小丑joker 電影討論區3（ 你知道小丑像徵什麼）

點解一個角色做得好唔好係要睇記唔記得啲台詞？
點解你覺得處死個主持一定係高潮位？

JP呢個Joker嘅故仔係講緊一個普通人受壓迫底下變成一個反社會主義者

一個咁寫實嘅環境基礎下，點解要寫啲超有戲劇性嘅情節？

Absence of drama 係現代戲劇常有嘅情況，因為真實生活嘅Drama唔存在於事件，而多常出現於人物嘅心理

淨係睇演員嘅功力，以JP處理「笑」呢一個項目已經見到佢嘅心思同創作力

當Arthur 遇到生活上與佢嘅價值觀有差異嘅情況時，佢嘅「病」就會出現。

觀眾見到Arthur 所遇到嘅事，會有所同情，但Arthur 以笑黎回應，縱然觀眾可以後來得知佢笑係一種病，但呢種極為異常嘅反應，令觀眾心理上已經產生莫大嘅「戲劇衝突」。


就好似好多大師講，真正好嘅演員，睇佢無台詞時嘅表現就會好易睇清楚。
Arthur 喺休息室行出黎去老細房，由陪大家一齊笑侏儒，到一轉角就停笑，嗰種clean and clear 嘅expression直情係good acting 嘅範本，彷彿有哂choreography 咁

小丑試過攞筆殺人
但重點係，社工唔明佢，joker將佢歸左類，覺得佢都係唔明白佢地既人，所以殺左

GCPD有個James Gordon
黑警?

由頭到尾都係一個悲劇，出生無爸爸無父愛，渴望有個爸爸，視母親為中心，點知最愛自己的母親竟然就係令佢會神經錯亂大笑，而整個成長都被欺凌痛苦既人，到成為joker前，工作生活一點點希望被打斷，連所謂既朋友都害佢，所有美好從來都係幻想

呢套戲真係痴撚線

但我覺得佢殺老母另一個理由係，佢老母令佢變到咁，佢老母男朋友虐待佢令佢有病

佢句對白講明佢爭係殺迫死佢果d，唔係無差別攻擊，至少呢個版本的小丑係咁

同意，joker 係一套要你代入痴線佬世界同角度，先會睇得明ge一套戲

如果tdk的joker係完成體,咁今次呢套戲既joker就好似出世冇幾耐既bb咁
其次我覺得joker既"智商同能力"係用黎挑戰老爺的價值觀,理念同精神世界,而非高科技武器

我覺得係佢果段對白正，當你欺人太甚的時候你就預左會比人反咬一口，由其係對一個咩都冇連命都唔要ge痴線佬黎講，反正最差咪自殺，唔差在殺埋你，咁我ge死會更有價值，咁做亦都比更make sense

如果佢ge人生多一個你咁ge人，我諗就冇呢套戲睇lu

係真係做得好好，頭個幾幕已經帶到人入戲，有緊張同傷心，個種sad係感同身受咁，而且同情，佢一直幻想同跳舞逃避現實，每個細節位都做得好到位，可能劇情無大家想要既打鬥戲，但一早講左呢套行黑色幽默，風格會唔同

不過既然話佢想以搞笑作為終身事業，個人物設定又睇唔出佢有呢方面才華

睇完最大感覺係導演應該有對稱美學強迫症