[遊記][多圖]我在瑞士的14日

好正, 條河勁靚, 又真係藍色




唔知點解呢到無咩遊客, 除左我地之外只係仲有一個鬼佬家庭係到
完全唔駛迫, 唔駛爭位影相
個鬼佬似乎都係D龍友, 佢有佢影, 佢D仔女周圍自己玩


係咁食野, 完全唔睇風景


不過坦白講, 靚就係幾靚, 但影幾張之後, 其實張張相都差唔多, 佢就係得呢幾個VIEW
最後貼多幾張相, TOTAL係到玩左大半個鐘到






古堡就係咁多, 其實同個古堡根本無關係, 我當展望台用就真

全個沙夫豪森舊城區


走個時開始天陰多雲, 瑞士D天氣話變就變, byebye古堡


經過騎士之家返去火車站




行十分鐘左右就到, 左手邊就係火車站, 之後搭大約45分鐘車就返到Zurich啦

以下呢篇係窮撚去瑞士一定要識既野, 就係兩大超市Coop同Migros, 真係差唔多每日都要幫襯佢地

搭車返到去Zurich, 由於第一日晚餐食左幾舊水太震撼(雖然幾好食), 日日咁落去一定收皮, 所以今晚要靠coop食飯
其實第一日時都想去架啦, 但星期日無開門, 今日星期一終於有開, 落火車後立即仆去買晚餐
火車站附近個間coop真係好撚大, 乜都有得賣, 我地今次最主要就係買佢既熟食, 自己煮會更平, 但住hotel無得煮
coop最抵買就係燒雞, 半隻燒雞都係賣6.3 CHF, 大大份抵食又好食


好撚正, 可能係成個熟食counter最賣得既食物, 好快賣晒
平得黎佢仲好好食, 窮撚必買


買多盒相對上貴D既通心粉沙律, 要3.x CHF, 但份量都好多, 加埋燒雞就好飽


仲有支好大碌既果汁, 個樣伏伏地, 但飲落就正正常常, 1.2 CHF


最後用12CHF搞掂左今晚既晚餐

食完飯打算出去睇日落(8點幾 )
睇日落都係去返山丘公園, 不過就麻麻地, 可能太厚雲, 都無咩睇到

又上黎等日落, 2日加埋已經上左N次


無咩料到, 但D雲幾靚


唔係特登TUNE, 佢真係咁


不過好快就落完

貼埋Day 2最後少少

因為個日落無咩料到, 決定一個人周圍行下同影相
其實都係河邊到行下咁, 無特別




差唔多10點了


大教堂, 河邊好多人吹水飲酒
後來遇到幾個黎Zurich exchange既香港學生, 吹左一陣水, 佢地請我飲左支酒


行多陣就經過火車站返酒店了, 第二朝會離開Zurich去Luzern


Day2完

今日會盡量貼埋第三日, 如果唔係要貼14日

fast food 1001 附近有間叫 spaghetti factory
佢個carbonara係超級好食
成世人食過最好食

以前寫遊記時都有巴打講過
不過我地係食野方面無做過功課所以MISS左, 希望以後有機會再試到

我都記得有睇過, 原來係巴打你
得閒去follow你ig

Hi

你仲係瑞士讀緊書呀?

我係舊登見果個post



瑞士真係好撚靚
人 景 建築三樣都係
希望可以春夏秋季都去一次

多謝你睇過都入嚟再睇
你就好啦睇到matterhorn, 我3日都睇唔到
超級遺憾，一定要去多次

係啊
清到仆街
週圍一粒雲都冇
一路坐纜車上去一路影靚相
仲開心過打丁

我就灰到震, 打J都無力

Day3

今日終於要離開Zurich, 7點鐘起身, 望出去又係好天


執埋D野就落去食早餐, 都係個D野啦, 食飽D可能可以慳埋LUNCH


搭8點鐘車去Luzern


差唔多一個鐘就到左Luzern火車站, 呢到仲多人過Zurich


到左Luzern, 當然係去放低行李先
Luzern既住宿算係成個trip搵得最辛苦既一個地方, 因為無咩選擇
近火車站既貴到仆街, 有間平D既youth hostel就超級遠, 同埋所謂平D都要3X CHF一個人
最後俾我搵到呢間叫BACKPACKERS LUCERNE, 由火車站行過去15~20分鐘到
佢係一間hostel黎, 但咁岩有3人房所以唔駛同人share, 廁所同浴室就係share用
3人房一人一晚37CHF, 算係合理啦, 我地會係到stay 2晚

睇google map就好簡單, 沿湖邊一直線行就到
實際上拖住行李都唔係好易行, 行左勁耐身水身汗咁終於到啦
同火車站真係有段距離, 但無辦法啦為左平D




住呢到要留意返, 佢唔係24小時都有人係COUNTER, 所以要自己預返時間CHECK IN CHECK OUT
咁我地太早到左未有得CHECK IN住, 不過可以放低行李先
放好後去埋個廁所就出發, 呢到D廁所唔俾企係到痾

擺好行李就出發啦, 今日既行程得一個, 就係全日都係Luzern行
呢座野就係我地住既backpackers, 其實環境幾好


附近都係D住宅區, 幾清靜舒服, 唯一缺點真係遠左D, 不過唔駛拖住行李時當散步都唔錯


呢到其實就正正係Lake Luzern琉森湖既湖邊, 個湖好靚, 太陽之下閃閃發光


D湖水都好清, 好多人玩水上活動


都有人直接係湖邊游水, 但掂過D水, 其實凍撚到仆街


係好遠處見到期待已久既雪山山脈


對面就係Luzern市區
藍天白雲真係好正, 個天氣預告話下午2點會有rain storm, 點睇都唔似掛

呢到出名既仲有天鵝, 真係好多隻, 佢地聽到聲就會埋黎問你拎野食


佢地條頸原來可以咁樣扭黎扭去


仲有鴨添, 但原來鴨係食草架?


外國人真係特別鍾意戶外活動, 之前係間HOSTEL到見到呢班人拎住一袋二袋咁出去, 原來特登行出沙灘玩野餐


隔離仲有個綠油油既公園, 好多人係到HEA
BTW班友其實唔駛返工架咩, 咁多人係到HEA同玩


可以同D天鵝玩, 不過佢地好撚惡, 無野食就會啄你


由於今日既行程只係全日留係Luzern, 所以唔駛趕時間同可以周圍HEA
瑞士D山脈好靚, 我知大家都想睇山區多D, 過埋Day3開始就係山區架啦


另外答返頭先有人話個沙灘一定好多屎, 自己參透下


呢個話題我覺得都講到厭, 到底瑞士有無一個鎮係無天秤架呢?

一家大細朝早就黎玩水
雖然其實都幾污糟


第一次見咬住奶嘴係沙灘玩


勁得意, 好多表情
好qq

原來係連登自己推POST係唔會推到上去架

d天鵝個樣雖然好似幾得意咁, 但其實好惡, 最好都係唔好餵佢地


呢個阿叔餵左一次之後, 隻天鵝追住佢黎拎野食
個阿叔唔SHOW佢, 隻天鵝啄鳩個阿叔


呢個公園仲有好多神秘既藝術品, 例如呢個69雕像.........


有個有肚腩既裸女雕像....開頭睇都覺得好似無咩野...


望真D...屌你老母隻眼同嘴係用MARKER畫上去

沿住湖邊行出火車站已經玩左成粒鐘, 係咁影相






好多遊艇, 似乎Luzern係有錢佬渡假區


右手邊有兩座塔既教堂係今日其中一個行程, 之後會去


Luzern呢邊D建築物都幾靚




真係好多遊艇, 但老老實實呢到都只係個湖, 唔知有咩玩, 又唔係出海




聽到有聲就會狗衝過黎既天鵝

外國D細路特別得意


睇返D相, 呢個細路好似尋日都係沙夫豪森見到, 唔知係咪同一人


好多人係湖邊傾計同HEA, 又真係幾舒服






勁得意, 會望鏡頭

見到呢座野就表示差唔多到火車站, 呢座係類似文化中心咁既野
當時好似做緊D車展, 超多人


沿途都有好多碼頭


基本上有湖既地方就有得俾你搭船遊湖, 但我地就無


係岸上面餵就無仇報


終於返到黎火車站啦


車站正門前面有個好靚既拱門(應該係咁叫?), 不過有紅綠燈


有wide鏡既話都勉勉強強影到既




係火車站隔離有座好靚既郵局, 本來話想遲D入去睇下+寄POST CARD, 點知無左回事

Luzern既景點同Zurich一樣都係好集中同埋好近, 通常行路就可以去得晒
趕時間OR真係唔想行既話可以搭巴士, 有siwss pass一樣係任搭

通常講起Luzern就會諗到兩大景點 - 木橋同埋獅子
係郵局對面就係最重要係點景卡佩爾橋Chapel Bridge啦 (個譯名我係抄瑞士旅發局既)
建議大家朝早去參觀, 因為呢個角度朝早先係順光
咁岩有舊好靚既雲, 成個景勁靚, 好想印出黎做POSTCARD


呢條木橋係歐洲現存最古老既木橋(不過翻新左幾次), 好似係13XX年已經起好左, 連接Luzern新城同舊城區, 不過曾經大火燒過一次, 而家呢條已經係再起返, 唔係當年個條
除左木橋之外呢到仲出名有天鵝同燕子


左手邊八角形座野叫水塔, 用黎當storage room同防衛作用, 有D資料話都有做過拷問室之類, 唔知邊樣真啦
右手邊好高好突出個座係市政廳既鐘樓


條河既河水都好清, 聽講天鵝只係會住係水質清晰既地方(好似係)


今時今日當然唔係靠條木橋連接兩岸啦, 附近一早起左D現代化既石屎橋, 木橋只係景點

原來我朋友拎左隻紙箱人過黎瑞士, 見佢拎左出黎又影下


掛住係咁影條橋, 遲遲都未行上去, 我地成個TRIP好多時就係咁樣用晒D時間




影到個舊好靚既雲都吹散左


終於上橋, 其實就真係無咩特別, 純粹感受下歐洲最古老既木橋係點


基本上大家對條橋本身都興趣不大, 上到黎睇附近既風景多過睇條橋


其實條橋上面有好多呢D畫, 上面全部都係關於瑞士同Luzern既歷史, 都有過百年歷史架,
之前大火時燒左好多, 而家剩返既好似得幾張係真跡, 其他都係翻新修復返
不過9成人都無留意佢地


其實我地一樣都係睇唔明, 望下就算

係橋到望返出去, 左邊係新城區, 右邊係舊城區
山上面有間好似迪士尼城堡既野, 後來GOOGLE過好似係酒店黎, 唔知住係上面要幾錢




舊城區既河邊基本上全部都係酒店, 餐廳之類
個時搵住宿時睇過係好鬼貴, 真心住唔起




望返火車站同郵局, 雖然都係藍天, 但開始多雲




過左舊城區望返轉頭, 嘩屌好多舊黑雲, 唔通真係好似天氣預告咁講2點會落大雨?
明明成個朝早仲好好天好猛太陽架


但另一邊又無, 唔知咩料

多謝你先, 既然你去過既話你就知個景靚點影都咁靚
開頭幾日係CITY係悶D, 因為同其他歐洲城市無咩大分別, 瑞士重點真係大自然, 之後幾日入山區真係超靚, 大把靚相係後面

超市買movenpick真係超抵, 如果我係到住一個月應該肥到仆街

Matterhorn睇唔到呀!!! 我仲特登用千幾蚊係山上面住一晚打算影銀河, 點知全晚都係雲

Mont Blanc係南針峰影過去架, 呢個SHOT得幾十秒, 好快又俾雲遮住晒, 遲D寫到你就明

唔係呀 剩係Luzern你可以影到咁已經証明係你影相靚
個拱門係舊hbf入口 以前大火燒剩嗰到

[quote]
多謝你先, 既然你去過既話你就知個景靚點影都咁靚
開頭幾日係CITY係悶D, 因為同其他歐洲城市無咩大分別, 瑞士重點真係大自然, 之後幾日入山區真係超靚, 大把靚相係後面

超市買movenpick真係超抵, 如果我係到住一個月應該肥到仆街

Matterhorn睇唔到呀!!! 我仲特登用千幾蚊係山上面住一晚打算影銀河, 點知全晚都係雲

Mont Blanc係南針峰影過去架, 呢個SHOT得幾十秒, 好快又俾雲遮住晒, 遲D寫到你就明

唔係呀 剩係Luzern你可以影到咁已經証明係你影相靚
個拱門係舊hbf入口 以前大火燒剩嗰到

Château Gütsch曾經係queen victoria行宮之類黎
而家老細係俄佬 最平既房其實4~5xxCHF已經有一晚

同埋如果你搭車買day ticket係包埋上去酒店上面嗰架lift
(係呀搭lift係計搭一程交通工具 )

呢d都係我嗰時個host話我知

chateau gutsch隔離個觀景位隨時上得去架
我今朝同琴晚都有去

過到舊城區, 湖邊有D市集咁既野賣下芝士, 菜, 生果
睇落又唔係平過超市, 可能新鮮D掛, 都幾多人買


又見到DAY1個間雪糕店, 食左個咖啡味, 都唔錯


呢邊D建築物幾靚, 唔知點解諗起Budapest, 可能歐洲D城區都係差唔多




好大舊黑雲黎緊, 但明明仲係好猛太陽, 左手邊仲有藍天


舊城區既外圍一D都唔舊, 好現代化好新淨


我叫我朋友幫手拎一拎部相機, 轉頭就多左呢張相
有D似拍MODEL咁

搵到有間食中餐既, 貴到仆街, 春卷要7.5CHF, 腰果蝦仁30CHF
但宮保雞丁28CHF既時候, 雞肉炒飯都收你24CHF, 唔知咩準則, 總之好撚貴


下個景點就係最前面呢座教堂, 一條直路就到, 不過呢到好繁忙好多車


離遠睇已經見到好大座好似好勁


瑞士好多鐘錶鋪, 但聽講係瑞士買其實唔抵, 我諗佢都係做國強生意多


個錶面真係好靚好靚


行去教堂時望到遠處既雪山山脈, 超期待上雪山
年頭去左次藏王, 但天氣差到乜柒都睇唔到, 我都唔當自己上過雪山, 希望今次係瑞士可以好天


經過間唔知HOTEL定乜野娛樂場所, 好似好高級, 因為佢請左個我覺得好出名應該好難請到既歌手開SHOW, 不過最重要既係我而家唔記得左佢請左邊個


行到教堂前回望返後面, 開始密雲啦


係教堂前有幾間好有鄉村FEEL既小屋, 左手邊間餐廳似乎係好出名


ANYWAY終於到左教堂啦

呢座教堂叫霍夫教堂(Hofkirche St. Leodegar), 算係Luzern既地標之一, 因為有兩座好高既尖塔
佢地已經有4百幾年歷史, 正門好靚


瑞士D教堂普遍都KEEP得好靚, 就咁睇唔似有幾百年歷史




坦白講宗教歷史呢D野其實我唔係好識, 每次去教堂我都係當睇藝術品
有D彩色雕像, 一直覺得以前D人好有心機, 唔知要搞幾耐先雕到呢D雕像出黎


入口兩旁有6個好靚既雕像, 不過唔好意思我唔知佢地代表D咩




入去參觀啦, 門口個道木門超靚


D木雕勁靚, 唔知真係KEEP得好定已經翻新過好多次


入面其實唔大, 就係咁一眼睇晒, 呢間教堂就咁用自然光都幾足夠


同大部份教堂一樣, 中間有座祭壇


不過封左唔俾行埋去