[俄羅斯-Olkhon]
貝卡爾湖係世界上最深既淡水湖,亦有指佢係最古老既湖泊,清澈既湖水係冬天冰封時會呈現藍冰、氣泡冰、冰裂等等奇妙既形態,近年成為愈來愈受遊人喜愛既景點。而Olkhon Island係貝卡爾湖上既一個島,遊覽貝卡爾湖既旅客都會係島上住宿,再報tour遊湖。由Irkutsk去Olkhon要先搭程小巴,host姨姨已經幫我地book好左,小巴會係各人既住宿接下接你上車,坐滿人就向貝卡爾湖駛向喇
車程大約三個鐘左右,中途會係休息站放低你屙尿食野。講起呢程車我地都遇到個有趣既人,話說離開Irkutsk市中心前有個哥仔負責坐係車頭收錢,佢同男朋友吹水時話自己以前去過廣州,因為佢打乒乓波好叻,係Irkutsk 5屆冠軍,仲參加過奧運添 不過呢啲都唔係重點,重點係佢同男朋友講一陣有正野食,話去到休息站記得嗌一樣叫Poison既野食,豎哂兩隻手指公話勁好食,仲交帶落司機到時記得幫我地柯打。過左兩個鐘去到休息站既時候,司機又竟然真係記得嗌比我地食,嗌完笑笑口望住我地
我地都笑笑口咁屌左聲,頂佢個肺呢啲咪係蒙古日日食、好蘇果啲蒸餃囉,有咩咁正硬住頭皮試左啖,咦,一啲都唔蘇,仲好香甜好爆汁,真係好好食,我地仲encore左兩隻添,哥哥仔真係無介紹錯呀。雖然唔知正確名稱係咩,但照讀Poison啲職員就會聽得明,大家去開呢度不妨都嗌隻黎試下
黎到湖邊啦,係度我地會轉坐氣墊船,呢啲氣墊船係湖面冰封果幾個月先有得搭,靠船尾個大風扇推動,可以係冰面飄移,好型
望住落船既人,竟然比我重遇返秦國朋友
佢地岩岩係島上面玩完返黎,之後我地都交換左contact,呢兩年都仲有keep住聯絡,緣份既野真係好有趣。
匆匆道別後我地就要上船了,冰面好跣,咩住咁多野要行去船頭都唔係咁易
船仔細細坐唔到幾多人
船係冰上面滑行既時候好順滑,呢程船又幾盞鬼
落船後再駁多程小巴就黎到島上既村莊,島上居民唔多,呢度既屋大多都係木造既屋仔,呢間就係我地今次住既地方喇
全間房都好香木味呀,住左三晚之後連我地啲衫都被燻到好香 呢度唔少住宿都會包早晚兩餐,今次我地呢間都係,所以價錢少貴,要400hkd港紙一晚
呢度應該真係好多中國人黎,房入面既告示都有殘體字
擺低野就去周圍行下,睇遊記好多人都話Olkhon有啲好痴人既狗,我地一出口都有隻一路跟住
近年愈黎愈多中國人去貝卡爾湖,搞到呢度周圍都係殘體字,有啲煞風景
撇除啲殘體廣告,呢度既木屋仔都幾有特色,呢個時間無乜遊客,周圍都靜英英
行到黎薩滿岩,薩滿教相信薩滿岩內棲息著神靈,旁邊13根柱就代表住神13個兒子,對信徒黎講呢度係個神聖既地方
好凍好大風,男朋友驚我又病多幾錢重無落湖玩,睇左陣就返去等開飯。
我地住果度包啲伙食好好味架
負責照顧我地既係Anna嬸嬸,佢見我日日都咳到肺癆咁,自從第一餐煎過魚之後都無再整煎炸野,仲會煲啲蘋果水,沖松果蜜糖比我飲,真係好感激佢呀。係度我地都報埋黎緊兩日既tour,一日行南線,一日行北線,唔知有無緣可以見到藍冰呢。