[遊記][多圖]我在瑞士的14日

等火車走人, 呢個鐘數落山既人唔多


到最後Matterhorn都係唔肯出黎見我地, 無計啦認命


落返Zermatt, 首先去左check in先
Zermatt既住宿同Grindelwald一樣好撚貴同難搵, 最後我地搵左間類似airbnb既野, 係租成個單位既, 叫Theodul's Apartments, 呢間都唔錯, 距離火車站步行唔駛十分鐘, 價錢都合理, 一晚大概50CHF一個人, 係Zermat大街t黎講算幾平

host既指示好清楚, 唔會難搵, 首先要係1樓既office check in左先, check in時順便俾埋錢, 得到左2張鎖匙卡同大門密碼, check out方法就好簡單, 因為佢係自動鎖, 走個時將鎖匙卡放係房既枱面就OK, 岩晒我地,. 因為第二朝要超早起身搭火車


呢到就係大門, 要用密碼先入得, 所以一定唔可以唔見個密碼, 最好當然係用電話記低先


入到屋基本上同佢個網既相一樣, 無欺騙成份, 幾大同埋幾乾淨, 唔錯


好齊全既廚房
微波爐同焗爐都有, 可以自己煮野食慳返筆
同埋佢提供埋油&調味料, 呢點都幾重要


幾乾淨既廁所, 最緊要係24小時都有熱水


睡房係一張大雙人床, 而客廳可以開多張單人摺床, 所以TOTAL訓到三個人岩岩好


仲有個露台, 有得洗衫同涼衫, 但我地只住一晚所以就洗唔到衫了


呢個價錢黎講我地都幾滿意啦, 都推介俾想stay係zermatt既巴絲, 呢到叫Theodul's Apartments

努力D貼埋成個DAY 9先

係apartment放好行李後就出去超市買野煮晚餐, 順便幫張sim卡增值
過程都好簡單, 去便利店/超市(coop之類)同佢講想幫salt既prepaid sim增值就OK, 佢會俾條CODE你, 跟指示上網入返就搞掂

可能去到第9日大家都開始攰, 加上又睇唔到Matterhorn, 朋友無咩心機話想休息下先, 我地決定分開行同HEA
咁我就去左Zermatt到周圍行

呢到就係Zermatt火車站對出


一出去就會見到coop, 無可能miss
前面就係zermatt既main street, 我地間apartment都係個邊


Zermatt係唔俾私家車入, 所以無得自駕泊入黎
取而代之就係有呢種特別既的士
不過Zermatt其實唔大, 大部份都係步行距離, 唔需要用到的士啦


呢到D車好正好特別


係Zermatt鳩行, 發現民居中有網球場, 有D唔MATCH


呢到好多遊客, 周圍都係人


雖然話係鳩行, 其實我都有目標, 就係行出河邊


目的地就係前面呢條橋, 有去過Zermatt既人一定會知

呢到橋係超級多人, 因為可以係橋上面望到Matterhorn, 好多人都會特登上去睇
係橋上面望出去就係咁, 中間隱隱約約個座雪山就係Matterhorn, 天氣好個時係可以睇晒成個山峰


佢旁邊山坡仲種左好多花, 本身可以影到花海+Matterhorn, 而家當然影唔到啦


但既然黎左Zermatt, 睇唔到Matterhorn真係好唔甘心
我係橋到同D旅行團一齊等左好耐好耐, 希望有奇蹟出現, 等等下仲落雨
不過好似有少少希望, 見到個輪廓


當時係橋上面至少有3個旅行團等睇Matterhorn
現場完全可以感受到大家既怨念, 成班人係到求個Matterhorn出黎
結果.....好似真係有D料到


真係深深感受到瑞士既天氣擺明玩鳩你, 俾少少希望你之後立即收你皮, 你諗住佢會繼續吹散D雲啦, 點知唔駛3分鐘後佢又俾雲重新包圍過


到最後變成咁既樣, 全場立即屌晒
加上其實落緊雨, 大家都放棄, 一瞬間D人就散晒


有D野都係整定, 睇唔到就睇唔到, 唯有以後再黎過啦
放棄Matterhorn後係周圍再影下相就返去了


瑞士山區空氣真係超好, 尤其Zermatt係唔俾車入, 空氣特別清新, 去完好似洗肺咁, 好多人係到跑步做運動


但比較之下, 我都係鍾意Grindelwald多D
Grindelwald既環境真係無得輸

Zermatt係一個旅遊小鎮, 感覺"好迫"


不過都算幾靚既, 始終係山區






去完Grindelwald真係返唔到轉頭, 好難搵D靚過佢既野, Zermatt坦白講都算係咁架啦

火車站附近發現紅牛, 呢隻靚過山上面個隻好多啦, 至少無甩色


差唔多夠鐘返去煮飯食, 去到main street真係好多人


見到有檔賣雪糕, 當然要試


香蕉味, 不過不失, 淡左少少咁


食完後行左陣手信鋪, 買左隻紅牛公仔同埋幾隻貓頭鷹, 之後返去煮晚餐
今日晚餐就勁啦...就係呢兩樣野, 意粉+湯包


超市自家品牌意粉1.9x CHF, 3包湯包3.x CHF
乜都放晒入煲就完成, 終極懶人晚餐


完成左呢個每人唔駛3CHF既晚餐, 雖然dry左d, 但味道都唔錯, 同埋意粉煮得太多, 食唔晒


超市自家牌意粉真係超抵, 又平又大包, 我地食唔晒留左半包俾下一手入住既人
之後執埋D野都要訓, 因為第二日要5點起身搭火車
Day9就係睇唔到Matterhorn既遺憾下完結

琉森條橋真係好靚

你朋友自己去左嗰間山屋係base camp黎,
最容易上Monch同Jungfrau既路都係到出發

btw想問巴打用咩網up圖, 我又想寫遊記

我連base camp都行唔到去, 廢到仆街

up圖我用imag.cx, 以前高登巴打整既, 主打唔會壓圖
不過同nacx一樣好驚佢突然又死

我開左個account試up左幾張, 但貼過黎好似出唔到,
係reply個preview function到load十年都load唔到張相

但你嗰d我又睇到

我前年去zermatt都住3晚玩足4日
巴打行程太趕啦

追到呢到 已經令我想去了

去啦, 瑞士真係好靚
我覺得大自然呢D要趁早去睇, 隨時會無左/俾人破壞

記得同當地瑞士人合照呀

我唯一合照好似係同個HOST咋

追到呢度lm先，成日要搵返睇到邊

我有時都唔知自己貼到邊
多謝支持

哩個高汁呀，果陣晚晚追

今次補返死圖同埋執返D錯字, 多謝你花時間睇多次

千幾張圖
淨係圖片模式都睇左我幾個字

後面仲有好多相呀

其實樓主你離開Grindelwald果日話好多人等火車.....果班車起碼有大半都係員工

所以邊個係你

其實樓主你離開Grindelwald果日話好多人等火車.....果班車起碼有大半都係員工

所以邊個係你

唔話你知

正評

去瑞士睇山景真係好講彩數，山上面天氣變化太大，上次去Zermatt又凍又落雨，山腳望上去係咁


連Glacier Paradise都停埋，諗住實無行
點知上到去


好似中頭獎咁開心

點解個個都睇到matterhorn架

夏天嘅Matterhorn成座火山咁

我唔知死係Zermatt玩咗人生第一次越野單車
差D無命翻嚟

Day10

今日超早起身, 因為我地要去法國
一大早就離開Zermatt, 搭0613既火車去Visp


去到Visp後要再轉另一班車去Martigny


到左Martigny, 開始進入瑞士既法語區, 所有野都變左做法文, 不過對我地黎講無影響, 因為由始至於都係唔明


呢個就係今日既重點, 係Martigny到搭Chamonix Express去法國既既Chamonix


當日正值法國火車大罷工, 其實都好擔心會去唔到
去左火車站問d staff呢段路有無事, 佢地話瑞士個段無問題, 而法國個段暫時都無cancel到, 不過可能會delay
聽完都放心D, 襯轉車時既空檔去左買早餐食

Martigny站都幾多人, 算係一個大型轉車站


當日落雨都有D擔心, 唔知會唔會好似前兩日Matterhorn咁


去左隔離街既麵包鋪買早餐, 到左第十日已經對瑞士既物價無咩感覺, 一個包要2.X CHF都可以接受啦


要左個格仔餅咁既野, 好甜, 好撚甜, 食完飲左半支水


夠鐘上車


呢架車叫Chamnoix Mont-Blanc Express, 顧名思義就係去白朗峰Mont-Blanc既列車, 係由瑞士同法國一齊營運, 全程車由Martigny去到Chamnoix都係Swiss Pass全包, 當初我地睇下Swiss Pass包D咩時發現左呢條鐵路, 覺得都幾有趣, 又可以順便去埋法國, 所以plan左入行程
其實佢唔會直接帶你去到Chamnoix Mont-Blanc, 去到瑞士同法國既邊境後會轉另一架火車


上車時順便影下駕駛室
呢架列車好短, 得2卡車...但超多人搭, 建議大家最好提早排隊上車, 尤其你仲要擺行李


因為唔好天, 沿途風景都麻麻地, 無咩點影相
佢因為都算係觀景列車, 一路上都會有廣播講解下沿途既景點, 但佢係講法>英>日, 講完法文後到英文時個景點已經過撚左


唔知係咪關法國罷工事, 最後呢班車都真係delay左, 之前講過去到邊境要再轉另一架火車, 但由於delay左應該趕唔切, 再下一班要等一個鐘, 點知到左邊境時另一班車因為知道我地會delay. 特登等埋我地先開車, 好撚感動, 唔駛係荒蕪既邊境月台等一粒鐘

就係咁, 我地終於順利到左法國既Chamnoix啦


由瑞士到法國, 第一個感覺係法國D野好舊好殘, 月台竟然仲用緊CRT MON


法國既火車, 都幾乾淨


anyway總算到左法國啦

水災災民笑死我

好似喎, 根本就係舊石上面等救援咁

唉屌, 重POST一次都仲係串錯左Chamonix, 自膠

法國雖然係加插既行程, 但其實成個TRIP印象好深就係呢一日, 係各種意義上
到左Chamonix後第一件事係去酒店放低行李先, BOOK左間酒店exactly係火車站隔離
呢個就係Chamonix火車站, 好殘舊咁


由於到左法國, 我地無SIM卡再上網, 無得google map
我特登印左酒店地圖出黎, 明明就係火車站對面, 但唔知點解搵唔到, 最後行左成條街都唔見


結果係間野真係係火車站對面, 但個門口太唔似酒店, 所以MISS左
時間太早所以未有得拎房, 但都可以寄放行李先, 我地今日係法國只有一個行程, 就係搭纜車上去南針峰Aiguille du Midi睇Mont-Blanc

因為無得上網, 我地唔知纜車站係邊, 但Chamonix呢到最出名就係上Aiguille du Midi, 所以我地係酒店問個staff, 上山既纜車係邊到搭, 佢話我地知係火車站後面過橋後就見到, 好近, 10分鐘內到, 咁我地就跟佢指示行啦

首先係火車站旁邊上行人天橋


之後就到左一個幾殘舊既纜車站


一路上天氣都唔好, 有落毛毛雨, 但我地只會留係法國一日, 所以點都要上山
不過去到個纜車站時我都覺得有D奇怪, 感覺上好似同我之前做功課睇人遊記時個纜車站唔同樣
但無得上網所以CHECK唔到, 不過呢到都好多遊客係到, 而且真係有登山火車, 應該岩掛
佢旁邊仲有塊指示牌講Chamonix呢到既鐵路, 見到有寫上南針峰既路線


之後掛隊買飛, 無記錯係35歐, 得到左一本指南同埋一張飛
個職員問我地要殘體定英文, 當然係要英文啦
本指南有講下上到去有D咩設施, 有咩玩咁, 都有講下白朗峰D地理同歷史


因為未夠鐘開車既關係, 係附近行下先, 見到有呢架好似銀河鐵路999咁既火車頭, 佢上面唔係噴緊煙, 而係霧黎
未登山係地面已經咁大霧, 其實我地都打定輸數, 上到去應該乜柒都睇唔到架啦


好彩我地醒, 係開車前十五分鐘已經去排隊, 原來係超多人搭呢架火車, 黎遲D都唔知上唔上到車添呀


由於我地排頭位, 所以上車後可以任揀坐位, 不過揀黎都晒氣, 因為全程都好大霧, 乜鳩都睇唔到


全程火車大約20分鐘左右, 真係乜都睇唔到, 所以無影過相
上到山後覺得好奇怪, 因為印象中上南針峰係要搭纜車, 我地以為首先搭火車上到去後再轉纜車, 點知落車後又好似唔見有, 周圍望下再睇真D, 屌你老母我地上撚錯左第二座山呀


本身想上Aiguille du Midi, 點撚知上左座叫Mer de Glace既山, 真係上到黎先知, 因為佢張ticket都有印Mont-Blanc幾隻字, 本指南又真係有介紹Aiguille du Midi, 原來個本指南係一書兩份, 前半係Aiguille du Midi, 後半係Mer de Glace, 屌柒到仆街呀

睇到好懷念
果陣我去7日，短短7日經歷左晴天，狂風同暴風雪既雪山

琉森條橋真係好靚

條橋好靚, 不過諗真D唔計條橋其實都無咩好睇, 而且Luzern住宿好貴