上回提到上錯山, 經過討論後決定爭取時間落返山去真正想去既南針峰
不過由於無google map所以根本唔識去, 返到落去Chamonix後係火車站搵左個staff問點樣去南針峰個纜車站
我法國法國人真係差D, 尤其係你岩岩由瑞士過到黎法國, 個落差好大
我用英文問佢知唔知纜車站點去, 最初佢唔撚想SHOW我, 我再用英文問多一次, 佢好似好唔願意咁用手指向一個方向講"That way", 唔知係咪要同佢講法文先會對你好D
向佢指果個方向行, 見到有個指示牌寫住Aiguille du Midi, 今次無錯啦掛
我真係唔知係瑞士太好定法國太差, 佢個指示牌個到其實係一條直路, 穿過左條直路後會見到條橫街, 但無任何指示再話你知應該直行/轉左定轉右
途中遇到一班小學生, 我估佢地都係去參觀南針峰, 所以就跟住佢地行, 最後轉左幾個彎, 行多10分鐘左右終於到南針峰纜車站啦, 沿途真係無任何指示
呢個就係真正想去既纜車站, 多得前面班小學生帶路先去到
首先當然要確認班次同埋買飛先, 尾班纜車由山上落返地面係16:30, 而家差唔多2點, 即係話仲可以有2個半鐘上山, 咁我地確認清楚後就去買飛, 係ticketing旁邊有個MOON播緊山上面個live cam, 同之前titlis一樣係白濛濛一片乜都睇唔到, 而個staff好老實咁同我地講話今日天氣太差, 上到去都唔會睇到野, 叫我地唔好晒錢上去
不過我地黎法國就係為左睇白朗峰, 而且留一日ONLY, 就算唔上山都無野好做, 討論左一陣後決定照上山
同一時間我地發現原來有個叫Holiday Pass係包南針峰+之前上錯個座山, total 6x歐, 如果分開買就要9x歐
我地問可唔可以補錢轉holiday pass, 佢竟然話OK
順利轉左holiday pass後慳左廿幾三十歐
今次無搭錯啦, 係睇Mont Blanc既Chamonix纜車
要上到頂total要搭兩次纜車, 第一架纜車大約上1300米左右, 去到一個叫plan de l'aiguille既地方, 個到大約係23xx米高, 除左轉第二架纜車外, 係plan d'aiguille外面有好多唔同既行山路線, 天氣好時可以行出去, 不過今日天氣超差, 超大風+落緊唔知雨定雪, 無可能行到出去
等第二架纜車時有個指示牌話你知前面睇緊既風景係乜野, 但大家可以睇到, 真係乜都睇唔到, 雪白一片
大家可以想像到, 呢兩程纜車係完全無風景可以睇到, ticketing個staff真係無呃你
個架纜車上昇得好快, 係好撚快, 加埋出面完全白色一片, 其實好恐怖好驚
大約十幾分鐘後終於到左南針峰啦, 而家我地係3777米果個位
其實呢兩程纜車好厲害, 唔駛半個鐘帶你由1035米去到3777米
落車後首先要過一條係室外既橋去對面既main building
一望出去....屌你老母暴風雪
令人絕望既天氣
好天個時是咁的
(網上圖片)
