[遊記][多圖]我在瑞士的14日

感覺D相好重味精

咁都重味精，唔係掛
你用咩睇？連登d縮圖鳩鳩地，你放大睇或者用ipad之類睇下

我d相好輕手架喎

一陣再睇 千六張相

感覺D相好重味精

咁都重味精，唔係掛
你用咩睇？連登d縮圖鳩鳩地，你放大睇或者用ipad之類睇下

我d相好輕手架喎

可能係我部手機嗰moon重味精

感覺D相好重味精

咁都重味精，唔係掛
你用咩睇？連登d縮圖鳩鳩地，你放大睇或者用ipad之類睇下

我d相好輕手架喎

可能係我部手機嗰moon重味精

唔知呢，我覺得自己都唔算重手掛

我前年去zermatt都住3晚玩足4日
巴打行程太趕啦

咁都叫趕呀
我都住左2晚啦, 我諗我住多一晚都係睇唔到

巴打你頭16頁既行程我都連續分左3年去
我都覺得唔夠時間

我都好想再去呀, 都無實際成功行到山

舊年呢個時候差唔多係Zermatt

嘩，好靚啊
我出發前就係來睇呢種

果次係Interlaken湖邊租左木屋，兩層，
隔離果戶養左幾隻牛，掛左牛鈴，
朝早係露台食早餐，睇住個湖，再聽牛鈴聲，真係好正。

2層木屋咁正

你朋友自己去左嗰間山屋係base camp黎,
最容易上Monch同Jungfrau既路都係到出發

btw想問巴打用咩網up圖, 我又想寫遊記

我連base camp都行唔到去, 廢到仆街

up圖我用imag.cx, 以前高登巴打整既, 主打唔會壓圖
不過同nacx一樣好驚佢突然又死

我開左個account試up左幾張, 但貼過黎好似出唔到,
係reply個preview function到load十年都load唔到張相

但你嗰d我又睇到

我試左UPLOAD幾張又無問題喎
你要貼direct link

咁樣? 借個位黎試sorry
有冇人睇到

你貼錯左呀，要貼jpg個條link啊

但係我禁share嗰制 佢剩係得呢條link比我

embed code揀direct link

唔該晒
呢張係Mont Blanc山頂望返過du midi

mont blanc登頂？

日內瓦湖好靚, 又係到影左好耐






穿過頭先個沙灘就會去到城堡既正面, 都幾多人, 同埋有唔少係旅行團


再行遠少少有個碼頭仔可以行出去影相, 係個到可以影到成個城堡, 大家去到時都可以行過去影, 靚好多


不過城堡其實都唔係話好靚, 呢座城堡已經係瑞士比較出名既一座, 都只係普通, 唔似其他歐洲國家個D咁華麗


進入城堡前順便影下附近既風景, 我覺得可觀性高過城堡好多


瑞士真係周圍都係雪山


玩左咁耐都係時候進入城堡




有Swiss Pass既話係唔駛錢免費參觀, 正常好似都要10蚊CHF
今次旅行都算係用到張PASS好盡啦
(後記: 如果要10CHF既話我覺得唔值得入去)

入場時會拎到張地圖, 簡單講解左入面每個景點, 同埋佢幫你PLAN好左一條參觀路線, TOTAL有4, 50個view point, 我地又真係行晒, 用左大約2, 3個鐘
不過老實講, D view point真係無咩特別, 我都廢事悶親大家, 唔詳細解釋了, 有興趣既話可以再問我

頭幾個view point都係手信鋪, 大門之類, 無咩特別, 真正參觀係由第5開始, 首先帶你落城堡地牢


有部份改建左做釀酒博物館, 如果遇岩時候既話好似可以參加wine tour, 不過6月就應該未到時候啦


呢個城堡既觀光設備其實好好, 每個view point都mark晒號碼, 真係有興趣既話可以去借語音導航機去詳細了解返呢到每個景點, 不過我地就算啦, 睇個份簡單介紹已經夠
呢個地牢以前曾經做過監獄, 後來改做左store room


都幾有心, 特登放返D道具係到


再行深入D會有個地方係處決D犯人用


呢個其實有個故事, 話有個傳教士定咩人俾人困左係到十幾廿年咁, 唔太記得了, 真係有興趣想知我再搵下




最入有幅畫係畫返當年既情景, 但我真係唔記得啦, 因為無咩興趣


仲有個石室, 都係唔記得左有咩用了


地牢就大概係咁多, 之後會兜返出地面, 去到城堡既中庭


參觀下飯廳之類, 左邊個壁爐原來真係會用, 有職員掉D柴落去燒




繼續行到左寶物庫咁既野


都係個句, D野我都唔係好識, 睇完就算啦, 完全係到此一遊feel


好似係城堡主人既睡房, 好似咋, 不過張床咁短點夠訓


係湖邊冬天應該凍到仆街, 就係靠呢D壁爐


幾靚既玻璃窗, 又真係好遮到陽光


城堡入面仲有個小教堂, 但乜都無晒了, 得返個空殼


天花板既彩繪都甩色啦, 唔知過多幾十年會唔會甩晒


印象中係飯堂之類既野


反而覺得個窗背光幾靚


影完上面張相後有個鬼佬好似受到啟發咁, 坐左上去叫我幫佢影相, 屌你又幾型


呢到佢話係廁所黎, 我諗有10米深, 跌落去就收皮了


簡介寫話係暖爐, 好似幾先進


之後D野都無咩特別, 行返出去開始登城牆


行到上城牆上面, 其實我覺得似堡壘多D






中途有D盔甲之類參觀, 呢個反而吸引D, 好靚


呢件野叫咩? 鎖鏈衫? 好似好撚重

周圍影下D無聊野


唔知幾多世紀既時鐘, 仲運作緊, 好鍾意睇D齒輪郁


之後開始登上佢最高個座塔


就係前面插旗呢座啦, 又係行個D好窄好長既樓梯, 印象中要行5, 6層左右


佢都幾好既, 每層都有D展覽俾你睇下, 等你無咁悶, 唔係齋行


終於行左上頂了, 個view都唔錯, 但窗口好窄好窄, 想影相都幾難, 伸唔到部機出去


有條幾得意既公路


呢張相中下位置有個凸出黎既地方就係之前提到可以影城堡正面既碼頭啦


由於窗口太窄伸唔到部機出去, 所以避唔過D建築物, 搞搞下有D航拍feel




又開始多雲, 無晒陽光


係塔頂可以睇到Montreux, 呢邊就好似天氣唔錯啦


影完相返落地面, 成個城堡之旅大概就係咁多, 唔算特別吸引, 但swiss pass包左唔駛錢, 同埋又近Montreux, 有時間既話到此一遊都OK, 當然我覺得出面個湖同山景其實吸引好多

最後買左明信片係到寄, 會有特別郵chop, 有興趣既話記得係到寄明信片啦

鎖子甲呀鎖鏈衫

銀河 好想睇
肉眼睇銀河有冇相咁震憾

肉眼睇都睇到, 但Grindelwald唔夠暗, 條銀河無咁"出"
不過我係第一次睇, 現場覺得都好震撼啦

終於回帶到玻璃箱篇

我其實覺得唔驚

一陣再睇 千六張相

後面仲有呀

鎖子甲呀鎖鏈衫

唔識呀

去完城堡後就搭車返Montreux, 因為唔會stay係到, 所以順便兜個圈行埋先走
Montreux都算係D有錢人渡假區, 加上係日內瓦湖旁邊, 住宿真係好貴
景點黎講就唔係好多同埋唔特別吸引, 周圍行下到此一遊就算啦

離開左瑞士山區, Montreux呢到"城市"好多
去完山區真係返唔到轉頭, 好鍾意山區小鎮個種環境, Montreux呢D城市無咩興趣


行落湖邊睇下, 好似有D音樂節準備緊, 好多小食攤位


不知名既藝術品


其實係湖邊散步都幾舒服, 個環境幾靚, 唔趕時間既話真係可以HEA一個下午


係Montreux呢到既人大多數都好HEA, 湖邊散步, 坐低吹下水咁






好鍾意呢個遊樂場, 個條木製滑梯
仲有用枯葉鋪地, 好靚呀


個日內瓦湖超大, 成個海咁, 印象中瑞士佔40%, 法國佔60%


鬼佬就係鍾意戶外活動, 天氣好時走晒出黎HEA, 呢班人唔駛返工返學架咩


有個好似浮台咁既野係到, 幾特別, 唔知係咪可以落去遊水


咁靚既湖景, 隨時可以坐係到HEA足一日


係浮台隔離就係Freddie Mercury雕像, 應該算係Montreux最出名既景點


我諗應該係因為Queen個Studio係Montreux既關係, 所以特登係到整個雕像紀念佢
一望到個雕像, 腦中就響起I was born to love you

行完湖邊, 最後兜左入去類似住宅區咁既地方兜個大圈返火車站
呢條河係流入日內瓦湖, 唔知係邊到黎啦, 但D水超清, 係完全透明見底
瑞士係水質管理方面真係好用心


雖然唔算係接近湖邊, 但似乎呢到都係D貴價地段黎


典型歐洲城市FEEL, 無咩特別, 唯一係條街真係幾乾淨


街道真係整齊又乾淨, 我諗歐洲唔係好多城市做到


不過Montreux其實係山丘黎, 所以由湖邊行上火車站係不斷上斜


穿過呢到就會去返火車站啦, Montreux幾HEA幾舒服既, 但旅遊黎講就無咩特別景點, 我覺得唔stay都可以, 尤其係呢到既酒店真係比較貴


返火車站拎返行李後就搭火車去今晚要住既地方Lausanne啦
Lausanne距離Montreux唔遠, 大約半小時車程左右, 其實Lausanne住既地方都唔太平, 但總算搵到間又平又唔錯既, 所以放棄Montreux直接Stay Lausanne


好快就到左Lausanne, 第一個感想係有D似去左貧民窟咁
一行出火車站時周圍D建築好似好殘舊, 又好似去左後巷咁
anyway去左搵今日要住個間bnb先, 今次book左間bnb係真係同個host一齊住既, 離火車站大約10分鐘路程左右, 不過都唔太易搵, 好彩係樓下遇到host個仔, 佢見我地係條街好迷茫咁, 就問我地係咪搵緊bnb, 原來我地已經到左但唔知

個host屋企都好大, 但我諗座建築物好耐歷史, 每行一步地板都發出吱吱聲
房間就唔錯, 都好大同乾淨, 仲有個露台仔添


不過好窄, 好過無啦


有個common area, 好多旅遊資料, 仲有咖啡同茶任飲


有雪櫃, 微波爐, 同埋MAC機用, 意外地仲有PRINTER, 任PRINT


個HOST簡單交代下要注意既事後就吹左陣水, 我地順便問佢係邊食晚餐好, 佢推薦我地行落湖邊會多D選擇, 咁就立即出發啦

由於只係去食飯, 所以懶得再帶背囊同大機出街, 只係拎左部a7ii同支手動鏡就行
不過又幾方便, 轉去超焦距就可以鳩影
Lausanne同Montreux一樣其實係山黎, 呢到火車站係半山上面, 要去湖邊就要不斷落斜


去到湖邊見到超多人, 原來今晚有歐霸盃睇, 係瑞士對唔知邊隊, 所以D人走晒出黎支持自己國家


真係好熱鬧, 不過我對足球無興趣就算啦


沿湖邊一直行睇下有咩野食, 發現左Movenpick大廈
雖然Movenpick係瑞士野, 但黎到瑞士一次都無食過, 因為香港都有得食啦


食垃圾既鯊魚, 覺得幾得意


行到出去碼頭時開始日落啦


不過多雲, 無得睇咸蛋黃, 如果睇到太陽沉落日內瓦湖應該幾正


順便偷影左個幾型既阿叔睇日落


睇完日落真係要搵野食啦, 全日就只係食左一個包咋
碼頭呢邊幾間餐廳都唔岩心水, 決定行去湖既另一邊, 個到多好多選擇, 最後揀左一間bar+餐廳咁既地方食飯
因為我同朋友都睇中左佢個burger
佢只係賣兩種burger, 就係有芝士同無芝士啦
我要左Cheese Burger, 配埋薯條23CHF, 返到黎瑞士D物價又立即貴返啦


等左一陣終於有得食, 個Burger好大個, 而且係好撚好食, 可能係我食過最好食既Burger top 3
個塊牛煎得岩岩好, 同埋佢個醬好撚正, 揀Burger真係無揀錯


既然係BAR食Burger都係配返啤酒, 一流
成餐飯好滿足, 23CHF值得俾, 好食過乜野BurgerRoom同BLT Burger好多


食完飯後就行返上去BNB順便當散步, 其實呢到有local Metro可以搭, Swiss Pass包左, 不過如果你住係Lausanne的話其實可以問酒店/民宿拎Lausanne Transport Card, 係免費派比遊客既, 可以任搭Lausanne既Local Transport, 記住拎啦


返到BNB已經十點幾, 但個天仲未黑齊


後來肚餓去左用佢微波爐叮係超市買既通粉食, 食食下個HOST走出黎叫我地細聲D, 話已經夜深
其實我地已經盡量好細聲, 但每行一步D地板都吱吱聲, 你估我想架咩
呢間BNB其實真係唔錯, 近火車站, 平, 同埋包早餐, 個早餐好撚正
不過因為同個HOST一齊住就無咁FREE, 你太夜返或者太大聲都唔太好, 呢點要注意返


食完野好似做賊咁細細聲執埋D野, 沖個涼就訓啦, 廢事又俾個HOST話
Day 11完

期待bern嗰段

Day 12

終於黎到Day 12, 成個trip就快完啦
因為Day 14其實得半日, 所以真正玩既得返2日左右
前一晚睇天氣預告都話會落雨, 起身後行出露台睇下, 果然落緊好大雨
點都好食左早餐先, 呢間BNB係包左早餐, 其實幾抵, 因為出街買個包都要3CHF
出到去時見到個HOST已經準備左好豐富既早餐啦


D麵包幾好食, 仲準備左幾種唔同醬比你搽
結果我覺得最好食都係搽牛油


呢盤野個HOST話係瑞士既海陸空, 中間係煙三文魚, 旁邊有風乾火腿, 至於"空"我唔記得左係乜
個三文魚同火腿都好好食, 好快就清晒


呢個係瑞士既傳統食物燕麥粥, 通常都係做早餐
同一般食開既麥皮唔同, 最大分別係瑞士呢個係加左Yogurt入去
當初發明呢種食物既原因好似係幫病人補充營養, 後來就變左傳統食物
但我真係想講下呢兜野超級好食, 係勁好食, 食左幾碗


除此之外仲有凍朱古力飲, 係屋企整凍朱仲有加層CREAM, 好有心機
唔飲朱古力的話都可以問佢要咖啡/茶, 成個早餐非常高質


本身今日打算去參觀葡萄園, 但天氣唔好又落雨, 與其夾硬去不如改行程搏下聽日好天再去仲好
咁我地問下個HOST落雨有咩好做啦, 佢推介左幾個唔錯既景點, 例如chocolate factory, Olympic museum等等
本身我地都知Lausanne呢到有Olympic museum, 不過無打算去, 但而家落雨再加上個HOST極力推介就決定去睇下啦, Olympic museum好近, 由HOST到行到過去, 其實就係尋晚食飯再行遠少少就到啦


呢個景點好多旅行團都會去, 所以都幾多人, 可能再加上今日落雨, 有D人同我地一樣改去室內行程
首先會經過一個公園先, 佈置都幾特別, 有好多關於Olympic既歷史簡介




可能張相太細睇唔到, 其實樓梯刻左每年舉辦奧運既城市同年份


兩旁有好多唔同種類動運既雕像, 不過就唔係雕得好好


加埋D雨水好撚正


唔計個博物館, 呢個公園散步都唔錯架, 綠油油一片


博物館門口好多人係到, 原來今日有D conference之類既野舉行緊, 但好彩既係仲可以入去參觀, 無白行


門口擺左呢個野係世界跳高紀錄, 唔知2米幾, 有自信既巴絲可以去挑戰下, 身為連登仔一跳就破左佢啦


左右兩碌柱刻左冬季同夏季奧運舉辦城市同年份, 不過我只係影左張冬季
發覺上面有好多城市其實都好想去, 原來第一屆係Chamonix舉行, 岩岩去完都唔知


奧運聖火, 唔知咩原理, 落緊雨都唔會熄

入到去博物館是咁的, 佢design得幾好, 由左邊開始向上行, 最後會行晒全部展覽館兜返出黎大堂, 唔會miss野
Olympic museum係要買飛既, 仲幾貴添好似要十幾二十CHF, 不過萬能既Swiss Pass係包左入場費, 所以可以免費參觀, 我地真係用到個pass好盡


呢隻我都唔知叫乜野, 由好多種動物雜交而成, 唔知想點, 藝術既野...


有幅磚牆, 個IDEA就好似POLY既紅磚牆咁, 你捐錢就可以刻一塊自己既磚, 連香港賽馬會都有
話就話奧運體育精神, 講到尾都係錢啦


上到去首先可以睇一個好似AOC咁既VIDEO講奧運歷史, 製作幾認真架


有當年希臘既模型, 講解下奧運既由來等等


1914年既奧運五環旗, 好有小學生勞作feel
有傳說話奧運5環第一次出現係1914?


有D希臘神話既人物雕像同介紹, 中間最高就係宙斯


奧運火炬, 最左既係最舊既火炬, 左至右開始排


大家可以見到D火炬一年比一年柒同埋唔撚知想點


呢到都展出左好多舊時同奧運相關既相片同物品, 有D都7, 80年歷史


翻新過既希臘出土文物, 成千年歷史架啦


第一屆奧運委員會既相


講述奧運重要事件既牆, 右手邊個鬍鬚佬就係發起現代奧運會既Pierre de Coubertin, 算係奧運之父啦


中間仲有D重要人物, 不過我唔識佢地


仲有D我唔太知同奧運有咩關係既展品, 是但啦


歷屆奧運既宣傳海報, 你會深深感受到藝術既野你識條春咩, 有好多完全唔知同奧運有咩關係, 實在太深奧


唔識欣賞, 有張白紙咁既係1984年LA奧運, 睇唔明寫左D乜野


仲有D奧運既MEDIA野


呢條裙超靚, 最初以為係D prototype個類野


睇真D...原來2006年冬季奧運真係有使用過

仲有展出歷屆奧運吉祥物. 有好多都好得意好正


都唔好話我針對, 最柒一定係福娃, 好撚樣衰, 到底點先會design到d咁柒既野


有冬季奧運D服裝, 唔知點解要整到咁既樣, 好聽D就係"cyber feel", 屌你而家玩space channel 5咩, 如果你玩過一定知我講咩, 老老實實d design真係好有叮噹入面未來人衣著個style, 如果未來世界係興咁既樣, 我估我會唔想出街




實際有使用過既雪撬, 老過我同你


基本上博物館都係展出各屆奧運曾經用過既野


有部份係有簽名, 係D選手捐出黎展覽


其實有D似去左賣動運野既鋪頭


奧運精彩一刻既相, 捕捉得好靚, 唔知幾時我先會影到呢D相


青少年奧運會吉祥物, 好撚正, 好想篤佢隻眼


落樓梯去最後一個展館, 牆上面畫左角度限定既SPIRIT, 就係不斷講緊既奧運精神啦, 但今時今日都係講錢同經濟效益啦




黎到最後一個展館, 係比較有互動性, 好多唔同既GAME可以玩, 考下你反應等等
其實都幾有趣, 因為唔駛得個睇字, 可以落手落腳參與下


考你反應, 邊個制著燈就拍落去, 即係打地鼠GAME, 但壞制既, 仲衰過香港機鋪


其實中間仲有D相, 不過唔貼啦, 都係D大同小異既野
去到最後有Sydney既頒獎台比你扮野企上去, 基本上大家都只會企金牌個位, 無人企銀牌銅牌


基本上全個博物館行程就到此為止, 離開時見到館外面有呢個肌肉藝術品. 就咁睇好似無咩特別...


屌你老母, 點知D肌肉原來會自動分開, 完全唔知有咩意思
分開左後隔左一陣又會自己合返埋, 真係唔撚知想點

參觀完博物館後見天氣都無好轉, 放棄左去葡萄園, 決定改去其他地方, 朋友A提議不如去瑞士既首都Bern, check過火車後見只係搭1個鐘火車就可以去到, 仲要唔駛轉車, 好似都唔錯, 就決定臨時改去Bern啦
不過去之前要食LUNCH先, 係超市買左D微波爐食物返去BNB到叮, 順便係附近行下街, 去左一間專賣鐘既鋪頭, 買返頭幾日係萊茵瀑布見到果個貓頭鷹鐘, 貴左5, 6蚊, 要4X CHF但都無計啦, 好想要
而朋友A好大手筆, 買左個唂咕鐘, 好似百幾CHF


順便係超市補給一下, 返到BNB到叮野食再出發, 搭車去Bern
有Swiss Pass就是任性, 鍾意去邊就去邊, 夠晒方便


大約一小時後順利到左Bern, 由於係臨時行程, 我地幾個對Bern都無咩認識, 唯有係搭火車時google下睇人地D遊記, anyway出左火車站再算


去到Bern都係落雨, 無辦法啦, 不過對於參觀城市黎講都OK
出左火車站, 我第一個感覺係好似布拉格


如果你兩個地方都有去過既話可能就會明我講乜, 其實都係典型歐洲城市feel


我都唔知點講, 我一路都覺得有D似去左布拉格, D野同建築物真係差唔多


不過都幾靚, 一定好睇過Zurich先, 幾鍾意呢種style


基本上都係睇住個google map行, 我地係搭火車時做左d research, 係城市外圍有個叫玫瑰花園既山丘可以由高處睇返成個Bern, 睇過google map後見都唔係行太遠, 就決定以玫瑰花園為目的地前進, 中途再睇下有無咩特別景點

馬路兩旁都係鋪頭, 不過就唔係咩名店, 普通行街都OK


Bern呢到出名多噴泉, 呢個叫吹笛者噴泉, 好似係話象徵音樂能帶比人歡樂之類


去到Bern記得留意下呢D噴泉, 每個都有唔同既意思架


呢到既街道好整齊, 係咪有D似布拉格呢

呢座野叫Bundeshaus 聯邦宮, 瑞士舉行聯邦會議既地方, 超過100年歷史
唔知有無得入去參觀, 我都係行過先知有座咁既野
(後記: 有巴打話可以報tour入去, 大約一小時左右)


呢到D路好闊幾好行, 不過要注意其實係一路落緊斜, 回程時就仆街了


黎到Bern一個出名既景點時鐘塔Zytglogge, 以前其實係城牆既一部份, 不過而家拆左城牆就得返佢自己一座塔係到, 呢座塔亦都曾經做過監獄, 超過800年歷史了


第一眼望到佢就諗起天文鐘
當然天文鐘靚過佢好多啦, 但Bern既時鐘塔都唔錯, 值得睇下


另外佢好似每一個鐘就會有報時表演睇, 我見好多旅行團趕去睇報時表演, 團住晒成座塔, 太多人同埋我地無咩興趣就走左啦, 係youtube搵到條報時片俾大家, 有興趣既話就睇下啦
https://www.youtube.com/watch?v=0GwAoKcg4vs

根據google map, 沿住呢條大街一直行就可以出到去城區出面


不過睇睇下個MAP見到隔兩條街有個景點, 既然黎到就去望下啦, 原來係Bern大教堂, 係Bern最重要既景點之一, 差D就miss左啦


不過教堂無開放無得入去, 唯有係外面睇下
見到佢正門有好靚既裝飾, 後來先知叫最後的審判, 好似有超過2百個雕像, 大家得閒無野做可以數下係咪真


雖然你見到好多人企晒係路中心影相, 但其實係馬路黎架, 真係有車同巴士行緊, 最好行返入去兩邊行人路


其實Bern呢個城市都幾有文藝氣息, 幾好行


太多噴泉, 我都唔知邊個打邊個了


終於行出城區, 會經過一條河, 好有CK既感覺


普普通通啦, 我覺得唔關天氣事, 就算天氣好都應該差唔多
話說我每次去到呢種style既城市都一定係唔好天, CK係咁, Interlaken係咁, 布拉格係咁, Bern都係咁




見對面條橋好似幾靚, 決定回程時兜過去再睇下, 而家要上左去玫瑰花園先

如果有去過既話就應該會知, 玫瑰花園係山上面, 上去個條路好斜, 好撚斜
佢真係好斜, 係我覺得唔小心仆街就會碌到落底個種, 真係行到我仆街先上到去
但雨就愈落愈大, 上到玫瑰花園其實都無咩好睇, 叫做達成左個目標啦

左手邊最高個座塔就係之前去過既Bern大教堂啦, 真係好高好突出, 係Bern既地標黎
而大家都可以睇到我地係行左好遠


當然仲有瑞士地標 - 天秤啦


不過由於太大雨, 無乜心機去搵角度影相, 求其兩張算, 好佩服朋友A係咁大雨既情況下可以照換鏡影相
我就算啦, 求其snap幾張收工, 不過好天既話應該會好靚, 大家去Bern時都應該要上去玫瑰花園睇下, 真係值得一去


因為實在太大雨, 不而久留, 係玫瑰花園留左唔夠10分鐘就閃人啦, 落返去時特登行第二條橋, 最後發覺其實無特別


之後都無咩影相, 因為好撚大雨, 直接返火車站搭車返去Lausanne, 大概係Bern留左3個鐘左右
不過感覺都唔錯, 都算係值得一去既城市, 大家去瑞士時可以考慮編入行程

返左去Lausanne後又要搵地方開餐, 本身想搵下有無芝士火鍋, 因為黎到瑞士明知伏都想試一次, 同埋已經係個TRIP既尾聲, 再唔食就無, 但行左好多間都唔岩心水, 最後又去返尋日食Burger個間餐廳算
呢到其實除左Burger外係主打Pizza, 全部Pizza都用D出名既人同事物去做名, 有獌有猁, 有奧巴馬等等


我唔記得自己叫左邊種啦, 不過幾好食
蛋同火腿好正, 又唔乾, OVERALL幾高質
不過都係尋晚既Burger正D


另外叫左呢支野飲, 類似莓味既啤酒啦, 倒出黎紅色, 但好好飲喎
後黎返到香港見MarketPlace都有得賣, 29蚊支


食完就返上去BNB啦, 由於落雨關係唔想行, 去左搭Merto, 都幾方便, 最重要唔駛錢
返到去執埋d野再check下天氣, 明天大致天晴有陽光, 係就好啦可以去葡萄園
結束Day 12
成個Trip剩返一日半咋