[重開][多圖][一年長途遊記] 中南美到南極-西伯利亞至東歐

你地鍾意食生菜定 冇其他菜賣？

每年五月至十二月鯨魚都會黎到Puerto Madyrn，其中九至十月係最佳觀賞季節，我地係度既時候係十二月，已經係觀鯨季節既尾聲，唔知仲可唔可以見到一兩條呢。除此之外今個團仲有機會見到好多動物，有而家返黎繁殖既企鵝啦，一年到晚都攤係海邊既海獅同海豹，而我地最想見到既係可遇不可求既殺人鯨!!

要睇咁豐富既動物生態，就要搭車去附近既Península Valdés

今日個團又係得我同男朋友兩個，黎到自然保護區既入口有間博物館仔，介紹呢個區域既生態

睇完就黎到Puerto Piramides既碼頭上船，係度我地會遊一個鐘船河，睇下見唔見到鯨魚

坐既係呢種小船，載到十零個人

我地好好彩，駛離岸邊十分鐘左右就見到一對鯨魚啦!

佢地係一對鯨魚母子，叫做南方露脊鯨Southern Right Whale，晌南半球既南部出沒，每年7-12月就會返黎生BB，過左12月中就會游去南極架啦，能夠趕及見到佢地一面真係好好彩。媽媽為左保護BB，會將佢夾係自己同海岸既中間，所以係咁近岸既地方就可以見到佢地



佢地真係好大條，淨係BB鯨已經成架船咁大，頭頂上啲白色突起物係佢地與生俱來既粗皮。當發現到鯨魚，船就會熄引擎停低，避免傷害到佢地。佢地真係好可愛既生物，當船停底佢地就會好好奇咁游埋黎，伸個頭出黎望下你地班人，近到如果伸隻手出去應該就會摸得到佢。

(早知之前都幫啲樹懶同企鵝整gif啦)
我地仲比佢地抖氣噴出黎既水花噴到成臉濕哂添，果刻既感覺真係好神奇，我地呢班生活係地面既人因為對鯨魚好奇而黎搵佢地，鯨魚又對我地好奇所以游上水面睇我地，突然之間覺得同鯨魚好親密，大家都係好奇既生物呢。

全程總共睇左6、7條鯨，睇完我地就出發去另一個海岸，沿途見好多動物。呢隻穴鴞係晌地下挖窿住既貓頭鷹

佢班毛神神既BB係巢入面


比平時見到啲駝鳥細隻好多既美洲小駝


導遊大叔話呢種駝鳥係爸爸負責孵蛋同湊仔既，當兩個家庭相遇既時候兩個爸爸就會打交，贏左既一方會搶埋輸家既BB黎湊，因此我地會見到一隻大雀帶住十幾廿隻BB過馬路既畫面。

之後我地黎到呢個ranger station食午餐，朝早烚定左啲腸仔同塞米帶黎食

大叔話呢度係睇殺人鯨既最佳地點，因為個山岸下面既海岸住左好多象海豹BB，佢地係殺人鯨好鐘意既食物。我地就係度邊睇象海豹，邊等殺人鯨

只不過殺人鯨既行蹤係好難預測既，大叔都叫我地都唔好抱太大期望。等左個零鐘，我地都打定輸數既時候，大叔收到消息，話遠處有人見到四條殺人鯨游緊埋黎!!
於是我地就等多一陣，望住佢地愈游愈近，直至終於用肉眼都見到佢地!!


佢地一只有五條，游得好優雅，好有隊型，明顯可以見到有條好似首領咁，另一條就特別細，可能小朋友黎。估唔到佢地竟然會游得咁近岸邊!! 但係佢地無係呢度狩獵，巡視左一輪就愈游愈遠去另一個海岸了。

呢個時間導遊大叔佢我地即刻跟住佢跑，去400米外既觀景台追啲殺人鯨 呢個時候附近其他遊客都同我地一齊跑，場面好搞笑畢竟大家係寒風下吹左咁耐都係想睇殺人鯨，難得見到佢地現身都想望多幾眼。

跑到上氣唔接下氣，終於快過班游水既鯨黎到呢個海灣


係度我地仲見到夢寐以求既畫面，幾條殺人鯨教條小朋友剷上海灘狩獵，排成V字隊形練習左幾次之後先正式出擊，捉到一隻海豹，食既時候染紅左一片海面。之前就睇過紀錄片話佢地係好聰明既動物，可以親眼見到佢地狩獵真係太幸運啦!

最後我地去睇啲住係岩石上既麥哲倫企鵝

佢地啲屎係白色的，無南極企鵝咁可愛，而且成日係度打交。佢地好似朝早睇到果種貓頭鷹咁係住活入面既，每年繁殖期都會返去同一個洞，搵返同一個伴侶，甚至搵返同一粒石仔黎起巢。而家係佢地BB出世既時候，隻隻都匿哂係巢入面保護小朋友。男朋友唔係太鐘意呢種鵝，因為佢地係咁打乞痴，噴哂啲鼻涕落佢個鏡頭度




好滿足既一日，走既時候仲見到兩隻豚鼠Patagonian mara


返到黎已經十點了，去附近間家庭餐廳食晚餐，叫左個睇唔明既是日精選，原來係煮牛肚

軟綿綿入口即溶，勁好味

下一站: 阿根廷-Buenos Aires

無乜特別呀，大學讀乞食冷門科，畢業之後到出發之前係連登仔最憎既空姐
男朋友就係BS工程仔。

係囉不過留係香港發掘下有咩未去過既得意地方都幾有趣，順便當儲下錢

牙痛巴會否太細心
生菜平丫嘛有時都會食下矮瓜南瓜果啲，但菜真係食生菜多

Península Valdés 入面

隻隻動物都 咁得意

平時睇紀錄片好驚睇到肉食動物食野嘅畫面
雖然大自然係弱肉強食但始終見到咁cute都會有啲唔忍心
真實見到唔知會唔會仲驚

我都想疫情完咗 辭職去睇吓個世界
西伯利亞-歐洲

因為唔多鍾意食生菜，但西式沙津感覺又唔同我地食開果類營養

[阿根廷-Buenos Aires]

早幾日得閒望過下地圖，我地想之後由南面既智利搭車去北面既玻利維亞。當時岩岩開放左特區護入玻利維亞既落地簽，但見識過當地人工作效率之後，覺得去到邊境先搞落地簽應該會好麻煩，所以都係決定預先整左呢個簽證先。

大部份人都會係秘魯Puno整玻利維亞簽證，但如果先去秘魯再兜返落智利再上玻利維亞就好唔順路。我地搵到原來Buenos Aires都有間玻利維亞大使館，就決定返去留兩晚順便整簽證喇。

搭左20個鐘巴士，又返到黎Buenos Aires，而家搭十零廿個鐘既巴士簡直係濕濕碎
今次住間service apartment, hkd350左右一晚


抖一晚第二日就出去整簽證，佢地既地鐵網頁幾好用，會教你點搭車

領事館位於既區域好雜亂，好似充滿罪罪氣息咁，係街上面行有啲不安。
申請簽證之前要上網填form同埋印啲文件出黎，我地搵左間上個世紀既網吧黎輪流上網


搞掂就去大使館遞表

遞完表就要去銀行入錢，間銀行九丈遠，中途仲要經過好多令人不安既橫街。簽證每人盛惠1260peso，但係銀行原來唔收美金，我地身上又唔夠阿根廷peso，櫃員機繼續撳唔到錢，徬徨之際我地去左附近間華人超市求助，講廣東話既老板娘二話不說就幫我地唱左錢 返到銀行，職員又話唔可以兩個人夾埋比錢，一定要每人exact7ly 1260peso，咁佢先出到一人一張單我地整簽證點解個腦咁萌塞，爭論左一輪我地又死死地氣返去老闆娘度請佢幫我地打散啲錢。

好不容易終於俾好錢返到領事館，批簽證既過程好快，係事前既功夫好撚煩。拎到簽證之後我同男朋友快樂地selfie了一張相，就離開大使館了。

出左門口經過一個轉角位既時侯，突然之間有幾個呀嬋用奇怪既步法湧過黎，我最憎人迫住哂，燥燥地就撞開左佢地。淋善既男朋友就比佢地圍住左，突然地下發出好似有人跌野好清脆既叮一聲，所有人一齊望向地下，呢個時候班呀嬋就好似陣風咁散開了。

成件事只係發生係幾秒之間，男朋友回過神來摸下褲袋既時候發現部IphoneX已經不見了 我諗晌行黎行去唱錢既時候已經被人盯上左，再加埋拎到簽證之後一朝得志selfie呢個愚蠢舉動，唔偷我地野偷邊個呢不幸中之大幸係銀包證件passport都仲係度，而且唔係拎住把刀搶，大家都無穿無爛就好啦。

受驚之後我地又返左華人超市買餸，買左啲好耐無食過既牛丸魚蛋，埋單時同老闆講岩岩比人偷完野，佢都覺得哦係咩好平常，仲話呢度無野好玩，叫我地下次唔好再黎BA

返屋企放低啲餸，傍晚既時候我地行左去附近間狗屋報案，諗住話會唔會可以claim得返保險咁。我地去左附近間tourist police center，有得間咁既野係度應該都係成日有遊客比人搶野啦但間野好似就閂門，阿根廷差佬就帶左我地去另一間分行報案

佢帶左我地入一間房仔，入面有好大個熒幕，坐左陣竟然有個人係熒幕度出現左

好耐無見過高科技產物既我地嚇左驚，好似睇緊科幻片咁。熒幕入面個人曉講英文，我地同佢交代發生左既事，佢就腥左張野比我地print出黎，報案紀錄get。

回家路上見到有人跳Tango

聽講Tango係一種偷情既舞蹈，舞步挑逗又欲拒還迎，就算我地完全唔識跳舞都覺得好好睇，呢啲係咪就係傳說中既張力，身無分文既我地都打賞左啲智利peso過佢地。原本我地打算朝早整好簽證，下晝就去Tango發源地貧民窟La Boca睇跳舞，估唔到去唔成都可以係街頭睇到咁精彩既表演，都幾好丫。

獨一無二但係無人想要既手信，報案紀錄乙份

以為已經好黑仔啦，又有邊個會諗到呢挺獨一無二既手信之後會陸續有來
而返到房慢慢研究先發現，我地份旅遊保原來唔包電話被偷…… 都係果句啦，最緊要人無事姐。

久違了的菜心


臨搭車走前既朝早再周圍行下

跟手搓定飯團，烚定啲墨魚丸，入落保溫壺帶上路去搭通宵巴士



今程巴士搭12個鐘


無左部出發前先新買既電話，男朋友表示有啲唔開心，下一站要去酒莊買醉。

下一站: 阿根廷-Mendoza

係呀
有毛無毛既都好得意

絲打咁有愛心
咁去蒙古應該好岩你，成地都係食緊草既牛 馬 同羊咩咩

希望你可以盡快成行呀

好好笑 我都無諗過呢個問題
咁你去旅行食咩菜？
西芹蕃茄果啲好似都唔錯

啲相影得好靚
請問你用咩相機同鏡頭架？

繼續留名支持 
有人話俾人偷過野先算去過南美 
咁你男朋友買過部電話？Buenos Aires 再買，定去Santiago？

多謝係男朋友影架，之前有巴打問過，我照copy過黎：
相機係Olympus em5 II，鏡的話大多是用12-100既旅行鏡， 仲有一枝7-14用黎影星空或者銀河

其他相：Iphone6

係 我地都預備咗個散紙包，入面放左啲廢卡同散紙專比人打劫用巴打果時有無比人偷野？

我地每人帶左部舊電話做後備，所以當時未使買新住，不過無耐之後連後備都比人搶埋就係Atacama個機場買過部hkd1200既平機。

有，係厄瓜多爾 

然後反正都有其他人出post，自己就無謂獻醜了  

絲打加油！💪💪💪

紅蘿蔔 ，會整蕃茄薯仔紅蘿蔔湯

一係食多d生果

I've vacationed in many countries. I had always thought that many other countries were better than Hong Kong but after I went to these countries on vacation, I realized that in terms of city life, night life, food and shopping, Hong Kong really is the best. In Europe, shops close at four on weekdays and don't open on the weekends except big cities like London in which shops close at six on weekdays and four on weekends. Their main sorts of entertainment are clubs and pubs. Las Vegas has magnificent night views but it was primarily built for tourism. It's famous for gambling, unique hotel design and shows like boxing events. However, in terms of scenery, Scandinavia and Tibet are the most ravishing. Tibet is famous for its breathtaking scenery at high altitude. Xinjiang is also a place of outstanding scenic beauty. If you think you might have altitude sickness, such as dizziness, headaches or trouble sleeping, I suggest that you bring some medicine along with you. In fact, my friend who's just been to the Mount Everest base camp showed me her photos taken there by which I was awestruck. It's certainly a glamorous vacation spot. A tour of the Mount Everest base camp would be a once in a lifetime experience. Tibet is also the best place for stargazing since it's much closer to the heavens than any other places on earth and the sky at night is often cloudless and clear. It has some of the highest lakes in the world which are rich with fish and marine life and the surrounding countryside is inhabited by flocks of yelliw ducks and wild horses as well as donkeys. The lakes in Tibet, such as Lake Paiku which is four thousand five hundred and ninety two meters above sea level, reflect the beauty of the stars, giving a double view of the sky at night. You can even pitch a tent and camp there to get the best view of the stars and the Milky Way galaxy.

lm支持
未追po想問下你哋backpack幾大？
如果前面講咗可以唔駛理我 我之後睇返

繼續留名支持
好鍾意睇你寫嘅遊記

見到你話之前做空姐
咁之後有咩打算啊
一定要加油，文筆好好

今朝冇既