[重開][多圖][一年長途遊記] 中南美到南極-西伯利亞至東歐

有心總有機會既

新年快樂呀

早左成星期，比啲掌聲自己

我想問成個Trip總共要幾多錢？

[中國-北京]

由南京搭5個半鐘高鐵去北京南站

北京既空氣依舊係咁差，一落車就覺得好唔舒服，帶黎保暖既布口罩派上用場了

今次住既仿古hostel幾唔錯，有返青年旅舍應該有既感覺，有啲board比人寫野，中庭有個花園仔咁，可能好多離鄉別井既大學生都會住hostel，呢度既common成個自修室咁坐滿溫書既學生哥


每次住係咁多後生仔既地方，我都好鍾意睇下佢地寫既野，中二病得黎好青春


夜晚去左附近食餃子同豬頭肉，原來豬頭肉軟林林咁好好食


係北京既幾日都係去下景點，朝早起身食左炸醬麵同打滷麵，唔知係咪北方人食量特別大，啲麵好大碗，食極都食唔哂

第一站去左雍和宮。曾經係雍正行宮既雍和宮後期被改建成藏傳佛教寺廟，其實原本無打算黎，不過我地咁岩經過呢個轉車站，所以就黎打個白鴿轉





之後我地就去左天壇，天壇係以前祭天既地方，因應「天圓地方」既概念，呢度無論係祭壇定係祈福既地方，好多設計都係圓碌碌咁既





當中柱既數目似乎係同曆法有關，感覺無論係瑪雅定係古代中國，啲古人都好鍾意將天文曆法融入建築之中。指示牌話呢粒的叫天心石，企係上面講野會寧舍有中氣，把聲都雄厚啲，不過我地又唔多覺

太陽五點幾已經落山，呢晚去左食片皮鴨，好好味

第二日我地去左參觀紫禁城，可能係星期日，又或者果度日日都係咁多人，十二點幾黎到已經人山人海



只要有古蹟既地方，就會有古裝人

出面實在太多人，我地坐埋一邊食左lunch先


然後走左入要額外收費既鐘錶館避一避啲旅行團。乾隆係鐘錶發燒友，鐘錶館入面收藏左當時各國進貢巧奪天工既鐘錶，好多都有識郁既小機關，好有趣




出返黎已經係接近閉館既時間，遊人走得七七八八，感覺好好多

幽靜、空洞同寂寞，呢個先係我地心目中紫禁城應該有既模樣





燕瘦環肥既古裝人都準備歸家了



離開故宮之後我地經過護城河，向午門旁邊既中山公園進發，去一個我好想去開開眼界既地方

呢度平時只係個普通既公園，但佢先係我係北京最想去獵奇既地方點解明知星期日故宮會人山人海我地都揀今日過黎呢，因為每逢星期日，故官旁邊呢個中山公園就會變身成相親公園，傳說寂寞既心急人同憂心既父母會將資料寫係紙上，好似擺街檔咁周圍放尋找相睇對象。我覺得成件事完全係扭曲的愛，但旅行就係要睇下各地奇異既風俗，為左更深入了解呢件事，我同男朋友分頭行入呢個公園，睇下我地會分別得到幾多人既青睞。果然一入公園已經見到好墟冚

呢度既地上放滿一張張過膠既A4紙，上面寫滿相親者既資料，附近企住一兩個憂心忡忡既父母係度看檔

呢位絕望既未婚男起碼印左一打copy係公園周圍貼

一路行一路感覺到被非常強烈既視線不斷打量，可能我生得靚好快就比一堆父母圍到走唔到情況就好似你行入重慶大廈好多人介紹餐廳比你食咁。大叔大媽不斷拎個仔既資料比我睇，摸我塊面話我生得精緻，仲揀左張同我年紀差唔多既比我話會好適合

原本都諗住老作幾句玩下，但最後都係唔忍心欺騙為子女勞碌既老人家，坦白同佢地講我係有男朋友既遊客，好彩佢地都幾有文化無屌鳩我，淨係一臉婉惜咁散開。係度遇到最令我印象深刻係有個77年出世、本人黎搵對象既光頭呀叔，佢走埋黎搭訕左幾句，我覺得好欣賞佢既勇氣，臨走同佢講左聲加油，佢應我話"一齊加油吧，總有日我們會找到好對象" 唔知佢而家成功左未呢

講返男朋友，可能成面鬍鬚既形象唔係當地人杯茶，佢行左幾個圈都無人問津，表示心靈受到10000點傷害

行完一轉北京
樓主覺得啲人同哩個地方既氣氛係點樣阿?

另外
你男朋友好慘

留名， 雖然我睇得好慢

而家咁寫幾好呀，睇得幾舒服

好正呀, 我用左一個星期先追完呢個POST !

推，有冇對強國改觀？

哇沙漠龍卷風都比你遇到

推
好耐冇入黎 祝樓主工作順利

用左3日扮工時間睇晒成篇遊記
睇完好想去南極玩
好鍾意樓主D文既表達方法
景點描述唔寫太多 純用相已經好夠去表達
反而人與人之間既溝通用文字先可以描述到

想問下樓主立陶苑/愛沙尼亞 邊個國家感覺上舒服D。
事關望緊移民既野, 呢2個地方都好吸引。
原先上年想去實地考察下, 但武漢肺炎

每人17萬左右

Thank you so much !!!

其實以前返工每個月都會飛一兩轉北京，我覺得佢地有一種北方人既豪邁，比起大劣其他城市既人確實會多左陣大城市氣息，而且會好proud of自己北京人既身份咁。

最印象深刻係有次搭的士，個司機見我地係香港人，經過天安門既時候欲言又止，好似好多野想同我地講咁，我到而家都好記得佢當時既表情 司機60歲左右，我係度諗，六四既時候，佢應該就係同我差唔多年紀

歡迎

大家都好努力追post

無

當地人話好常見