[重開][多圖][一年長途遊記] 中南美到南極-西伯利亞至東歐

留名睇 Mendoza 同 Santiago 之間條路既風景 

留名

g持

又睇完

星空好靚呀 多謝你
雖然懷念喺天上飛嘅日子 但我都決定咗走啦
因為無論係公司同埋香港都回不去了
希望大家事業上都有新嘅開始

要繼續出文 唔好偷懶呀 我成日都嚟睇㗎

[智利-Santiago]

經Mendoza車站轉車走既時候我地去想同小販叔叔講再見，不過見佢唔到，原來佢今日放假，唯有whatsapp同佢講拜拜啦。前往智利首都Santiago既巴士要搭7個鐘，途中會翻過三千幾高呎既安第斯山脈，風景好壯麗，睇到唔捨得訓覺



轉到頭都暈

巴士餐盒，都唔錯


今次犀利啦，住係大型屋苑

幾耐無搭過𨋢，仲住係20樓咁高添

一房一廳，有冷氣，HKD350一晚


我地只係晌Santiago留兩晚，第一晚黎到已經好夜，買啲餸煮個麵食就休息

開左呢支前一日係酒莊買既甜酒

呢隻係我飲過最好味既酒 聞落係香甜既荔枝味，入口係淡淡桂花香，最離奇係呢兩樣野阿根廷都無，到底係如何做到

好似好耐無係街食過早餐，第二朝去附近café坐下

雖然都係食麵包，但間中出黎hea下都幾好，食完我地就隨便周圍行下

呢一款Mote con huesillo係智利街頭常見既消暑飲品，桃乾煲成既糖水雪到凍冰冰，加幾匙羹煮到好似薏米咁既小麥，透心涼又飽肚，好味到一日飲左兩杯


比人搶左個袋仔好唔方便，買塊布整過個

然後行到黎中央街市



入面有好多餐廳，順便係度食埋晨晝

好大盤ceviche，有幾隻生帶子伴碟

海鮮湯，濃味過頭


臨返住宿前去左附近一個小山丘Santa Lucia Hill，上面有一座差不多200年歷史既城堡Castillo Hidalgo，可惜黎到既時候已經太晏，只可以係外圍行下

入面有個堡壘，可以爬上去

行到上去既風景，唔錯唔錯


我地住既區靜靜地，幾乾淨企理


買左十蚊士多啤梨打汁飲，煮頹麵


第二朝早四點幾我地就出發去機場搭飛機啦


下一站: 智利-San Pedro de Atacama

係呀，人咁化學，今日唔知聽日事
今朝有酒今朝醉啦

一打完果條路就見到巴打你個留言
你是咪企係我後面睇緊我架

多謝你
總有機會既，愈期待到時出發咪愈興奮，愈會珍惜機會囉

呢兩日無乜心情，懶已偷

重頭黎過唔容易呀，不過趁後生再黎過都無壞，大家加油

純粹條路線同你差唔多，不過當年我係Santiago 去 Mendoza

好掛住智利呢杯juice 真係好爽超好飲
仲要智利特有 喺其他南美國家都見唔到有

[智利-San Pedro de Atacama]
Atacama係一個位於南美洲西邊、橫跨幾個國家既沙漠，大部份位於智於北邊境內，亦有部份延伸到去玻利維亞、阿根廷同秘魯。唔計南北兩極既話，呢度係世界上最乾燥既地方。我地將會係度坐三日兩夜既越野車由智利去到玻利維亞，係長途拔涉之前會係沙漠小鎮San Pedro de Atacama停留三晚，適應下氣侯先。

一落機見到出面黃土飛揚，就意識到我地黎到沙漠啦

由Santiago過黎，先要飛到Calama既機場，再係機場搵shuttle去San Pedro，車程半個鐘，會送到你去住既地方。

我地住宿離市中心好遠，係咁既天氣未行到出去應該已經死左，好彩佢地提供接送服務，每間房都有一部電話，比你隨時call車用

呢度既沙漠同羚羊谷果啲好唔同，真係毛都無一條，所有野都乾到好似笑口棗咁龜裂，就算不停飲水都完全唔會急尿，好恐怖
係出去既途中遇上了沙龍卷

我地都係第一次見! 沙漠既每樣野對我地黎講都好新奇，好期待可以係度見到啲咩風景呀

第一日黎到，我地都係晌市中心行下，報下黎緊既tour


市中心地標教堂

呢度好興呢款小學雞水樽袋，好過癮，我都買左個

賣藝既人用放大鏡聚焦陽光係木板上好似辣雞咁畫畫

士多所有農作物都乾到巢哂皮

黃昏既沙漠小鎮都好夢幻

行到咁上下，掏出我既電話call車返歸先。小學之後好似無再玩過貪食蛇了，記得細個果時好鐘意拎老豆部Nokia玩貪食蛇，去長旅行就係咁廢，一諗起香港既屋企人就會好掛住


呢度真係好乾燥，濕度得廿幾巴仙，我計過係度洗衫，三個鐘頭就乾透，擰乾都慳返，都幾爽


因為黎到沙漠太興奮，我地好少有咁將黎緊兩日fullday行程塞到滿滿，一日會去滑沙同睇星，另一就去鹽湖玩水，好想快啲到聽日呀

師奶仔

I've been wondering about getfing a temporary job in The Four Seasons in the South Pole in January or February because I'm interested in working there temporarily. It's gonna enrich my vocabulary and I'm sure it's gonna be an extraordinary experience. The air conditioning in The Four Seasons is sometimes set too high. My friends from the South Pole, Shirley and Scarlett who are vegetarians love to eat coconuts and shea butter in Malaysia and Honolulu.

好想快啲到聽日呀

依句野好好笑，好似聽日未發生過咁

留名

留名

(男朋友係San Pedro買左部一千蚊港紙既電話，所以日常既相會開始間歇性低質)

第二日朝早九點滑沙大叔就揸住部紅色校巴黎接我地出發

滑沙地點離市中心十分鐘車程，叫Valle de Murte死亡谷，好中二病的名字，因為距離市區咁近，有啲人會自己租單車踩過黎

同團仲有兩個來自Santiago既後生女，係只有四人既小班教學

我地一路都以為滑沙係坐係塊板度sir落黎既零技巧活動，報名既時候先知原來係好似snowboard咁企係度玩既。大叔有兩種板提供，因為男朋友曉滑浪，所以大叔建議佢用速度比較快既snowboard，安全起見佢要戴頭盔同著鞋，我係初學者就用入門級既sandboard，著襪玩就得

揀好板我地就拎住佢上去沙丘頂準備喇，雖然呢度海拔2500米唔係太高，但不斷係沙丘滑路黎再爬上去都有啲索氣。滑之前要係板底磨一層蠟減低阻力，學識基本技巧之後就可以開始滑


沙丘比想像中斜好多，開頭唔識平衡成日都跌到一仆一碌，但啲沙好柔軟，跌落地都唔會痛。努力左個零鐘之後終於可以直立式滑行了

大叔見我地學有所成就開始拎部相機出黎幫我地捕捉精彩moment，呢間野好似叫Sandboard Atacama，價錢會比其他tour agency貴少少，但我覺得服務好好，我見附近其他團好多都係借左塊板比你就唔理你，放牧式放養啲客 我地大叔就會好細心指導，就算我咁笨手笨腳都可以成功玩到，覺得好有滿足感呀。

我地由9點玩到12點半，由啲沙涼浸浸玩到開始辣腳到企唔到就走了，走既時候見到有啲團而家先黎，真係擔心佢地中暑，大家黎玩記得報早啲出發既團呀。

返到市區食個晏晝

然後返房沖返個涼先，雖然跌到好攰，耳仔窿鼻窿全部都係沙，但真係一個好好玩活動呀。

夜晚既觀星團9點先開始，觀星係Atacama其中一個最熱門既活動，大家都話係度會睇到最清楚既星空。我啲睇韓劇既朋友同我講，原來之前套來自星星的你個男主角講過呢度擁有全世界最美麗既星空…….唔怪之呢度咁多韓國遊客啦，啲阿豬媽多到我以為自己去左韓國

我地9點去到旅行社，點知佢話個天太多雲，唔出發住，叫我地10點半再返黎睇下咩情況。我地就周圍閒逛下，咁岩係教堂附近又遇到佢地既慶祝活動


遊行隊伍邊跳舞邊奏樂，圍繞大街小巷遊走，睇個勢應該又係宗教慶祝活動黎大家都好開心氣氛好熱鬧，我地都跟住隊伍玩左陣

咁上下時間啲雲開始散，我地都再度出發去睇星啦。部車又係駛左去附近十幾分鐘路程既一個地方，係果度我地首先聽一個有關天文既講座先

然後就出去用佢地既大望遠鏡睇下星雲同月亮

今日個月亮好光，所以銀河都唔係太明顯，但天上依然係滿佈星星，就好似鼻上面既黑頭咁密。好好彩呢日撞岩係流星雨，不斷有流星飛過，我都係第日次見到咁多流星!! 最難忘既係見到粒四分一個月亮咁大既星(?)拖住長長既尾巴劃過天際，整個過程維持左5-6秒，真係好震撼，佢個形狀好似個掃把，唔知係咪就係掃巴星呢。

另一個環節大家會圍圈圈坐，邊飲住智利國酒Pisco sour，邊睇tour guide用laser pointer教我地觀星。以前淨係識獵戶座腰帶，而家先知原來佢仲有佩刀同手腳而且係南半球同北半球睇佢既方向會唔同(好似係)，又學到野了。

最後會幫大家同星空background影張大合照

佢地放係facebook叫我地自己download，好濛，好似key上去咁
星空黎講我都係鐘意男朋友平時影既相多啲

追到live啦 留名
好羨慕絲打可以咁瀟灑咁樣走一年

滑沙好似好好玩

另一日我地報左一個去Laguna Cejar既day tour，Laguna Cejar係一個鹽湖，鹽度比以色列死海高，亦都係呢度一個熱門行程黎

導遊話啲水實在太咸，叫我地要小心千祈唔好飲左啲水落肚，如果唔係會嘔一個鐘 佢話只要好似坐梳化咁坐落水，就會好輕易咁自動浮起

真係可以坐係水度 我見隔離個呀叔仲可以好似打坐咁蹺腳漂係水上面添
啲水好冰凍，玩左一陣我地就起身。玩完成身鹽，刮出黎可以煮好多餐飯

湖邊有間茅屋仔可以沖沖身，換返衫，但條隊太長我地都係野外露出換衫算。團友怕羞仔要慢慢排隊，等佢地期間我地係附近睇下風景


下一站就去一個圓碌碌既眼鏡湖跳水，好凍

最後去到Laguna Tebenquiche睇風景
仲有啲小食比大家邊食邊睇風景

Atacama既風景真係好夢幻，開始期待黎緊既越野車過境之旅了