無因
2017-03-05 23:43:25
我呆撚左,無諗過佢表面禁乖原來禁癲架。
我地都真係好攰好快佢就我隔離訓左,我地訓前用一隻手指互相勾住,就禁入睡。
到我有返知覺嘅時候已經係第二日嘅晏晝,我身邊嘅兩位女生亦再次消失。
廚房傳來好香嘅味道,我同幾個男仔都比呢個味道喚醒,行咗入去廚房入面。
只見Kate同Christy 係度煮緊早餐,原來佢哋兩個都入得廚房架喎。
好快,佢哋煮到成枱都係嘢食,由pancake 都英式早餐都應有盡有。
味道相當唔錯,可能係因為好肚餓,但唔少都因為係佢兩個煮嘅。
我哋食完飯之後就起行返去大家嘅屋企,我走之前Christy捉左我去間屋一個暗角度 … 錫咗我一啖。
我同Kate叫咗架Taxi直接返去Antie屋企,我同佢全程都無對話,可能佢眼瞓得滯,一路捱住窗邊瞌眼瞓。而我亦都無理佢,仲係度煩惱緊點樣處理我哋三個人之間嘅事。
返到屋企佢話有啲攰想訓一陣,我留咗係度陪佢,始終一條友出town都無咩好玩。
我半坐喺床頭,Kate換咗件衫就捱係我心口度訓,佢突然開口「聽日就要走喇,無得再晚晚攬住你訓喇。」
我唔識點答,佢咁講係咩意思呢,係鍾意咗我,定係純粹想搵人陪。或者我呢刻心入面已經有第二個女仔?我覺得自己好亂,諗住閉目養下神。
Kate隻手開始唔規矩係我下面撩嚟撩去,平時嘅我阻已經擒住佢開咗波,但係今日嘅我好無性慾,佢搞你搞去我都未硬晒,「你好攰呀?傻,快啲瞓一陣啦。」
佢冇再搞我,只係攬實我係度訓。
如果一段關係可以攬住一齊瞓但係唔搞嘢,嗰啲係唔係純愛呢。我分唔到自己同佢係咩關係。