[遊記][多圖]我在瑞士的14日

未去過瑞士 多謝巴打令我圖片旅行

本來係打算去參觀聖母教堂既, 但一行出河邊時, 竟然見到出藍天


一有太陽成個感覺即刻唔同晒, 靚左好多


由於佢突然出藍天, 我地諗不如把握機會, 上返Lindenhof個山丘到影相, 應該會靚好多啦掛
所以即時出發去返個公園, 點知上到去已經無左藍天
又變返陰天多雲, You have why play me


既然上左黎, 又影下相睇下會唔會變返藍天, 係到可以話俾大家知, 呢兩日我地係呢到來來回回左我諗有成十次


Zurich d建築物都幾密集


好多不知名既"塔"


又影下蘇黎世大教堂, 我影完呢張相先知原來佢座塔係可以上去
大家可能都知我最鍾意走上D塔到影相, 咁一定要去啦

唔知屋企就係河邊到底係咩感覺? 日日望住呢個景可能對到厭左


難得換左支TELE就周圍鳩拍下, D外國人就係可以咁樣坐係到一日, 其實朝早時已經見佢地


不過我諗就算等多一個鐘都唔會突然又藍天, 都係決定走人

又離開呢個公園繼續行程, 今次要去既聖母教堂其實好近, 行十五分鐘左右就到
見到呢個窗既裝飾好靚


又係D橫街窄巷


有個石版係到, SORRY我真係唔知乜黎


好快就到左聖母教堂啦, 影唔晒啊屌
btw呢座教堂入面係唔可以影相, 所以入面就無相睇啦, 其實都係普普通通無咩特別, 我對佢印象都唔係好深


係聖母教堂對面就係好出名既麥森(Meissen)陶瓷博物館, 星期日理所當然係唔開
BTW麥森唔係係德國架咩?

睇完聖母教堂後就過橋去蘇黎世大教堂啦
圖中既雕像係Hans Waldmann, 曾經係Zurich既市長
好似打過唔知乜野仗, 唔係歷史JJ唔係太清楚




Zurich既代表性建築物蘇黎世大教堂(The Grossmunster), 兩座塔好突出, 真係周圍都會見到佢
好多遊客係到, 之前兩座教堂其實無乜人


歐洲D教堂真係好大座, 點影都影唔晒, 不過唔緊要, 我地可以影模型
外觀其實都係無咩特別, 尤其去過維也納睇個座聖史蒂芬教堂之後真係發覺大部份都比唔上


門口牆身有個雕像, 我就唔識佢啦, 其實佢下底好似有段字介紹, 不過無一隻字睇得明


反而道門就好特別, 有好多格唔同既圖案, 雕得好仔細


D圖案好得意, 唔知代表咩意思呢???
大家鍾意既話, 教堂入面其實有賣每格唔同圖案既POSTCARD, 我都買左幾張

搞左咁耐, 都係時候入去參觀
教堂內部都係普通, 我唔記得左佢唔俾影相定點, 我一張相都無
不過主要目的其實係上佢座塔到, 印象中係5CHF一個人, 唔係貴
但要留意返因為佢條樓梯係超窄, 你個backpack大少少佢都唔俾你帶上去, 一定要留係佢到
所謂留係佢到其實只係放係佢個counter隔離, 雖然佢話會睇住但who knows
好明顯我地兩個backpack都太大唔俾上, 唯有拎起相機同D貴重野, 留個袋係counter到, 希望無事

事實上條樓梯真係窄到仆街, 唔好話backpack, 個D超肥鬼佬一定上唔到去
雖然已經有心理準備, 但真係行撚到仆街, 行到索晒氣都未到頂
幾經辛苦終於到頂, 佢有4個唔同方向俾你睇Zurich既景色, 真係幾值得上黎架

由高處睇返利馬特河, 天氣唔好就將就下啦, 其實Zurich都幾靚架


本身都無咩期望, 實際上到黎覺得個VIEW又唔錯, 天氣好既話一定好靚


wide鏡既話個VIEW就係咁, 如果日落應該幾靚, 不過呢到CLOSE 6點, 要睇日落可能要冬天先得啦


意外地唔錯, 我覺得靚過維也納個VIEW先

之後都係四邊既相, 既然俾左錢上黎, 我鳩影左好多
可以係高處一次過睇返聖母教堂同St. Peter's Church, 不過天秤與你同在


又真係幾靚, 個高度岩岩好, 唔會太高又唔會太低, 可以睇晒成個CITY
聖母教堂左邊個兩座野印象中都係景點黎, 但我唔記得左係乜, 因為無行去睇啦, 或者今晚返去再搵下


可以睇到利馬特河同蘇黎世湖
睇落就唔係話特別靚, 可能天氣問題, 個TRIP後段日內瓦湖靚好多


湖景! 其實D水質好清澈, 對我黎講覺得有D驚訝, 好少見到係城市中既河流係咁乾淨
個條利馬特河其實清到可以見到個底, 遲D再補相


登上呢座塔先可以睇得晒成座聖母教堂


幾乎每張相必有既天秤, 到底係咪咁多工程
大家繼續睇落去就會發覺真係好多天秤
btw你地可以見到, 右手邊有一大舊黑雲黎緊

其實係個塔頂到玩左好耐, 因為佢好窄, 但又唔少遊客, 想影相都要排隊等下, 影幾張又讓俾後面D人
一次過貼埋Zurich d風景相

回望返Zurich 火車站方向


黑雲來襲


呢張相其實可以睇到條河相當清澈
不過影完呢張後就開始行雷, 過多幾分鐘仲落超級大雨, 我諗係香港黃雨個種程度


之前講到係塔頂時行雷落大雨, 當然係返落地面先啦
但D雨愈落愈大, 唯有搵耶穌求救, 係教堂到避雨
呢個時候另一個朋友終於到左Zurich, 收到佢打黎既電話, 教左佢點樣開SIM卡同搭火車後, 我地就開始準備回程返火車站接佢啦, 而呢個時候雨勢都細左D, 擔遮都勉勉強強行到返去

順利係火車站接左朋友後就一齊返酒店check in拎房, 酒店d staff都好nice, 順利拎到房
今次係book左間頂樓既3人房, 其實係family room黎, 一張雙人床+一張單人床, hkd 14xx 1晚, 算係咁啦
房既相唔知點解一張都無, 不過同官網既相差唔多, 大家係可以放心BOOK既

係到俾返個credit我朋友, 好多街頭snapshot其實都係佢影, 我有時掛住影風景唔記得影返多D當地街頭相, 靠佢補完返

因為搭飛機都12個鐘, 又玩左成朝, 決定沖個涼同換衫先再出發, 反正落緊雨
好神奇地再出黎時竟然超好天

竟然出藍天


超好天, 心情都靚返晒


就好似無落過雨咁, 早兩個鐘明明仲係暴雨


因為好天, 同埋朋友岩岩到Zurich既關係, 我地差唔多將朝早行過既地方又行多次, 你無睇錯, 我地又行多次去影相

不過有太陽真係唔同D, 原來Zurich都幾靚架
首先我地帶個朋友行返出河邊先, 又經過火車站, D建築真係唔錯


過橋, 呢到前面有間好重要既COOP, 窮撚係瑞士唔可以唔識得COOP


雖然都係多雲, 但有太陽既藍天係第二個世界

雨後既Zurich


係橋到望出去, 呢個方向仲係陰天多雲


遠處就係今朝去過既兩座教堂


行行下好口渴, 見到有starbucks
一有太陽D人就坐晒出室外, 外國人真係好鍾意坐室外, 其實入面好少人
同埋唔知大家有無發覺, 飲starbucks既9成都係女黎
咁我諗住入去買杯frappuccino啦, 都預左佢一定貴, 我諗7CHF都算, 屌你點知原來要8.9CHF
真係好撚貴, 即時走返出黎, 飲唔起呀


之後我地本身係想搭纜車上去大學到參觀同睇風景, 點知個纜車原來星期日係唔開
屌你老母, 觀光景點星期日都唔開, 星期日真係family day留係屋企
呢個就係個站既入口, 我地都搵左一陣先搵到, 仲要唔開
anyway係我無做足功課, 無得怨


行返去舊城區既內街, 已經差唔多6點了


真係好口渴好想飲野, 最後俾我搵到間士多仔咁既野, 價錢合理, 呢支fanta 1.5CHF, 合理價錢
呢隻係接骨木花味, 以前係克羅地亞飲過覺得好正, 睇過WIKI話通常中東歐先有, 但原來瑞士都有, 即買

發現雪糕鋪
呢間應該係D連鎖店黎, 因為之後成日都見到佢


都有唔少味可以揀, 5CHF 1~3種味, 好抵食
外國食雪糕係平D, 連瑞士都平過香港


要左開心果, 椰子同yogurt味, 三隻味都唔錯, 最鍾意試開心果味

瑞士D 噴泉係飲得架
佢地係得登用左幾十年時間整番好個水質
所以係好撚乾淨
又清甜又凍

呢到就係今日食kebab個條街, 順便揀下今晚食乜好
另外個鬼佬幾有型


揀6月去瑞士, 貪佢未到旺季同夏天, 唔算太多遊客又唔會好熱
但日照時間開始長, 好抵玩, 睇下而家6點幾仲好猛太陽, 每日好似賺多左好多時間玩咁


呢個印象中係另一座教堂, 不過我地無去, 反正去到都一定CLOSE左


行返出河邊, 嘩屌你, 同今朝差好遠好遠, 靚好多


一出太陽, D人即刻走返晒出黎


真係靚好多


條河D水好清, 真係見到底架

第一次係連登出遊記, 原來會自己縮左圖搞到柒柒地, 大家可以用圖片模式睇返D相會好好多

唉屌...搬極都未搬完第一日, 原來當年自己寫左咁多廢話
聽朝繼續搬, 多謝大家支持

正 啲相都正
瑞士物價實在太貴
只係去過zurich+少女峰
報單一日團直上 連火車 around 2000銀

周圍鳩影




真係全部人都會揀坐室外, 天氣唔熱幾正


6點幾好好太陽


呢間其實都有諗過食, 但實在太貴所以無食到
之後拖拖下到真係食芝士火鍋時已經係最尾個晚


今次我都有藍天, 唔怕好似上次姬路城咁俾人不斷挑機
係藍天白雲之下, 利馬特河係藍色既




好多人走晒出黎
其實差唔多七點

將朝早影過既相重新影多次




靚幾多
朝早陰天個D真係好柒




真係好藍, 唔係我特登tune

可能大家都估到...無錯我地又行返上去山丘個公園影相
單係今日都唔知上左去幾多次了
行返過河, 又見到St. Peter's Church座鐘樓


其中個所謂公園是咁的, 只係種左好多樹


發現主人


以為佢訓緊覺, 但原來唔係
唔知叫乖定懶, 唔會理你, 任摸


Zurich都值得放一日半日咁周圍行下, 雖然skip左都唔會話太可惜


天氣好鳩影都靚




好滿足, 今朝D相可以掉晒佢啦


如果而家可以再上去座塔影相就好, 但佢CLOSE 6點, 而家其實7點幾


就算你close up, 一樣有天秤


補多張打直, 個角已經拎到盡, 無得再行右D

綜合幾位巴打所講, 其實D泉水係安全既, 而且都好多人飲
不過我唔想第一日就出事, 所以無試過


個公園仲有個巨型象棋俾你玩


D人都好認真, 諗好耐好耐都未行到一步


好似好重, 用體力捉棋

完全補返今朝唔好天既相後, 開始搵地方食飯, 因為無咩特別野話好想食, 決定行返去今日食LUNCH個條街到是但揀一間餐廳

又行返今朝條路落山


經過呢間TEA ROOM, 好似係幾出名, 有無巴絲試過?


雖然話去食飯, 但每行兩步又掛住影相
呢到前面有間LEICA鋪頭, 賣D野超貴, 部P9佢賣6xx CHF


呢到有間叫GANZ既相機鋪, 好多野賣, 一手二手都有
但全部都貴, DCFEVER D二手仲平過佢


掛住影相, 一路都行唔到去食飯


覺得D鬼佬真係幾型




過河又係到亂影, 其實幾鍾意用TELE影相


差唔多日落啦, 開始無乜太陽

條街反而多左好多人, 可能食完飯係到飲酒吹水


7點半左右, 仲未天黑, 歐洲日照時間長真係幾抵玩


順手貼埋幾張風景相


個天真係好靚


最後都係過返河去食飯, 由於KEEP住不斷影相既關係, 搞左好耐都未食到


過馬路時極速影相, 大家唔好學, 好危險

搞左一大輪, 最後揀左呢間餐廳食, 學下D鬼佬坐室外, 有D風唔係好熱其實幾舒服


每次飲酒通常都係旅行, 平時係香港我好少飲
但係外國食野, 唔飲酒唔知飲乜好, 是但, 我都唔識分好唔好, 至少無覺得難飲先


唔知大家有無睇過我上次既中歐遊記? 我個時廿幾日入面食左N次risotto, 每次都中伏
黎到瑞士又想試多次(人類總是重覆犯錯), 結果叫左呢個烤雞risotto
個賣相呢....就真係麻麻, 但出乎意料地好好食喎, 可能加上好肚餓啦, 全日只係食左一條kebab, 呢碟risotto極速俾我清晒


另外我朋友叫左一個PIZZA, 一個唔記得乜野意粉, 3樣野都唔差
不過就好撚貴, 呢餐埋單好似9X CHF, 5舊幾水港幣
岩岩黎到第一日就對自己好D啦, 唔想一開波就捱麵包

仲有少少, 貼埋個DAY 1

唔知點解, 每次係外國食完飯叫埋單都要等好耐, 想埋個單等左差唔多20分鐘
食完飯後打算影下Zurich既夜景, 決定返酒店拎腳架再出過黎影, 走個時都未天黑, 但一來一回後已經黑齊

開頭都仲OK, 有D藍


玩兩下黑齊就無咩FEEL, 普普通通咁, 靚既河邊夜景真係要數budapest


夜景真係麻麻地, 無咩心機影


呢張相其實就無咩特別, 反而想講去Zurich記住張相左上角個間coop, 窮撚一定要識


影左一陣就算, 真係好攰, 搭完12個鐘飛機, 再直落由朝早7點玩到而家10點幾, 早D返去訓算


我影咁耐條友企係到玩電話玩足咁耐, 其實我想去佢個位影相


影完夜景就返去酒店訓啦, 真係頂唔順, 第二日又要早起身
瑞士既第一日咁就完左, 好似做左好多野咁, 其實只係幾個地方不停來來回回
Day 1 完

lmlmlmlmlm