澳洲移民 你問我答 (10)

又一個1001，不知不覺已經開到第10個po了，多謝大家支持，歡迎大家繼續發問。


報名link：https://forms.gle/gXd7f3Vw2BVPxAYN7
各位追開post既巴絲打，Seminar已經定好係10月5-6日，到時除左有小弟民講解澳洲技術及投資移民外，另外會有澳洲CPA會計師並房產專家到場講解。2日會分上下午各一場總共四場，多謝大家既踴躍報名，四場已經滿座其中兩場啦。

未追個post既話建議從最近往前追番post，先了解一下再根據自身情況留言問問題，太general/basic既問題係對本人回左成年快2年post既一個唔尊重。

亦都歡迎已上岸既巴絲留言分享。

如果想私下咨詢既話可以直接TG @will1878 。

覺得呢個系列有幫到你既話，可以留個鼓勵一下小弟。

利申：澳洲註冊移民代理，LLB在讀。

(9): https://lihkg.com/thread/1292872
(8): https://lihkg.com/thread/1150778
(7): https://lihkg.com/thread/1042050
(6): https://lihkg.com/thread/905651
(5): https://lihkg.com/thread/745953
(4): https://lihkg.com/thread/554133
(3): https://lihkg.com/thread/453064
(2): https://lihkg.com/thread/339565
(1): https://lihkg.com/thread/336107

free?

Q：如果本身做開XX，而家想轉行黎讀YY，是否可行？本身有既bachelor可否加分？
A：轉行唔係唔可以，但係要比到一個理由比移民局（You know what I mean），同埋年齡唔好太大（最好<30），有個bachelor就算同移民專業唔相關都可以加15分。

Q：紮鐵/地盤佬可否移民？
A：澳洲建築業係無紮鐵呢回事，所以你可以唔使考慮了。除非你願意黎澳洲再進修其他建築類技工（例如砌磚，Carpenter等）。當然英文一定要夠好。

Q：唔識英文可否移民？
A：唔係唔可以，一係你有個有身份既配偶，一係你可以做投資移民。三無（無英文無配偶無錢）我就愛莫能助了。 英文未考到雅思6分水平基本上可以免問，英文唔好可以練，但係如果連練好英文既心態都無既話，你都係留番係香港罷啦。

Q: 雅思好難考/考左好多次都考唔到4個7/8，有無辦法？
A：試下PTE，護理類畢業生可以考慮轉考OET。

Q：介唔介紹雇主做擔保？
A：唔介紹，因為係犯法。有人介紹俾你既話我建議你考慮清楚，俾人舉報俾我係報紙上見到你俾人踢出境就唔好睇啦。同埋風險認真唔細，萬一中途公司倒閉你簽證都無埋（除非你搵到新公司繼續擔保）。

Q：做擔保既雇主有咩要求？
A：生意同你既學歷背景相符 (即係例如會計師事務所請會計，修車場請整車，餐㕔請廚師)，營業額唔可以太低（無實際要求），唔可以虧損，財務上有足夠能力可以俾到你最少A$54000底薪。

Q：做雇主擔保既申請人有咩要求？
A：要有同該職位既基本學歷，技工類就最少Certificate IV至Diploma，專業人士最少Bachelor。雅思總分唔低於5。最少2年相關學歷畢業後既全職工作經驗。

Q：投資移民有咩要求？
A：澳洲投資移民分188(臨居)同888(永居), 細分5種 (A, B, C, P, E). 要係海外先攞188過黎(係一個臨時居留簽證4年), 中間滿足特定要求再遞888申請(永久居留簽證).

188A (55歲以下, 于申請前持有30%股份連續管理一間公司至少2財年, 基本要求營業額50萬澳幣(前4財年其中任何2財年), 不少於80萬澳幣資產, 同有一個 points test 要草夠65分)
188B (55歲以下, 最少3年投資理財不少於1.5m澳幣經驗, 不少於2.25m澳幣資產, 同有一個 points test 要草夠65分, 承諾投1.5m澳幣(投資盈利)到州政府債卷年)
188C (承諾投5m澳幣到指定投資組合4年, 5m資產必須合法得來)
188P (承諾投15m澳幣到指定投資組合1年, 15m資產必須合法得來, 必須為成功商業人士)
188E (說服風投基金願意俾你200k運作你既商業計劃，並且得到州政府支持)

888A (以188A身份做滿2年生意, 有60萬澳幣資產, 最少30萬澳幣年營業額)
888B (投1.5m澳幣(投資盈利)到州政府債巻滿4年, 其中4年係澳洲住滿2年)
888C (投5m澳幣到指定投資組合滿4年, 其中4年係澳洲住滿160日或配偶其中4年係澳洲住滿2年)
888P (投15m澳幣到指定投資組合滿1年)
888E (商業計劃成功運作至少2年)

Q：男/女友有澳洲身份（國籍或者永居），但係唔想結婚，點樣移民？
A：唔結婚既一定要同居至少一年並且有證明材料，走De Facto Partner。

Q：阿哥有澳洲身份（國籍或者永居），點樣移民？
A：兄弟姐妹有身份同你係無關係既。你都係靠自己罷啦。

Q：PR 轉 Citizen 流程? （政府提出既入籍改革失敗後 as at Oct 2017）
A：1 獲得PR最少1年，2 最近4年係澳洲住滿3年 （含tr時期），3 最近12個月住滿9個月。滿足以上條件就可以申請交表，移民局審到你就叫你面試同個computer test，都通過就可以等行禮頒國籍。

移民唔係逃避，而係比自己，家人，甚至下一代，一個選擇既機會。

香港加油。

Just applied

Seminar係免費的

小弟想問下 澳洲啲大學讀碩士有啲係計Weight Average Mark, 同香港GPA有咩唔同？小弟本身GPA2.9/4.3 (2:1) 有科要WAM65% min., 符唔符合最低標準？

感激樓主

唔係睇GPA，係對番transcript上既每科既分數再轉番百分比。

可摸耳講下NAATI係乜？
易唔易考？

呢排移民公司係好多人問

因為缺。

巴打 我都諗住去Adelaide讀個master
想問下 SA如果申請190技術移民
IT類係咪都要起碼80-85分eoi
之前聽過中介講好似偏遠地區好似夠65分就ok

走州政府擔保既話，唔使80-85分，65左右就夠。