[重開][多圖][一年長途遊記] 中南美到南極-西伯利亞至東歐

謝謝你既讚美

唔會再爛啦

樓主新年快樂
睇完南美篇覺得南美同自己想像中好唔同
你啲相好靚又好colorful 好想親身體驗下
希望今年大家都平安

d牛油果咁大隻既

由最初睇到而家
好開心呀睇得！！樓主加油繼續分享

無得去旅行睇下遊記身心都舒暢晒

有無多少少Medellin睇丫，住咗喺戈度4日應該唔止咁少嘢？
（住咗喺戈度半年，幾鍾意）

南極團啲野食睇到我流曬口水

南極價錢睇到標眼水

想請教下去咁耐帶幾重行李?
一個大背囊加一個細?

樓主

[德國-Munich]

突然之間去左歐洲，有啲唔識點寫添南美同歐洲之間既距離比想像中近，雖然我地貪平要轉幾次機，但其中最長由哥倫比亞Bogota去西班牙Madrid果程都係九個半鐘機程

好快我地就又由35度熱情洋溢既哥倫比亞，黎到-5度灰灰沉沉既慕尼黑


黎慕尼黑既主要原因係探親，叔叔係我好細個既時候已經移民過左德國，今次黎可以探下佢一家，順便厚臉皮地投靠佢幾晚天氣好凍，叔叔煲左湯黎接我地機，好溫暖呀

周圍都灰矇矇、冷冰冰

妹妹讓左佢間房俾我地住，仲比左舊野我按摩條腰

長期既旅行有時都會有啲攰，黎到親戚屋企心情好放鬆，晚飯都好有家的感覺


第二日出去行下，慕尼黑既metro好易搭

我地出左市中心，飲啤酒，食豬手，去下大路景點咁




慕尼黑新市政廳，Marienplatz站一出就見到。第一次黎既時候覺得好靚，好鍾意呢種外牆黑咪蚊既殘舊感，聽講每日中午12點鐘樓入面既公仔都會出黎轉圈，我地黎既時候已經係下晝，所以睇唔到

周圍都有既德國孖人牌，但睇隔離CCTVB戰線學到原來大部份孖人牌都係中國製造既，無咩都唔好買喇

晏晝去左一間似乎好出名既餐廳Hofbrauhaus，叫左烤豬手同白雲豬手

我唔記得左白雲豬手叫咩名，佢係用鹽水炆煮既，好林好好味，呢個煮法好食過烤既好多，配埋酸菜食真係好正。

食完晏，我地就搭車去BMW Welt寶馬世界，搭到去Olympiazentrum站一出就係喇。其實我就一啲興趣都無，但之前帶過老豆黎見佢睇得好開心，我諗所有男人對車都有個情意結，所以就帶左男朋友黎喇

佢果然睇到好high


理解唔到好睇既點係邊覺得呢部車好醜怪，睇落好蠢

好彩側邊有得打機

兩個唔識揸車既人，唔知點解又玩得好開心

仲話返到黎香港一定要學車添

(結果路試肥左之後仲未補考返)

晌地鐵站發現了1歐1張既證件相機，影左張黎留念

食完飯去酒吧坐左陣

返到房，嬸嬸已經幫我地洗好衫摺整齊了，家人真好


下一站去邊度好呢離開南美之後突然之間覺得有啲迷失，我地發現自己原來對西歐呢邊唔係特別有與趣，諗過由由西班牙搭船落摩洛哥，或者去意大利搭船過突尼斯，但資料搜集既時候發現原來呢兩個國家中國人入境係免簽証，搞到有好多強國人，突然間就無乜興趣了。晌度留左幾日，已經深深感受到歐洲物價既高昂，距離返香港過農曆新年仲有幾星期，點樣可以又抵又舒服又走馬看花地係西歐玩多陣呢。呢個時候我地做左個好奇怪既決定，我地決定去坐郵輪

晌慶祝新年San Andres既時候，毒梟夫婦同我地講佢地都好鍾意旅行，其中最鍾意就係坐遊輪。佢地推介左一個叫vacationtogo既網比我地，話成日都可以執到平船飛，咁我地碌碌下，又真係搵到唔錯既飛喎。

8日7夜既團每人500歐，包哂食住同交通黎講其實唔錯。上船既地點係法國馬賽，離上船既日子仲有3日，橫掂都要去法國，上船前就去瘋狂食下生蠔先啦!!!

[下一站: 法國-Sète]

係呀
果度既氣氛真係令人熱情左開心左架，你到時要去既話我借本書比你plan行程丫 要心理健康呀大家!!

佢地有種牛油果好似節瓜咁大個
食落淡口啲但滑啲，外皮無乜坑紋，滑嘟嘟咁，第一次係街見到果時諗左好耐係咩黎。

多謝你呀，帶到快樂比你地我都好開心呀

無了 果排驚無埋部電話好少拎出黎影相，我地好hea，每日淨係做一兩樣野，地鐵同纜車都未搭，最後悔無入貧民區行，4日真係太短了。我覺得Medellin真係個幾吸引既城市，巴打係果度住左半年咁開心

份量大啲更佳

係呀，一大一小，我個大背囊55+5L，男朋友65+5L，細背囊20+5L，因為成日途長途巴士後期多左個手抽袋用黎放搭車食既包呀水呀書呀之類既野。有次係機場過機磅到我個大背囊大概18KG重，細背囊7KG左右。

戈時旅遊完兩個月喺戈邊隔離咗半年
住咗喺Poblado,日日照喺條街拎住部電話玩Pokemon go

搭過歐洲短途啲既郵輪
其實真係幾爽
期待下樓豬郵輪遊記先

[法國-Sète]

我地對法國唔係特別感興趣，係呢度我地只有一件事想做，就係食生蠔喇!! Sète塞特港位於南法，處於海岸與咸水湖Étang de Thau中間，湖上有好多生蠔養殖場，google話呢度出產既生蠔佔整個法國大約10%，而且離我地之後要上船既馬賽只係兩個鐘車程，實在沒有不去的理由

由慕尼黑搭火車去Sète原本唔使太耐，但果日天氣唔好，火車班次大亂，頻撲多左四五個鐘，最後夜晚11點先到埗。咁夜無哂巴士，個host都好好人，開車黎車站接我地，hkd320一晚既apartment，幾雅緻



朝早訓醒，求其食塊包就衝左去街市


其實呢一帶最佳食蠔地點係湖另一邊既Bouzigues，由Sète過去可以搭35分鐘巴士或者遠足兩個半鐘，果邊仲有一間關於養蠔業既博物館添，但我地想食蠔既欲望實在太急切，所以決定直奔屋企隔離既街市 呢度既蠔真係平到笑，大部份種類5歐就有一打，求其篤左兩款

我地呢啲大鄉里就係唔識啲蠔既品種邊隻打邊隻既，但上網見人講過話有種圓碌碌扁身既蠔，好似叫銅蠔，如果遇到就一定要叫黎食，因為呢種蠔比較少見而且非一般地美味。唔 應該就係你喇

除左蠔之外仲有好多貝殼類賣

開蠔費5歐半打，但姨姨話收我地平啲，開哂咁多隻都係收左5歐姐

我地總共叫左三款一共18隻蠔，埋單19歐

痴線架，好好味呀尤其是係果隻圓碌碌啲肉紅紅地既扁蠔，超出左我對蠔既認知。佢個味好似螄蚶咁，鮮味爆炸性咁濃，真係一種好獨特既味道，第二日再去已經搵唔返佢啦。

食完周圍散下步，Sète周圍都有水道貫穿，兩邊泊左好多小船，加上矮矮既小屋，寧靜又美麗。我地以為歐洲人都比較冷漠，但令我地意想不到既係呢度既人竟然都好友善






睇下世界各地既樓價，其實都幾有趣，之後啲外國朋友黎香港我地都有帶佢地去地產舖門口見識下世上最貴樓價


一場黎到法蘭西，買幾粒法蘭西甜品返去試下先，好好味

夜晚係街市買左青口黎煮，1kg都是3歐only。反而隔離幾隻蕃茄要成5歐，無諗過會咁貴，早知唔買啦


唔再年青既人，係咩野驅使你天寒地凍又晏早流流爬起身呀

係蠔呀!! 臨出發去上船前既朝早，我地又去左街市再來一發生蠔唔知係咪一大清早既關係，今日既蠔比前一日既更加新鮮

仲郁郁下係度食緊海藻，真係得意


今日蠔檔姨姨又收平我地，本來要18歐但只係收15歐
心滿意足，行去車站搭火車走啦




[下一站: 法國-Marseille]

咁搞笑，好似係個好有趣既經歷 我地果時都係住El Poblado，果度幾正呀

仲有蒙古都好正