[遊記][多圖]我在瑞士的14日

巴打啲相影得好靚

多謝, 瑞士D風景好靚, 所以點影都靚架

話說咩叫coop?

coop係瑞士既一間超市, 周圍都有, 一定要識佢因為你實會幫襯到佢

終於行左一半, 睇唔到Lutry啦




可能未到旺季, 又或者呢到真係唔熱門, 一路上都無遇到其他遊客, 最多就係踩單車既人
係到踩單車都唔錯, 風景又靚又舒服


葡萄園區


好靚, 都無咩好講, 貼相算


個日內瓦湖成個藍色, 真心好正


真係影左好多相


好多湖邊小鎮, 應該就無咩旅遊景點架啦, 純粹當車站用
btw真係行高D先靚, 如果貼住火車軌行就睇唔到呢D景色


之前影過好多次, 有棵大樹既屋, 終於行過左佢


行行下黎到山丘中既一個小鎮, 唔知叫咩名啦


都係個句, 亂影都靚, 我等個支旗吹正等左好耐, 影左好多張最後得咁樣


行入村, 左手邊有間超貴餐廳, 面口個牌寫左D應該係甜品既野, 全部2x CHF起跳


睇清楚D原來好勁, 係拎晒米芝蓮既餐廳
仲要開係呢D地方, 真係好隱世FEEL, 如果唔係唔夠時間既話都想試一次

真係好多人踩單車遊葡萄園, 我都想試下, 唔知有無得租


行行下我朋友叫我快D睇下後面, 嘩屌個舊雲超誇張, 印象好深刻


靚到仆街既日內瓦湖, 成個感覺好平靜, 係咪應該叫peaceful


咁岩捕捉到帆船經過


沿途有好多呢D小路落山, 覺得行夠既話可以揀中途任何一個小鎮閃人






葡萄海


超多人種葡萄, 其實有無得賺


條村好細, 話咁快就穿過左


已經行左大半路程啦, 睇返後面好多屋個到就係Lausanne





我地就係沿馬路行, 因為係石屎地所以行得好輕鬆, 唯一係好曬囉, 但好天影相先靚


個湖真係好撚靚, 點解無乜遊客黎參觀


成塊鏡咁一望無際
可能係睇日內瓦湖最好既地方

好靚，係度踩單車一流

寫之前真係想再推薦一下, 上面個間Lehmann's Herberge好撚正, VIEW正, 房正, HOST超NICE(之後會再講), 好近火車站, 根本就係大街隔離(10分鐘內一定行到)
而且一D都唔貴, 大家去Grindelwald時可以考慮下呢間, 唔駛迫D咩Alice民宿同其他山卡啦bnb

依家再睇你呢個遊記, 發覺心態唔同左, 突然有一霎那想以遊客身份上多最後一次少女峰

吓，你有咩未睇過未玩過
我自己都未必再上一次少女峰

想有一次可以慢慢行下享受下出面個雪地而唔係有人有需要急救仆落去, 可以係度影下相同D職員（朋友/舊同事 ）吹下水

係上面做邊有得玩，有時間都無精力

其實會有咩意外, D人高反?
定會有D ON9仔碌左落山之類

miss左你呢個reply

高山症, 心臟病發, 白痴唔睇指示掛住影相走出警戒線碌左落去都有, 不過9成無得救

真係會有人碌落山架

周不時都瓜一兩件, 慣曬

依家再睇你呢個遊記, 發覺心態唔同左, 突然有一霎那想以遊客身份上多最後一次少女峰

吓，你有咩未睇過未玩過
我自己都未必再上一次少女峰

想有一次可以慢慢行下享受下出面個雪地而唔係有人有需要急救仆落去, 可以係度影下相同D職員（朋友/舊同事 ）吹下水

係上面做邊有得玩，有時間都無精力

其實會有咩意外, D人高反?
定會有D ON9仔碌左落山之類

miss左你呢個reply

高山症, 心臟病發, 白痴唔睇指示掛住影相走出警戒線碌左落去都有, 不過9成無得救

真係會有人碌落山架

周不時都瓜一兩件, 慣曬

呢d case係咪多到唔會上news

吓，你有咩未睇過未玩過
我自己都未必再上一次少女峰

想有一次可以慢慢行下享受下出面個雪地而唔係有人有需要急救仆落去, 可以係度影下相同D職員（朋友/舊同事 ）吹下水

係上面做邊有得玩，有時間都無精力

其實會有咩意外, D人高反?
定會有D ON9仔碌左落山之類

miss左你呢個reply

高山症, 心臟病發, 白痴唔睇指示掛住影相走出警戒線碌左落去都有, 不過9成無得救

真係會有人碌落山架

周不時都瓜一兩件, 慣曬

呢d case係咪多到唔會上news

都會ge, 好似香港車禍報新聞咁lor, 無咩特別

太多相, 一次過貼晒算
下面呢幾張相我係好鍾意
身處葡萄園中既小鎮


對面係法國, 好似有船可以來回, 大約要半小時左右


J到出血既日內瓦湖



不知名既山腳小鎮




行左兩個鐘都未到Cully


見到有指示牌了, 應該就快到


望返轉頭雖然背光, 但好正, 咁好太陽影乜都靚


其實太曬, 影完D相好多都即時睇唔到影成點, 因為反晒光, 好彩無炒到


行到路口, 終於見到Cully既指示牌, 要開始落山了
時間關係我地決定行到Cully就算, 剩返個段就唔行啦, 準備落山


仲有少少相, 快手貼埋佢先


真係好正, 總算無白行


有D人會由Vevey個邊行返去Lutry, 我建議都係由Lutry開始行比較好, 因為易行好多, Cully呢邊好斜, 一開始要上勁多斜路已經令人唔想行




行左成3個鐘, 除左單車友之外無見過有其他遊客, 咁靚都無人黎
如果大家想去D人少又靚既地方, 一定要黎呢個葡萄園, 推介


落山了, 再見啦葡萄園區


下面個小鎮就係Cully啦


Cully算係比較大既一個鎮, 作為起點/終點都唔錯


落山前影多兩張, 好彩天氣好, 順利去到葡萄園, 大開眼界


沿住斜路就可以落返去Cully了, 但真心好斜, 如果你由Cully行上黎既話應該會幾辛苦


離開之前爬左上去圍牆(大家唔好學), 影左兩張風景相, 個人黎講好鍾意, 對面山係法國黎, 個幾舊雲好正, 印象深刻

人生必去 留名

lm

出左街，今晚會貼晒最後一部份遊記，多謝支持

巴打你既遊記資料詳盡，又寫得好流，令人睇得好舒服

好靚，係度踩單車一流

呢到都幾多人踩單車，應該好舒服

巴打你既遊記資料詳盡，又寫得好流，令人睇得好舒服

多謝支持

留名

巴打啲相影得好靚

多謝, 瑞士D風景好靚, 所以點影都靚架

話說咩叫coop?

coop係瑞士既一間超市, 周圍都有, 一定要識佢因為你實會幫襯到佢

coop D麵包ok平
其他嘢都好貴

巴打啲相影得好靚

多謝, 瑞士D風景好靚, 所以點影都靚架

話說咩叫coop?

coop係瑞士既一間超市, 周圍都有, 一定要識佢因為你實會幫襯到佢

coop D麵包ok平
其他嘢都好貴

ok la, 主要都係coop同migrols
瑞士嚟講算唔貴

大家可以睇下條路有幾斜, 好彩我係落山咋


返到落黎城鎮, 結束葡萄園之旅, 算係瑞士真真正正既一次hiking, matterhorn個次唔算




因為離搭火車仲有少少時間, 係Cully到行左個圈, 無乜特別就係小鎮一個, 而且好少好少人
之後就去左火車站搭車走人了, 意外地係Cully既月台到竟然遇到香港遊客, 唔知佢地係咪由Vevey行過黎
我地由Lutry行到Cully都未遇到過其他遊客, 真係好神秘, 咁撚靚既地方竟然無人去, 不過少D人仲好啦


最神奇既事發生左, 我地係月台等火車時突然間個天黑晒, 變晒烏雲, 仲落超大雨
好好彩我地已經行完成個行程, 如果我地仲繼續行過去Vevey就仆街了


搭火車時見到對面法國個邊有好靚既耶穌光, 不過影唔切啦
之後我地搭返火車去Lausanne, 再轉車返日內瓦, 結束瑞士最後一個行程啦


返到日內瓦後先返酒店先, 放低晒D相機之類, 再google下有咩餐廳好食
由於今日真係最後一次係瑞士食晚餐, 決定點都要去試瑞士芝士火鍋, search左一輪後決定去一間trip advisor幾高評價既餐廳食飯, 不過就有D遠

返到黎日內瓦已經開始日落了, 其實呢到都幾靚架, 不過實在無時間參觀, 葡萄園同日內瓦2揀1既話當然係葡萄園啦


日內瓦既地標大噴泉, 係一個人造噴泉黎, 有百幾米咁高
但老老實實唔覺有咩咁特別, 遠距離睇左打個卡就算


放低晒D相機, 輕裝出去食飯, 所以之後D相都係電話鳩影
本身想搭電車去餐廳, 因為都幾遠, 點知落到街先發覺唔記得帶Swiss Pass, 咁其實都可以照搭既, 但又怕俾人捉到, 廢事係瑞士衰收尾, 決定行過去, 順便當散步參觀埋日內瓦啦


行出湖區, 見到月亮已經出左黎


經過大噴泉, 就係咁架咋, 唔知有咩咁特別, 叫做到此一遊囉


去左呢間叫Auberge de Saviese既餐廳, 似乎係幾出名
影MENU時影唔到個價錢, 全部25CHF以上
係瑞士食芝士火鍋同香港唔同, 因為呢邊係會加酒落去一齊煮, 所以我地係食唔慣, 好多人話係"中伏"瑞士菜之一
不過黎到瑞士就算中伏都要試一次, 你地話係咪先
本來打算揀羊奶芝士, 但朋友A似乎唔好羊, 咁就揀左蕃茄芝士啦


呢到好奇怪...如果你叫野食但唔叫野飲既話係會被追加2CHF費用
不過我都唔打算乾哽芝士火鍋. 就叫左杯Ice Tea


餐廳內既環境, 唔係太多人, 同埋鬼佬客多, 亦都有部份應該係本地人黎
坦白講法語區D人真係比較無咁熱情同態度差D, 可能我係亞洲人又唔識講法文啦, 好掛住德語區個邊


等左一陣, 傳說中既芝士火鍋黎左啦
就係咁一兜野, 配薯仔同麵包




麵包可以無限refill, 薯仔就得一盤, 但都唔駛架啦, 都食唔晒
感想係"中大伏"
真心唔好食, 食唔慣佢個隻味, 因為落左好重酒, 食左幾舊已經想放棄
同埋好漏, 好快就會唔想食, 我只能夠講係唔適合我地香港人口味啦
呢兜野每人都要2X CHF架, 不過總算叫做試左啦, 都係一個體驗黎, 以後我再去瑞士的話一定唔會再食芝士火鍋, 如果你要我比較, 我真係覺得意粉屋果個好食好多

上次去日內瓦我fd話佢呀媽大推芝士火鍋，好彩無去咋，我聽到巴打既描述都覺得一定唔啱我

上次去日內瓦我fd話佢呀媽大推芝士火鍋，好彩無去咋，我聽到巴打既描述都覺得一定唔啱我

雖然咁講，但都係覺得第時有錢去瑞士的話都會搵間試下

上次去日內瓦我fd話佢呀媽大推芝士火鍋，好彩無去咋，我聽到巴打既描述都覺得一定唔啱我

雖然咁講，但都係覺得第時有錢去瑞士的話都會搵間試下

yes, 我地出發前都做左功課，知好多都會落酒，應該唔啱食，但一場嚟到咪試下囉

我覺得隻味真係好怪，食左2啖已經唔想食了，廿幾CHF好心痛，唯有當咩都試下啦

上次去日內瓦我fd話佢呀媽大推芝士火鍋，好彩無去咋，我聽到巴打既描述都覺得一定唔啱我

雖然咁講，但都係覺得第時有錢去瑞士的話都會搵間試下

yes, 我地出發前都做左功課，知好多都會落酒，應該唔啱食，但一場嚟到咪試下囉

我覺得隻味真係好怪，食左2啖已經唔想食了，廿幾CHF好心痛，唯有當咩都試下啦

係，總算叫試過瑞士地道既芝士火鍋

呢餐飯應該係成個TRIP最唔好食既一餐, 咁講啦係我地唔識欣賞, 試左就算
食完飯好唔滿足, 行過見到有間雪糕店, 好似好勁因為佢貼左好多獎項出黎
食返杯雪糕彌補返頭先餐飯


間野叫MANU Il gelato Italiano, 後來google返先知原來係好出名既雪糕鋪
係2015年瑞士雪糕比賽冠軍黎


要左一杯開心果味, 通常佢有既話我都會試開心果, 一來鍾意食, 二來比較難整得好食, 試到間野好唔好
嘩屌佢唔知係咪就快收鋪定咩事, 好似唔駛錢咁比左勁大杯我
真係好好食, 好香好重開心果味, 唔係dryers個種假開心果味道, 好撚正
後來睇返佢個網原來開心果味係佢地既自信之作


呢間真係好食, 大家去日內瓦可以去試下, 雖然比較遠
http://www.manugelato.ch/home

無PASS搭電車既關係又要行返去酒店, 當散步同睇下夜景啦, 不過手頭上得電話, 唔好意思


夜晚既日內瓦都幾靚, 但感覺有D雜


行到湖邊發覺唔見左個噴泉, 個刻先知原來個噴泉唔係24小時, 係會close架


之後都無咩特別, 返去酒店倒晒D野出黎重新PACK過, 因為第二日就要返香港了
BTW想講下呢間Central Hotel BOOK個時佢話廁所係share, 但bathroom係pravite既
我地拎左房先知個bathroom超細, exactly同4叔新盤個廁所一樣咁細, 但你要係果個area到沖涼真係好考功夫, 唔推介大家住呢間, 又唔係特別平
唔係呃你地, 真係同呢格廁所一樣咁細, 點沖涼呀屌你老母


最後一晚係瑞士忙住pack野搞左好耐, Day 13完啦

Day 14

黎到成個TRIP既最後一日啦, 真係好唔捨得, 好唔想返香港, 瑞士實在太正啦
之前都講過我地3個人其實係分開買機票既, 所以最後一日都係分開走, 朋友A最早走, 好似2點幾機, 我就4點半, 朋友B好似夜晚機, 所以我地得返半日時間係日內瓦

呢間酒店都有包早餐, 不過就係D普通麵包+咖啡之類, 好過無


食完之後爭取最後少少時間, 執埋D野 check out, 放低行李係酒店再去最後一個景點
日內瓦本身就無打算詳細參觀, 所以無咩做功課, 最後我地決定去比較出名既聯合國總部睇下, 不過比較遠要搭電車去


我地搭撚錯左, 去左真係人地OFFICE個邊既入口, 比D警衛趕返出去


不過都搭到去附近, 行多大約十分鐘左右就到啦


呢到係日內瓦一個出名既景點, 雖然係朝早9點幾, 但已經好多旅行團係到
不過我地因為做唔足功課, 去到先知原來星期六係唔開門


其中一樣最著名既就係插左好多唔同國旗係門口既草地, 平時呢個AREA係開放既, 但今日無開落左閘, 唯有伸入去夾硬影一張算數, 本身就唔係話特別想去聯合國總部, 只係打個卡到此一遊


另一樣可以參觀既係入口對面既廣場擺左一張好高好大既斷腳櫈
係紀念戰爭中踩中地雷斷腳既人, 都算係喚醒大家對戰爭同地雷既反思


實際上好多人同旅行團啦, 大路景點係咁, 其實我地3個都興趣不大, 真係當打卡


最後係附近影幾張相就差唔多夠鐘走人啦, 因為仲打算去行街買下野同埋食個飯




上網見過人地咁影, 所以黎到時自己都用TELE試下, 後來覺得咪都係咁
聯合國總部就係咁多, 個人覺得普普通通, 無咩興趣既話唔需要黎, 拎D時間去第二D地方仲好


之後搭車返去酒店附近, 今次無搭錯車啦, 搭返去Bel-Air


去返尋日經過好多餐廳果個廣場到食飯, 旅程最後一日次次都係好天, 平時又唔見佢係咁


揀左呢間餐廳食飯, 坐低先諗起我地係第一次坐低食LUNCH, 平時都係咬麵包, 甚至唔記得左食


係瑞士坐餐廳食野真係好撚貴, 如果我地日日LUNCH都係餐廳食應該破左產, 食個意粉都要2X CHF


叫左個mushroom risotto, 2x CHF, 貴到仆街, 根本同晚餐一樣價
不過就真係幾好食既, 而且份量都好足, 算係咁啦


是但叫多杯Ice Tea飲, 呢餐埋單3個人要差唔多90CHF, 即係我地食左7百幾蚊既LUNCH
係瑞士無咩必要都係唔好入餐廳食LUNCH啦, 食麵包算吧

由於朋友A 2點幾機, 所以食完佢就要走先, 日內瓦最好既地方係離機場好近, 搭火車唔駛10分鐘就到
告別朋友A 後就剩返我同朋友B, 我地兩個仲有D時間所以就周圍行下同買下手信咁
見到有間雪糕鋪就買左一杯, 順便用埋D散銀, 味道黎講就只係普通, 太甜同埋有冰粒




之後都無咩特別, 係酒店附近行下, 見到有應該係周末先有既市集, 個到D烤香腸同燒雞勁香, 早知食呢到D野算啦


後來去左間專賣玩具同唔等駛野既department store到行下, 見到有pokemon野, 好撚貴


有一層專賣Lego, 好多難搵既野佢都有, 但都係個句貴到離譜, 無可能買得落手, 自己執parts砌算


係coop個D超市又買左D朱古力之類做手信, 就差唔多夠鐘返去酒店拎行李走人啦
再見啦hotel central, 唔會再住, 因為環境真係麻麻地


等電車時影左幾張風景相, 日內瓦個感覺都只係普通, 我諗有機會再黎瑞士既話我會直接skip啦, 唔會留係到


到而家都唔知個噴泉有咩咁特別


去日內瓦機場既火車其實搭過好多次, 因為好多班開去日內瓦既火車, 其實都係去機場, 只不過我地係中途落左車, 今次真係去機場要走啦


全程車唔駛10分鐘, 好快就到左機場




作為一個大機場果然唔同D, 入面D鐘都係用Rolex


日內瓦係無直航返香港, 所以要搭去London再轉機
搭去London呢程係坐BA, London返香港就搭CX


我每一次係歐洲搭BA飛倫敦都DELAY, 今次都無例外, 又DELAY左, 好彩只係DELAY大半個鐘, 趕唔切轉機就仆街了


飛去倫敦只需要一個鐘多D, 不過都有野食下, 好過無啦


順利到左倫敦, 因為預左有4個半鐘轉機, 就算而家DELAY左半個鐘都無問題, 大把時間
BA係倫敦係Terminal 5, 不過我要轉CX所以要搭車去Terminal 3
我想提下大家, 由5去3其實係好撚遠, 又要搭巴士又要行好長既路, 大家如果轉機既話一定要預多D時間


一條友係倫敦等轉機悶到仆街, 唯有周圍行下


機場賣緊既Lindor朱古力仲貴過瑞士買


好撚肚餓, 本來想食呢個餐, 但14鎊真係有D貴


之後又想食fish & chips, 但都係好貴


最後買左呢個risotto, 4.95鎊
意外地味道唔錯, 可能好食過香港好多假西餐廳


飲左杯熱朱古力, 其實我想要凍, 但個STAFF竟然話佢地無晒冰, 無得沖凍野


由休息區行去閘口好遠好遠, 差唔多要10~15分鐘, 大家記得要預鬆D時間, 唔係既話上唔切機就


真係要返香港了, 咁就玩左14日啦


再見啦倫敦, 每次黎我都只係轉機, 唔知幾時先會真係去倫敦玩


CX既飛機餐垃圾就大家都知, 無咩好講啦, 長途機真係好想搭BUSINESS呀


早餐既蛋餅相信好多人食過, 好難食


順利返到香港, 行李無DELAY實在太感動
成個瑞士之旅就再此為止啦