[重開][多圖][一年長途遊記] 中南美到南極-西伯利亞至東歐

978 回覆

332 Like 5 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁

盜墓者羅浩楷 2021-05-05 15:47:00

越睇越想去流浪

小冬瓜乾巴 2021-05-05 18:05:15

另一日心思思，又去左附近個farmer’s market行下，睇下有咩農產品。呢個市集應該係好local果款黎，得十零個檔口，勝在啲野唔重覆，都幾多元化

係度買左啲麵包、花茶同牛奶，樣樣都好好味

樽牛奶有一半都係忌廉咁既油脂，香口到不得了

行行下又落雪，買左碗熱湯飲下

呢碗湯聞落好大陣中藥味，飲落好濃臘鴨味，味道唔錯，幾有趣，由熱咖啡balsam到臘鴨湯，拉脫維亞菜既味道對我地黎講都幾新奇。

參觀完市集，我地就向市中心出發。里加古城位於Riga既中心，比起之前去過既愛沙尼亞既塔林古城，呢度既建築密集一啲，感覺熱鬧啲

覺得呢度比較熱鬧既原因可能係因為呢度舉行緊一個慶典，係地標黑頭宮前既廣場有好多人表演，佢地有老有嫩，著住好靚既傳統服裝演奏音樂，係好輕快既民謠風音樂戈之下熙熙攘攘

到底慶祝緊啲咩呢? 睇完表演，我地又去左另一個廣場，見到一個放滿花牌既紀念碑

呢個自由紀念碑係為左紀念係拉脫維亞獨立戰爭犧牲既士兵而興建，象徵左拉脫維亞既自由、獨立同主權。原來5月4日呢一日係拉脫維亞人一個好重要既日子 - Restoration of Independence Day 恢復獨立日。波羅的海三小國既慘痛歷史我諗大家都唔會陌生，拉脫維亞於1918年立國，可惜之後被蘇聯同納稅德軍侵佔，渡過一段黑暗既淪陷日子之後終於係1990年5月4日重新宣佈獨立。因此呢個日子就訂左做恢復獨立日，係拉脫維亞人眼中代表左國家第二次獨立既重要日子。

呢段痛苦既過去成就左而家既拉脫維亞，亦係吸引我地黎呢度既原因。黎左三小國一段時間我地都淨係掛住遊山玩水焗桑拿，黎到呢度終於有機會認識多啲被佔領時期既歷史。我地去到廣場旁邊呢一間 Museum of the Occupation of Latvia 拉脫維亞被佔領時期博物館

呢度資訊量好大，最好預返至少一晝時間黎慢慢睇。入面講述左拉脫維亞近一百年黎既歷史、被佔領期間人民既生活、當時市民一舉一動點樣被監視等等

呢度展品唔多，主要係文字同圖片描述，比起其他黎緊會去既博物館，呢間算係無咁沉重，對歷史根底麻麻既我地黎講係一間好好既博物館去開始了解呢段歷史。

參觀完出返黎，望住係紀念碑旁邊唱聖詩既小朋友，我覺得好感慨。即使拉脫維亞人被侵佔左咁多年，有人被送入集中營、有人流亡異鄉、留低既人要吞聲忍氣地咁生活，佢地始終都堅持住，最終等到自己國家恢復獨立。而家佢地既下一代既可以係屬於自己既土地成長，學習到正確既歷史。聽住小朋友唱既唱聖詩，我諗紀念碑所紀念既英靈都會得到慰藉。

正正因為經歷過黑暗，所以如此重視自由既可貴。歷史，真係會因為政權隻手遮天而扭曲咩? 我係拉脫維亞學到，只要人心不死，正確既歷史總會被承傳下去