[遊記][多圖]我在瑞士的14日

等D霧散左少少後又繼續出發, 好快就睇到Murren其中一條好出名既登山纜車路軌


呢條纜車路都幾過癮, 最斜有差唔多60度, 來回Murren同Allmendhubel
上到Allmendhubel後可以睇到少女峰, 僧侶峰同Eiger呢三大山峰, 當然今日呢D咁柒既天氣係唔會睇到, 纜車站個Live cam係完全白色一片, 連staff都唔見有人, 唔知係咪根本close埋


搵左D網上圖片, Allmendhubel上面大概就係咁樣, 可以睇到少女峰既西壁, 當然仲有好多健行路線, 好想去行


架纜車是咁的, 好撚斜


Murren呢到好少民居, 聽講唔夠400人住係到, 而最多反而係酒店同Hostel, 完全係旅遊小鎮


要我形容既話...唔好天既Murren就好似一個死城咁, 根本係你玩恐怖GAME時既場景


後面全白個到正常應該係睇到好靚既Alps


鬼域


其實幾有feel, 不過好大霧整到成身都濕晒


濃霧中既HOTEL, 真係覺得會有喪屍係入面衝出黎


應該好靚既草地, 左手邊其實有個纜車站上雪朗峰Schilthorn
雪朗峰因為拍過007而出名, 如果好天既話都想上去睇下


Schilthorn網上圖片


好多人識佢都係因為007

其實有無人睇緊架, 定大家睇過晒所以無人講野

屌你呢到好有趣, 係Interlaken有Murren既樓盤廣告, 係Murren有Interlaken既樓盤廣告
不過明顯Interlaken d樓貴好多好多, 要580000CHF


行左大半見到有間cafe好抵, 1件cake + coffee只係8CHF
反正天氣唔好不如入去整返個TEA先, 其實今日又唔記得食lunch


唔係講笑, 件CAKE好大好高質, 真心超好食
係蘋果批啊, 真係好好食


杯啡都唔錯


但呢間cafe個賣點係佢露台個view, 可以近距離睇雪山
不過我天氣唔好就無計


好天個時係呢個view, 好撚正, 你諗下俾8CHF就可以坐係到嘆咖啡睇雪山


呢到D火車班次唔係好密, 如果MISS左車既話就真係被困Murren
所以食完CAKE就差唔多要走啦, 去到最後都係好大霧, 無計啦去旅行總有D遺憾
黃色果個就係我朋友尋日係少女峰漏低既背囊


不過Murren其實好靚, 今次意外地俾我認識左呢個地方, 我已經計劃左下次再黎瑞士時會試下STAY係呢到


呢張相好ON9, 我地為左等佢支國旗吹起等左勁耐, 有少少風個時我地就係咁影, 但最後都係影唔到, 我最好係下面呢張


再見啦Murren, 我一定會再黎過


搭車返Lauterbrunnen了, 臨時既Murren之旅完結

寫埋個Day 7

搭車走時一直都KEEP住大霧, 成個Alps都係隱隱約約咁


無辦法啦, 天氣既野控制唔到


對面山既唔知咩鎮


落火車後轉返纜車返落去Lauterbrunnen


咁樣睇有D似大陸既風景


返到Lauterbrunnen就轉火車去Grindelwald
Lauterbrunnen呢到都有車去Kleine Scheidegg, 所以部份上少女峰既人會揀stay係呢到


搭火車返Grindelwald了


又要去返呢個唔識讀既站到轉車


等緊轉車無野做, 又影下D火車軌


用左大約一個鐘由Murren返到Grindelwald, 其實都好快
所以大家stay係Grindelwald既話都可以考慮去Murren個邊玩, 即日來回都好方便
一返到黎Grindelwald就見到超大霧, 同第一日藍天白雲真係差好遠

返到Grindelwald本身打算去coop買下野先, 點知星期六係close 5點, 結果去唔到
後來就行下鋪頭買左D手信同紀念品, 買左把我覺好靚既縮骨遮, 到而家都唔捨得用


呢個patten我真心覺得超靚


仲有D木製既裝飾品, 真係好靚, 但唔平, 呢隻野都要10CHF左右


Grindelwald呢到今日都唔好天, 連個Eiger都睇唔清楚啦




好彩第一日好天時影左, 如果3日都係咁我應該會想喊


買完野就去左食飯, 今次揀左間都係火車站附近既酒店餐廳食, 雖然天氣唔好, 但無落雨所以坐室外舒服D


價錢就比前兩晚食個間平少少, 不過選擇少D
揀左食Grindelwald Macaroni, 佢自稱係傳統菜, 22.5CHF都唔算貴就試下


普通既麵包


呢碟就係Grindelwald Macaroni, 其實即係芝士煙肉焗通心粉
不過又幾好食, 睇落好細份但可能因為好多芝士, 食完都夠飽


其實之後仲食左個甜品, 個甜品就好好食
不過電話無電無影到, 印象中好似我朋友幫我影左
overall係前兩晚個間餐廳好食D, 不過服務黎講呢間好好多
另外食到一半時隔離黎左2個港女, 其中一個港女A話瑞士好貴要慳D用
另一個港女B就笑鳩佢無用信用卡, 好有自信咁話"我呢就有2張卡啦!"
屌你有信用卡都可以用黎自慰

食完飯返去bnb同個host講返聽日check out d野, 因為我地第二朝要好早6點幾check out, 佢話無問題, 就咁將鎖匙放係櫃檯面就OK

順便影左幾張bnb既相
有個common area, 不過我地無使用過, 隔離有個好迷你既雪櫃, 放得落幾支野飲咁
另外佢有D咖啡同茶之類任你沖, 都幾好


不過呢到TOTAL得4間房, 旺季時可能都幾FULL


用貓頭鷹做門牌加分


Day7就大概係咁多, 當晚繼續超密雲無星星睇, 好彩第一晚時已經影晒
第二朝要超早6點幾出發, 執齊行李就早D休息
Day7完

巴打我記得你呀！
上年暑假我喺瑞士邊玩邊參考你個post
有喺高登同你傾過一排
但突然電話壞咗，之後又無咗Hkg+個app，就無再搵你傾

係咪叫咩西伯利亞
你今年有無去旅行呀

哈哈係呀 你唔提我都唔記得之前個username
有去旅行呀，西藏、尼泊爾
我相信如果你去到你都會有好多靚相影到返嚟

我都買咗

留名睇相

Day 8

今日要由Grindelwald 去 Zermatt, 車程比較長所以要早D出發
一大早6點幾就起身執晒D野, 離開時上去櫃檯交低返鎖匙


見到個host準備左一袋lunch box俾我地
因為我地太早check out食唔到佢個早餐, 個host好好人咁準備左幾份lunch box俾我地帶走食


入面有6份三文治, 幾個蘋果同橙, 仲有好撚多朱古力同糖
另外佢仲寫左張卡多謝我地, 嘩我地先要多謝佢幫左我地咁多


呢間bnb真係超級好, 除左無得洗衫外都無咩缺點, 平靚正仲有無敵靚view, host又好人, 真心推薦俾大家
我再黎Grindelwald既話一定會再住


真心推介


朝早既Grindelwald 無乜人, 同埋天氣都麻麻地, 又係密雲


睇唔到個Eiger


去到火車站發覺都唔少人


不過9成人都係等緊7點個班火車上少女峰, 得我地3個係等車走人


去Zermatt, 首先要搭火車返落去Interlaken Ost先


byebye啦Grindelwald, 我真係好鍾意呢個地方, 靚到仆街, 而且又遇到好多好nice既人, 可惜行唔到山有D遺憾, 我一定會再黎過

要我比較既話我鍾意Grindelwald多過Hallstatt好多, 雖然Hallstatt都好靚, 但D人無咁NICE, 有D冷漠
Grindelwald俾到我一種好warm既感覺, 成日都好想再去

由Grindelwald去Zermatt比較麻煩, total要轉3次車
第一次係Interlaken Ost轉車去Spiez


之後係Spiez轉車去Visp






瑞士D狗真係好好, 可以帶埋搭車


順便係車到食左個host幫我地準備既三文治


沿途用電話鳩影下D風景, 似乎天氣都唔錯

朝早7點開始係Grindelwald出發, 去到Visp已經9點, 係到要轉最後一次車去Zermatt, 去Zermatt既月台係特別用紅色牌, 因為佢有Glacier express


雖然Glacier express係包左係Swiss Pass入面, 但都要另外再俾劃位費, 我地對呢架列車無特別興趣就無特登搭佢, 我地搭普通既R車去Zermatt, 要注意係去Zermatt比較多人, 建議早D係月台等上車, 如果唔係行李架好快俾人放晒


搞左一大輪, 終於轉最後一次車去Zermatt啦, 不過中途又發生左D好撚柒既事

由Visp去Zermatt要大約1個鐘左右, 中途D風景都好靚, 但超越唔到Interlaken去Grindelwald個一段


成程車好多轉彎位, 伸出去可以影到火車, 不過最緊要注意安全


向Zermatt前進, 中途有好多河流


我都係影相先發覺原來車頭都係寫住Glacier express , 雖然我呢架車唔係
但我覺得好過搭Glacier express, 因為可以開窗影相
真正既Glacier express係好大塊玻璃但唔可以打開


搭火車時感覺天氣都唔錯, 雖然多D雲但都有陽光同藍天


瑞士火車真係幾正, 我成日想伸出去影但又怕撞柱


又開始進入山區, 有好多葡萄園


經過一個山谷, 我覺得呢到好撚靚, 總算影得切, 不過影完先發覺原來好多電纜


雖然話唔夠Grindelwald個段靚, 但呢邊都唔錯


有山谷睇, 諗起只見線, 知道既話就會明


左手邊有車行緊個到其實就係上面張相個條橋


瑞士真係好正, 搭唔同既鐵路, 睇既景色都好唔同, 唔會話好快睇厭

望返啲相就諗返起以前瑞士讀書既時候。果時我去法郎係乘10 貴到仆街

出面今晚最後一篇, 聽日繼續

一路上都係睇風景同影相, 其實就無咩好講


仲有影火車, 但好怕撞柱


瑞士郊區都真係屈機, 周圍都咁靚






見到馬




到左尾二個站Tasch, 差唔多到Zermatt了


呢個TRIP日日都有柒野發生, 今日都唔例外
話說朋友A將個山狗夾左係車窗塊玻璃到拍片, 唔係好識講, 總之就好似衣夾咁夾左係玻璃窗到
咁到左Tasch站時, 我見到出面條河好靚, 諗住伸出D影相, 係我一個華麗轉身時手踭一野批左朋友A個山狗落街, 跌左係車外既路軌到, 個一刻我都唔係好識比反應(但我照影左張相, 就係上面有條河個張 )

正確黎講係跌左係上面張相左下角個D碎石到, 當我回過神諗點算好時, 架車就關門開車, 我地就咁目送個山狗留左係Tasch

一直追緊 btw唔計住宿$7500夠唔夠15日用
3日住grindelwald既話 1日上少女峰 其他2日正常有咩做
巴打上雪山使唔使用ND filter 我怕重 諗住一機一wide鏡算
仲有腳架 八爪魚腳架 航拍機

睇樓主個post都令我諗返上年7月玩左4日3夜，我淨係去左titlis，不過一上到去真係勁興奮係咁影相，就算7月中去都唔係日日好天

Engelberg一落車已經被山圍住，影完勁似apple d wallpaper
⼀⼃⼁⼂
不過我都係聽樓主你講先知登山cable car可以開窗 浪費哂啲靚景

不過樓主你miss左樣野，火車站行去登山纜車站風景勁靚，成個trip最中意呢張相

原來我入左鏡

原來我入左鏡

一直追緊 btw唔計住宿$7500夠唔夠15日用
3日住grindelwald既話 1日上少女峰 其他2日正常有咩做
巴打上雪山使唔使用ND filter 我怕重 諗住一機一wide鏡算
仲有腳架 八爪魚腳架 航拍機

1日少女峰
1日去First
1日去murren / lauterbrunnen

雪山用ND做乜野
要用都係GND, 不過我全部都無用filter

你出發前睇清楚瑞士俾唔俾玩航拍先, 我都唔清楚

一直追緊 btw唔計住宿$7500夠唔夠15日用
3日住grindelwald既話 1日上少女峰 其他2日正常有咩做
巴打上雪山使唔使用ND filter 我怕重 諗住一機一wide鏡算
仲有腳架 八爪魚腳架 航拍機

1日少女峰
1日去First
1日去murren / lauterbrunnen

雪山用ND做乜野
要用都係GND, 不過我全部都無用filter

你出發前睇清楚瑞士俾唔俾玩航拍先, 我都唔清楚

另外7500 / 15 = 500蚊一日
勉勉強強可以囉, 但如果仲要用埋交費, 入場費個D就唔得啦

望返啲相就諗返起以前瑞士讀書既時候。果時我去法郎係乘10 貴到仆街

咁多人係瑞士讀書, 平時其實有咩做
係咪周圍都好貴, 最多行下山咁

瑞士可能係全世界最靚既國家

呢期興冰島

巴打我記得你呀！
上年暑假我喺瑞士邊玩邊參考你個post
有喺高登同你傾過一排
但突然電話壞咗，之後又無咗Hkg+個app，就無再搵你傾

係咪叫咩西伯利亞
你今年有無去旅行呀

哈哈係呀 你唔提我都唔記得之前個username
有去旅行呀，西藏、尼泊爾
我相信如果你去到你都會有好多靚相影到返嚟

西藏都有興趣, 但尼泊爾就無啦
個景靚點影都靚

我都買咗

原來隻隻唔同, 你個隻咁多個十字
不過真係有D貴, 要10CHF架