窮撚讀國際學校

其實你咁樣講都啱

好老實講 除咗比一個良好嘅語境佢哋學習語言
語境好自然會令到佢哋學識點樣流利溝通
但至於點運用語言 係咪能言善辯
就好講語言天份

自己覺得天份佔左7成架
就好似啲人讀數理咁
努力幫佢溫習補習佢點都可能合格成績唔差
但係點樣都遠遠追唔上數理天份好既人

做家長其實冇乜求
努力咁樣比一個最好嘅環境佢哋
佢哋點樣運用 學成點
就真係睇佢哋造化了

伴讀到一個level然後trigger佢自己讀。必勝方程式。伴讀過程好痛苦,我記得同呀大由細睇到大,由picture book開始,到year one一齊睇睇完一本2寸厚文字書後,往後佢識得自動波睇書,我嘅苦日子便到盡頭。

我都係窮, 無50k/月, 但有意送子女去IS讀K1, 因為識人, 可以無視學費, 但另一半過唔到自己嗰關，覺得屋企唔夠人有錢, 子女會畀人歧視。點樣可以平衡佢的心理? 我本人覺得有得揀, 應該讀IS好啲, 樓主有無咩建議畀我

你真係一個好爸爸

所有學校事務你一個人"咩"晒,叫另一半遠離學校, 唔好去家長會,唔好見老師, 唔好同其他家長,或同學有任何接觸 。

小朋友玩埋一堆，大家都唔會問人地咩家境
岩玩就約多d，唔岩玩就見少d
小朋友世界邊有咁多計算
大過左可能又另外一回事

讀IS多d時間探索，親子關系冇咁緊張
我覺得親子關系好，第日子女會更容易當你係朋友
你盡左最大努力比最好既教育佢，相信佢地會感受到

捱下捱下好快過

淨係睇係唔夠佢學中文，返學用英文上、同學又講英文，佢哋覺得係香港真係唔識中文都生存到，中文又難學，好多都大大下唔會想再學⋯

一級3,4班似係講緊BHS

如果你真係好想佢識，就要跟到足。朋友到個女依家9歲仲伴讀緊中文書，同佢默緊中文句子。

估中冇獎

都係要睇家長對中文既取態

有啲家長真係好鄙視中文，強行都逼仔女返屋企都用英文，好似覺得中文好失禮咁，自然仔女都會咁樣覺得

我自己就預左要落心機了

其實只要家長唔自卑就無嘢
小朋友同學放假請上遊艇出海
生日係遊艇會開party
開頭會有啲唔自在
但去多幾次抱住人一世見識吓嘅心情
覺得都幾好玩
越有錢嘅人越唔曬命 好低調
反而個啲讀著到成身名牌化行妝家長
先難相處 句句都要話俾人知有錢
但其實又唔係好有錢

利申 唔富有但無憂

我自己都教過中文的，默寫我都好唔BUY的
我唔係想逼佢中文叻，只求簡單溝通，令佢都覺得中文都係一個可以學下既語言，想唔想深入學落去，就留比佢選擇

我做到既就係運用我嘅專業去教佢中文
與其話教
不如話試下激發佢對中文既初步認識同興趣
至少唔好抗拒先

你啱，我小朋友就係語文弱，佢啲同學K3時已睇緊Geronimo Stilton, magic tree house同屁屁超人呢啲，我小朋友到小一先識自己睇，有啲真係好早慧

除中文外，佢其他科都暫時唔洗我同佢跟，佢自己都handle 到，特別係數學。好感受到天份嘅問題。

做家長唔好咁大壓力，加油！
雖然天份係好重要，好多野可能基因上都決定左
但做家長提供好既資源比佢哋
都有幫助的！

又或者咁講，小朋友仲細
有時候可能有啲內在潛能真係未啟發出嚟架

我最初都覺得唔洗默寫，但中文同英文唔同，英文有得拼音，中文真係要自己搵個方法死記點寫。

而且都好講小朋友天份，有啲小朋友中文字抄三次就記得哂，有啲抄十次都仲會唔記得

閱讀唔需要同人比較, 亦唔需要人睇乜你睇乜,興趣為本先可以持之以恆。
Once upon a time, 人人以睇過Harry Potter為benchmark, 但我屋企就係冇呢set.

默寫係有一定幫助
不過可以試吓唔好成日默寫
試吓比佢哋靈活運用

例如寫下信、畫下卡
又或者比佢哋用下毛筆寫字
用啲得意啲嘅方法去吸引佢哋
默寫得多有啲會好抗拒
夾雜多啲方法落去都好架

同埋語文能力
都唔淨只係讀寫能力
其實聽說能力都好重要！

有啲人可能寫嘢真係冇咁叻
睇嚟都冇咁快
但係原來佢聽嘢係好勁好留心
有啲人亦都可能講嘢會講得好架

係呀，依家間學校都好多中文creative writing，我見佢都唔抗拒。

唔係想比較，只係想帶出每個小朋友能力都唔同。我覺得佢已經叻過我小學果陣好多，我都唔求啲乜

依家咁易入大學都要做後門狗

唔係人人好似你咁叻, 要使下橫手。