小丑joker 電影討論區3（ 你知道小丑像徵什麼）

咁順便反介紹你聽椎名林檎喇

好鐘意睇呢啲戲，真係令我想起的士司機，又係robert de niro演

真 演技carry成套戲
套戲仲要係慢節奏 如果唔係男主角演技撐住套戲真係冇咩睇頭

呢個唔係正正一種悲劇嘅矛盾咩？

好撚正呢套野真係

Joker全球最低評價係美國
連日本都好評

欣賞佢冇乜消費Batman黎帶起套戲，反映咗導演編劇對呢套戲嘅自信！
追post見到呢個留言,真係好忍唔住回應
我好撚認同呀!!
對marvel個種用連帶關係/彩蛋去吸引人入場睇既方式已經開始厭
可能就係為左個幾分鐘彩蛋,什至孚為左個片尾彩蛋去吸人入場睇
呢套戲完完全全屬於joker
再關於batman既彩蛋,真係要諗過度過點樣係戲入面,連埋個故事一齊出現,而唔係係片尾加段故事以外既野就叫彩蛋
真係希望DC多d呢種風格去拍英雄片,唔好再搞乜野universe

係！！！個滴眼淚！！
屌好多人既內心都係咁
我過到半場已經係焗住想喊，但又緊張（唔知佢幾時會突然開槍）到上節目個段speech 必成經典

係廁所跳舞個啲鏡頭好靚

有個細位我都好開心電影有做埋，就係batman爸爸媽媽俾賊殺個一幕，搶珍珠個part還原左，再加埋兩個人既對比畫面，好正

辛苦追完post，
好多人話呢個小丑冇乜智力，

但有幾樣野睇翻， 第一佢係有服用精神病藥物，精神病藥物對於壓抑智力同情緒係有極大關係 ， 幫佢激到壓抑佢嘅情緒，最尾佢停晒葯，上到night show ， 佢連自己最後傍身嘅簿都停用嘅時候， 佢嗰段短短嘅對話其實已經係好有洞察力， 好強嘅挑釁性同反駁性， 迫使到觀眾同嘉賓只能用噓聲去駁斥佢。


最尾佢坐喺警車入面望住外面景色嗰個shot， 我直情諗返起TDKR 小丑走甩後個一場。

同埋好彩我睇個場觀眾都好高質,無乜笑聲,好有氣氛
有d笑位其實我真係唔敢笑/笑唔出
例如矮仔開門個到,係驚多過笑

今日睇完我覺得相比起JP演技、電影配樂同鏡頭
佢個劇情就有啲相形失色
部電影係令到我明白點解Arthur會變Joker
但冇去到感同身受嘅地步（可能我冇試過嗰種絕望嘅關係）
同埋好似差咁啲Gotham混亂嘅場面
令我見到地鐵殺人就一石激起千重浪有啲突然
原來個民怨係咁深
但睇完套戲我會想重睇TDK，因為好似理解到點解Joker會選擇/變成阿福所講
some men just want to watch the world burn

BTW 你哋覺得部戲有冇笑位
個侏儒開唔到門嗰度有幾個人係咁笑
我唔知笑乜

侏儒一場睇到好緊張，
如果我係個侏儒 我一定好絕望

因為低質嗰d頭兩個post出現曬

香港人對於演技嘅理解仲係停留喺識唔識得喊
或者可唔可以一次過講好多對白
其實觀眾都要一齊投入喺個角色入面去感受場戲

佢從來只想人開心，但世界沒有厚待過佢