149 Like
26 Dislike
Chicharito_14
2022-09-02 21:21:07
Push
綠嶺
2022-09-02 23:08:52
要問子瑜嘅話,子瑜直覺上覺得胡蝶係偏向鍾意恆樂,如果唔係嘅話都冇必要話恆樂係真正嘅男朋友。
不過講返朋友堆入面,先表明對自己某個人有意思就有優先權嘅呢種諗法,其實咁樣諗有好大嘅漏洞。
明明佢哋都唔係男女朋友,冇人諗過個男仔嘅諗法。
做選擇嘅明明係被追求嘅一方。不過唔重要。
另一方面,有冇人諗過朋友都有自己嘅感情?佢只不過係遲咗講出口就唔可以追人?實在太唔講道理。
子瑜有諗過,不如就喺呢一刻直接話自己鍾意恆樂,唔好去理會胡蝶點諗,任由胡蝶呢份感情留喺裝住貓嘅盒入面,自己點都唔好去打開,自己點都唔好去理會。自己就即管去追求恆樂。
但係咁樣做實在太卑鄙。
子瑜唔想成為卑鄙嘅人。
子瑜都做唔出將一切隱瞞,然後偷步嘅行為。大概同胡蝶嘅友情係呢一刻,比起佢對恆樂嘅愛情略勝一籌。
因為子瑜有強烈嘅預感,胡蝶係鍾意恆樂,呢份預感到底係咪真實,就等待Fact check。等待呢份事實確認之後,子瑜就會知道自己到底係咪一個卑鄙嘅人。自己會唔會忍唔住明知朋友鍾意,都無視朋友嘅心意去追求嗰個男仔?
子瑜唔想成為卑鄙嘅人,所以佢想打開呢個盒。
打開呢個盒之後,胡蝶話鍾意恆樂嘅話,之後就輪到子瑜做決定。
若胡蝶鍾意,子瑜會好好隱藏對恆樂呢份心意,然後退場。子瑜覺得收埋心意,自己應該做到,亦都可以好好咁祝福胡蝶。因為係朋友,見到朋友幸福,自己都會幸福。
綠嶺
2022-09-02 23:09:30
子瑜覺得自己唔介意為咗朋友而犧牲,痛苦嘅只有自己就可以。子瑜唔想朋友受傷,受傷嘅只有自己就好。如果自己以外冇人知道自己受傷,咁樣子瑜咪同無受過傷一樣。因為冇人知道所以就冇發生過。
不過好彩嘅話,呢一切都可能係子瑜諗多咗。
胡蝶對恆樂可能無feel,到時候子瑜就可以毫無牽掛追恆樂。
「多謝。不過情況⋯⋯我同佢有啲複雜。」子瑜坦言,吳純同胡蝶呢兩個變數對於子瑜嚟講實在太複雜、太多變數。
呢個裝住薛丁格的貓嘅盒,實在唔係咁容易打開。
知道咗盒入面係乜嘢,所有嘢就返唔到轉頭。
好奇心,有。
詢問嘅必要性,都有。
開口提問嘅勇氣,未有。
子瑜害怕,佢發現自己原來會害怕,怕受傷,怕要迎來自己最唔想得到嘅結局。
子瑜唔想放棄愛情,亦唔想放棄友情。
心中混亂嘅子瑜無能力去開心,佢只能夠將一切嘅說話變得隱晦咁講。
開咗盒,所有嘢就會定案。
定案嗎?子瑜其實都唔確定自己能唔能夠隱藏呢份心意。能唔能夠知道朋友嘅心意後,好好咁埋葬自己嘅心意?
定係自己會成為社會上所講嘅臭雞,按奈唔住自己嘅情慾,追求朋友愛上嘅男仔。
決定要隱藏,同隱唔隱藏到係兩回事。
綠嶺
2022-09-02 23:10:05
「複雜?」胡蝶覆述。
「嗯。有啲嘢唔知點開口,但唔解決件事嘅話我哋就行唔到落去。」
有時候,未知嘅忐忑感比起塵埃落定嘅確定感更得令人舒暢。
我哋指嘅到底係恆樂同子瑜,定係子瑜同胡蝶,子瑜其實搞唔清楚。
但係不論係指邊個都好,子瑜要解決嘅就係了解胡蝶嘅心意,知道咗先可以行下一步。
「好似幾麻煩咁。」胡蝶側頭道。
「嗯。我都唔知點做好,去到可以解決嘅時機,但係我就知點開口。」
依家就係呢個時機。
子瑜搞咗一輪先搵到獨處嘅時機,但係就開唔到心。
Send message講去避免面對面嘅尷尬。
子瑜搖頭揮走呢個念頭,有啲嘢必須要當面講。
時機製造了,自己卻因為怯懦而講唔出口。
怕會得到自己唔想要嘅答案。
唔想失去恆樂,亦唔想失去胡蝶。
子瑜怕要二揀一。
「咁不如等下先?等你真係準備好心情先處理。」唔知道自己牽涉左係呢一場內心戲嘅胡蝶提議。
「等下⋯⋯?」子瑜從混亂嘅腦海中搵到一絲曙光。
呢個做法未諗過。
子瑜未諗過要拖延。
胡蝶為子瑜提供一個自己無思考過嘅答案。
子瑜一直都想迫自己要儘快解決,或者因為自己真係太心急而忽略咗好多嘢。
「嗯。有時心急去做一件事未必會有好嘅結果。」暫時置身事外嘅胡蝶以旁觀者嘅角度講。
雖然胡蝶唔知子瑜煩惱緊啲乜,但係睇得出朋友困惑嘅表情,胡蝶決定唔去問背後嘅究竟,淨係默默咁俾意見對方。
「依家暫時放低佢⋯⋯心情想準備好先至處理⋯⋯」子瑜一邊沉思一邊自言自語。
根據胡蝶嘅提議,子瑜要做嘅就係整理一下自己嘅心情,暫時唔好去諗胡蝶對恆樂嘅心意,一齊維持現狀,唔好心急,等下一次,有下一次機會自己一定會講清楚所有嘅事情。
咁樣做好唔好?
子瑜問自己。
胡蝶突然從後擁抱子瑜,喺佢耳邊細聲咁講:「揀個呢一刻你冇咁痛苦嘅選擇啦。」
胡蝶嘅思維有啲吳純化,叫人選擇當下最舒服最簡單嘅做法。
子瑜心情好似舒暢咗一啲,佢微笑着答:「多謝你。」
睇嚟子瑜心目中已經交出一個答案。
儘管問題無得到解決,但係心情卻得到解放。
子瑜覺得事態唔會係短時間變差,差少少,或者今晚胡蝶上嚟子瑜studio過夜、氣氛變得適合嘅時候,就自然會開到口。
呢一刻無咁痛苦嘅選擇就係唔問。
所以,胡蝶真實嘅心意,子瑜決定今晚再問。晚上會有一種令人願意放下戒心同輕鬆嘅氛圍,大家到時候就會更容易開口。
鐵拳無敵鍾培生
2022-09-03 00:03:12
結果都係等半日
伊藤園菜肉包
2022-09-04 04:44:57
Push
伊藤園菜肉包
2022-09-04 23:24:29
再一推
綠嶺
2022-09-04 23:56:59
樓主入咗廠,文後補,sorry
博愛特色專一主義
2022-09-05 00:32:11
寫到噴鼻血?
Chicharito_14
2022-09-05 02:34:38
保重,慢慢嚟
Chicharito_14
2022-09-06 07:43:47
Push
小火花
2022-09-06 12:49:26
身體要緊,保重
鐵拳無敵鍾培生
2022-09-06 23:20:27
保重
綠嶺
2022-09-07 22:33:08
多謝大家!聽日應該出得返嚟!
鐵拳無敵鍾培生
2022-09-08 00:23:55
支持
披皮
2022-09-08 00:28:24
加油
Chicharito_14
2022-09-08 13:11:34
Push
綠嶺
2022-09-08 22:24:51
子瑜覺得自己唔介意為咗朋友而犧牲,痛苦嘅只有自己就可以。子瑜唔想朋友受傷,受傷嘅只有自己就好。如果自己以外冇人知道自己受傷,咁樣子瑜咪同無受過傷一樣。因為冇人知道所以就冇發生過。
不過好彩嘅話,呢一切都可能係子瑜諗多咗。
胡蝶對恆樂可能無feel,到時候子瑜就可以毫無牽掛追恆樂。
「多謝。不過情況⋯⋯我同佢有啲複雜。」子瑜坦言,吳純同胡蝶呢兩個變數對於子瑜嚟講實在太複雜、太多變數。
呢個裝住薛丁格的貓嘅盒,實在唔係咁容易打開。
知道咗盒入面係乜嘢,所有嘢就返唔到轉頭。
好奇心,有。
詢問嘅必要性,都有。
開口提問嘅勇氣,未有。
子瑜害怕,佢發現自己原來會害怕,怕受傷,怕要迎來自己最唔想得到嘅結局。
子瑜唔想放棄愛情,亦唔想放棄友情。
心中混亂嘅子瑜無能力去開心,佢只能夠將一切嘅說話變得隱晦咁講。
開咗盒,所有嘢就會定案。
定案嗎?子瑜其實都唔確定自己能唔能夠隱藏呢份心意。能唔能夠知道朋友嘅心意後,好好咁埋葬自己嘅心意?
定係自己會成為社會上所講嘅臭雞,按奈唔住自己嘅情慾,追求朋友愛上嘅男仔。
決定要隱藏,同隱唔隱藏到係兩回事。
「嘩!」係呢個感動嘅時刻,吳純突然由水底彈上嚟扮鬼臉。
胡蝶同子瑜無嚇親不得止,仲用好可憐嘅眼神望住吳純,覺得佢智力有問題。
「做咩你哋咁嘅樣啊?」吳純個樣完全唔在乎咁問。
「冇嘢⋯⋯不如我哋影幾張相囉?難得着咗泳衣。」心情舒暢咗一啲嘅子瑜提議。
「好呀!」吳純興奮咁拉住兩個女仔返上岸到影ig相,慶幸嘅係佢哋冇拍到任何抖音片,亦都冇下載過抖音。
最後,三個女仔曬下太陽,拒絕咗幾條柒頭嘅搭訕就走人。
正當佢哋三個坐uber去葵廣嘅時候,佢哋三個人都偷偷摸摸咁不約而同地將自己嘅泳衣照send畀恆樂。
綠嶺
2022-09-08 22:25:15
而瞓到三點先醒嘅恆樂,一打開電話就忍唔住講咗句:「仆街啦⋯⋯」
三個女朋友竟然聚首一堂。
恆樂本來想即刻打電話畀子瑜整理一下現況,但係子瑜已經係message提醒恆樂唔好打嚟,同埋子瑜都有同恆樂講話有進一步消息嘅話會主動聯絡恆樂,叫恆樂邊個女仔都唔好搵。
恆樂見子瑜講到咁,恆樂唯有攤返上床打住機等子瑜嘅指示,暫時將呢件大獲事抱諸腦後。
另一邊廂,三個女仔喺葵廣買咗堆食物之後就走咗上子瑜個studio到開餐。
佢哋一行三人喺子瑜到沖完涼之後,就換上鬆身嘅衫褲,再圍住張茶几坐喺地下度食嘢。
子瑜嘅心情喺呢個愉快嘅氛圍底下都逐漸放鬆起嚟。
要處理嘅事終於可以押後。令到自己心煩嘅事無再成為重擔。
本來跳脫同不受控制嘅吳純,喺沙灘發洩咗一整日精力之後都安份起來,無點搞出啲意想不到嘅事。
只不過吳純仲係周不時會借啲意同子瑜或者胡蝶做出身體接觸,例如食食下嘢就話自己手抽筋,用手指篤子瑜個胸,又話要幫胡蝶抹咀,點知用嘅方法就係用條脷去舔胡蝶嘴角。
不過子瑜唔知係習慣咗,定係已經冇心力去反抗,所以已經覺得冇乜所謂。
「食飽lu!」食到肚仔微微拱起嘅吳純攤落地下講。
「我都係。」胡蝶甜笑住講。
「飽死。」子瑜附和。
鐵拳無敵鍾培生
2022-09-08 23:01:55
伊藤園菜肉包
2022-09-09 12:49:53
綠嶺
2022-09-11 14:45:13
「話說你又真係乜都有喎。」攤喺地下嘅吳純只係郁吓個頭望望下再講:「又有遊戲機、又有螢幕、又有音響、又有咁大嘅衣櫃、仲要有個化妝間!一定好貴租啦!」
「都唔係太貴,呢個工廈嚟,兩萬蚊一個月包埋水電啦。」子瑜講。
「咁唔算貴喎。」胡蝶驚嘆。
「但係呢度交通唔方便呀嘛!同埋始終係工廈,有機會俾人拉㗎。」子瑜答。
「咁平租金係有啲風險嘅,始終呢度喺香港。」胡蝶講。
「唔好講呢啲住啦,不如我哋搵啲嘢玩?」吳純提議。
「Board games?Ring fit?」子瑜一手拎住大富翁一手拎住ring fit環。
「打機!」吳純一個鯉魚翻身躍起再興奮咁講。
「可以呀,當做吓飯後運動。」胡蝶點頭同意。
自從子瑜冇再諗恆樂嘅事之後,子瑜就玩得好開心。
或者,唔再理條仆街仔就係最好嘅做法?
「我先!」興奮嘅吳純打斷子瑜嘅思緒,拎起ringfit跳嚟跳去,佢對波都彈嚟彈去。
吳純玩完之後就到胡蝶,胡蝶好明顯冇吳純咁多活力,玩兩玩已經好攰,一個屁股坐落梳化休息。
當子瑜玩緊嘅時候,坐喺梳化嘅胡蝶手機唔小心跣咗落梳化嘅罅隙度,胡蝶理所當然咁伸手去執返部電話,但係佢執上手嘅係一個銀包。
綠嶺
2022-09-11 14:47:16
「銀包?點解有個銀包喺度嘅?」胡蝶疑惑咁樣問子瑜。
捉住健身環嘅子瑜擰轉身,一見到呢個銀包就心知不妙,因為佢好肯定呢一個就係屬於大家嘅男朋友。
喂屌,明明頭先仲好地地,而家搵啲咁嘅嘢來玩?
子瑜心中同時屌柒恆樂,點解佢要留低個銀包喺度?點解佢擺張陷阱卡喺度?
但係諗深一層,胡蝶未必知呢個銀包係恆樂嘅,子瑜依家要做嘅就係盡快收起呢個銀包,唔好俾佢哋喺入邊搵到任何證明到呢個銀包係恆樂嘅證據。
「我㗎。」子瑜試圖喺胡蝶手上搶走呢個銀包,但係慢咗一步。
吳純使出一招中途攔截,比起子瑜快一步將銀包攞到手:「呢個銀包男裝嚟㗎喎!點會係你㗎?同埋好熟口面⋯⋯」
吳純講完之後就打開銀包,隨便咁抽出入面嘅卡,吳純拎出一張身份證喺手上把玩。
子瑜心諗,玩完,冷汗流過不停。
吳純呢一個不確定因素實在太瘋癲,成日都暴走。
「有張份證喎⋯⋯常⋯⋯恆樂⋯⋯?」吳純少有咁皺住眉頭讀出份證上面嘅名。
綠嶺
2022-09-11 14:56:20
然後氣氛秒速降到冰點。
在場冇人出聲,只有電視機中斷斷續續咁發出遊戲聲,同冷氣機轟隆轟隆嘅聲。
胡蝶震驚到合唔埋張開咗嘅口。
點解恆樂會同子瑜認識?更加重要嘅係點解佢銀包會係呢到?
恆樂銀包會喺呢度,即係佢上過嚟。
孤男寡女共處一室,有大梳化、銀包攝咗落梳化嘅罅隙、銀包正常係擺喺褲入邊。
胡蝶只能推論到恆樂同子瑜曾經喺度共度一宵,做咗好多好多事情,瘋狂地。
胡蝶更加擔心嘅係,子瑜係唔係已經知道咗自己所講嘅男朋友只不過係假男朋友,而呢一個男朋友就係同子瑜疑似有親密關係嘅恆樂。
咁即係子瑜已經知道自己講大話一段時間,但係就冇拆穿自己?或者佢喺背後恥笑緊我講大話?
胡蝶個心就簡單因為一個銀包嘅出現而非常之忐忑不安,心裏亂成一團糟。
子瑜咁樣係咪即係睇我唔起?
自己充大頭鬼,同朋友講假男朋友係真男朋友,就好似啲人冇料扮四條,但係後來俾朋友拆穿,自己卻蒙在鼓裏。
到底朋友係因為溫柔所以唔想拆穿自己,定係因為恥笑而唔想拆穿自己?
雖然胡蝶從來都冇講過自己嘅男朋友叫咩名,個樣生成點,但係子瑜同恆樂嘅交情係去到恆樂會上嚟子瑜住所,恆樂同子瑜佢胡蝶只不過係假女朋友。
所以子瑜係能夠推論出胡蝶講嘅男朋友係恆樂,而胡蝶同恆樂只不過係假扮情侶嘅關係,咁樣諗一啲都唔奇怪。
廢老蘭歷克
2022-09-11 19:10:43
世界大戰未