我一路聽著我部iPod touch,一邊排隊準備上機,一邊周圍望睇下有無靚女同機。
係呢個時候,我見到個熟悉既背影, 係Christy,但奇怪嘅係,佢拖住一個男仔,行為非常親密。
屌,奇咩怪啊,果個擺明係佢條仔嚟嘅。我果下呆咗,仲未識比反應,望住佢係我前面比passport個空姐,所有嘢終於都make sense。
正係呢個時候,佢突然回過頭望向我呢邊。縱使我已經即刻望去第二度,我都幾肯定佢見到我。
我由confuse 邊度有小小嬲,我又唔係話要溝你,你做咩唔同我講你有仔呢,博咩啫你。
算,唔理,返到英國有一條好漢。
即時我同佢有個咁樣嘅邂逅,我哋最後都無搵大家,經過十零個鐘頭嘅travelling,我又返到嚟個熟悉嘅地方。
我返到dorm 見返一大堆好耐無見嘅朋友,大家一路hea一路係都講自己假期做咗咩令我覺得兩樣嘢。第一,我機真係好似一家人咁咩都可以同大家講,第二,我嘅生活真係好無聊,聽到人哋多姿多彩嘅生活,我本身已經無聊嘅生活更顯沈悶。
我決定,呢個term一定要好好咁享受,唔好以再咁悶,要好好享受人生。其實你問我,我都唔知究竟我真係咁諗,定抑或係因為見到Christy拖住條仔先會痴咗線咁樣諗,但係咁嘅諗法就改變咗一切。
生活再次有紀律,每朝都準時7點起身,同我係香港嘅廢青生活真係冇得比。
自從同自己講話一定要過得好(好港女
),我係學校裡面好努力把握每個機會,每逢有咩玩我都一定報名,連啲咩做義工教活動我全部都唔放過。我嘅生活過得好充實,每日嘅schedule 都填到滿曬,係唔同年級亦都識多咗好多新朋友。
但係始終都係有個問題,每日做完晒嘢之後,我但係床度都會係度諗,究竟我咁做係為咗啲咩呢。
雖然每次都未諗到答案之前就已經瞓著,但我知道有啲嘢可能要改變。