[重開][多圖][一年長途遊記] 中南美到南極-西伯利亞至東歐

正 再返黎支持先

樓主好勁呀

呢一日犀利喇，我地去搭！飛！機！
自從由墨西哥開始3個月以黎我地一直都係搭巴士或者船，今次因為想跳過洪都拉斯同薩以瓦多所以選擇搭飛機。我地搭哥斯達黎加既廉航Volaris，每人只係90蚊美金咋，1小時20分鐘就由Guatemala city去到哥斯達黎加首都San Jose。

Antigua本身無機場，不過佢同Guatemala city好近，搭shuttle只係需要1個鐘左右，所以搭飛機果朝由Antigua出發就可以了。我地朝早4點半黎到機場，丫又幾光鮮

入到去禁區既時候竟然係袋低搵到仲有百幾Q，拎去買左個風筒以後唔使濕住個頭訓覺了


排隊等checkin既時候後面排左個哥斯達黎加大叔，佢英文好好，我地即刻把握機會捉住佢問有咩地方推薦我地去，咁就大致定左一兩個想去既地方喇。加埋途中每一站遇上既人比既建議，我地最後係度留左一個月，路線係咁既:
San Jose > La Fortuna > Monteverde > Cahuita > Drake Bay > San Jose

好好睇咁誇張多謝你

歡迎歡迎，有人睇真係好喇

唔會特別勁啦，寫出黎就係想大家知道只要你想既話，其實每個人都可以跳出框框去睇呢個世界，千祈唔好睇小自己

謝謝你
知道唔係單機緊的感覺真好

樓主D籌旅費、經費？
唔洗養家我都想衝出香港

Tui

絲打好勁
Lm

[哥斯達黎加– San Jose]

哥斯達黎加被認為係中美洲最安全既國家，呢度有茂密既森林、分別面向加勒比海同太平洋既海岸，豐富既自然環境令佢成為野生動植物既天堂。不過我地原本都唔知咁多，當初想黎既最大原因純粹係因為我好鍾意樹懶，好想係度見下野生樹懶，黎左先發現呢個地方比想像中更得人鍾意。

一到埗我地就去左唱錢，雖然櫃員機用唔到我地張卡，但好在找換店可以用credit card拎錢。哥斯達黎加貨幣叫Colon (₡)，係一種好平既錢，港紙1蚊等於大約₡76000，因為幣值太大所以當地一般都會省略左後面果3個零，譬如₡2000000佢地既價錢牌就會寫₡2000k咁樣，Colon係長呢個樣子既

呢度連啲錢都印滿哂動植物，係我見過覺得最靚既貨幣，唔捨得拎去用呀睇真啲，每一隻野隔離仲有細細隻字寫左佢個西文名同學名


我地不嬲都唔係太偏愛留係首都呢類大城市，所以只係晌San Jose留左兩晚。不過當你對一個地方愈無期望，佢就愈會比到驚喜你，係度閒逛左兩日我地都覺得佢係比想像中有趣既城市。

第二日食完早餐洗緊碗果時個host好開心咁話兜埋我地出街，因為果日係星期日，市中心有一星期開一次既既farmer’s market，佢想我地可以去睇下。果度規模有兩三個足球場咁大，有菜有肉，啲野賣得好平，真係無介紹錯，師奶表示雙眼發哂光

啲居民都自備手推車or剷泥車黎買餸

最側邊果行係賣小食既，睇落好正，叫份黎試下先

呢味野係用煎到焦香既芝士包住蛋、飯同埋豆，我地嗌多左條腸黎送。啲芝士煎到好似薯片咁脆卜卜，好好味呀，不過好漏，兩個人分先食得哂。


係哥斯達黎加周圍都見到呢隻用熱水烚住既奇怪食物，開頭以為係柿黎，望真又唔似
我問檔口呀姐可唔可以比我試下，佢就比左兩粒我了，仲提我要搣皮食。粒野硬硬地咁，食落有啲似蕃薯或者栗子，但唔甜既，咸咸地仲有少少苦，不甚可口但應該幾飽肚既

行行下係生果檔見到佢既本尊

呢樣野原來叫Pejiballe，中文叫桃椰子，係啲棕櫚科樹木既果實黎。當地人會就咁烚熟當小食，點沙律醬食，或者用黎煮餸，我就麻麻地呢隻味喇。

行完farmer’s market我地經過左啲商場，呢度既商場都好摩登，首都真係唔同啲。我地係度行左陣嘆下冷氣，係久違了既感覺呀

我地都買左啲生果返黎打汁飲，咁大堆士多啤梨都只係港紙$2.5咋

hostel附近都無餐廳，好在對面就係超級市場，呢度既農產品又平又靚，我地煮既晚飯都愈黎愈招積
呢晚煮大啡菇牛油果意粉配蜜糖煎雞扒

啲旅費就係平時返工儲落既錢，無係路上籌呀我又唔識賣藝
辛苦巴打了，鍚屋企人之餘都唔好忘記要錫自己呀，有機會既話去個短旅行放鬆下自己啦

多謝支持
得閒返黎睇啦

17萬係美國+中美+南美+歐洲？ 連埋機票酒店hostel airbnb？

睇到live咗 希望仲會繼續出

前一日出過城學識左點搭巴士，之後果日都想出市中心行下，出門口之前整個靚早餐嘆下先

呢度既巴士唔難搭，而且好光鮮




今日想去睇博物館，我地搵到間叫Museo del Jade既，個名叫就叫翡翠博物館，不過玉石既資訊只係佔小部份，更多既係講歷史、傳統部落生活、地理環境、野生動物甚至係環境保育等等，估唔到資訊性咁強，好滿足呀。
呢把係以前啲人用黎晌玉石鑽窿既工具

有啲遊戲玩下

相傳傳統部落既巫師都會有玉造既法器，當佢地冥想靈魂出竅既時候就可以幻化成唔同既動物，可以變成雀仔、豹、魚等等，睇到呢度我地諗起迪士尼果套Moana
巫師作冥想狀


呢度話原來成個中美只有危地馬拉會出產翡翠，講開又講之前係Antigua都見過間賣玉器既舖頭，當時男朋友仲大灑金錢用四舊水港紙買左條頸鏈比我，話我成日生人唔生膽，比我陀住係心口定驚，辟邪辟鬼 四百蚊果時係我地幾日既旅費喇，望住佢比錢真係好鬼肉赤

呢啲金銀珠寶野我地都唔識揀，唔知有無比人呃呢不過我都真係好鍾意，珍而重之當舊玉係寶，之後去波蘭個集中營都有戴住黎定驚(雖然去完都覺得自己撞邪嘔左成個星期...)

係博物館睇左三個零鐘間野就要閂門了，呢邊既街道有啲雜亂，周圍行左陣，發現呢度有好多二手衫執笠倉，叫做Tienda de Ropa de Segunda(二手衫店) 或者Tienda de Ropa Americana (美國衫店)，專買歐美運黎既二手衫


呢啲舖頭有衫褲鞋襪、手袋背囊、皮褸羽絨、泳衣底衫、西裝婚紗….基本上你講得出放上身既野都有，好多都好新淨，而且好鬼平。反正我無冬天衫，之後都打算返黎San Jose搭飛機，就決定到時再黎大手購入呢啲vintage衫啦!!

下一站: La Fortuna

借你哋嘅回憶嚟感受吓幸福

係呀，其實都比預算用多左了。住宿交通其實都無想像中咁貴，當然可以再慳啲使，但而家咁樣住下dorm又住下apartment，咬下麵包但又間唔時一餐豐富啲我地覺得岩岩好

會呀，不過呢幾日啲新聞好唔開心，無心情打所以慢左出

巴打做乜咁慘，今日我生日呀分啲幸福比你

分咗手一年 前日正式收到佢已經有新戀情嘅消息


生日快樂

記住要搵其他嘢分散下唔係好易屈到病
btw 生日快樂

Antigua好似幾正，一個小鎮咁
隔離Guatemala City好似危險好多

番個靚名 吹一吹 快啲出油雞

留名