[重開][多圖][一年長途遊記] 中南美到南極-西伯利亞至東歐

lm

pishhhhh!!

放左四日假 樓主好上水啦

[南極-Horn Harbour]
第二日天氣好左好多，繼續係非常豐富既一日!
今日亦都係可以上岸兩次，上晝去既叫Horn Harbour，之前去既都係零散既小島，今次呢度係真正連接住南極大陸既土地，所以工作人員插左支The 7th Continent旗晌度

對船上面好多旅行發燒友黎講，呢度係佢地踏足既世界第七個洲了


Kayaking tour既朋友


一落船就要上一個陡峭既山坡




今日天氣好好，藍天白雲，仲行到有啲熱添


行到最頂既景色好靚，試一啖啲雪

無雪味，好似好純淨既水咁，有趣有趣。

行過啲就係一個Chinstrip企鵝部落



(留意最右手邊伸個頭出黎果隻)
適逢求偶季節，啲企鵝不斷向天叫春


唔知係咪因為天氣好呢，我地見到超級多交配企鵝，全日無廿對都有十幾對

男既會跳上女仔身上，一邊fing頭一邊kiss，大約一分鐘就完事了。
四周圍好多觀眾 啲企鵝個腦到底係度諗緊咩


搭橡皮艇返去既時候船員邀請大家拎海上面既浮冰黎試下味，舊冰係淡水，外面沾左海水既咸味，食落好似沾左梅粉既蓮霧，少少咸多多脆


晏晝食完飯係房攤抖緊既時候聽到廣播，話因為今日咁好天，一陣下晝六點就有Polar Plunge啦!! Polar Plunge係大家可以由船上面跳落南極海既一個有趣活動，估唔到呢個萬眾期待既跳水環節咁快來臨，興奮到訓唔著晏覺呀!!

返來了

男朋友話南極篇想用佢執好既風景相，但佢走左去訓覺，我淨係夠相出住半篇先咋 聽日再鞭策佢

啲相靚到想攞幾張黎做 wallpaper 囉

唔好俾男朋友懶，懶開有條路
未結婚都咁懶，第日結埋婚實仲懶
到時辛苦嘅係自己

佢返工辛苦嘛，唔緊要啦
你地鍾意啲相就太好喇

仲有好耐呀，你要有耐性呢

[南極-Cuverville Island]

下晝我地繼續去睇企鵝交配，第二個登陸既地方係Cuverville Island，係個好多Gentoo企鵝既地方





佢地連個屎忽都係咁可愛

大部份企鵝每年繁殖季節都會搵返同一個伴侶，好忠誠架。佢地見到伴侶既時候會互相躹躬扭下條頸，發出”嗄~~~”咁既聲打招呼，跳完一輪舞先至上馬，好有禮貌


下晝天氣好好，太陽外面圍左圈日暈

但原來呢啲天氣對企鵝黎講太熱啦，所以周不時會見到佢地食冰降溫


啲雪太殘眼，我地都唔係好頂得順，就去左坐橡皮艇係浮冰之間兜風




我而家先知道原來企鵝同海豚一樣，游水時都係會係水面跳跳下


睇下呢對幾有生活態度


海上面既浮冰分兩種，一種係因為天氣度係海面結成既冰，另一種就係由山上面碌落海既冰。兜風期間工作人員撈左一舊好特別既冰上黎

呢舊冰同其他好唔同，零舍晶瑩剔透。原來要經過好長時間受壓先可以形成呢個樣架，呢一舊冰估計應該已經有三至四萬年歷史

而呢幾萬年歷史就比佢地拎左上船配whisky飲

上到船已經五點半，即刻跑返上房換泳衣準備跳水先!!

落到去已經排緊長龍，估唔到大家都咁貪玩

落水前要簽張免責聲明，係咪即係傳說中既生死狀?

呢對係黎渡蜜月既台灣夫婦，事後比我地發現左佢地成功係南極之旅製造出BB來佢地上年一直都好關心香港既事態發展，好有心

我地排差唔多隊尾，等待係漫長而不安既，一路聽住前面啲人劏豬咁叫，都有啲淆淆地，男朋友游開冬泳，推佢去跳先

跳水既時候係甲板食花生既老友記會幫你叫囂打氣，氣氛好好，成件事好歡樂
可能驚人跳落海會凍死，所以會有條繩綁住條腰，比船員抆返你上黎。個腰封岩岩係海度抽上黎，好鬼死凍


真係好撚凍
一跳落水就凍到全身好鬼死痛，個人彊左咁想踩水但又唔係好郁到，好彩有條繩扯返我上黎 上返黎就會有人隊杯vodka比你暖身

過完冷河精神爽利，好似有神功護體咁，唔使著返衫都唔覺凍


跳完海之後緊接住就係BBQ環節!

今日既晚餐係甲板上面食燒肉大餐，仲有暖笠笠既熱紅酒，係我地上船之後食過最多肉既一餐!! 配埋眼前既雪山景色，又係難忘既一日呢

第一次見到企鵝交配緊嘅相
好得意

[南極-Paradise Bay & Wilhelmina Bay]

黎到南極既第三日，朝早我地黎到Paradise Bay，果度有幾間南極罕見既建築物，係阿根廷人員每逢夏天黎既研究基地


呢個海灣好平靜，海水好似一面鏡咁

我地係度坐橡皮艇遊左陣船河，細心聽會聽到海面有啲清脆既卜卜聲，係浮冰溶化時入面啲氣泡必出黎既聲音。今日天氣好，海水又清，連企鵝係水底游水都可以睇得好清楚。就黎遊覽完畢既時候有職員開住艇仔過黎，係海中心沖熱朱古力+Baileys比大家飲，好貼心既服務


遊完船河就落船行下，我地行左上個小山丘

上到去可以見到更加靚既風景

南極比我既感覺好似另一個星球咁，純白、潔淨、安靜，有機會黎到呢度見識真係太幸運啦

今日亦都係大晴天，工作人員話我地知，日暈呢個現象係度都幾常見，但咁和暖既晴天就好少有，我地跳海既時候原來就有成16度，呢種天氣對南極既生態同環境都係非常之唔好架。

下晝既活動比較特別，我地係Wilhelmina Bay附近駛黎駛去，睇下船員搵到啲咩比我地做。佢地話主要係想搵一塊連接住陸地既海冰，成架船剷入去比我地係冰面行。呢啲大海冰通常係夏天初期、頭幾輪南極船先可以見到，再暖啲既時候就會脫離陸地成為一塊塊零碎既浮冰架喇。
搵左一陣，又真係比佢地搵到

呢塊冰好大，我諗差不多五六個足球場咁大。全船既八卦仔都衝哂上甲板睇下架船點剷入塊冰度



架船好厲害，好似切豆腐咁好輕易就片左入去，而且好靜，唔係想像中天崩地裂咁嘈。剷出黎既冰竟然係同企鵝屎一樣既粉紅色，聽講係佢地食果啲蝦毛定係藻黎

今次登陸唔再係搭橡皮艇，而係開門直接踩上冰度，好新奇有趣

剷左入黎既船


大家對於呢個咁特別既行程都好興奮，全船人仲係船頭影左張大合照添

隔離好high既係住我地對面房來自加州好好笑既夫婦，老公係揸飛機既，佢話平時返工運人黎南極就黎得多，今次終於可以帶埋老婆黎玩。佢仲成日屌鳩我男朋友咁後生就帶女朋友黎南極，寵壞哂，拉高哂男人既標準，叫其他男人點算
船頭又會鄧左條繩出黎比人扮哂野影相

眼尾好似睄到對法國情侶搞大龍鳳係船頭求婚，佢地平時好臭串唔笑又唔同人講野，人緣甚差，所以都無人理佢地，個個都掂行掂過去睇風景



海冰中間穿左個窿，有幾隻Crabeater seal捐左上黎典黎典去，好可愛


呢個時候有四隻企鵝風塵僕僕咁走埋黎

個樣勁蠢 完全唔知係度做緊乜



呢舊冰係無企鵝住既，所以佢地應該唔係返屋企，只係咁岩經過游水游到攰上黎休息下。睇佢地on99咁走埋啲海豹度

船上面其中一對staff係情侶黎，雖然話係度食唔好係度屙，但佢地咁樣寓工作於拍拖&旅行都幾開心丫

佢地帶左我地去海邊睇鯨魚

凍到手指痺，玩左三個鐘就返上船了

走既時候仲見到四隻野都準備一齊走lu


返到上船就繼續每日review，而呢日既review環節宣佈左個令人好失落既消息，就係我地要提早一日離開南極 即係今日係最後一日係度活動了。船長話因為天氣突然轉壞，如果我地按原定計劃玩埋聽日先離開既話，咁去到drake passage時就會遇上20呎既大風浪，所以為左安全起見，我地要將係南極逗留既日子由四日縮短至三日。

呢個消息黎得有啲突然，雖然好失望，但為左安全都無辦法啦。我地懷住依依不捨既心情，臨別上甲板再好好欣賞一下呢度既風景，以後都唔知有無機會再黎了


呢個時候船既左邊出現左幾條座頭鯨

晌夕陽之下，望住鯨魚係波光粼粼既水面擺尾，呢個咁迷人既黃昏，我諗就係南極送比我地最好既禮物

我都係第一次見，好有趣
但我返到香港比阿婆睇，佢話舊時養啲雞都係咁樣架啦，笑我大鄉里

I've been to many countries on vacation. I'd always thought that many other countries were better than Hong Kong but after I vacationed in these countries, I realized that in terms of city life, nightlife, food and shopping, Hong Kong really was the best. In Europe, shops close at four o'clock on weekdays and don't open at all on the weekends except for big cities like London in which shops close at six o'clock on weekdays and four o'clock on weekends. Their main sort of entertainment are clubs and pubs. Las Vegas has magnificent night views but it was primarily built for tourism. It's famous for gambline, unique hotel design and shows like boxing events. However, in terms of scenery, Scandinavia and Tibet are the most ravishing I would say. Tibet is famous for its breathtaking scenery at high altitude. Xinjiang is also a place of outstanding scenic beauty. If you think you might have altitude sickness such as dizziness, headache or trouble sleeping, I suggest that you should bring some medicine along with you. In fact, my friend who's been to the Mount Everest base camp showed me her photos taken there by which I was awestruck. It's certainly a glamorous holiday destination. A tour of the Mount Everest base camp would be a once in a lifetime experience. Tibet is also the best place for stargazing as it's much closer to the heavens than any other places on earth and the sky at night is often cloudless and clear. It has some of the highest lakes in the world which are rich with fish and other marine life and the surrounding countryside is inhabited by flocks of yellow ducks and wild horses as well as donkeys. The lakes in Tibet such as Lake Paiku which is four thousand five hundred and ninety two meters above sea level, reflect the beauty of the stars, giving a double view of the sky at night. You can even pitch a tent and camp there to get the best view of the stars and the Milky Way galaxy.

推

唔好爛尾阿 絲打
每日返工都入黎f5呢個post

[南極-Drake passage]

就係咁，我地就打道回府，重回Drake passage既懷抱。回程既時候時顯比去程時搖好多，大部份時間都係咁樣樣

連沖涼既時候啲水都會流哂出房，整到半間房既地毯濕哂。

我地大部份時間都係晌圖書館睇書，睇唔完就借返房繼續睇


唔太大浪既時候船長室都會開放比大家參觀


不如講下係船上面識既朋友，架船太搖大部份人都匿係房唔出黎，可以同我地玩既人唔多，唯獨是幾個澳洲老友記成日都約我地食完飯去圖書館玩scrabble

呢三個Melbourne黎既朋友仔既叫Andrew, Jan同Jocelyn，係我地船上面最好既朋友，其中Andrew伯伯已經81歲啦，仲係好精靈，完全無視風浪，每日拎早餐果時都堅持棟係多士爐前將方包烘底佢同Jan婆婆係夫婦，Jocelyn係佢地朋友，係Lonely planet既作家 佢地真係好sweet，成日攬著我叫我地一定要去探佢地。最令我感動既係上年Jan婆婆不斷messenger inbox我，話好擔心我地，叫香港人一定要萬事小心，佢地完全支持我地爭取自由民主，而且不斷係佢自己Facebook share香港既新聞，仲會反擊留言既小粉紅原本我地都想今年去探佢地幾個老人家，可惜疫情關係都唔知幾時先去到了，希望佢地繼續健健康康啦。

船上亦有另一個強國大叔，佢唔係公司旅行團既成員，而係自己黎獨遊既。佢嫌強國團太嘈，通常自己一個坐，但就好鐘意同我地傾計，會勁認真好似interview咁問我地從流浪既旅程中有啲咩得著。原來佢有一個同我地差唔多大既仔，個仔由細到大都係行媽媽為佢安排好既路，讀咩學校、揀咩科、畢業後既工都係老母係大公司搭好門路安排佢入去做。大叔對呢個狀況好不滿，覺得人生應該係有無限可能，行一條人地為佢舖好既路又有啲咩意義。佢知道我地係辭左份工去旅行，覺得呢個諗法好好，佢好想個仔都好似我地咁跳出生活框框，出去好好去見識一下，仲係咁叫我地去搵佢個仔食飯教化下佢

不過後期delete左we柒，就無再同叔叔聯絡了，唔知佢而家過得好唔好，個仔係咪仲過緊安穩但乏味既生活呢。

係船上面除左聽講座、吹水、睇書，仲可以寄postcard。南極其實有一間郵局，只不過要一個月後先開門，但我地都可以寫定啲postcard，印個2USD既企鵝郵戳上去，等船員第日幫我地拎去寄

唔知佢地係用咩方法寄黎香港架呢，點解兩年後既今日我都仲未收到 問台灣渡蜜月夫婦佢地都話未收到，希望會有寄到黎既一日啦。

呢度天氣好奇怪，呢一刻明明天氣好好，一陣間就會突然風雲變色落雹

樓下塊告示板畫低左前幾日既航行路線

亦會紀錄每日見過啲咩動物


幾過幾日既航行，我地又見返Ushuaia既土地了


下一站: 阿根廷-Ushuaia

絲打你好勤力 謝謝你

我成日偷懶更新得有啲慢，多謝你地依然會間中入黎睇呀，希望你睇得開心啦

繼續支持

更新 精神食量黎

絲打就好，搵到個肯同你玩足一年既旅伴，祝你地白頭到老 
睇下睇下，回憶返晒來，危地馬拉完全俾人低估，Buenos Aires 好靚，南極更加唔使講
個時無揀去哥斯達黎加同巴拿馬，揀左古巴，原來自然風景咁正

見到樓主講寄信
諗起幾年前去西藏珠峰大本營有郵局
特登diy定postcard買埋郵票去寄
去到冇開門就拜托民宿呀姨拎去寄
作為交換呀姨叫我地係山下買日用品俾佢
幾年後嘅今日都係收唔到張卡
去特別地方寄嘢要收得返真係好講運氣