「下,你想做咩啊?」佢半玩半認真咁問。
好,我終於聽得出有咩問題 ,「Err … 我唔係呢個意思啊,我只係問下我地有冇plan姐。」我顯得莫名哋尷尬。
「玩下你姐,肚唔肚餓啊你,不如我哋出去食啲嘢先啦。」佢終於釋出善意。
我哋係咁意執咗的嘢,就出咗去town,沿著屋企門口一路行,大約十零分鐘就到,所謂嘅town其實都無咩特別,只係多幾間餐廳同埋有個商場仔,入面有啲好普通嘅舖頭咁。
我哋同意咗去食餐中國菜先,唔知點解明明以前係香港最憎就係食中國嘢,偏偏來到依度之後食個炒飯都好似零舍好食咁。
我哋終於打破隔膜,全餐飯都有講有笑,我發現其實佢都係個幾好嘅女仔嚟嘅,除咗的行為MK啲之外。不過其實MK都係非常之吸引嘅,著衫暴露對我有咩壞處,講嘢爛口都算係真性情啊,對於我你的青頭嚟講,pure 咩true 啊,淫底先係吸引嘅,而我都好肯定Kate係淫底。
我哋食完飯之後,一齊去咗行街,其實呢我就未陪過女仔行街嘅,不過都唔係想像中咁差者。全日嘅行程就係係啲舖頭到叫佢試啲衫比我睇,覺得靚嘅咪講,唔靚嘅咪叫佢唔好買囉。當然我而家明白,同friend就可以咁講,如果果個係女友,就梗係幾時都靚架啦。
差唔多七點幾,舖頭亦都開始閂門,而我哋亦只好起程返屋企。途中經過超市,我啲話不如買定的零食,費事今晚肚餓唔知點算啦。
點知佢唔係去正常嘅S字頭超市或者係T字頭個間,而係選擇咗去一間好細嘅印度超市。「點解要嚟依間嘅?」我唔係好明。
「呢間我成日來架,佢肯賣酒比我架哈哈。」佢笑笑口咁飲咗去。
屌,又飲酒唔撚係掛,我飲親酒都無好結果架喎。