［冇圖］睇左好多年聖經 你問我答（3）

仲有 老豆唔信地心吸力係神既安排 佢斬全家都係神既排

上帝點解係舊約殺人，耶穌點解新約完成救贖，老實講真係唔知

正如我唔知點解四時係春夏秋冬而唔係秋夏冬春

基督徒如果唔係比人鞭小諗問題就係要去答超出人類所能經驗到既問題（上帝 ->上帝點解咁做->上帝做錯）

你成個set 第一前題係（有上帝）先再推到落（上帝亂殺人）

1. 上帝超出人所能經驗，故
2. 我不知上帝為何這樣做

信，唔等如全知；
唔知，唔會導致唔信

你對神既安排好有興趣喎，咁不如睇下聖經點講：

神安排天地既規律。
耶利米書33：24-25
//耶和華如此說：除非我沒有立白日黑夜之約，也未曾安排天和地的定例，否則我不會棄絕雅各的後裔和我僕人大衛的後裔，使大衛的後裔不再治理亞伯拉罕、以撒、雅各的後裔。我必使他們被擄的人歸回，也必憐憫他們。」//

神安排人認識同敬拜佢。
申命記29：26
//去事奉敬拜素不認識的別神，是耶和華所未曾給他們安排的。//

神安排全世界所有野都歸向耶穌基督。
以弗所書1：10
//要照所安排的，在日期滿足的時候，使天上、地上、一切所有的都在基督裡面同歸於一。//

冇安排每一個人做每一樣野喎。申命記29：26就係講緊你明知神安排左都唔做，會點樣自己攞黎衰。咁而家你知左神既安排，又會唔會跟先？

我跟神既安排 係神既安排

我唔跟神既安排 都係神既安排

1755 年葡萄牙里斯本大地震 幾千人匿係教堂避難 結果教堂冧左責死哂佢地 都係神既安排

邏輯錯Q 哂

1. 上帝超越人的經驗
2. “信”是一種經驗
3. 人不能信神

神安排人有自由意志去揀做咩。
佢就安排好耶穌自己降生受死復活，所以有人想阻止呢個計劃佢就出手干預。
佢又安排左信佢既人得救得永生。

你做咩都好，神知道，但佢冇安排你咁揀，係你自己揀。
佢有安排人宣告佢既救贖計劃，但你聽完接唔接受都係你自己揀。

教堂都係建築物，震得勁就會冧。神安排左既自然規律係有地震，而葡萄牙呢個地方就係會震，1755年佢冇干預，容許個地震發生，其實絕大部分情況佢都唔干預。
教會信神但唔代表唔會係地上受到傷害。教堂係聚會敬拜既地方，但神唔係住係教堂入面。

當人覺得呢世條命係最緊要係所有野，神話比我地聽其實唔係，同返佢一齊先係最緊要。同生命既主一齊就係永生。

約翰福音12：25
//愛惜自己生命的，就失喪生命；在這世上恨惡自己生命的，就要保守生命到永生。//

你有兩個選擇，神安排左既係呢兩個選擇分別既結局。

冇錯，所以希特拉殺左七百萬猶太人佢都唔干預，因為係佢慈愛劃既一部份

你想佢點干預？收返希特拉既自由？收返佢既士兵既自由？神面前人人都有罪，咁洗唔洗收埋你果份？

神蹟係為左人認識神，例如耶穌向保羅顯現，保羅就回轉。

神既慈愛在於佢守約，講過算數。

抄左人口水尾放低返個汁 https://www.youtube.com/watch?v=vwmQNW84_co

佛與菩薩 係 基督教黎講，係咪魔鬼
但導人向善wor

黑社會既慈愛在於佢守約 講過算數

你咪試吓唔還錢囉 我一定放火2燒你全家

聖經入面既魔鬼係敵擋神、想自己做神既靈體。
因為耶穌基督已經係十字架得勝，所以魔鬼搞唔到佢，走去搞跟隨神既人，令到人離開神同唔信神。（例如：我個個星期六晚都硬係特別想做呢樣果樣，搞到第二日冇精神敬拜。）

根據自己理解同抄d wiki:
佛buddha，字面意思係醒左既人，覺悟者，從苦和煩惱中解脫既人。
菩薩bodhisattva，即係求覺悟之道(bodhi)，又化眾生(sattva)既人，係成佛既必經身份。

諗方法令到自己同其他人唔覺得苦/煩惱，本來唔係壞事，但係如果成為左終極既追求而拒絕神，咁就會錯失左神既救贖喇。

1807年，拉撒譯左第一本基督新教聖經《嘉音遵罵挑菩薩之語》，即係《福音根據聖馬太之語》。馬太（罵挑）被稱為菩薩，係因為認識耶穌，行上悟道成聖之路，最終成為完滿既真理覺悟者，並且因為返到造物主既永恆而從苦同煩惱很到解脫。



基督徒，亦都係「菩薩」，應該自己有善行，一黎證明信仰，二黎唔好阻住未認識神既人去認識神。但善行並唔係目標或者要求，最緊要係搵返創始成終既神呢個歸宿。當一個人親近神，神既美善就會係佢身上自然咁流露出黎。

如果跟住佛教個方法修行，佢係用自己個意志，冇外在既力量幫佢。
聖經話咁樣其實成日都做唔到，除非靠耶穌。

羅馬書7 章
//7：19 我所願意的善，我不去做；我所不願意的惡，我反而去做。
7:24 我真苦啊！誰能救我脫離這必死的身體呢？
7:25 感謝上帝，靠着我們的主耶穌基督就能！//

聖經話人自己幾努力都好，都唔會成為善。
馬可福音10：18
//耶穌對他說：「你為甚麼稱我是良善的？除了神一位之外，再沒有良善的。//

死link 補返

短答先：聖經入面守約同施恩愛成日一齊講。例如

申命記7:9
//所以，你要知道耶和華─你的神，他是神，是信實的神；向愛他、守他誡命的人守約，施慈愛，直到千代//
尼希米記1:5
//「耶和華─天上的神，大而可畏的神啊，你向愛你、守你誡命的人守約施慈愛。//

神同人立既約，同黑社會有咩唔同，比D時間下次再詳細D講。

所以，你要知道馬倫白蘭度─你的教父，他是教父，是信實的教父；向愛他、守他誡命的人守約，施慈愛，直到千代

「馬倫白蘭度─意大利的教父，大而可畏的教父啊，你向愛你、守你誡命的人守約施慈愛

彩虹之約：創世記9：8-11,13
//9:8上帝對挪亞和同他一起的兒子說：
9:9「看哪，我要與你們和你們後裔立我的約，
9:10包括和你們一起所有的生物，就是飛鳥、牲畜、地上一切的走獸，凡從方舟裏出來地上一切的生物。
9:11我與你們立我的約：凡有血肉的，不再被洪水滅絕，也不再有洪水毀壞這地了。」
9:13我把虹放在雲彩中，這就可作我與地立約的記號了。//

亞伯拉罕之約：創世記17：6-8
//17:6我必使你生養極其繁多；國度要從你而立，君王要從你而出。
17:7我要與你，以及你世世代代的後裔堅立我的約，成為永遠的約，是要作你和你後裔的上帝。
17:8我要把你現在寄居的地，就是迦南全地，賜給你和你的後裔永遠為業；我也必作他們的上帝。」//

以色列人之舊約：出埃及記24：8
//摩西將血灑在百姓身上，說：「你看！這是立約的血，是耶和華按這一切話與你們立約的憑據。」//
神做以色列人既神，以色列人做神既子民。神賜十誡比佢地。

全人類之新約：馬太福音26：28
//因為這是我立約的血，為多人流出來，使罪得赦。//
神打開直接搵佢既路，就係透過耶穌，做所有願意接受佢既人既父神，我地可以做返佢既兒女。神賜下羔羊犧牲既道，亦都係天國既道，呢樣一直係奧秘既野終於向人啟示出黎。

去到新約呢個最終啟示入面，我地就見到神同黑社會係相反，亦都同今日所有地上面既文化係相反。唔係惡果個大，係服侍人果個大。唔係有權力就會係高位，而係謙卑既會比神抬高。呢個係天國既規矩，耶穌王國既倫理。神守約，守佢向人立左既呢幾個約，當中既慈愛係極之豐富。

我就睇得戲少，原來馬倫白蘭度係飾演教父呢套戲既Vito Corleone一角。

我估你想講神係做戲既神？
其實係架，係聖經既總結同耶穌既遺言入面，神就做左一場大龍鳳比人睇：而呢套劇個名就叫做«耶穌基督的啟示»。
耶穌自己就係五幕之間穿梭，換唔同既裝，以唔同形態顯示：一時獅子，一時羔羊，一時BB，一時用火眼睇穿人心，一時騎住得勝白馬，一時手執掌控人命運既一切。
變化實在妙極，令人睇到伸手可及卻又被薄紗所掩既寶貴事實。
耶穌既說話好似潺潺流水咁淹沒周圍既謊話，又好似鋒利無比既劍咁能夠直入人心最深處。每一個有耳仔既人都應該聽佢講野！

教父講野都好犀利呀 佢話： I am going to make him an offer he can't refuse "

係咪同神一樣？

係神創造既世界入面，當代流行文化入面，搵唔完全既人寫個劇本講句對白，你真係覺得咁就可以同神一樣？

有冇聽過「Michael」 呢個名？「有邊個同神有得揮？」，自古以來D人就反問緊。

聖經入面神直接同人講左十句說話，第二句咁講：
出埃及記20:4-6
//「不可為自己雕刻偶像，也不可做甚麼形像，彷彿上天、下地和地底下水中的百物。
不可跪拜那些像，也不可事奉它們，因為我耶和華－你的上帝是忌邪([20.5]「忌邪」：原文是「妒忌」，意思是「不容許有對立的神明」。)的上帝。恨我的，我必懲罰他們的罪，自父及子，直到三、四代；
愛我，守我誡命的，我必向他們施慈愛，直到千代。//

人手所做既，就算係人攞最靚既野、用最大既力量、花最好既心思、透過最精細既手工整出黎，只不過係人既本事，如果你攞果舊野代表神，就只係將心目中既神困係人既能力入面，絕對唔可以同神相提並論。

神黎搵人，係將生命既真相放係人面前，比人有自由揀，耶穌呢條路就offer 左比你，亦都offer 左比所有其他人。每個人都可以refuse ，神有比自由你揀。

約翰福音14:6
//耶穌對他說：「我就是道路、真理、生命；若不藉着我，沒有人能到父那裏去。//

不過refuse 耶穌亦都係refuse 真理， refuse 生命。自己揀啦。

抄左人口水尾，放返個source 先：
https://www.youtube.com/watch?v=3Nbrp1ZU6Xc

null

原來lihkg app 㩒兩左兩下回覆會出null

教父都係咁。聽佢話，就保你。唔聽，就斬死你。

教父都係咁。聽佢話，就保你。唔聽，就斬死你。


refuse 教父就係refuse 生命 自己揀啦

仔細睇就睇到有幾方面唔同。
（1）地域上，成個宇宙冇一忽唔係神話事。我唔住教父果頭，佢斬到我咩？
（2）時間上，神比人既生命係永生，今世相對黎講係眨下眼都冇咁短。教父保你幾耐？有永生咩？
（3）能力上，神無所不能，佢要點做都會做到。教父試下搵隊揸槍既軍隊睇下斬唔斬得贏？
（4）拯救上，神比人有脫離罪惡束縛重獲自由既機會。教父除左逼你限住我，比到自由我咩？
（5）存在上，神係自有永有。教父只係一個必死既人，佢死左仲有邊個會驚佢？

神係賜生命既主，教父只係一個識毀壞生命既人。
約翰福音12：25
//愛惜自己性命的，就喪失性命；那恨惡自己在這世上的性命的，要保全性命到永生。//