[遊記][多圖]我在瑞士的14日

其實個下我唔知俾咩反應好...靜左幾秒之後我問佢有D乜係背囊
佢話有
1. 羽絨內膽
2. 相機後備電
3. bnb條鎖匙
無啦就係得咁多野, 屌你除左第3之外其他都係D唔見左可以由佢既野
不過最好緊係搵得返啦, 我唯有叫佢立即返去睇下有無D類似lost and found咁既野, 但比較尷尬我地係呢到收唔到network, 而朋友A又行開左, 我只好叫佢自己去搵, 我到時會合返朋友A再搵佢, 就係咁我目送佢先一步離開


得返我一條友係到, 反正都無野好做, 我決定繼續影相


有個好大好大既窿, 跌落去應該收皮


一條友慢慢行返去入口, 行到2046

除左影雪山之外, 都影左D人

都有人坐低靜靜地欣賞大自然


見到有班鬼仔鬼妹砌左個雪人


鬼妹係大方D, 三唔識七都任你影





佢地玩得勁開心, 不過我個下內心其實好亂


最後影多一兩張相就返入室內等佢兩個

少女峰








就係咁, 我一條友返左入室內等, 同時因為我無太陽眼鏡搞到有D雪盲症, 一入到室內睇野變晒紫色, 要一段時間先好返

我覺得matterhorn都好正，個景真係太標誌性
加埋個湖倒影

前年舊年去左，
想今年再去，睇黎無咩機會，plan下年春天去，
Mont Blanc, Geneve, St Gallen, Elbernalp

Geneve好悶, 好撚悶, 成個TRIP最悶既地方
悶撚過Zurich, 除左轉車搭飛機外留係到真係浪費時間
其他個D好想去, Mont Blanc我都去左

我覺得matterhorn都好正，個景真係太標誌性
加埋個湖倒影

matterhorn係正過少女峰, 但少女峰都唔係其他人講到咁廢

因為收唔到network, 我聯絡唔到佢兩個
等左一陣朋友A就返左黎, 同佢交代返件事後佢就去左搵我朋友B, 而我廢事走散就企係原地繼續等
最後搞左好耐先會合返, 朋友B話山上面呢到無lost and found, 叫我地返落去kleine scheidegg先再問
佢話登記左D資料, 而家無任何野好做, 既然係咁就食個飯先, 所謂食飯其實係去買左個包, 呢到最多人食係辛辣麵, 不過好貴, 不了

買左個火腿包, 都要7.5CHF, 算係咁啦


雖然無左個背囊, 但入面都唔係D乜貴重野, 所以尚算OK, 只係我朋友好失落
食完包冷靜一陣後就決定繼續行程, 反正企係到都唔會做到D乜
下個行程係上少女峰最出名既sphinx觀景台, 係成個少女峰最多人既景點
等左幾班lift先搭到, 好快就到左我地去到既最高點啦, 有3千5米咁高, 一出去就見到個塊Top of Europe板俾你打卡, 但多人到仆街, 決定放棄唔影了, 行出去觀景台睇

終於俾我睇清楚條冰河啦, 呢到好好有個MAP講解返俾你知你睇緊D乜


Aletch Glacier, 非常非常之靚
而且今日好天加上未溶雪, 睇到一條雪白色既冰河


以前睇過好多次人地D相, 今日終於到自己親身上到黎睇啦


貼埋觀景台D相

我覺得上到觀景台睇少女峰反而無咁靚


近距離睇, 都OK啦, 話晒第一次睇4千米既山峰


唔知你地見唔見到右下角有D人係到, 個係係plateau, 一陣都會再去


另外呢舊積滿雪既係僧侶峰Monch, 有4107米

你朋友自己去左嗰間山屋係base camp黎,
最容易上Monch同Jungfrau既路都係到出發

btw想問巴打用咩網up圖, 我又想寫遊記

你朋友自己去左嗰間山屋係base camp黎,
最容易上Monch同Jungfrau既路都係到出發

btw想問巴打用咩網up圖, 我又想寫遊記

我連base camp都行唔到去, 廢到仆街

up圖我用imag.cx, 以前高登巴打整既, 主打唔會壓圖
不過同nacx一樣好驚佢突然又死

影左好多相, 貼埋佢
雖然呢到係萬年積雪, 但夏天時好似都會溶咁D, 而家6月去睇都唔錯


冰河真係幾正


所以影左好多張


當然仲有最重要既少女峰, 不過上到黎後我都係覺得冰河正D


觀景台另一邊可以望返落去之前搭車既車站


瑞士D山真係好靚




見到有D應該係路既野係山到, 唔知係咪真係可以登山

無人睇, 唯有默默貼埋佢

係觀景台睇返今朝我地行既路, 其實都行左好多


d人細到蟻咁, 之前大概就係行到最遠條路消失個到


觀景台好多人, 最後影多幾張冰河就走啦








現場睇都幾壯觀, 算係值回票價啦

落返觀景台後就去參觀D室內設施, 去左個叫Alpine Sensation既新景點, 係之前為左紀念100週年而建
入口有D唔知做乜既雕像
例如睇錶既牛


同埋疑似受驚既鹿


但最多人睇都係呢個超大水晶球, 入面D火車, 纜車之類真係會郁, 早知拍片啦


之後佢會用隧道運輸帶形式帶你睇少女峰既歷史, 例如點樣開闢條鐵路等等, 呢PART掛住睇無影到相
最後會去到呢間房, 個雕像應該係當年提出興建少女峰鐵路既人, 今日上到黎都係靠佢(好似係)


睇完Alpine Sensation後就去左少女峰既冰宮Ice Palace
呢到規模比Titlis大好多, 但其實都係得個大字, 內容唔係特別有趣
係入面有好多冰雕, 不過我覺得就普普通通
鷹捕魚. 睇左幾次都覺得個條好似鯉魚王


我諗係狼掛...?


有熊, 都幾得意


回家中既企鵝


仲有冰水晶, 真係無咩特別


我諗大家都係為左呢塊Top of Europe既冰牌黎打卡影相多


佢仲有另一個位俾你行入去影相
但係到又想講下, 大家係後面排隊影相, 班印度人唔撚理你, 你影緊相佢都可以就咁企係你前面擺pose影相自拍, 全場人都屌佢地, 但佢地當無事發生咁, 好撚憎印度人

去完冰宮就去最後一個地方plateau, 即係呢張相右下好多黑色點(其實係人黎)既地方


呢到都有3千4米高, 暫時係我踏足過最高既雪地
門口D雪俾人踩到結晒冰好撚危險, 差少少就打破左未係雪地仆街既紀錄


係Plateau可以更加近距離睇少女峰, 但開始有D背光


比觀景台更加接近冰河


可以睇清楚成條冰河都係純白色




冰河係由少女峰伸延出黎, 所以呢到應該係源頭(係咪咁叫?)


好壯觀既冰雪


呢座建築物就係火車站, 真係唔知當年D人點樣起出黎


係呢到仲有國旗俾你影相, 唔駛問班印度人都係打尖唔撚排隊, 真係好撚仆街
係排緊隊幫我朋友影相時用人地條女試位先

先留名

少女峰最後一個POST啦
黎到呢到基本上就完晒成個少女峰之旅, 返入室內行埋朱古力鋪同埋手信鋪
少女峰有間Lindt專門店


有D介紹講下Lindt由來之類啦


我地仲以為開係少女峰一定勁貴, 但又唔係, 同平時睇差唔多, 佢呢到有D自稱係少女峰限定既朱古力, 雖然睇唔出有咩分別, 但都買左少少返去


另外買左postcard, 因為係少女峰寄會有特別郵chop
但唔好寄錯, 因為呢到有個係專寄日本既郵筒


寄香港要用返普通黃色呢D, 雖然我諗你放錯都無事掛, 年中一定有N個人寄錯
BTW我話寄返香港, 個STAFF話要1.9CHF, 最後寄到返黎佢話我唔夠郵費


少女峰就係咁多啦

少女峰第一次上到去個感覺真係嘩一聲，
咁貴既登山列車飛絕對值，
不過去一次就夠，
第二次去行First, Murren, Wengen仲好

收工前最後一POST

寄完POSTCARD就搭車返落去Kleine Scheidegg
我朋友又好彩, 佢張ticket唔係放背囊, 如果唔係買多張回程都唔知要幾錢
返到Kleine Scheidegg後立即去火車站個office問下, 我地話唔見左個camera backpack, 佢問我地咩色, 我地話係紅黑色, 條友聽完後就入左去, 我地仲以為搵得返, 點知佢拎左部紅黑色既相機出黎

屌你相機都無人執, 背囊咁大個反而搵唔到唔係掛, 總之佢話今日未發現到, 留低左個電話叫我地聽日再打上黎
咁無辦法啦唯有聽日再算, 本來諗住係Kleine Scheidegg行山最後都無行

因為唔見左bnb條鎖匙所以返到去要同個host解釋返, 個host真係超級好人, 佢仲緊張過我地, 立即幫我地打電話去了解返件事, 最後結論都係未搵到, 個host反而安慰返我地叫我地唔駛太擔心, 因為呢到無人偷野

我開頭都覺得瑞士應該無人偷野, 但諗諗下個到全部都係遊客, 仲有印度呢D仆街又真係好難講, anyway個host話聽朝會再幫我地打去問, 不過鎖匙得返一條唔可以再俾我地, 所以我地無得鎖門now

搞完一輪雖然搵唔返個背囊, 但飯都要食既, 因為鎖唔到房門所以都唔行太遠, 決定食返尋日個間
今次我揀左食個咩fitness plate, 要個beef steak

好肚餓, 成個下午就係食左個火腿包, 好快又清晒佢D麵包


佢個香草牛油真係世界級好食


fitness plate既beef steak, 唔知邊忽fit啦, 勁大份沙律同生果, 又有好多薯仔, 塊beef steak大份到食唔晒要分左D俾其他人


飲左杯啤酒, 唔識分好唔好啦, 都係咁


之後我朋友成晚都KEEP住好DOWN, 我都唔知點安慰佢, 我諗個背囊放係火車行李架正常應該無人搞佢掛, 可能係火車來來回回少女峰N次
總之少女峰之旅就完左啦, Day6完

少女峰第一次上到去個感覺真係嘩一聲，
咁貴既登山列車飛絕對值，
不過去一次就夠，
第二次去行First, Murren, Wengen仲好

係，好好彩好天，上一次就夠
下次再去就係行山

Day 7

終於黎到day7, 成個旅程到左一半啦
之前都提過話只有上少女峰個日係好天, 其他日子預測都係落雨, 朝早一起身行出露台就見到落緊雨好大霧
本身計劃係去first行山, 係其中一個好期待既行程, 睇怕都係收皮


由於今日唔駛趕行程, 所以都幾HEA, 起身上去食早餐時個host同我地講一大早就幫我地打左電話去, 搵得返個背囊!!!! 個下真係超開心, 竟然真係搵得返
佢話個背囊係Kleine Scheidegg, 我地問係咪要搭車上去拎返, 個HOST話緊係唔駛啦, 叫左佢地送落去Grund
聽完真係超開心, 因為慳返好多車錢

搵得返個背囊就可以開開心心食早餐
個隻彩色蛋個host話係超市就買到, 睇落好似復活蛋


食完早餐後問下個host落雨去邊好, 佢提議可以去瀑布鎮Lauterbrunnen, 因為落雨應該比較壯觀, 同埋唔好天都唔太影響, 仲好好人咁俾左D小冊子我地
咁我地就決定朝早去左Lauterbrunnen先, 下午睇下會唔會有轉機可以上first啦
因為諗住拎埋個背囊先出發, 所以去coop補給下先, 中途見到個公仔好想分享下, 有1/3個人咁高


買完野返去時係房門口俾個host叫住左, 原來佢揸車去Grund火車站幫我地拎返個背囊
真係超級好人, 係我遇到最好既一個host
真心推介呢間bnb俾想去Grindelwald既人, 有靚景, host又好人, 仲要唔貴
就係呢個背囊啦, 上面個塊失物牌我朋友當紀念品收好左

瑞士可能係全世界最靚既國家

拎返個背囊後就準備出發啦, 去瀑布鎮要搭返去Interlaken既火車, 係中途再轉第二架


又落雨又大霧, 睇怕都係行唔到山


好似巴士咁, 呢到D火車要噤鐘先停車開門, 記得唔好miss左


係呢個完全唔識讀既站轉車, zweilutschinen點撚樣讀




順利到左Lauterbrunnen, 要去睇瀑布就要再轉巴士, 一出火車站就見到巴士站啦
今次要搭呢架141號巴士, 目的地係Trummelbachfalle
屌你D地名愈黎愈長, 完全讀唔到, 但我估計咁長既話應該係2, 3個詞合拼而成多


呢到D交通係Swiss Pass全包, 買swiss pass最好就係呢樣, 臨時改行程都無問題

好快就去左瀑布, 呢到都有唔少遊客
參觀前講解下呢個瀑布有咩咁特別先, 呢個瀑布D水係由少女峰, 僧侶峰等等冰河溶左既水流落黎而成, 所以係一條冰河瀑布, 而且佢係隱藏係山同岩石之間, 所以比較特別, 係咪講完都唔明呢, 一陣入去睇下就知


首先要買飛入去先, swiss pass無折要俾全費, 一人11CHF, 佢個入口整到好似監獄咁




之後會見到有指示牌, 呢個瀑布有10個唔同check point, 而佢整左部lift可以由地面搭到去6同7中間
我地就決定搭lift上去, 首先上到最頂既10, 再行路落返黎參觀

個部lift無影相, 但要我形容既話就係the house of the dead 4 有一關搭lift打boss個種
出lift後慢慢沿山路行, 會入到一個山峽咁既地方


係個到就可以睇到由山洞中間流出黎既瀑布
影相真係好難表達到, 個瀑布流水量其實好高同埋好澎湃, 但影落好似坑渠




沿路繼續行去check point 8~10, 開始進入山洞入面, 幾有feel


瀑布就係山入面流出去


呢到D岩石俾瀑布長年沖刷出好多唔同形狀, 欣賞瀑布之餘我覺得呢到D岩石都好好睇, 不容錯過


繼續向上行, 好似探險咁

冰河水就係山同岩石流出形成瀑布, 不過真係好難影出黎, 應該要拍片先岩


但唔計瀑布, 山洞同岩石反而更加吸引


有D似人地國家公園咁




呢D水就係由尋日睇過, 3千幾米高個D冰河流落黎架啦


好快就行到去point 10, 亦即係呢到既俾你參觀既最高點, 都係個句, 親身去到先可以體驗到水流個種澎湃既感覺, 睇相真係好似坑渠水


由呢到開始流落去


當然仲有好靚既岩石


個瀑布大概就係咁多
上到頂後就由point 10開始行返落地面


出到外面又見到遠處有藍天, D天氣真係一時一樣估佢唔到


呢到叫得瀑布鎮, 真係周圍都可以見到各種大大小小既瀑布, 當然比較出名就係而家參觀既呢個啦

行返落去時D景色都幾好睇, 遠處個到就係瀑布鎮Lauterbrunnen


中間偏左少少個座山到有條大瀑布, 個條叫Staubbachfall, 係瀑布鎮另一條較出名既瀑布
個到係可以行上山近距離睇, 不過今次我地就無去到啦




落山D景色都好靚, 所以最好都係行落山, 唔好搭lift




最後去返point 1~3睇, 可以睇到由山頂流出黎既冰河水




瀑布就係咁多, 唔係影左好多相, 不過我覺得都值得黎參觀, 大家去到Grindelwald時都可以抽D時間過黎睇下,尤其係唔好天既時候可以當做後備景點
落到山後又變返好天


不過都只係好天左一陣, 好快又變返密雲, 用左大約2小時參觀瀑布, 之後就搭返巴士返去Lauterbrunnen 了

加速貼埋Day7

返到Lauterbrunnen後要決定去First定第二到, 係瑞士好多景點都有Live cam, 我地上左First個官網睇下而家上面係咩環境先, 最後見到超大霧白蒙蒙一片, 所以放棄左上First行山

呢個時候係Lauterbrunnen見到有架纜車去Murren, 而且Swiss Pass係全包唔駛錢! 雖然唔知Murren係乜地方但心諗不如去行下, 結果略略google左一下Murren後就搭左纜車上去, 好大原因係唔駛錢

去Murren首先要係Lauterbrunnen搭纜車上山, 再轉火車, 呢兩程Swiss Pass都包晒


纜車慢慢上山, 可以睇到Lauterbrunnen個鎮, 中間位置就係著名既Staubbachfall


上到山後要轉搭呢架BLM列車去Murren, 一落纜車就會見到


因為係臨時加插既行程, 所以大家都唔知會有咩睇
雖然天氣唔好, 但呢程火車既風景一樣咁靚, 好天時應該靚到痴線
對面山有個唔知乜野鎮, 似乎都好靚


一路上都係D山區風景






好撚靚, 瑞士D山區真係屈機, 唔好天一樣咁靚

成程火車掛住影相


呢個山丘超靚, 後面俾雲遮住左既雪山, 應該就係Eiger(好似係)


好快就到左Murren了, 呢到都有千六米高


一出車站睇下, 嘩屌個VIEW原來好正, 如果好天就好啦


由於大家都唔知Murren有D乜, 所以決定周圍行下就算, 反正天氣都唔好
Murren 車站, 無乜人, 可能因為天氣唔好


粗略睇左地圖後打算行一個圈就算, 因為睇落Murren唔大, 首先由呢條斜路開始出發


行到一半望返轉頭, 嘩屌你老母, 原來成個鎮開始俾霧包圍緊, 今次真係Silent Hill


唔夠5分鐘已經變左咁


乜柒都睇唔到, 仲開始落雨, 其實我都唔知係落雨定我地走入左霧裡面


好天時個view應該係咁 (網上圖片)


到最後連前面30米都睇唔到