[遊記][多圖]我在瑞士的14日

由於成件事好突然同埋太ON9, 有一段時間我都唔知點好
唯一好彩既係係埋站時整跌, 咁一定係跌左係月台對出, 如果係中途跌左就真係BYEBYE
一到左Zermatt落車時就搵個staff講返呢單柒野, 佢地都好NICE, 幫我打電話俾Tasch個站D職員, 叫佢地幫我留意, 不過好彩係跌左係Tasch, 由Zermatt去Tasch大概只要15分鐘, 咁岩見到有班車就快開, 我決定靠自己搭返車去Tasch到搵, 好彩我有swiss pass

去到Tasch, 我搵個staff講返件事, 佢地話搵唔到(其實我覺得佢地無搵 )
咁我唔理佢地啦, 自己去月台搵, 不過山狗好撚細部, 加上跌左係D碎石到, 我搵左十幾廿分鐘先搵到, 本身打算叫個STAFF幫我執返, 後來覺得晒時間, 自己落左路軌執, 大家唔好學

執到後就搭返車去Zermatt, 咁岩遇到班Glacier Express, 我show個swiss pass俾佢, 佢望一望就俾我上車, 結果我就因為呢單柒野而免費搭左一次Glacier Express(既一個站 ), 本身有swiss pass都要再俾劃位費, 但佢又無收我

Glacier Express好少人搭, 個感覺係好靚, 但如果你鍾意影相就唔好搭佢, 因為佢D窗無得開, 影相一定反晒光
車廂又真係靚D既, 但我建議搭返普通R車就夠, 除非你好鍾意火車


就係因為影呢條河而搞到柒左, 如果執唔返都唔知點賠好, 部機就事小, 但入面拍左D片真係賠唔到俾人


順便參觀左Tasch既火車站, 其實都好多人, 因為係離Zermatt最近既小鎮, 類似Interlaken咁都係旅遊鎮, 有好多行山路段同埋冬天有滑雪之類, 另外Zermatt係唔俾私家車入, 如果你自駕既話就要泊係Tasch再搭火車先去到Zermatt


一條友搭Glacier Express去Zermatt, 頭先個心太亂都無點理出面, 而家有時間俾我睇返下風景
Tasch去Zermatt會經過一條隧道, 不過佢係單軌, 所以你會見到好似呢張相咁, 一班車通過時另一班會係前面停低等佢


去到Zermatt同佢兩個會合返, 交返個山狗俾朋友, 成個人安落晒
但因為咁成個行程delay左1個鐘, 立即去對面個Gornergrat station搭登山火車上Gornergrat
呢到都升係今次個trip既重頭戲, Gornergrat係Matterhorn對面既一座山, 大部份人黎Zermatt都會上去Gornergrat到欣賞Matterhorn, 而我地今次揀左stay係山上面一晚(好撚貴, 住一晚要4800蚊)
比個概念大家, Gornergrat間酒店就係右手邊, 而Matterhorn就係左邊, 雖然睇地圖好似好遠, 但上到去睇又覺得好近, 遲D睇相就會明

Gornergrat既登山列車Swiss Pass係唔包, 但有半價, 單程印象中折左要2X CHF
同埋有樣好重要既野, 每張ticket只係當日有效, 如果你好似我地咁會stay係山上面, 千其唔好買return, 因為唔可以今日用去程, 聽日同回程, 要同一日先有效, 所以記住買單程, 其實買單程加埋同來回根本一樣價

出發去Gornergrat了, 下面個堆屋仔就係Zermatt小鎮, 左手邊白白地色個座雪山其實就係Matterhorn


Zermatt<>Gornergrat中途有幾個站, 同一方向買一次飛可以任落車
即係例如Zermatt > A > B > Gornergrat, 你買左Zermatt去Gornergrat既單程票, 你可以係A落車玩一輪後搭返車去B, 係B玩完再搭去Gornergrat, 只要同一方向就OK


不過上山時心知不妙, 今日D天氣柒柒地, 全部山既山頂都俾雲霧遮住晒


好撚大霧, 唔係睇唔到Matterhorn掛


係繼續貼之前想講下乜撚野係Matterhorn, 佢個官方譯名係馬特洪峰
馬特洪峰係阿爾卑斯山脈黎講係好出名既一座山峰, 我覺得出名過少女峰同Eiger
你可能話你根本未聽過乜撚野馬特洪峰, 但我相信你一定見過/食過三角朱古力, 三角朱古力個LOGO其實就係馬特洪峰啦


老實講, 我成個trip最期待就係今日既行程, 因為真係好想睇馬特洪峰, 而且我地揀左stay係Gornergrat一晚, 就係想影馬特洪峰+星空同銀河, 真係超期待, 但似乎唔好天囉

Gornergrat bahn係登山火車, 所以行得都好慢, 有時間俾你欣賞周圍既景色


去到Riffelalp, 本來係應該睇到Matterhorn, 點知偏偏有舊雲係頂到睇唔撚到


睇唔到啊


再上高少少就去到雪地, 6月既時候呢到仲會積雪, 夏天時會溶晒變返草地, 呢到唔係少女峰咁萬年積雪


屌你老母, 又真係俾舊雲cut左個頂


呢到有好多行山徑, 未溶雪時有部份行唔到
不過見到有人一條友係雪地行真係好厲害, 因為積晒雪根本無路


去到Rotenboden, 大家見唔見好多人, 因為呢到好出名, 係左手邊有個湖可以睇到Matterhorn既倒影, 所以好多人會落車睇, 當然今日一定係睇唔到

追到呢度lm先，成日要搵返睇到邊

過左Rotenboden後開始係一大片雪地, 原本我地打算係到行山, 而家可能有D難, 因為未溶雪


比原定時間遲左一個鐘左右黎到Gornergrat, 呢個車站都有3089米, 其實比所謂top of europe既少女峰車站矮少少咋


黎到Gornergrat第一時間去酒店check in先, Gornergrat只有一間酒店, 叫3100 kulmhotel gornergrat, 顧名思義就係3100米高, 係瑞士最高海拔既酒店, 咁講既話大家應該想像到一定好撚貴, 係到住一晚一個人要200CHF


好好彩早左check in佢都俾到房我地, 我揀request左要望到Matterhorn既房(貴D), 可能因為好撚貴所以服務都好D, 係有專人帶我地上房, 呢到所有既房都係用Zermatt附近既山峰去命名, 今次我地入住呢間叫Ober Gabelhorn, 有4063米高


所有房都係用山峰命名, 都幾有心思, 當然最想住到緊係Matterhorn啦


一人一晚200CHF既酒店房其實無咩特別, 最大賣點係3千幾米高同埋個VIEW


每間房都有一舊石頭做裝飾, 係由代表間房既山峰到拎落黎


有寫明係由4063米高既Ober Gabelhorn帶落黎, 都幾特別, 自己行唔到上去都可以摸下舊石當去左


不過呢D都唔重要, 最重要係間房個view, 由個窗口望出去係可以睇到Matterhorn
呢張相就係由我地間房望出去, 左邊好撚多人個到係火車站, 而正對面就係Matterhorn, 不過運氣唔好, 俾好撚大舊雲CUT左個頂
屌你老母個舊雲真係直線CUT左成個山頂, 我有朋友睇完問我係咪PS上去, 點解可以咁樣一條直線斬開左

呢間酒店除左住宿外, 其實仲有餐廳, 展望台同天文台等等, 有好多人會出出入入, 所以都有D保安措施, 搭lift上酒店房一定要指呢張卡, 唔係active唔到部lift


下面呢張係Gornergrat既概念圖, 最下面係Gornergrat火車站, 中上個座building係我地而家身處既酒店, 而右上有個叫Monte Rosa既係瑞士最高既山, 而佢最高個山峰叫dufourspitze, 有4634米高, 高過少女峰
其實book酒店時都可以request睇到Monte Rosa既房, 會平過睇到Matterhorn既房少少, 正路夏季銀河係果個方向, 好彩既話你可以睇到Monte Rosa+銀河


整理好行李後爭取時間出去參觀, 今次醒左, 搽左防曬+戴左太陽眼鏡先出去
雖然今日多雲無乜太陽, 但最好都要做足準備, 唔想好似之前少女峰咁柒左


今日既行程都係得一個, 就係行山, 路線打算由Gornergrat行去Rotenboden, 屬於低能路線, 正常一般人都可以輕鬆完成
不過出發前係Gornergrat火車站周圍參觀下先, 因為山上面既天氣好易話變就變, 可能下一分鐘就大霧到乜都睇唔到, 而家仲算睇到少少就睇左先

係呢到可以睇到阿爾卑斯山第三大冰河高納冰河Gorner Glacier, 下面中間好似有條骨個到就係冰河起點, 但6月頭黎到時條冰河已經開始溶, 唔似得少女峰個條咁雪白


Gorner Glacier, 可以見到已經溶左好多, 見到個底


左手邊俾雲CUT左個頂就係Monte Rosa, 冰河就呢到開始


冰河大概就係咁樣, 係無少女峰既Aletsch Glacier咁壯觀


見到有人係冰河上面玩滑翔傘, 好似好好玩


可以係冰河上高用特別D既角度欣賞
其實出發之前我有問過我朋友會唔會有興趣玩, 佢地都話唔會, 我就無謂一個人玩


其實真係好想試下, 如果加埋好天一定好正, 有機會再去瑞士時一定會試

黎多張冰河相, 無太陽之下影雪山真係好撚柒, 天氣真係好重要


有火車上黎了, 但無Matterhorn


一直一直都好想影呢張火車+matterhorn相, 結果只有火車


睇完冰河就出發去行山, 不過一開始時唔係好搵到starting point係邊, 原來頭段路比積雪遮住左
我地最初都唔肯定係咪咁行, 但睇google map又有路, 所以決定行落睇下先, 唔對路就返轉頭
下面紅色就係條路


出發, 開頭都幾難行, 因為D積雪幾深, 同埋落斜好易仆街


過左積雪路段, 開始變成碎石路, 似乎應該無行錯, 因為睇落係一條俾人行既路


石仔路比雪地易行好多


應該無行錯啦, 可以穿過火車軌行出去, 再睇多次google map confirm返都係叫我地穿過路軌

巴打 我黎支持你的

似乎係有人鏟雪特登開條路出黎, 冬天無裝備應該行唔到, 估計夏天溶晒雪後會好行好多


望出去山邊有個指示牌, 佢寫住由個到開始係challenge trail, 估計係橫過冰河再登對面山, 我地3個當然係行唔到


穿過橋底, 火車路就係左手邊, 前面終於見到有指示牌


總算無行錯, 我地打算去riffelalp, 佢寫直行同右轉都OK, 不過右邊全部都係積雪, 根本行唔到, 所以只有繼續直行


全部都係石仔路, 如果想黎行最好著到行山鞋, 普通波鞋底應該行得幾辛苦, 我著timberland就勉勉強強咁啦


呢個時候有幾個人踩住越野單車衝落黎, 其實呢到都幾斜, 而且碎石路凹凸不平, 佢地都可以照衝落去


睇另一邊全部都係雪, 根本行唔到, 左下個湖仲結左冰, 睇黎6月都唔係好適合行Gornergrat, 但我之前做功課睇人地遊記, 人地5月去又溶晒雪好靚咁, 唔知點解


個湖都幾過癮, 外圍溶左, 但中間仲結緊冰, 形成一個圈既水




今次Gornergrat行山其實無咩睇頭, 因為天氣差+未溶雪, 但既然決定左行就繼續行程
去瑞士前問朋友借左個gopro試玩, 掛左係膊頭嘗試拍低自己行山既過程

一直都係石仔路, 無景好睇


所有山既山峰都俾雲遮住, 屌你老母


唉我唔識講


望返轉頭, 上面就係我間酒店, 都係白色一片

又真係幾悶, 根本無咩好睇, 一直都係呢種彎彎曲曲既石仔路


最重要既Matterhorn, 差D連個底都睇唔到啦


山谷


zoom近D Matterhorn, 隱約見到係三角形, 好過睇唔到咁囉


估唔到第一次係瑞士行山就柒左
一路行一路行, KEEP住多雲大霧, 好撚悶呀


唯有乜都影下啦, 睇個山谷地形, 以前應該係河黎


可以係下面睇返冰河, 好似條化石龍骨咁


係D雲中間見到有藍天, 其實只係純粹多雲, 今日應該係有太陽


終於睇到成座酒店, 個座建築物就係3100 kulmhotel gornergrat


有鐵路就當然要影埋火車, 班次都好密, 想影相都唔駛等好耐


如果大家有留心睇既話, 我地起點就係最上面既火車站, 大大話話都行左唔少路, 遇到條友單拖行山, 仲要著到好似去MK行街咁


咁岩幫佢影左張好似廣告既相, 真係幾型
影完之後我覺得構圖都唔錯就想自己影返張, 結果係your face your fate, 自己影就好撚柒
btw佢咁既裝束都可以輕鬆行到呢條路線, 所以大家真係想行都唔需要擔心, 最緊要都係天氣

哩個高汁呀，果陣晚晚追

千幾張圖
淨係圖片模式都睇左我幾個字

山區天氣變幻莫測, 有時見佢好似開始散咁D霧


係好遠處又會有藍天


但最重要既Matterhorn都係睇唔到


見到對面山有吊車, 應該係FOR滑雪


除左雪山之外, 呢到既山谷都幾靚, 可惜唔好天


仲影左D扮晒野既相, 唔好意思我著中佬色風褸


越野單車係呢到真係好受歡迎, 行行下又有一組人衝左落黎, 完全唔怕炒車


左邊條路可以去rotenboden, 而直行只可以去riffelberg, 不過根本無得直行, 成條路都係雪
但唔緊要, 我地其實係比較想去rotenboden先


不知不覺間見到前面有個火車站, 但似乎唔係我地要到既rotenboden


原本路線應該係Gornergrat > Rotenboden > Riffelberg
但唔知點解我地skip左Rotenboden 直接黎到Riffelberg
不過都無所謂啦, 就算今日去到Rotenboden 都一定睇唔到Matterhorn倒影

由Gornergrat行到Riffelberg用左大約2個半鐘, 因為我地行得好撚慢同成日掛住睇風景影相, 正常應該一個鐘多D就行到落去, 全程落山零難度, 唔覺得辛苦
不過行左2個半鐘都仲係密雲, 乜柒都睇唔到, 我地都放棄啦


雲霧中既Matterhorn


唔止Matterhorn, 周圍既山都睇唔到山頂, 算鳩數

落山零難度, 但上山就應該幾辛苦, 因為D路唔太好行, 見到有個鬼佬一條友慢慢行上山, 真係辛苦晒


都幾厲害, 唔知係咪真係由山腳開始行上黎


後來佢同另一條友會合左, 坐低係到食野休息, 個下我先諗下我又未食lunch


見到有指示牌, 可以繼續行去下一個火車站, 不過我地決定落去Riffelberg搭火車返上去酒店算, 今日天氣差無咩風景好睇, 再行都無意思


雖然唔知點解會Miss左個Rotenboden, 但大家都唔想行了, 去到Riffelberg搭火車返去結束今日既行山之旅


係火車站前面見到傳說中既土撥鼠


好得意, 不過一行近D就走左


hea左陣就打算去買飛搭火車, 點知呢個站既office一個人都無


搵左好耐都真係唔見人, 最後發現左呢張紙
"If the station is closed You can buy the tickets in the train"
OK咁樣其實完全無問題, 我咪上火車先買飛囉, 但問題係無飛就過唔到火車站個部入閘機, 咁我點撚樣上火車買飛


最後好似做賊咁爬過個閘先入到月台搭火車


火車黎了, 其實上到火車都無人賣飛俾你


最後返到Gornergrat, 終於有staff係到, 同佢講返件事後幫我地補飛, 單程由Riffelberg去Gornergrat要10CHF (用左swiss pass), 終於返到上黎酒店, 結束瑞士第一次既行山

巴打 我黎支持你的

多謝支持

睇樓主個post都令我諗返上年7月玩左4日3夜，我淨係去左titlis，不過一上到去真係勁興奮係咁影相，就算7月中去都唔係日日好天

Engelberg一落車已經被山圍住，影完勁似apple d wallpaper
⼀⼃⼁⼂
不過我都係聽樓主你講先知登山cable car可以開窗 浪費哂啲靚景

不過樓主你miss左樣野，火車站行去登山纜車站風景勁靚，成個trip最中意呢張相

好天就正啦，我上到去灰到震
你d相好靚啊，不過再去瑞士我都未必會去多次

我唔係miss左呀，係因為落雨所以唔行啦

其實樓主你離開Grindelwald果日話好多人等火車.....果班車起碼有大半都係員工

返到酒店時仲有好多時間就周圍行下, 係酒店隔離有間教堂, 紀念登山遇難既人


同之前D教堂一樣自助式點燈


好細間, 無咩特別


之後再行下酒店既手信鋪就返房休息一陣
呢到都係一間5星既酒店, 設備都多D, 有好多野俾你沖黎飲


但最特別係竟然有味噌湯


拿拿臨沖左杯黎飲, 好好飲喎
尤其係山上面好凍, 飲杯熱既味噌湯好正


呢間酒店住一晚一人要200CHF, 但其實包左早餐同晚餐, 計返都唔係太貴
晚餐由6點開始, 既然無咩好做就早D落去食飯, 全日只係食左兩份三文治

可能太早, 餐廳得我地3個


安排左坐窗口位, 不過出面只係望到一片白色, 正常應該睇到冰河


晚餐MENU


簡單黎講就係有4道菜, 自助式頭盤, 湯, 主菜, 甜品
主菜係肉同素食2揀1, 當然就揀左肉啦

自助式頭盤有沙律, 菜, 凍肉之類, 都幾多選擇


有D grill vegetables 幾好食, 好似好易無食過菜


仲有不知名既凍肉拼盤, 乜都拎D啦, 好肚餓


再加D薯仔, 芝士, 蕃茄等等完成左我既自製沙律, 覺得自己砌得好撚靚
味道就正常咁啦, 無咩特別


hay soup...其實我都唔太知係乜黎, 但應該係瑞士D傳統野, 飲落有D似忌廉湯
(後記: 應該係雞+菜湯)


燒牛肉配香草牛油, 仲有幾粒唔知乜野, 呢碟就不過不失, 但我覺得係Grindelwald食個碟牛肉好食好多
香草牛油拯救左全碟野


甜品係Apple fritters with apple sorbet, 成餐算係最有賣相既一碟野, 個apple fritter只係一般, 不過sorbet好好食


野飲係唔包既, 要飲就要加錢, 叫左杯ICE TEA, 因為好想飲凍野


總括黎講成餐飯只係一般, 既然係佢包左就算, 如果要自己俾錢應該就唔值啦, 係到食野一定好撚貴

食完飯出去餐廳既露台望下, 夜晚既能見度更加令人絕望
屌你, 我本身因為想係高山影星+雪山+銀河先特登係到stay一晚, 點知睇唔撚到呀


返到酒店房, 由於唔甘心所以特登係窗口SET左部相機試下影Matterhorn
結果只係影到好壯觀既雲海, 如果層雲海無包住Matterhorn一定靚到仆街


係窗口等左好耐都等唔到Matterhorn出現, 決定set部相機自己影, 睇下影一晚會唔會有奇蹟出黎見到Matterhorn
最後成晚影左三百幾張, 唯一有成果既得2張, 雖然都唔係成座山峰睇到晒, 但已經好開心


係雲海中既Matterhorn其實幾有氣勢, 可惜無親眼見到


Day 8就係咁多, 行左一次乜都睇唔到既山, 同埋又影唔到星星+銀河
Day 8完

Day 9

呢日無咩特別, 好HEA, 應該好快寫完
諗住早D起身睇Matterhorn既日出, 4點幾5點時醒左望出個窗, 仲大霧過尋晚, 都係訓返算
結果訓到7點幾先起身, 都係睇唔到個Matterhorn
望出窗, 同尋日差唔多, 睇怕都係無希望


住呢間酒店最好既就係由窗口望出去已經影到Matterhorn, 所以我地都係咁樣set個腳架由部機自己影相, 但全晚除左之前貼左個兩張外都睇唔到Matterhorn


既然睇唔到, 就落去食個早餐先, 都係包左係酒店錢入面
一入到去佢要我坐返尋晚個位, 原來佢有劃左位
有張紙俾你揀想要炒蛋定奄列同埋要咩配料


自助早餐都係個D野, 無特別




有幾種不知名芝士, 試左覺得無咩特別


乜都拎D


我朋友拎左D睇落唔太好食同好似好乾既包, 我無試到


呢份就係頭先TICK既炒蛋同煙肉, 我肯定我屋企樓下茶餐廳好食過佢一百倍

食完早餐行出去周圍睇下, 呢座就係我住緊既酒店, 好似個堡壘咁


上左圖中上面3131米高既Aussichtsplattform到, 其實即係一個展望台


回望返酒店, 其實正前方應該睇到Matterhorn, 但仲大霧過未食早餐之前, 總之乜都睇唔到


原本應該睇到呢堆野架


全瑞士最高既山Monte Rosa, 隱約見到少少啦


高納冰河Gorner Glacier, 仲衰過尋日

朝早8, 9點已經有旅行團上左黎, 展望台都幾多人


屌你仲有印度佬拉左成隊人上黎拍MV, 好大陣仗


佢企係懸崖邊跳舞, 幾撚有霸氣, 我地學都學唔到




因為實在太型, 幫佢整左個gif


後來發現其實可能係一隊組合, 又或者頭先條友係排舞, 睇睇下多左條友一齊跳


係條褲扣巨型扣針真係帶領潮流
文件夾帽都要收皮先




原來仲有第三個, idiot 3


真係好撚型


老老實實, 隻歌其實唔錯

出發之前好想睇雲海, 因為未見過, 而家就真係有雲海, 不過遮埋座山
但後面又好似出緊藍天, 唔知佢想點


Matterhorn, 唯有安慰自己話而家好有神秘感


過多陣成個AREA都係雲海啦


我朋友特登係香港買左三角朱古力黎話要同Matterhorn合照, 但真既Matterhorn就睇唔到, 睇住三角朱古力先啦


本來今日plan左去matterhorn glacier paradise, 但睇完live cam後覺得都係無希望, 與其晒氣上去搏一搏, 不如留係gornergrat睇下會唔會有奇蹟出現仲好, 返房執好行李, check out後暫時寄放行李係酒店先, 再留左係gornergrat到一陣

瑞士D山區就係咁, 有時會俾D希望你, 係另一邊有藍天, 而且D雲開始散緊




不過Matterhorn個邊始終都係好多雲, 我地留多左1, 2個鐘, 情況都係差唔多


反而冰河個邊清左少少




由溶左既冰而形成既"湖"


我諗夏天時可能真係變左一個湖???

最後我地都係等唔到Matterhorn, 要搭火車返落去Zermatt
係中途我地係尋日miss左既Rotenboden落左車再搏下睇唔睇到Matterhorn
去到Rotenboden時好多人, 大家都係為左個湖同倒影而黎, 不過天氣都係唔理想


就係呢個湖, 傳說中可以睇到Matterhorn既完美倒影, 不過今日唔好話倒影, 本身個Matterhorn都睇唔到


其實個湖同火車站都有一段距離, 但我見無可能睇到倒影就無行落去了, 因為雪地始終有D難行, 朋友A就行左落去, 唔知有無影到D咩可以分享下


如果真係要我比較, 其實呢到靚過少女峰好多, 就算而家唔好天都好, 我都FEEL到呢到既景色比少女峰更壯觀


好靚既雪山, 間唔中都有D陽光俾少少希望你, 但就只係呢種程度, 好天既話應該超靚


估計對面個雪山其實都有行山徑, 但可能有D難度


天氣既野真係無辦法, 唯有當做遺憾, 俾個藉口再黎多次啦


發揮下想像力, 藍天白雲時到底會有幾靚


Rotenboden呢邊都幾多人黎睇Matterhorn, 好多人特登爬上旁邊個山丘等Matterhorn


不過始終等唔到, 呢張相係最後希望, 可以睇到右手邊其實散晒D雲, 大家都期待佢吹向左邊


現實當然唔會有奇蹟啦, 過幾分鐘後又再俾雲包住左成個Matterhorn, 放棄啦搭車落Zermatt算