雖然打機嚟講Wii 絕對唔係首選,但係host party來講真係一流,尤其是係呢度大家都玩到放晒,唔會怕柒。個個都玩到有講有笑,好少可大家清醒到可以玩到咁癲。
可能人熟唔使飲酒都能夠擺出真性情啦,但我feel都今晚大家飲埋酒玩一定會更加放。
雖然我而家已經有較為穩定嘅對象,但男人無色心就唔叫男人啦,我周圍打量,雖然身邊嘅女同學唔似鬼妹咁打扮到靚一靚先去party,但係中國人樣始終有佢哋嘅靚,唔駛話點特別化妝都好吸引。
點解我會有得gup女?皆因Kate一嚟到就痴住佢哋friend同我坐到遠一遠,咁既然你有你自己玩咁我都自己玩啦。
開始入夜,我哋order咗啲pizza做我哋嘅晚餐,而當啊然打開第一支酒嘅時候,今晚嘅主菜亦正式開始。
我哋坐埋係個kitchen到一邊飲酒一邊吹水,主要都係圍繞住大家係學校到做過嘅柒嘢或者係學校裡面邊個暗戀邊個之類。
而當大家都食飽嘅時候,我哋開始玩game。
咩圍枚,咩撞機全部我都又完全唔識慢慢開始上手,當然要學點玩就揀喺要交學費架啦。學費當然係指飲酒,當大家都越飲越high嘅時候,我只好嘗試fight back。
「聽著啦喎.... 五!」Yes,終於嗌中喇。「方向呀!」明明同我一樣唔識玩嘅Christy搭嘴。
唉,又輸了。
一路玩,似乎輸嘅都嚟唔開我同Christy,唔係唔記得嗌方向就係嗌收晒然後自己開。
我都已經唔記得我哋飲咗幾多杯,相比之下,Kate係我對面好似一杯都冇飲過,MK蒲開果然唔同,玩呢啲都零舍勁。
明明係一個好容易嘅game,點解我會係咁輸架。我好唔gur,心情亦都開始轉差。
但其中一個令我心情差嘅原因係因為自從我哋來到依度之後,我同Kate基本上係無講過嘢,佢全名都好似有意無意要避開我。或者係佢唔想人知道我同佢嘅嘢?咁同收兵有咩分別,定係佢覺得我唔襯佢,佢係我身邊覺得好柒?
唔越係咁諗我就越急,個人一急就係咁輸,輸自然就飲得好多。
我飲到頭開始暈,覺得天旋地轉唔知自己做緊咩。
我好想去抖下氣,我自己走咗出去屋企出面,想自己正常少少先反反入去。
我坐咗係出面自己係度諗嘢,但係個頭好痛,所以都只係坐咗係度咩都諗唔到。
突然,有人坐咗係我隔離。
係Christy。