［冇圖］睇左好多年聖經 你問我答（3）

如果用同一個邏輯，會唔會掉埋猶大支派？

列王紀上16：30-33
//暗利的兒子亞哈行耶和華眼中看為惡的事，比他以前所有的王更嚴重。
他犯了尼八的兒子耶羅波安所犯的罪，還當作是小事，又娶了西頓王謁巴力的女兒耶洗別為妻，去事奉巴力，敬拜它，
又在撒瑪利亞建巴力廟，在廟裏為巴力築壇。
亞哈又造亞舍拉，他所做的惹耶和華－以色列的上帝發怒，比他以前所有的以色列王更嚴重。//

咁計法，所以係以色列做過王既支派都出事
如果咁，神係一個因罪滅族的神，但聖經上明明說「恨佢既佢都話係追討直到三代四代」，即係話佢既怒係有限，恩典卻無限的

亞哈唔係以色列王咩

絕對係，一諗諗兩樣野就錯晒
應該引呢段：

代下33：21-23
//亞們登基的時候年二十二歲，在耶路撒冷作王二年。
他行耶和華眼中看為惡的事，效法他父親瑪拿西所行的，祭祀他父親瑪拿西所雕刻的一切偶像，事奉它們，
但他不像他父親瑪拿西在耶和華面前那樣謙卑下來。這亞們的罪越犯越大。//

唔同意你個邏輯
「但 」係帶頭拜偶像嘅支派

救恩從猶大支派出來，又點會冇猶大支派？

至於以法蓮受咗雙倍祝福，係北國最大支派, 仲竟然主動地同外邦人混雜，造成信仰不純正。分咁鬼大份，都忘恩負義

睇吓有冇其他人補充？
亦都有個講法，其實可能呢兩個支派。
已經係消失咗，所以冇被記錄。

題外話，（冇被證實）亦有聽過下話呢2個支派係
美國同埋英國嘅祖祖祖祖祖先

無從證實既野就唔估咁多喇，到時推推下又變左英國/美國係魔鬼。

我地都冇資格審判但/以法蓮支派。btw，耶羅波安/以法蓮支派帶領十支派立北國（不合一）係神的旨意，是為左懲罰所羅門的晚年。當然耶羅波安後來立金牛犢又係後話啦。

合一可以是神的旨意，分開也可以是神的旨意，不要太執著

我對但支派帶頭拜偶像有保留。點解要由士師記開始計？之前呢？係就全部都計，最衰係利未。

出32：1
//百姓見摩西遲遲不下山，就聚集到亞倫那裏，對他說：「起來！為我們造神明，在我們前面引路，因為領我們出埃及地的那個摩西，我們不知道他遭遇了甚麼事。」//
出32：4
//亞倫從他們手裏接過來，用模子塑造它，把它鑄成一頭牛犢。他們就說：「以色列啊，這是領你出埃及地的神明！」//

所以我對因罪唔俾救恩的說法有所保留
大家都係罪人，無謂分咁細

真係，所以都係果句，睇啟示錄睇唔到耶穌基督不如唔好睇

我個邏輯係猶大支派都有人帶頭拜偶像。利未都有。睇你睇幾時。所以咁樣講但支派唔大說服力。

曲到圓

讀左幾個鐘頭書先識答

以色列臨終時對但說：

“但必作道上的蛇，路中的虺，咬傷馬蹄，使騎馬的墜落於後。”（創49:17）

可以解做有拜偶像，唔一定指最尾救恩？

同意呀 其實大方向知道新天新地就夠
不過都係果句，學術討論咪up 下囉
（見大家幾位都係正路人）
啟示錄真係好容易比d邪教異端用嚟亂咁畫蛇添足
但就唔想因為咁樣就冇個認知
先至叫你交出個懶人包咋嘛
最近都因為咁聽返蘇頴智講啟示錄

救恩從猶大支派出來 = 我指耶穌

其實你咁講12個支派都得罪神～
不過「但」係創世記 、以色列嗰陣已經咁講囉
最早嘅意思

蘇牧師d經學消化下先吸收呀

蘇頴智
之前試過跟佢本靈修書（btw最癲每日睇佢3日份量），見到佢解預言係放現世既野，我而家唔buy la
懶人包重新出緊，諗真D都係唔洗focus 係666，講到自然有

明你意思。
話返轉頭，學濛巴咁講，呢句「祝福」都可以靈意解做：judge 人會令人跌倒

我真係唔係咁意思

咁我重答～
聖子雖為聖子，始終人黎架嘛
能夠體驗同顯示人肉身最真實嘅軟弱
耶穌頓時好貼地，同埋好親民。
但精要所在我覺得係
佢話若你願意，上帝求你拎走個苦杯。

路22:42
「父啊，如果你願意，請把這杯從我這裡拿走吧！但不要成就我的意思，而要成就你的意思。」

大家又有咩睇法？

同意呀，雖然已經唔係講緊離棄。我之前咁touched 都係因為耶穌貼晒地

你慢慢啦佛係得㗎喇～
預言放現世 佢其實係，佢比較buy 前千禧！
我都係聽黎參考吓咋！
但 預言放現世 有咩好錯？

啟示錄懶人包二：特色同解釋

特色：多數字，多顏色，多圖像，多「影片」，多引用聖經，多重覆字句

解釋方法：
（1）返返去睇當時信徒所能理解既象徵意義。
例子：你睇戲見到個，想寫低，你咪寫：見到連登個logo。
2000年之後既人睇：連登？食得架？

（2）絕對唔好照字面解！
7：14 //...他們曾用羔羊的血把衣裳洗得潔白。//

（3）唔好問「之後發生咩事？」要問「之後約翰見到咩？」因為唔跟先後次序。
5：5 耶穌已經釘左十字架
//長老中有一位對我說：「不要哭。看哪，猶大支派中的獅子，大衛的根，他已得勝，能展開那書卷，揭開那七個印。」//
12：5 耶穌呢度先降生
//婦人生了一個男孩子，就是將來要用鐵杖管轄萬國的；她的孩子被提到上帝和他寶座那裏去。//

（4）留意「睇」「聽」
呢兩個係不斷出現既字，亦都係耶穌比約翰既體驗，亦都係我地要做既野。

（5）數字簡表
3=天既數字，如三位一體
4=地既數字，如四方=東南西北
7=3+4=完全/完美
12=3x4，12支派，12門徒
10=完整
6=7-1=唔完全

（6）顏色簡表
白=光明、得勝、榮耀
紫=君王
黑=黑暗、死亡、饑荒
紅=血=生命、贖罪
紅=火=罪（好似火咁吞噬）
綠=茂盛

冇錯架，只係啱左你唔會知，錯左你都唔會知，因為隨時可以中得再應D