［冇圖］睇左好多年聖經 你問我答（3）

啟示錄懶人包三：書卷結構及分段

七段扇形結構
A
_B
__C
___D
__C'
_B'
A'
即係最頭對應最尾，第二頭對應第二尾，如此類推，最中間冇對應果段係最重要。

A係前言1：1-8 「來、近了、必須、我是」
A'係結語22：6-21「來、近了、必須、我是」

中間五段係耶穌基督比約翰睇到既五條片/有聲動畫既五幕(acts)，用「開」字劃分。

//4：1 這些事以後，我觀看，看見天上有一道門開着。...
11：19 於是，上帝天上的聖所開了，...
15：5 此後，我看見在天上那存放法櫃的聖所開了。
19：11 後來我看見天開了。...//

所以中間五段分別係：

_B（1：9-3：22） 第一幕，「耶穌、在中間、長袍、利劍、7訊息、聽、得勝」
__C（4：1-11：18）第二幕，「寶座、書卷、得勝、羔羊、七印七號七雷」
___D （11：19-15：4）第三幕，「兆頭、得勝、獸」
__C' （15：5-19：10）第四幕，「七碗」
_B' （19：11-22：5） 第五幕，「耶穌、在馬上、衣服、利劍、看、得勝」

重要對應經文一覽（一）：
A //1：7 他將駕雲來臨！...//
A' //22：7 ,12,20 我必快來！//
A //1：3 ...因為時候近了。//
A' //22:10 ...因為時候近了。//
A //1:1...要他將必須快要發生的事指示他的眾僕人。...//
A' //22:6... 要將必須快要發生的事指示他的眾僕人。//
A// 1:8 主上帝說：「我是阿拉法，我是俄梅戛，是今在、昔在、以後永在的全能者。」//
A' //22:13 我是阿拉法，我是俄梅戛；我是首先的，我是末後的；我是開始，我是終結。」//


B//1:13,16 燈臺中間有一位好像人子的，身穿垂到腳的長袍，...從他口中吐出一把兩刃的利劍...//
B' //19:11,13,15 ...有一匹白馬，騎在馬上的稱為「誠信」、「真實」，...他穿着浸過血的衣服；...有利劍從他口中出來，...//
B //1:10 ...聽見在我後面有大聲音如吹號，//
B' //19:11 ...且看哪！...//
B//2:7 ...得勝的，我必將上帝樂園中生命樹的果子賜給他吃。』」...//
B' //21:7 得勝的要承受這些為業；我要作他的上帝，他要作我的兒子。//

啟示錄懶人包四：書卷結構及分段（二）

A (1:1-8) 前言「來、近了、必須、我是」
_B (1:9-3:22) 第一幕 「耶穌、燈臺中間、得勝x7、應許祝福」
__C(4:1-11:18) 第二幕 「這些事以後，我觀看、寶座、四活物、羔羊（得勝）、七印、七號」
___D(11:19-15:4) 第三幕「兆頭、兆頭、得勝、兆頭、得勝」
__C' (15:5-19:10) 第四幕「此後，我看見、寶座、四活物、七碗、審判巴比倫」
_B' (19:11-22:21) 第五幕 「耶穌、騎在馬上、得勝、賜下祝福」
A' (22:6-21) 結語 「來、近了、必須、我是」

全書鑰節（中間D段既中間）：點樣得勝？
12：11 //弟兄勝過那條龍是因羔羊的血，
和因自己所見證的道。
雖然至於死，他們也不惜自己的性命。//

經文對應（二）：比較C', B'
C' 17:1 //來，我要讓你看那坐在眾水之上的大淫婦所要受的懲罰；//
B' 21:9 //你來，我要給你看新娘，就是羔羊的妻子。//
C' 17:3 // 我在聖靈感動下，被天使帶到曠野去，//
B' 21:10 // 我在聖靈感動下，天使帶我到一座高大的山，//
C' 19:10 // 我就俯伏在他腳前要拜他。他對我說：「千萬不可！我和你，以及那些為耶穌作見證的弟兄同是僕人。你要敬拜上帝。」//
B' 22:8-9 //當我聽見看見時，就俯伏在指示我的天使腳前要拜他。他對我說：「千萬不可！我與你和你的弟兄眾先知，以及那些守這書上的話的人，同是作僕人。你要敬拜上帝。」//

經文對應（三）：「我是」
1：8 前言完結，神說：我是阿拉法，我是俄梅戛
1：17 異像開始，耶穌說：我是首先的，是末後的，
21：6 異像完結，神說：我是阿拉法，我是俄梅戛；我是開始，我是終結。
22：12 結語開始，耶穌說：我是阿拉法，我是俄梅戛；我是首先的，我是末後的；我是開始，我是終結


啟示錄懶人包四：前言1：1-8

//1：1耶穌基督的啟示，就是上帝賜給他，要他將必須快要發生的事指示他的眾僕人。他差遣使者指明給他的僕人約翰，
1:2 約翰就將上帝的道和耶穌基督的見證，凡自己所看見的，都見證出來。
1:3 誦讀這書上預言的，和那些聽見又遵守其中所記載的，都是有福的，因為時候近了。
1:4-5 約翰寫信給亞細亞的七個教會。願那位今在、昔在、以後永在的上帝，與他寶座前的七靈，和那忠信的見證者、從死人中復活的首生者、世上君王的元首耶穌基督，賜恩惠和平安給你們。 他愛我們，用自己的血使我們從罪中得釋放，
1:6 又使我們成為國度，作他父上帝的祭司。願榮耀、權能歸給他，直到永永遠遠。阿們！
1:7「看哪，他駕雲降臨；
眾目都要看見他，
連刺他的人也要看見他；
地上的萬族要因他哀哭。」
這是真實的。阿們！
1:8 主上帝說：「我是阿拉法，我是俄梅戛，是今在、昔在、以後永在的全能者。」//

1：1 成本書都係講耶穌基督。
1：2 約翰睇完片照寫返出黎，唔係寫佢點理解，都唔一定順時序。
1：3 時侯「近」了：迫切。
1：4-5 「寫信」：根據當時環境，牧者約翰想教會聽到既訊息。
1：4-5 「今在、昔在、以後永在的上帝」原文apo ho on ...「錯文法」，英文直譯from he who is... （From him who is 先啱文法），為左保留七十士譯本 出3：14 ego eimi ho on ，題返讀者講緊救以色列人出埃及果個神。
1：4-5 「首生者」： 耶穌係第一個，之後門徒都要復活。
1：4-5「世上君王的元首」：羅馬皇帝唔係咁大，繼續敬拜耶穌就啱喇。
1：4-5 「他愛我們」：我地同神復和係出於愛，啟示錄呢卷書都係。
1：4-6 苦難中題返我地既身份：被愛既人、罪中得自由既人、天國國民、神人之間既中保
1：7 「看」：唔好成日望住苦難，睇返神係點，睇返神做緊咩。
1：8 就算有迫害，神從來冇輸。
1：3,8 想「有福」定「哀哭」，自己揀。


應該係
啟示錄懶人包五：前言1：1-8

啟示錄懶人包六： 第一幕耶穌顯現1：9-20

//1:9我－約翰就是你們的弟兄，在耶穌裏和你們一同在患難、國度、忍耐裏有份的，為上帝的道，並為給耶穌作的見證，曾在那名叫拔摩的海島上。
1:10有一主日我被聖靈感動，聽見在我後面有大聲音如吹號，
1:11說：「把你所看見的寫在書上，寄給以弗所、士每拿、別迦摩、推雅推喇、撒狄、非拉鐵非、老底嘉那七個教會。」
1:12我轉過身來要看看是誰的聲音在跟我說話。我一轉過來，看見了七個金燈臺；
1:13在燈臺中間有一位好像人子的，身穿垂到腳的長袍，胸間束着金帶。
1:14他的頭與髮皆白，如白羊毛，如雪；他的眼睛好像火焰，
1:15雙腳好像在爐中鍛鍊得發亮的銅，聲音好像眾水的聲音。
1:16他右手拿着七顆星，從他口中吐出一把兩刃的利劍，面貌好像烈日放光。
1:17我看見了他，就仆倒在他腳前，像死人一樣。他用右手按着我說：「不要怕。我是首先的，是末後的，
1:18又是永活的。我曾死過，看哪，我是活着的，直到永永遠遠；並且我拿着死亡和陰間的鑰匙。
1:19所以，你要把所看見的事、現在的事和以後將發生的事，都寫下來。
1:20至於你所看見、在我右手中的七顆星和那七個金燈臺的奧祕就是：七顆星是七個教會的使者，七個燈臺是七個教會。」//

1：9 「拔摩」：監獄島，專比政治搞事分子，約翰唔拜羅馬皇帝豆米仙做主同神，唔一齊團結羅馬帝國既事，就一定要搞掂佢，所以捉佢去「勾臭」，費事幫佢變殉道者。
1：10 「有一主日我被聖靈感動」：敬拜/祈禱緊。
1：10「吹號」：打仗或者呼召人去敬拜，都係有神係度。
1：12「我轉過身來要看看是誰的聲音在跟我說話」：唔係約翰自己諗，係出面有聲。
1：10,12,15「聲音/聽/聽見」：重覆3次，聽好重要，聽耶穌把聲。
1：13「在燈臺中間」：耶穌就係教會中間，唔係天上面，唔係出面。
1：13 「好像人子的」：但以理書7：13-14果個永遠掌權既神
1：13「身穿垂到腳的長袍」：祭司裝束，耶穌基督係完全既大祭司，神同人中間既橋樑。
1：13「胸間束着金帶」：束係腰間係做野，束係胸間係做完野，耶穌基督已經獻左自己做贖罪祭，完成左祭司既工作。
1：14-16 「頭眼腳聲手口面」：個次序唔應該跳黎跳去，其實係扇形結構，最緊要都係聲，要聽耶穌基督把聲。
1：14「他的頭與髮皆白，如白羊毛，如雪」： 但以理書7：9入面對神既形容，耶穌基督係亙古常存者。
1：14「他的眼睛好像火焰」：比耶穌基督望下佢都可以將我地煉淨。
1：15：「雙腳好像在爐中鍛鍊得發亮的銅」：比較但以理書2：33，果D鐵/泥做既腳係承受唔到D國度既重量，耶穌呢度隻腳就硬淨得多，即係地上既國度唔頂得耐，耶穌做王個天國就直到永遠。
1：16「他右手拿着七顆星」：當時羅馬人信天上面七個（行）星掌控人既生命，耶穌基督比我地知一切都係佢手中。
1：16「從他口中吐出一把兩刃的利劍」：應該係埋身戰用既短劍，耶穌講野就係好近，佢講既野可以穿透我地既抵抗入到心。
1：16「面貌好像烈日放光」：神既面光照係舊約終極既祝福。
1：14-16 再睇扇形結構：頭/面係第一/最尾印象，眼/口係關係既器官，腳/手都指能力，最緊要都係耶穌講既野。
1：17「仆倒」：神顯現仲唔即刻敬拜咩。
1：17-18：指令一：不要怕。指令二：看哪。睇到耶穌，就唔洗驚。
1：18「並且我拿着死亡和陰間的鑰匙」：連呢兩樣都有鎖匙，所有其他野佢都有鎖匙。見到佢就唔洗驚。

啟示錄懶人包七：向七教會之七訊息 2：1-3：22

對象：教會。教會原文ekklesia原本無宗教色彩，雖然舊約指神子民聚會，但猶太人用左另一個字synagogue ，基督徒特登用返。呢個字用係國王召集國民開會處理國中行政既事用，代返落黎，耶穌基督呢個天國既王叫「教會」聚集都係要我地做平時天國既事務。

文體：唔係書信，呢度一樣都冇書信既格式。而係（1）先知預言同（2）詔令/聖旨既結合（（1）prophetic oracle + （2）imperial edict ，中文唔知準唔準確）

//2：1那右手拿着七顆星，在七個金燈臺中間行走的這樣說：
2：8那首先的、末後的，死過又活了的這樣說：
2：12那有兩刃利劍的這樣說：
2：18上帝的兒子，那位眼睛如火焰、雙腳像發亮的銅的這樣說：
3：1那有上帝的七靈和七顆星的這樣說：
3：7那神聖、真實的，
拿着大衛的鑰匙，
開了就沒有人能關，
關了就沒有人能開的這樣說：
3：14那位阿們、誠信真實的見證者、上帝創造的根源這樣說：//

（1）Tade legei 舊約出現過好多好多次，神宣告就會咁講，例如 出埃及記4：22
//你要對法老說：『耶和華如此說：以色列是我的兒子，我的長子。//

（2）Tade legei 都係波斯同羅馬帝國皇帝下詔既格式。

所以（1）+（2）講緊：耶穌基督先係神同王（dominus et deus)，唔係羅馬皇帝豆米仙叫人拜到佢咁樣。神同王兩者都會用「主」，信耶穌基督係主（Christos kurios）既人係唔會講該撒係主（Caesar kurios ）。

結構：扇形結構，明顯標記有士每拿(2)同非拉鐵非(6)都有講撒但同冇野鬧。最中間推雅推喇(4)有晒其他六個訊息既元素同最長。

啟示錄懶人包八：比以弗所教會既訊息2：1-2：7 （一）之以弗所簡介
//2:1「你要寫信給以弗所教會的使者，說：『那右手拿着七顆星，在七個金燈臺中間行走的這樣說：
2:2我知道你的行為、勞碌、忍耐，也知道你不容忍惡人。你也曾察驗那自稱為使徒卻不是使徒的，看出他們是假的。
2:3你能忍耐，曾為我的名勞苦而不困倦。
2:4然而，有一件事我要責備你，就是你把起初的愛心拋棄了。
2:5所以你要回想你是從哪裏墜落的，並且要悔改，做起初所做的工作。你若不悔改，我要到你那裏去，把你的燈臺從原處挪去。
2:6然而你還有一件可取的事，就是你恨惡尼哥拉派的行為，這種行為也是我所恨惡的。
2:7凡有耳朵的都應當聽聖靈向眾教會所說的話。得勝的，我必將上帝樂園中生命樹的果子賜給他吃。』」//

以弗所：當時羅馬帝國第四大城市，AD 96 人口約225000，主要貿易中心。有亞細亞西岸最重要港口，各國人民都會去。又會舉辦Pan-Ionian運動會，規模僅次於雅典既奧林匹克運動會，極之壯觀。有露天劇場坐到24000人。當地人崇拜生殖女神亞底米Artemis ：



佢個神廟係世界七大奇觀之一，起係兩個足球場咁大既平台，有100條17米高既大理石柱。BC 29開始，羅馬要尊榮一個地方，就會比係果度起拜皇帝既廟，以弗所起左足足4次。其中拜豆米仙做神果個廟有8條14米高直徑1.5米既石柱。

以弗所教會：保羅建立，保羅離開之後由百基拉、亞居拉牧養，之後保羅見呢個城市重要，又返返去兩年半咁耐，係佢留得最耐就係呢度。佢結果係要逃走，因為果時最大既工業就係整亞底米神像，D人信主佢地就生意差暴動。保羅留低左主入面個仔提摩太牧養教會。教會傳統話第一世紀末，提摩太比羅馬人殺左，然後使徒約翰做左以弗所教會既牧者，係度寫左第四本福音書。基督運動既中心一開始係耶路撒冷，然後係間徒被稱為基督徒既安提阿，之後去到啟示錄成書果時就係以弗所。

啟示錄懶人包九：比以弗所教會既訊息2：1-2：7 （二）之經文重點
//2:1「你要寫信給以弗所教會的使者，說：『那右手拿着七顆星，在七個金燈臺中間行走的這樣說：
2:2我知道你的行為、勞碌、忍耐，也知道你不容忍惡人。你也曾察驗那自稱為使徒卻不是使徒的，看出他們是假的。
2:3你能忍耐，曾為我的名勞苦而不困倦。
2:4然而，有一件事我要責備你，就是你把起初的愛心拋棄了。
2:5所以你要回想你是從哪裏墜落的，並且要悔改，做起初所做的工作。你若不悔改，我要到你那裏去，把你的燈臺從原處挪去。
2:6然而你還有一件可取的事，就是你恨惡尼哥拉派的行為，這種行為也是我所恨惡的。
2:7凡有耳朵的都應當聽聖靈向眾教會所說的話。得勝的，我必將上帝樂園中生命樹的果子賜給他吃。』」//

補充少少，因為使徒約翰係以弗所教會，所以耶穌媽咪馬利亞都係返果度，可以同佢一齊慶祝聖誕正日

2：1「右手拿着七顆星」： 上文1:16係「有」(echon=have)，呢度係「揸住」(kraton=hold)，屬於耶穌，佢亦唔會放手。加強左表達。
2：1「在七個金燈臺中間行走」： 上文1：13係就咁入係度，應該係企，呢度係「行走」，所以耶穌係行晒教會每一個角落，要保證教會既生命有返應有既質素。都係加強左表達。
2：2 「行為」：有做野，有各種事奉。
2：2「勞碌」： 好煩好辛苦先做到既事，佢地肯為天國付出。
2：2「忍耐」： 長期受苦，困難當中有耐性咁持守。佢地唔肯拜皇帝做神，唔參與亞底米崇拜，就算冇左朋友，比人鬧，少左生意，比人杯葛，都頂住。
2：2「也知道你不容忍惡人」： 持守真道同純全既生命，唔會係道德倫理上面妥協，守護教會唔比唔乾淨既既事同諗法入侵。
2：2「你也曾察驗那自稱為使徒卻不是使徒的，看出他們是假的。」：當時有人自稱使徒混入教會教假野，佢地有跟住約翰（約一4章）保羅（徒20：28-31,提後1：14）既教訓，睇穿假使徒。
2：2有晒一間教會可以讚既野，仲可以有咩問題？ 主耶穌既火（煉淨）眼睇得出。
2：4「責備」：原文kata可指敵對、反對、控告。
2：4「把起初的愛心拋棄了」： 冇左同耶穌初戀既感覺。留時間、留心、熱切、想氹、dum 本。
2：5「回想」： 承認冇左愛。
2：5「悔改」： U turn 轉身返返去。
2：5 「做起初所做的工作」： 聽耶穌把聲，安靜搵耶穌既面，享受同耶穌一齊，向耶穌既道開放自己，冇野阻住，冇整到D誡命變複雜，跟住做得到自由，為唔識耶穌既人哀哭，明白靠自己唔得，不顧一切將自己交比耶穌......
2：5「把你的燈臺從原處挪去」： 留返得個殼既教堂/建築物。
2：6「尼哥拉派的行為」：（去到第三間別迦摩先講）
2：7「得勝的」：保持對耶穌忠心。
2：7「我必將上帝樂園中生命樹的果子賜給他吃。』」： 創2：7因為罪去條路封左，而家已經因為羔羊既血開放返。生命樹，就係耶穌自己，用初戀既愛愛佢既，佢應許會有佢更多。

啟示錄懶人包十：比士每拿教會既訊息2：8-11
2:8「你要寫信給士每拿教會的使者，說：『那首先的、末後的，死過又活了的這樣說：
2:9 我知道你的患難和貧窮－其實你卻是富足的，也知道那自稱是猶太人的所說毀謗的話，其實他們不是猶太人，而是撒但會堂的人。
2:10 你將要受的苦，你不用怕。看哪！魔鬼要把你們中間幾個人下在監裏，使你們受考驗，你們要遭受苦難十日。你務要至死忠心，我就賜給你那生命的冠冕。
2:11 凡有耳朵的都應當聽聖靈向眾教會所說的話。得勝的必不受第二次死的害。』」

士每拿Smyrna： 現今叫Izmir，係土耳其第三大城市。曾被稱為「亞細亞之冠冕」、「亞細亞之花」，硬幣刻有「亞細亞以大小、美麗為首之城」，曾於580 BC 被毀，290 BC 重建並以此為傲。大作家Homer、最忠心殉道者其一Polycarp 主教既家。對羅馬城效忠，195 BC 做左第一個起神廟比Roma 女神既城市。AD 25 爭到幫提庇留皇帝起神廟，仲起多個比皇后Lydia 同起多個比個議員。

2:8 「首先的、末後的，死過又活了的」： 所有歷史同我地生命都係耶穌基督包住，唔係羅馬皇帝做既決定，唔係羅馬既興衰。而家佢係中間比生命我地。
2：9「患難」： 原文thlipsis 指壓力，壓爆既壓力，一個人比大石慢慢壓扁慘死既果種壓力。新約入面從來都唔係指生活遇到既正常失落，而係指天國臨到地上果時，兩國相交果種衝擊，光同暗、公義同不義、生同死之間既衝擊。
2：9「貧窮」：士每拿係有錢既城市，但敵擋耶穌既羅馬同猶太人唔同基督徒做生意，仲封佢地間鋪同搶佢地屋企，又唔請佢地做野。
2：9「毀謗」：褻瀆。
2：9「會堂」：猶太人向神敬拜既地方。
2：9「那自稱是猶太人的所說毀謗的話，其實他們不是猶太人，而是撒但會堂的人。」： 當時猶太人唔洗拜羅馬皇帝做神，亦都唔洗服兵役，但係佢地呢個特權可以隨時比個議員攞走，所以猶太人生活得好唔自在，尤其係基督徒唔肯參加皇帝崇拜既時侯，猶太人就更加唔安樂。因為好多基督徒係猶太人，而又有好多民事領袖當基督徒係猶太教分支既人，所以某D猶太人就為左向羅馬表忠，將「無神論」基督徒篤灰比羅馬知。
2：9「撒但」： 靈界既惡魔（以弗所書6：12），操控政治同宗教勢力敵對基督，令到基督徒承受壓力、陷入患難。12-14章再會講到。
2：10 「你將要受的苦」： 耶穌冇將受苦攞走，其實要受苦正正係因為真係跟緊耶穌，成為敵擋耶穌勢力既攻擊對象（因為耶穌已經係十字架同墳墓贏左，所以再攻擊唔到佢）。
2：10「你不用怕。看哪！」：出現得最多同第二多既命令，睇到耶穌就唔洗驚。
2：10「魔鬼」：同上，講多次患難/壓力既來源。
2：10「考驗」： 證明同提升信心。
2：10「十日」： 苦難個時間係耶穌允許先有，佢決定就係限左咁多。10代表完整既時段（呢度唔知會唔會咁啱照字面10日不過唔緊要），完左就完左。
2：10「生命的冠冕」： 士每拿都有運動會，完成賽事就會有冠冕，用葉編個環出黎放上個頭。完成對耶穌堅持忠心既教會將會得到生命，得到賜生命既主。
2：11「第二次死」：永遠同神隔絕。

想問吓舊約聖經既神殺左幾多個人?

短答： 好多，冇寫明。

長答：舊約聖經既神就係新約聖經既神。係舊約聖經入面，佢攞左好多人條命，詳細幾多冇講清楚，下面舉幾個例子。

未立舊約之前，佢用左洪水審判充滿罪惡既世界，只有義人挪亞蒙恩，一家八口得救。

立舊約出埃及果時，佢用左十個奇事審判硬頸自稱為神既法老王同佢既全軍，施恩比長期受壓迫做苦工既以色列人，令佢地終於重獲自由，認識到神。

立左舊約之後，佢用以色列人審判迦南人，要將佢地趕盡殺絕，以免佢地果D令人憎惡既拜假神習俗（例如將自己D仔女放入火燒）繼續有人學。

仲有好多好多。講返轉頭，我又想知，點解你咁問呢？

我諗淨係睇個數字代表唔到神D咩野，當中死既人冇一個係無辜。但係當我地知道左應得既結局，就更加明白到神既恩典係點既一回事。

冇呀，我記得出埃及記裏面，有段叫＂擊殺長子之災＂，即係所有長子，無論係老人家，定手抱BB，全部殺死。

我覺得好型，好公義，好似成吉思汗咁，唔鐘意你呀，屠城。

係有呢段，其實仲殺埋首生既動物添。

你咁睇係將全部人分開做獨立個體，但事實從來都唔係咁。林鄭搞到香港人咁，唔通又淨係香港人問題？

如果我捉左你個仔禁錮做苦力，我全屋輪流𥄫住佢同鞭佢，你攞青蛙嚇我我唔放，你整到我個水龍頭開血水我唔放，越黎越甘但係我仲當你冇到，仲串串貢咁話，呢度我話事，我識你老鼠咩。黑警都比人話死全家，咁如果我咁做應唔應該死全家？

sorry 而家唔係死全家，係死全民族。即係林鄭仆街，全香港要陪葬

麻煩你啲比喻好啲

多謝你補充，其實正正係咁。我自己唔係咩位高權重既人，得屋企人先會聽下我話。以前既社會唔係咁，個國王拎住每一個人既生殺大權，佢決定點做就成個國家成個民族都要咁做。

返返去當時既社會黎睇，埃及人拜各種同自然現象有關既神，而法老被拜做眾神之神。

成個出埃及過程係神向埃及人、以色列人同其他國家既人（即係全世界）宣告緊佢個身份：佢係神，法老唔係，埃及人拜果堆都唔係。

出埃及記5：2
//法老說：「耶和華是誰，要我聽他的話，讓以色列人去？我不認識耶和華，也不放以色列人走！」//

耶和華係要係人面前審判果堆假神，咁人先知道佢係真果個。例如
出埃及記7：17
//耶和華如此說：看哪，我要用我手裏的杖擊打尼羅河中的水，水就變成血；這樣，你就知道我是耶和華。//


（1）將尼羅河變血：審判尼羅河神Apis,，尼羅河女神 Isis，尼羅河守護神Khnum。
（2）蛙災： 審判青蛙頭既生育女神Heqet 。
（3）塵土變蚊：審判沙漠之神Set。術士唔再複製到個災。
（4）蠅災：審判烏蠅之神Uatchit。
（5）牲畜生瘟疫：審判牛樣既神Apis 同牛樣既女神Hathor。
（6）瘡災： 審判掌管健康同疾病既眾神Sekhmet, Sunu, Isis。術士企都企唔到。
（7）雹災： 審判天空女神Nut，收成之神Osiris ，風暴之神Set。
（8）蝗災： 再審判Nut, Osiris, Set。
（9）黑暗之災： 審判太陽神Re。
（10） 頭生的被殺： 審判法老（眾神之神），守護神Iris。

所以，根據當時既人理解，成吉思汗同屠城都未必係恰當比喻。

出埃及記14：31
//以色列人看見耶和華向埃及人所施展的大能，百姓就敬畏耶和華，並且信服耶和華和他的僕人摩西。//

----------------------------------------

講返轉頭，長子係當時社會係每一個家庭入面都係非常重要，擁有特別既權利同責任，亦係產業既主要繼承人。我想像，如果呢類審判係今時今日出現，未必係「屠城」，而可能係要將我地睇得好似神咁大，但其實值得咁緊要既野拎走。係香港，可能係炒返黎層樓？或者黎生份工？係美國，可能係LGBT etc.既性慾？

不過我地知道，神降下左既唔係災禍，而係救主。

路加福音2：10-12
//2:10 那天使對他們說：「不要懼怕！看哪！因為我報給你們大喜的信息，是關乎萬民的：
2:11 因今天在大衛的城裏，為你們生了救主，就是主基督。
2:12 你們要看見一個嬰孩，包着布，臥在馬槽裏，那就是給你們的記號。」//

係囉，連BB都照殺，真係救恩囉

BB雖然死，但係因為冇唔認神冇同神作對，而耶穌既救恩又有佢份，遮住佢係神面前既罪，所以神會接到佢返去永遠一齊。

一個果時出世既埃及BB大個左會點？如果神冇比人知佢係點，個BB不外乎都係聽法老話，拜耶和華所憎惡既神，跟住上一代繼續壓迫以色列人。咁樣反而係增加緊罪惡，同賜生命既神越來越遠，最後永遠分開。

羅馬書1：20
//自從造天地以來，上帝的永能和神性是明明可知的，雖然眼不能見，但藉着所造之物就可以了解看見，叫人無可推諉。//

得啦。總之神就係唔理好醜 殺能哂佢。

聖經又唔係咁講喎

出埃及記12：12-13
//因為那夜我要走遍埃及地，把埃及地一切頭生的，無論是人是牲畜，都擊殺了；我要對埃及所有的神明施行審判。我是耶和華。這血要在你們所住的房屋上作記號；我一見這血，就逾越你們。我擊打埃及地的時候，災殃必不臨到你們身上施行毀滅。」//

1）唔係殺晒，係殺一切頭生
2）唔係唔理，係要睇下間屋有冇血既（逾越節）記號先
3）重點唔係殺，重點係要認識神

所以如果你係果時既埃及人，你又有個BB，你有兩個選擇：一係繼續做信假神既埃及人，一係轉做信真神既以色列人，畫返個逾越節記號。

每一次審判黎到，神都有施恩典比回轉既人。救恩定審判，自己揀，神從來唔逼人。

好野，我老豆唔信神，所以我要死！！

最猛個個康德都冇將基督教摺埋

聖經有一部分可能係永遠既難題，但唔影響我完全咁信靠上帝同聖經

冇人得閒理你信乜。大把人信算命、搭羅牌、扶乩、麥玲玲啦。

冇人得閒理你信乜。大把人信算命、搭羅牌、扶乩、麥玲玲啦。

唔止呀，你老豆唔信有地心吸力抱住你係天台跳出去扮雀仔你都會死添！！

不過BB 咁樣就係死一次，之後神接到BB去永生。
大個左自己揀唔要神就係死兩次，到時同神分開去永死。

啟示錄21：8
//惟有膽怯的、不信的、可憎的、殺人的、淫亂的、行邪術的、拜偶像的，和一切說謊話的，他們的分就在燒著硫磺的火湖裡；這是第二次的死。」//

人人都有一死，BB死就係死一次，揀唔要神就死兩次，揀要神就死一次。
我見你口才咁好應該都唔係BB啦，你點揀先？

我揀左真神阿拉 佢話天堂有72個處女等緊我。

個個大師都話自己靈㗎啦 關二哥顯靈添呀