[遊記][多圖]我在瑞士的14日

係不知不覺間已經到左有積雪既雪山


當時仲未溶晒雪, 我諗而家應該變左草地啦掛?


似乎係行山路線黎, 當然而家積左雪就無得行啦(或者你有裝備同經驗既都可以行掛? 記得量力而為 )


搭纜車繼續上


byebye啦Trubsee




到達雪山




最後到左Stand, 係Stand到再轉另一架纜車, 但唔知點解我好似無影到相, 唯有借網上圖片先
呢架纜車個地台會慢慢轉圈, 就算好多人都好, 你企係同一個位置的話佢由出發到落車時都會轉左一次360度等你有機會睇晒全個風景, 當然啦其實有D野MISS左就係MISS左, 就算轉到去都已經太遲


出發啦, 最遠處個到就係目的地啦
睇落仲有藍天好似幾正


好靚既雪山


不過愈上就愈收皮, 突然好大霧

架纜車一直上, 見到呢個環境我就知收皮
之前係中段仲有藍天, 我妄想以為一直上就可以穿過D雲層同霧, 但原來太天真




上到Titlis後其實佢唔似得少女峰咁好多地方可以去, 基本上佢得兩個地方行, 一個係Ice Cave, 另一個就係去Ice Flyer同埋冰河公園, 一落左纜車後我地襯能見度仲未太差時仆出去睇下雪山先
結果就係咁
我都唔知叫唔叫睇到, 勁大霧擋住晒D視線, 算係好過無


頭先係我係Titlis第一張相, 原來已經係最好, 之後幾分鐘內愈黎愈差




唔知雲定霧, 是撚但啦, 總之愈黎愈多, 開始乜都睇唔到




唔駛5分鐘, 已經變左乜柒都睇唔到啦
難得上到黎又變左藏王咁睇唔到

其實只係行出左門口影相, 都未真係行出去, 但已經大霧到乜都睇唔到
Titlis係我第一次到超過三千米高既地方, 好彩無任何高山症反應, 行得走得咩事都無
而家身處個到有3020米, 最高應該有32xx米左右, 不過正常係行唔到去既


望返搭纜車上黎既方向, 隱約仲見到個湖, 已經叫做比較清


雖然睇唔到野, 但都仲可以行出去Ice Flyer同Cliff Walk個邊
Ice Flyer其實係一個好似人地滑雪用既吊車咁, 即係雙腳懸高個種, 可以搭佢去Titlis既冰河公園, 但要另外收費, 印象中可以連埋上黎個程纜車一SET過買, 當然去到先再另外買都OK
至於Cliff Walk一陣就會再講到
btw唔知點解好多印度人, 真係好多


上到雪山凍唔凍呢, 其實我就覺得唔凍...
我都係得上面張圖個件褸, 入面係一件短袖衫黎
不過有樣好緊要係記得戴太陽眼鏡, 如果唔係好易有雪盲症
另外最好著對防水既鞋, 因為D雪有時都幾深, 你對鞋唔防水既話踩左落去就濕晒

基本上同我去藏王時一樣能見度極低, 唔知算唔算係有"路"可以行
大概只係睇到佢圍左欄杆既範圍ONLY, 要小心D唔好太靠近, 因為睇唔清楚佢其實有幾出, 叉錯腳可能就碌落山係咁先


佢插左好多旗俾你影下相, 但因為能見度實在太低, 根本睇唔到後面, 同KEY圖無分別


係雪地好難行, 加上又睇唔清楚路, 行左好耐先到Ice Flyer個站, 其實距離入口到呢到只係2百幾米
都無乜點影到相啦, 影完都睇唔到既

所謂Ice Flyer就係坐圖中左邊個舊野, 出發前我有問我朋友坐唔坐, 但佢話畏高, 堅持唔坐
而家坐唔坐都無所謂啦, 根本乜柒都睇唔到, 坐到去對面都係收皮
係到講返先, 搭Ice Flyer可以坐到去Titlis既冰河公園, 個到有個好似手掌咁既大岩石睇, 另外有好多免費既雪上活動俾你玩, 我出發前都幾期待, 而家通通BYEBYE


不過都仲有D人堅持去坐


就係咁樣雙腳懸空出發, 其實我一直對呢種吊車好有fantasy好想試一次
不過而家個最大問題係如果天氣繼續差落去, 過左對面咁點返黎好


係Ice Flyer旁邊就係Cliff Walk, 佢係一條吊係好深既山谷中間既鐵橋
賣點係佢會搖黎搖去同望到個底, 不過呢...當日去到時係咁樣
先唔好話咁高驚唔驚, 因為根本望唔到
個底望唔到都算, 連條橋既盡頭都望唔到, 好有silent hill feel
最近每次去旅行總會遇到silent hill事件, 唔知點解


唔係我執相執到咁, 佢真係望唔到盡頭


Cliff Walk係免費既, 所以好多人都會行上去, 其實勁窄
一上到去, 屌你又真係望唔到終點


我個自稱畏高既朋友都有上去, 因為佢話望唔到個底一D都唔驚

望落去其實一D都唔驚, 因為睇唔到有幾高, 我個畏高朋友都話無問題


上網搵左幾張圖俾你地睇, 好天時其實係咁樣, 應該幾恐怖


行到橋既盡頭有條樓梯落去, 不過當日唔知咩事封左唔俾落, 所以只能返轉頭
結果條樓梯都係望唔到盡頭


唔係呃你地, 能見度就係得咁多, 真係唔知會去邊, 打機既話應該會轉MAP


話說條橋好窄但都幾多遊客, 後來黎左一團應該係強國人黎, 一上橋係咁搖條橋, 咁其實都算無咩所謂
後來佢地無野做到執D雪周圍掉人, 屌你老母你掉自己人其實都唔關我事, 但濺出黎D雪同水彈到周圍都係, 我都中招, 我後尾屌鳩佢地整到人, 佢地粒聲唔出當無事
後來行到盡頭時因為無路行要返轉頭, 但佢地成班人掛住玩塞死晒條路, 我撞開佢地閃人算

屌你老母就係左邊紅圈個D仆街係到玩掉雪球, 玩還玩唔好係咁窄既地方掉啦仆街

特里布湖果d相靚到仆街

行完Cliff Walk已經無咩好做, 因為本身plan左會係雪山慢慢行, 之後去冰河公園玩佢D雪上活動, 但而家全部都無得做
由於封左樓梯無得再行, 只能走回頭路, 行到返去Ice Flyer時個能見度高左少少


真係少少咁多, 但起碼見到D纜車同埋路, 唔係一片白色


左下角就係Ice Flyer個纜車站, 即亦係冰河公園, 個到有D免費既滑雪板同雪兜之類任你玩, 所以Titlis唔只剩係睇, 佢仲有好多野玩, 不過今日玩唔到


落到去仲可以睇埋中間個舊大岩石, 正面睇(我都唔知係咪叫正面)會係好似一隻手掌


上網搵左張好天既相俾大家參考下, 都幾似一隻手啦


Titlis到有座類似天文台既野, 估計都係監查天氣既塔, 無得上去參觀
如果有得上去個VIEW應該幾正


雖然天氣麻麻地, 但都唔少遊客, 我諗有一半都係旅行團帶上黎
你見佢地擺晒POSE咁影相, 影出黎應該會好似我張KEY圖咁白色一片


見到有好多人行左上個山丘到, 其實有D危險, 因為唔知D雪有幾深, 再加上能見度差, 我自己就無行到上去, 以免出事


話說瑞士D景點都幾有心思, 佢整左幾間雪屋俾你玩同影相
不過好多人爭住要影相, 所以大家自發性咁係旁邊排隊, 意外地強國人都真係會排, 但印度人真心仆街, 佢地唔會排隊, 仲可以好大牌咁係你影緊相時由你中間到行過再企係旁邊擺POSE自拍, 經過左今次瑞士之旅後我真係好憎印度人


因為D天氣似乎無轉好既跡象, 我地決定返入室內先再作打算
行唔夠幾步, 能見度已經又變差, 個天文台開始睇唔到了


慢慢行返去入口


人愈黎愈多, 但能見度就愈黎愈低

又行到返入口, 其實最危險係個入口, D雪俾人踩到結晒冰, 好多人係個到仆街, 我都要超小心咁行先無事


最後返左入室內, 佢個纜車站total有幾層, 有一間朱古力店, 一間手信鋪, 一間似乎係SELL強國人既鐘錶鋪, 同埋一間餐廳
行左一陣手信鋪, D野貴到仆街
另外發覺係呢到可以俾錢換民族服裝出去影相
但佢貼左幾張demo相, 幾張俾我個感覺都係KEY個背景落去而唔係真係行出去影, 事關我見到有張團體相係全員短袖衫, 但後面係冬天既雪山景, 唔知係咪換完衫有studio影再幫你PS


上得黎雪山都預左要硬食佢個餐廳, 出乎意料地佢D野又唔係好貴(相對上咋, 你計返港幣既話就貴到仆街)
雖然呢碟肉醬意粉好似大學十蚊頹飯, 但份量唔少, 而且幾好味, 我最初以為係雪山一定屈鳩你廿幾三十CHF, 但呢碟只係16CHF (不過都係貴, 但我接受啦 )
而我朋友叫左碟煎朱扒配薯條, 個塊扒都幾大, 佢話超好食, 都只係21.5CHF


食完飯之後天氣一直無好轉, 同朋友傾左一陣, 到底早D落山去第二個地方好, 定留係到等奇蹟好
最後決定留係到等奇蹟, 反正都俾左錢上黎, 唔爭在等埋佢啦
一輪討論之後決定去左室內既Ice Cave先
Ice Cave係連接住纜車站, 唔駛另外俾錢就可以參觀
個構造大概係咁, 右手邊就係個架360度纜車站, 紅色人仔左手邊就係通向Ice Cave既通道


黑色一間間個條就係Ice Cave


有繁體介紹Ice Cave到底係點

睇過好多遊記, 9成既人都話Titlis個Ice Cave好廢, 我自己覺得就唔係, 尤其佢入面個隻藍色我覺得勁靚
一入到去個感覺好夢幻好似RPG GAME D迷宮咁, 真心覺得好靚


地下個層都係冰黎, 由於佢無鞋俾你換, 所以你對鞋無防滑既話就會跣到仆街, 我見好多人都要捉實個扶手先可以前進


都講過好多次, 藝術既野你識條春咩
一入到去就見到呢個俾冰凍結左既菊花(好似係)
完全唔知有咩意思, 但又幾靚, 有D超現實既感覺


唔知想點


零零舍舍有一邊牆身整左個冰磚牆出黎, 又幾靚喎
不過點解唔整晒成條路呢


轉個彎之後無咩特別, 只係單純一條冰既隧道


行到第二個彎位, 唔知做乜整左個冰磚矮牆出黎, 可能FOR你走入去影相掛
而入面又唔知做乜野有另一個凍結左既植物係到, 完全理解唔到


原來成個Ice Cave就係得咁多, 再向前行既話發覺封住左, 研究一輪後先知原來就係通去之前吊橋盡頭既樓梯, 即係話如果佢無封到條樓梯, 你就可以行完吊橋直落Ice Cave再返入室內, 咁個design又幾friendly喎
不過因為佢封左, 所以只能返轉頭, Ice Cave就得咁多

心水清既巴絲應該會留意到, 其實之前講過回程時會去Trubsee到睇風景
行完Ice Cave後要開始計劃下幾點落返去好, MISS左尾班纜車就仆街
諗返起好耐以前有位巴打係少女峰MISS左纜車, 最後要訓廁所差D凍死
係我計劃緊既時候, 原來出面落大雪, 佢直頭封埋唔俾你行出去雪山
無野好做唯有去佢個休息area hea
本身好多人係個到坐, 突然有一下所有人散晒
原來係D雲霧散左少少, 睇到D野
不過始終都係唔夠清, 可以見到成個雪山山頂俾一層雲擋住晒


有得睇總好過無既, 無得好怨


因為停左雪, 所以佢又開放返個雪山俾人出去
見到個VIEW清左少少, 我地就立即仆出去搏下奇蹟, 結果都係收收地皮


好快又俾雲霧包圍返, 能見度都唔知有無50米
我地只好放棄, 搭纜車落返Trubsee


臨走前影多一張, 見到咁都絕望啦, 放棄了


搭纜車落返Trubsee, 今朝仲可以係纜車到睇到成個湖同山脈, 而家乜柒都睇唔到
個刻超後悔, 應該今朝好天時行左Trubsee先, 反正上到山都係睇唔到任何野


原來都有影到纜車, 無咩特別, 同海洋公園差唔多


搭纜車時都影左D相, 雪山真係幾正




見到有間屋係到, 應該係有行山徑


瑞士D行山徑指示好清晰, 一定會有路牌, 見到呢個紅色路牌就知有得行山
夏天時變晒綠油油草地一定好靚

好快就到左Trubsee, 但落緊都幾密雨, 同埋發覺因為有工程做緊, 行落湖既路全部變晒爛泥路
本身我地都想搵下係咪有其他路落個湖, 但見到有人由呢D爛泥路行返上黎車站, 問過佢地都話係得呢條路落去
都爭扎左一陣好無去個湖到, 最後決定一場黎到, 是撚但啦去打個卡都好, 就開始行落Trubsee啦


D爛泥路好難行, 行完今晚返去一定要洗鞋
行到湖邊時見到有幾張枱櫈係小屋旁邊, 天氣好時係到野餐一定好正


見到呢間屋, 有少少諗起德國既國王湖, 因為又係好似咁樣無啦啦有間木屋仔係湖邊, 我覺得係特登整出黎俾你影相


其實我地唔係好多時間剩, 大約得45分鐘左右留係Trubsee
由於落大雨加上爛泥路比較難行, 又要預多少少時間返去車站
行到湖邊小屋已經係極限, 無得再行了


雖然無得同國王湖比, 但Trubsee都幾靚啦, 好天時睇到後面D山一定好正
今次無辦法了, 唔知仲有無機會再黎過呢


係湖邊有小徑可以繼續行, 上面好似有座古堡之類既野, 不過無時間去唔到


夠鐘回程, BYEBYE Trubsee, 叫做打左個卡

趕返去纜車站搭最後幾班纜車落山, 見到成個Engelberg都俾雲霧包圍住


的確有D夢幻既感覺既, 但我更加想佢藍天白雲多D


落到山後就搭shuttle bus返火車站, 係到又想屌柒下D印度佬
因為接近尾班車, 所以成架shuttle都好多人, 佢地係車上面講野係可以由車頭嗌去車尾, 唔講仲以為佢地鬧緊交, 嘈撚到仆街

返到火車站, 可以見到全個山都係雲霧之中


我都唔知叫唔叫夢幻啦, 是撚但啦


由於火車未夠鐘開又有D肚餓, 係便利店買左個特價包食, 順便又買左支平野飲


經過今日, 我真係好憎印度佬, 好唔想同佢地搭同一卡火車, 決定行前幾卡車避左佢地算


好好彩, 最後唔駛同班印度佬搭同一卡車, 離開Engelberg返去Luzern, 結束瑞士第一個雪山之旅

lm

同朋友係火車站會合後, 決定去coop買野返hostel煮飯食
由於之前仲有半盒貝殼粉, 所以今次只需要買餸就得
最後買左一PACK六隻雞翼, 一大條雞肉腸, 2包湯粉同各自買左野飲就返去了

呢間hostel有個concer叫everybody's food, 大家有咩食剩/唔想食/好難食既野就放落去留俾有緣人, 講穿左即係二手飯專區
係二手飯concer到發現左一包長通粉, 望清楚係未過期後就拎埋去同貝殼粉一齊煮, 窮撚係要執人二手飯

貝殼粉+長通粉, 唔駛錢, 因為係食剩既
兩包湯粉加埋2.x CHF


煲緊粉既時候我打算煎雞翼, 點知竟然無油
我第一次住有廚房既hostel會係無油提供, 痴線
最後用雞翼本身既油份去煎
呢到好撚抵, 6隻雞翼只需3.x CHF


靠煎雞翼時剩返既油去煎腸
呢條腸好似2.x CHF


最後用大概10CHF整左今日既晚餐, 一人唔駛4CHF
唔係講笑, 我覺得雞翼同腸真係好好食 因為係我煎


食飯之後無咩好做, 聽朝一早就要離開, 所以早D執好野後就休息, 唔再出去影夜景
另外我地係呢間HOSTEL洗左一次衫, 連埋乾衣要9CHF, 都可以接受啦
之後個日就真真正正進入瑞士山區玩, 第一站係少女峰
Day 4完結

我都想去瑞士行山，留名參考

五月去完
瑞士山區風景真係一流
最鐘意食超市 烤雞

食到厭, 求其買個包+橄欖油, 紅酒醋可以食一日

烤雞真係必食, 平靚正

以為你又去多次 點知係舊po黎

當地環境、Lifestyle、風土人情真係無得輸

利申：係瑞士讀過一年書

除左太貴真係正
不過城市都唔係太好
最正係求其去一個站落車都有驚喜
btw去過4日銀包頂唔順

推阿

Day 5

今日開始進入瑞士既山區, 黎緊會先係Grindelwald stay 3日, 揀最好天個日上少女峰
不過一開始就收皮, 一早起身見到落大雨


有隻貓係對面避雨
不過佢係咁喵喵喵, 最後俾人趕走左


check out要還返被袋同枕頭套, 順便影左上格床條樓梯, 好撚難行踩上去會腳痛


肥d都唔可以訓上面


話說check out時想俾卡, 佢話俾卡就要收2CHF charge
我前面有條韓女一聽到要收2CHF後考慮左成分鐘, 最後決定俾cash
2CHF就豪俾佢啦, 我都係俾卡, 邊撚到咁多CASH

之後就係成個TRIP最辛苦既一段, 因為之前都講過HOSTEL離火車站都有15分鐘距離
而家落雨加埋要拉喼搞到好煩, 我個喼仲甩左個轆, 幾經辛苦先俾我拖到去火車站
好彩都仲有時間俾我買埋個早餐先上火車
2CHF起跳既麵包


sausage roll咁既野, 2.x CHF, 普普通通好過無


今日個plan係首先去interlaken參觀同遊湖, 再係附近行下, 傍晚先再去Grindelwald
上左火車後我都無心機睇風景, 因為keep住落雨


係火車用電話鳩影左幾張, 超大霧, 唔好咁啦

搭IR既話, 由Luzern去Interlaken OST係一程過唔駛轉車, 大約要2個鐘
因為落大雨所以完全無風景好睇, 但又唔敢訓怕俾人偷行李
終於到左Interlaken OST, 佢有分Interlaken OST同Interlaken West, 要搞清楚D唔好去錯, 雖然錯左都可以行到過去, 我估15~20分鐘路程到啦


可能大家從Interlaken呢個字都大概估到呢個係點樣既一個地方
Interlaken即係兩個湖中間咁解, 左邊個湖叫Thunersee, 右邊果個叫Brienzersee
而我地打算遊湖既係Thunersee
Interlaken係一個旅遊重鎮, 要上少女峰幾乎都要經過呢到
所以好多人會選擇住係Interlaken, 當然就唔會平
不過我地就唔想stay係到, 我地揀左stay係右下既Grindelwald
Grindelwald都係上少女峰鐵路既起點, 但比起interlaken更加深入山區, 有歐洲最靚小鎮既稱號
好多地方都話自己最靚, 我都已經去過2個所謂歐洲最靚小鎮(Hallstatt, CK), 唔知Grindelwald會唔會靚過佢地呢


由於唔會stay係到, 所以需要搵locker暫時寄存行李
interlaken呢到既locker都唔少, 我去到個時都好多大locker吉左任你用
我放個28吋喼完全無問題, 我諗仲可以塞多個細喼, 用一次locker要7CHF


本身個plan係放低行李後立即去遊湖, 但因為落緊都幾大雨, 無可能仲去遊湖, 所以決定係interlaken周圍行下先再作打算
由於一開始時無諗過會行interlaken, 所以對呢到有咩睇無咩idea, 就入左information center到拎下地圖同資料
係information center入面既人大部份都係打算上少女峰, 個到有個live cam俾你睇少女峰而家係咩環境, 當時就係好似尋日上Titlis咁勁大霧乜柒都睇唔到, 連個staff都叫人唔好晒錢上去
所以大家最好留多1, 2日做buffer, 以免黎到時天氣差就收皮了

係information center到拎左份map, 入面幫你plan好左散步路線, 既然係咁就跟佢行啦

既然落雨去唔到遊湖, 就參觀下Interlaken先
雖然有份MAP既散步路線同Google Map, 其實係大概向正確方向再鳩行多
瑞士好常見既裝飾就係牛, 乜都擺隻牛出黎, 當然仲有代表性既牛鈴
好似話係會戴係最大隻既母牛上面, 等放牛時聽到聲就大概知D牛去左邊, 但我諗而家應該無用啦掛


行行下行左入去住宅區, 決定兜入去睇下瑞士D民居係點


可能落大雨啦, 成條街都無乜人, 間唔中見到1, 2個人咁


見到有家人用貓頭鷹做裝飾, 好得意就影低左


呢到D低密度住宅好有The Sims自己整屋個種feel, 見到有人係整左個韆鞦係自己花園, 真係外國先做到


憑直覺行到去其中一個教堂景點, 不過唔知佢叫乜野


有家人既門口放左幾個小矮人做裝飾, 我原本想話七個小矮人, 但數左一次多過7個(好似係)


落雨中既小矮人有D恐怖, 有D詭異
根本就好似恐怖GAME咁

行到呢間好似好古老既教堂前面, 雨愈落愈大, 決定入去參觀順便避雨
雖然呢座野外表好殘舊, 但佢個入口係自動門黎


內部同外觀完全相反, 入面係好新淨同光猛, 完全估佢唔到




仲有個幾靚既管風琴




入到黎先知, 呢座教堂有好多玻璃彩繪, 而且都好有特色好靚
意外地發現左個唔錯既景點




D顏色非常靚
我諗個隻係獅子掛


仲有大隻牛
大家去歐洲既教堂記住要留意埋D玻璃, 好多都好靚架


教堂有自助點燈, 放低1CHF就可以自己點一盞燈




估唔到都花左大半個鐘係呢間咁細既教堂到, 出到去時D雨細左, 又繼續行程
睇返個MAP, 我地而家大概係右邊紅色線有個H個到, 之後我地打算去MAP中間特別MARK左一個好似地標咁既野


藝術既野......唉我唔講啦


雖然落雨但影相黎講又唔錯, 同埋始終係旅遊重鎮, 就算落雨就好多遊客