[遊記][多圖]我在瑞士的14日

我係舊登見果個post



瑞士真係好撚靚
人 景 建築三樣都係
希望可以春夏秋季都去一次

多謝你睇過都入嚟再睇
你就好啦睇到matterhorn, 我3日都睇唔到
超級遺憾，一定要去多次

係啊
清到仆街
週圍一粒雲都冇
一路坐纜車上去一路影靚相
仲開心過打丁

Lm

開始Day 2前又有野想講下
大家都知瑞士乜都好貴
通常買野都要靠超市, 即係coop同另外M字頭個間
其他地方買野就貴好多, 例如coop賣緊1.5CHF一支可樂, 火車站D鋪頭賣3.X CHF
但我發覺下圖個支野飲唔知點解特別平, 無論係火車站, 機場, 邊到都好, 佢都係賣1.X CHF, 平得黎味道都唔錯, 想飲下野又唔想捱貴野飲既可以留意下, 我飲左好多支

Day 2
終於進入Day 2, 今日唔係睇城市啦, 今日行程係去睇瀑布
戶外行程最怕就係天氣差, 之前都講過話我出發前日日CHECK住天氣, 日日都話rain strom
但day1個晚再check一次, 又突然變左sunny
一早起身望出去真係好好天

7點鐘就起身, 仲早過平時返工
我地酒店係包早餐既, 當然要食埋先啦, 出面買個包都2CHF架
早餐都係D普通野, 比較特別係唔知做乜佢有炒飯
例牌凍肉同埋芝士, 正常味道


佢有好多款麵包, 但我好似無影到, 個蜜糖醬幾好食


都係食返煙肉蛋個D野, 拎左幾轉食飽D先出發


瑞士出名既當然仲有朱古力, 佢呢到既熱朱係有專人幫你沖, 應該係用熱奶沖出黎, 好飲

好撚正呀

食飽就出發, 今日第一個目的地係Rheinfall, 我睇台灣仔BLOG譯做萊恩瀑布, 由Zurich出發大約一個鐘就會到
瑞士另一賣點就係火車, D火車真係好靚好好J


只要你有download sbb個apps, 係瑞士搭火車就一d問題都無, 幾號月台都寫埋俾你, 正常唔會搭錯
今次搭9點開住schaffhausen既車, 要去瀑布就要係schaffhausen到轉一次車, 即係Zurich > schaffhausen > Rheinfall


今次呢架車係RE, 其實都無咩所謂, 有PASS就任搭


車廂入面都幾靚同乾淨


去schaffhausen大約要45分鐘, 而schaffhausen去Rheinfall 只需要4分鐘
不過呢到發生左件柒事
就係我地係schaffhausen轉車, 咁佢只需要4分鐘, 搭一個站就會到Rheinfall
而Rheinfall 個月台其實好細好頹, 我地無為意佢到左站(佢D火車要你自己press button先會開門)
就係咁, 我地唔記得落車, 搭過左一個站
下個站即時落車, 咁岩有班對頭車到就打算狗衝過對面月台上車, 點撚知佢過對面月台要行到個站盡頭再落隧道, 狗衝到一半迎面有個女人話 "Hey Its too late";
結果我地就要係到等大半個鐘等下一班車, 但原來唔止我地, 仲有幾個應該係馬來西亞黎既女仔一樣係咁柒左

因為柒左而黎到既Dachsen, 當打個卡


今日好好天


但望返轉頭又好似好多黑雲, 瑞士D天氣真係觸摸唔到

on99浪費左大半個鐘, 終於到左Rheinfall 啦


都幾多人, 仲遇到班小學生黎參觀
外國D小學生真係好正, 我去好多景點都遇到有小學生團體, 當年我讀小學只係去郊野公園咋


呢到係單軌行車, 回程時都係同一個月台搭車走, 大家記住要睇清楚D班次


到左瀑布, 佢有兩條路, 一條上去城堡Schloss Laufen, 一條落去睇瀑布, 咁就上左城堡睇下先
上到去見到好重要既野, 就係火車班次, 不過其實用APPS都查到


呢到就係入口

入口都幾靚, 但入到去其實好頹廢


唔知點解門口有D牛俾你騎上去影相, 但佢有體重限制, 大概60KG咁, 一般成年男性應該都騎唔到上去


鬼妹就當然騎到


唔知係咪有意外定點, 見到有拯救用直昇機, 好靚


至於入面就係咁樣


有間FEEL到好撚貴既餐廳


望返入口




佢都有D野可以參觀, 但要錢, 無咩興趣就由佢




成個城堡就係咁啦, 無咩特別
好似話係以前由D貴族擁有, 但後來俾蘇黎世政府收購返
去睇瀑布前順路上黎參觀下都OK

城堡無咩好睇, 係時候落去睇瀑布
天氣好心情都靚D


呢到係瀑布既下游, D水流好急


對面岸碼頭, 一陣就會搭船過去


見到成個瀑布啦
萊恩瀑布唔係個D好高落差個種, 而係流量極高, D水我都唔知係邊湧出黎, 現場睇其實好誇張

巴打影相好靚，有d地方我去過所以睇得出係個景本身係咁定你影得好

最鐘意Grindelwald嗰張
你個Mont Blanc係du midi上面影?

我嗰時成日係market買10.9CHF盒Movenpick隊

btw
Matterhorn


Mont Blanc

D浪(佢唔係海, 我唔知叫浪定咩啦, 水花??) 濺起成層樓咁高
BTW大家見唔見左手邊國旗個到有舊石, 個到係可以搭船過去瀑布中間感受下佢既威力
如果你曾經去過OR打算去既話, 我講左唔好意思先, 因為我覺得幾ON9, 去左中間被困係個舊石到真係好似D水災等待救援既災民


成班人迫係個條超窄樓梯到爭上頂影相, 其實係個瀑布中間我都唔知影到乜野, 可能真係純粹感受下個氣氛同埋瀑布既威力, 但睇見佢地都慘, 想走又走唔到, 塞死晒
睇過遊記話因為太多人爭上頂, 由落船到上頂足足排到半個鐘


唔似D水災災民咩?


其實我一直唔知佢同急流有咩分別
何以見得佢係瀑布, 佢個落差都唔係大, 其實只係D水流好急


呢個景點都算多遊客, 但未到好擠迫, 都幾好行
另外大家見唔見到左下角有彩虹


天氣好又睇到彩虹, 真係好正

當初對個瀑布唔係太期待, 但黎到覺得真係唔錯, 大家抽到時間都值得黎參觀下


係中間D人應該濕撚晒




掛住係咁影相, 搞左好耐都仲未落去搭船


我真係覺得去中間係辛苦自己, 去唔去自己衡量啦


行到落底有個窿可以行出去近距離睇瀑布, 唔駛擔心你一定會濕晒


影出黎係咁樣, 好誇張, 一路影一路好驚相機會濕

巴打影相好靚，有d地方我去過所以睇得出係個景本身係咁定你影得好

最鐘意Grindelwald嗰張
你個Mont Blanc係du midi上面影?

我嗰時成日係market買10.9CHF盒Movenpick隊

btw
Matterhorn


Mont Blanc

多謝你先, 既然你去過既話你就知個景靚點影都咁靚
開頭幾日係CITY係悶D, 因為同其他歐洲城市無咩大分別, 瑞士重點真係大自然, 之後幾日入山區真係超靚, 大把靚相係後面

超市買movenpick真係超抵, 如果我係到住一個月應該肥到仆街

Matterhorn睇唔到呀!!! 我仲特登用千幾蚊係山上面住一晚打算影銀河, 點知全晚都係雲

Mont Blanc係南針峰影過去架, 呢個SHOT得幾十秒, 好快又俾雲遮住晒, 遲D寫到你就明

唔怕濕既仲可以行出去呢個展望台, 提醒大家真係要小心自己部機, 走出去影相個鏡頭一定會中晒水花


現場睇真係幾震撼, D水好似要"冚";過黎咁


hehe


衝出去呢D事我都做左一次, 其實就係瀑布低位感受下佢個沖擊力, 覺得好厲害


個展望台就係咁樣, 唔怕濕身先好行出去
不過咁講啦, 其實都係D水花, 好似平時落毛毛雨咁, 唔會真係成個浪"冚"過黎既

瑞士D狗真係好幸福, 佢地主人會帶佢地去D景點散步, 甚至會帶埋上雪山


一齊等船搭過對面岸


搭2號船過對面岸, 呢到有分1~4號TOTAL 4種船, 佢地係行唔同航線
2號就係單純來回兩岸, 1號係搭去中間個舊石, 3號唔記得, 4號係遊晒成個瀑布
咁佢有D組合, 例如1+2咁, 因為你要搭2號去對岸先可以再搭1號去舊石, 大家可以揀自己想去既路線
我地唔打算去中間舊石, 所以只係買左2號來回船飛搭去對岸, 印象中係4CHF一個人


D船都好密, 我諗大約10分鐘就有一班, 出發


搭船記得坐右邊, 咁樣先可以係河(我都唔知叫乜, 河? 湖? 是撚但 )睇返成個瀑布
係搭船獨有既角度
出發去對面岸


呢個就係之前提到會濕晒既展望台


瀑布既正面


又真正幾壯觀

回望返城堡




中間舊石, 非常誇張, 真係好似被困係到咁, 搭船去應該會濕晒身
btw自己幾鍾意呢張


好快就到左對岸, 準備行上去瀑布上游位置


呢邊就多野行D, 有D鋪頭, 餐廳之類


真係好好天, 日日都係咁就正啦

留名睇相
我啱啱十月去都幾正
涼涼地又唔算太多人

碼頭, 呢座野又幾靚, 入面有間餐廳應該幾貴


過左黎對面就可以睇返城堡既外觀




同埋可以睇到瀑布既正面


又真係幾靚, 之前係對面望過黎時都唔覺


之後開始行上去上游


有D好似去左山區咁既感覺, 綠油油一片好正


仲有D你識條春既藝術品


呢個鬼佬好型, 帶晒腳架之類黎影相, 但佢係踩roller黎
咁瀑布呢到好多樓梯要上, 佢索性除左對roller赤腳行


點解會諗到踩roller去影相


一路行上去, 可以用另一個角度睇瀑布, 同埋呢邊距離都好近

應該係兩姊妹黎


係瀑布前面自拍
但話說其實自拍都唔知會拍到D咩, 因為後面水流好急, 應該拍到全白一片


上面條友發現左我係到影佢地就勁向我揮手, 好似災民叫救援


上到去頂了


個感覺都幾正, 睇住D水沖落去


近睇真係幾壯觀, 以前係十六湖都睇過好多瀑布, 計水量呢個真係勁好多

上到頂後係佢個休息區坐左陣, 都行左大半日, 休息區又有隻牛係到
真係可以走去揸佢, 佢入左D水係到, 一揸會噴水


完全唔知有咩意思


最後貼多幾張瀑布既相, 呢個景點真係唔錯, 距離Zurich唔遠, 又唔貴(都係船飛錢), 我覺得去到Zurich又有時間既話好值得過黎參觀




唔知點樣可以插係瀑布中間


個人好鐘意呢張, 好有氣勢

貼埋最後個少少, 係上游睇左一陣就差唔多準備要走, 因為今日仲有第二個行程
慢慢行返去碼頭搭船去火車站


行過餐廳時順手買左杯雪糕, 好似4CHF, 幾大杯幾抵食
如果大家心水清既話, 會發覺我地無左LUNCH呢個環節, 無錯我地完全唔記得要食LUNCH


發現左貓頭鷹時鐘!!!!!! 個鐘擺郁時, 隻眼都會左右郁, 超得意!!!!
不過要35CHF好撚貴, 考慮左一陣都係無買, 因為我覺得呢到算係遊客區應該MARK UP左好多, 出返市區我估計會平D
btw少少冷知識, 其實貓頭鷹隻眼球係唔可以好似人咁左右望, 所以佢地望野時要擰轉成個頭


返到碼頭, 搭返2號船過對岸


好多人特登過黎放狗, 真幸福


幫人影相時順便偷拍左一張


本來成個行程都好悠閒好HEA, 但搭緊船時一CHECK火車時間表, 發覺仲有十幾分鐘就有車, 一落船就狗衝返火車站, 因為趕唔到的話又要等多大半個鐘, 最後無事
另外我影返個月台俾你地睇下, 當初架火車就係停左係呢D位, 我地根本唔覺得係一個站, 好似係路邊咁, 所以MISS左無落車, 大家如果要去瀑布既話記得留心D


萊恩瀑布呢PART就係咁多

大家睇住先, 轉頭我再繼續貼, 有少少相要重新UPLOAD返
如果大家對行程有問題既話都可以問我, 幫到就幫

瑞士D 噴泉係飲得架
佢地係得登用左幾十年時間整番好個水質
所以係好撚乾淨
又清甜又凍

之前都有巴打講過係可以放心飲用
不過係我自己怕出事咋

正 啲相都正
瑞士物價實在太貴
只係去過zurich+少女峰
報單一日團直上 連火車 around 2000銀

多謝
物價真係好貴呀，尤其搭車食飯