲有作者點解呢度要特登用音譯

死海古卷有冇出現1D 對現世耶教不利既野 點樣睇佢地

太27：46-47
//約在下午三點鐘，耶穌大聲高呼，說：「以利！以利！拉馬撒巴各大尼？」就是說：「我的上帝！我的上帝！為甚麼離棄我？」
站在那裏的人，有的聽見就說：「這個人呼叫以利亞呢！」//
我估要原汁原味，因為呢句太緊要，耶穌喪叫，無印象其他地方有試過。
仲要隔離D人聽錯，我今日第一次知道點解有人提以利亞。

死海古卷既舊約聖經抄本，將最早既希伯來原文Masoretic Texts ~9AD 推前十世紀至~1BC，係驗證左聖經保存得完好，而且對於耶穌既預言實在係耶穌降生之前已經寫低左，所以係聖經考古學既極重要發現。

抄本入面同現有經文有出入既情況，某D書卷少D某D書卷多D。呢個情況一直都有，例如原本既小字註解納入左正文。無論係點，最多只係發現左流傳既抄本傳承唔係之前理解咁樣，並冇對聖經既權威同準確性造成不利。

但支派肯定有人有分得到救恩，因為出過好似參孫咁既領袖，係聖經評價正面既。
希伯來書11：32
//我還要說甚麼呢？若要一一細說基甸、巴拉、參孫、耶弗他、大衛、撒母耳和眾先知的事，時間就不夠了。//

之前睇碟有人解做求其湊，好似你咁講，唔通。
睇完Darrell Johnson 本書發現應該咁解，我都好同意： 約翰係熟聖經既猶太人神學家，所以佢寫出黎個list 唔同係有神學觀念要表達。

支派次序唔同，猶大行先，因為出左耶穌基督。
支派名單唔同，即係神對「以色列人」既詮釋已經唔同左，呢度所指既係真以色列人，係因以色列人而能夠成為神子民既人，即係各民族語言支派邦國信耶穌既人。

新約入面本來唔需要祭司黎獻祭，但係
啟示錄1：6
//又使我們成為國度，作他父上帝的祭司。...//
5：10
//又使他們成為國民和祭司，歸於我們的上帝；...//
用得「祭司」落新約入面神既子民，就係講緊佢地都係「以色列人」，不過係用新既方法理解。
唔係得約翰咁講，仲有雅各書1：1,5：14，彼得前書1：1,2：9，保羅既羅馬書2：27, 腓立比書3：3，加拉太書3：29,6：16，都用左支派、祭司等等既字address 外邦教會。

仲有喎，睇返
5：9// 從各支派、各語言、各民族、各邦國//
7：9//各邦國、各支派、各民族、各語言//
11：9//從各民族、支派、語言、邦國中//
13：7//各支派、各民族、各語言、各邦國。//
呢個12支派144000人 list 後面，有7：9，係各邦國行先，其他都係各邦國排最後。點解呢？
創世記22：18
//並且地上的萬國都必因你的後裔得福，因為你聽從了我的話。』」//
神對亞伯拉罕關於萬國/各邦國既應許已經藉住佢後裔耶穌基督實現左喇！

新以色列，就係教會，就係各邦國、各支派、各民族、各語言跟隨羔羊既人

嘩，弟兄呢度小心d呀，咁樣推落去，好易引申去左教會取代以色列人既結論，咁就變左取代神學架喇

要記住我地外邦信徒只係嫁接的枝子，沒有可自誇的。

關於提邊樣先，其實去到一d好細既細節，我覺得都有可能係文學修辭，例如耶穌同彼德講agape同Phileo 果個位就好多人認為係修辭多於真有唔同意思。（雖然都有講員話真係兩個意思）

我始終認為神對以色列民族的約沒有廢棄（我講血統上的），而係等候佢地回轉，近呢幾十年開始就有信主的猶太人了。

如果特意用音譯沒有其他目的，「這個人呼叫以利亞呢！」這裡其實可以改寫成那裡的人聽不明白，又或加注釋說上帝與以利亞的讀音相近

呢度，我有個推斷，耶穌有可能係把詩篇22，用希伯來文唱緊出來（詩篇其實係歌），神很可能其實並沒有一刻離棄耶穌，耶穌也並沒有一刻感到被神離棄（呢度好多講員話耶穌吸晒世人既罪，所以神不忍直視，要走；但還是李思敬牧師解得精彩透徹）。

至於詩篇22篇講緊d乜，睇果時加上十架上的情境去想像，真係伯好想喊

因為本書自己話係講緊耶穌基督既啟示（1：1），所以本書既內容應同書名一致，佢講信耶穌基督既人，唔代表要取代以色列人。
呢方面，我諗同耶穌 VS 律法一樣。
馬太福音5：17-18
//「莫想我來要廢掉律法和先知。我來不是要廢掉，乃是要成全。我實在告訴你們，就是到天地都廢去了，律法的一點一畫也不能廢去，都要成全。//
耶穌成全律法同先知，神對教會既揀選成全神對以色列人既揀選。
律法的一點一畫也不能廢去，神對以色列人既揀選亦都不能廢去。
我諗呢個觀點我同你係一致既。

例如耶穌同彼德講agape同Phileo 果個位就好多人認為係修辭多於真有唔同意思

可摸耳講多D點解？

放心我唔係話你走左去取代神學，不過呢個引申真係要小心應用，好易走火

一定係引用緊詩篇22篇，一定要講到人諗得起佢就係要黎果個。
之前聽過，以經唔記得左喇
多謝你提返

我心目中唔係不忍直視，而係因為要同罪分開既聖潔。

至於唱，我有D保留，因為shabaqtani 係亞蘭文，希伯來文詩篇22篇係 'azabtani 。
痛到咁，講句野都難，仲邊有咁好唱口？

亞蘭文同希伯來文冇深入研究俾黎巴你教
不過我諗緊會唔會耶穌係讀緊阿蘭文聖經？

自己覺得，就係痛到咁都唱得出，先見到耶穌既痴線

「他們吃完了早飯，耶穌對西門．彼得說：「約翰的兒子西門，你愛我比這些更深嗎？」彼得對他說：「主啊，是的，你知道我愛你。」耶穌對他說：「你餵養我的小羊。」 耶穌第二次又對他說：「約翰的兒子西門，你愛我嗎？」彼得對他說：「主啊，是的，你知道我愛你。」耶穌說：「你牧養我的羊。」 耶穌第三次對他說：「約翰的兒子西門，你愛我嗎？」彼得因為耶穌第三次對他說「你愛我嗎」，就憂愁，對耶穌說：「主啊，你無所不知，你知道我愛你。」耶穌說：「你餵養我的羊。 我實實在在地告訴你，你年輕的時候，自己束上帶子，隨意往來；但年老的時候，你要伸出手來，別人要把你束上，帶你到不願意去的地方。」 耶穌說這話，是指彼得會怎樣死來榮耀上帝。說了這話，耶穌對他說：「你跟從我吧！」」
‭‭約翰福音‬ ‭21‬:‭15‬-‭19‬ ‭RCUV‬‬
https://bible.com/bible/139/jhn.21.15-19.RCUV

希臘文入面第一次同第二次問係用Agape, 第三次用Phileo，有解經家話Phileo係次一等的愛，耶穌對彼得降低左要求。但我傾向係相信耶穌三次都係用緊同一個字，因為雖然約翰福音用希臘文寫成，但耶穌同彼得既對話應該係用緊亞蘭文，只係約翰記載時修辭上用左唔同字（亞蘭文同希伯來文好多字沒分那麼細）。而神allow人用次一等的愛對佢亦唔乎合盡心盡性盡意愛你的神的大誡命

唔好意思，咁有冇利未？

本身未聽過取代神學，原來有個咁既term .我都係抄本書，自己未咁有料引申咁多野。
不過好多謝你個提醒就真

「以羅伊」eloi 都係亞蘭文。
除左某D學者估之外，亞蘭文聖經都係翻譯出黎，佢地既經典始終都係希伯來聖經。
而家仲成卷齊晒既敘利亞文（亞蘭文一種）聖經叫Peshitta ，簡單咁解， ~AD 5 世紀翻譯。
你可以當亞蘭文係口語，果時耶穌引用聖經類似唔講「的」講「既」咁。
但係明既都應該要明，知佢引緊詩22。
我睇返，其實佢講既每一句野都已經好痴線

明白。咁解有佢既道理，果時果度係講亞蘭文既。

我又咁睇：
（1）希臘文聖經係寫比當時全部人睇，如果佢寫到有分別，咁應該佢想當時既人聽出黎都係有分別。
（2）我希臘文麻麻，但我睇落感覺

彼得因為耶穌第三次對他說「你愛我嗎」

可以理解做

彼得因為耶穌第三次對他說的是「你愛我嗎」

（？）
唔太肯定，等高人指點。

結論：我唔知耶穌講左咩，但按照返返去當時讀（聽）者咁埋解，我唔會用亞蘭文黎睇，隨非係講緊希伯來文化既成語之類。

利未實有比神救，名單有佢，唔照字面解都實要有，因為新約都會講祭司。參考下#234

今晚食飯問左神學朋友，好人好事幫我上左少少雞精班
冇但，因為呢個支派好壞，係首先拜偶像 (士 18：30—31)而以法蓮也不例外(何4：17)

隨住佢咁講，我認為合理，我再上網搵咗D資料；

//但支派最大的罪是引誘神的選民，他們本應歸神為祭司國度及作聖潔子民，卻陷於拜偶像的光景裡。以法蓮支派則是引導九支派離開耶路撒冷，開宗立國於撒瑪利亞，導致 國家分裂。所以拜偶像及不合一這兩大罪狀，使他們失去 成為末世見證人的資格。//

答得越嚟越進步

我知！劇本上帝一早就知
耶穌咁勁都問 「為甚麼離棄我？」
等日後世人 （尤其我呢d垃圾 ）信心軟弱時有個禱告方向跟耶穌

砍掉重練之啟示錄懶人包一：背景資料

作者：使徒約翰(1:1,4,9； 22：8，有早期教父認證）
文體：書信、預言、啟示文學
收信人：小亞細亞既7個教會（1：4-6，可指所有教會）

書名/第一個詞語： 耶穌基督的啟示
的=屬於、關於、來自
啟示=apocalypsis = 揭開塊布比你睇下後面有咩
成本書係講：原本隱藏既屬於耶穌基督、關於耶穌基督、來自耶穌基督既事，而家揭開比你睇到下。
所以，任何人用呢卷書得出唔關耶穌基督事既結論，可以唔洗理。

寫作時間： AD 96，羅馬皇帝豆米仙執政年間（AD 81-96）
寫作地點：拔摩島（政治搞事份子既監獄）

歷史背景：
（1）AD 70 猶太人叛變，搞到羅馬政府唔再比猶太人同基督徒有宗教自由。
（2）羅馬人由紀念該撒搞到拜皇帝做神，豆米仙係極冇安全感既獨裁者，逼人拜佢並講出「該撒係我主」（=國王係我個神），唔拜=叛國，殺

啟示文學：
（1）由知道不可見既未來，認清現在實況
（2）由知道不可見既現在，認清現在實況
寫作目的：係逼迫之中，對神要至死忠心，因為神掌管，神會黎，神先係王係主，神已經係度。